牛角日本燒肉專門店 (V City)

營業中

休息中

其實反工已經食過好多好多次🥺🥺 每次都係外賣自取🙆🏻‍♀️ 因爲抵食好多👍🏻👍🏻 我係一個食肉獸，但要我自己燒又有時太懶😂😂今日接男朋友收工，佢話想試下我講既牛角飯究竟幾好食 咁佢就帶咗一個牛角燒牛肉飯 加溫泉玉子 咁我就試吓佢一個豬肉飯 都一樣加溫泉玉子🥰講返嘢食 男朋友覺得個牛肉飯係好好食 我都覺得豬肉飯一樣唔錯 同埋我覺得一定一定要加溫泉蛋！蛋汁加落啲飯到好食好多㗎嘢食就真係唔錯嘅 但係員工甩漏程度好高 其實喺公司叫外賣嘅時候 已經兩次叫咗溫泉蛋二員工唔記得放入去 雖然最後佢哋都會送返過嚟今次去攞外賣 我行到出門口好彩望一望 叫咗兩個飯原來佢哋淨係俾咗一個 雖然其實都係小問題 但係我都已經經常食啦 好似每一次都要check足晒咁好麻煩 🤦🏻‍♀️🤦🏻‍♀️ 如果員工可以着緊啲就好啦

因為疫情嘅關係，晚餐唯有食外賣，喺OpenRice個app裏面咁啱見到有牛角，就決定叫一個嚟試吓。其實選擇就唔算好多，好耐冇食過豬頸肉，就決定叫一個「生薑豬頸肉飯」。一打開飯盒，首先外觀上就唔太吸引，諗住食落口會好啲啦，點知肉質就有啲太乾，而且個sauce就唔夠多，落晒啲醬汁都唔夠食成個飯。雖然價錢唔算好貴，但係CP值就唔夠高啦！如果要食牛角，我都係覺得直接喺堂食食烤肉會比較好啲；外賣晚飯嘅款式實在選擇有限，所以除非增加款式，咁或者可以再次嘗試。

因為疫情，周圍晚市都無得食堂食，所以我就用openrice係牛角叫左個外賣，用openrice又係會平啲。咁我叫左個溫泉玉子牛肉飯，等左30分鐘先有得拎，去到拎既時候都見到佢好多外賣，生意幾好。番到黎一開盒，見到啲牛有啲乾，但好彩啲牛唔係太肥，最怕係得肥無肉。之後我撈左隻蛋落啲飯啦，發現牛汗太少，所以個飯有啲乾。啲牛都無乜味🤦🏻‍♂️成個飯真係有啲失望。雖然個飯係平既，但係乾到唔太好食。下次未必會再叫🤦🏻‍♂️

第三波疫情爆發後，甚少出街堂食，多數都係自己煮。記得年初第一波疫情開始爆發，政府都未對食肆採取任何防疫措施，但聚福樓旗下集團既餐廳已經率先喺枱與枱之間放置易拉架減低感染風險，仲自行推出左好多其他防疫措施，又快速採購左大量口罩俾員工工作時可以配戴。到左而家第三波疫情爆發，佢地有安排某d員工只負責執枱(收走用過的餐具)，避免接觸完上手食客嘅餐具再接觸新餐具，非常欣賞佢地嘅衛生意識👍🏻成個月無堂食，今日破例一次揀間食得最安心嘅餐廳食個lunch。用餐時眼見每次有客人埋完單起身後，有執枱專員負責收走餐具，然後有另一位員工去噴下枱面，先再放新餐具，不過我自己都會再用消毒濕紙巾抹多次😆•🥢 牛肋肉四品燒肉盛合 $169呢個係星期六日嘅午市套餐，有4款牛，沙律菜、昆布湯、配菜、牛角飯、飲品各一。應有盡有好豐富😌 加十幾蚊可以追加甜品，不過我已經好飽所以無試到了😛 比起晚市，午市都真係算好抵食！我地叫左兩個一樣既set，因為主要想食牛，不過配菜揀左一份帶子一份魚柳。呢個餐包既4款牛有牛肋肉、網燒一口牛、上級牛肋肉同美國SRF和牛牛肋肉。呢4款既牛味都好濃，質素好好，最好食既係上級牛肋肉同和牛牛肋肉，肉

點左159果e set 4品牛肋肉，份量好少，但味道都唔錯，雖然都係雪藏肉，但就冇咩羯味，抵讚係牛角飯可以任添，上面有好多紫菜，加上醬油同蔥花，淨食都覺得回本，一共叫多左2個牛角飯，任添唔洗錢好抵食，彌補返肉份量好少，食飯都食到飽，不過牛角真心貴，連加一服務費都179，小市民難負擔。

Lunch B $139胸腹肉叫左對得住呢個價錢，唔對牛有太高要求既話可以一食。自助吧既南瓜幾好食，牛角飯都唔錯；甜品方面幾鐘意銅鑼燒，窩夫同白朱古力雪糕👍🏻 終於明白點解去日本要食牛角，因為日本牛角好食過香港既好多。環境尚可，算闊落亦唔大油煙。 .

每次食牛角，我都會感歎一次牛角真係非常好食！😋今次同朋友相約食牛角，呢一次都唔會讓我失望😊雪花牛肉非常新鮮！夠雪花油脂好豐富！😘牛角嘅飯都非常好味，正正正！！😉真係一餐非常難忘嘅燒肉午餐😍

一行4人去牛角食日式烤肉, 點選了一個套餐包括沙律, 海鮮拼盤, 牛肉拼盤, 蔬菜拼盤同埋蒜油叉燒拉麪, 再加另外自選豬頸肉雞脾肉. 當中牛肉拼盤有牛頸脊, 牛助肉同A5和牛, 加上主理人烤功幫助, 食落感受到肉質鮮味同剛好的脂肪比例, 非常嫩滑可口. 豬頸肉同雞脾肉都幾新鮮. 相比起肉類, 海鮮就比較一般, 帶子同扇貝不錯, 但蝦似乎雪左好耐無乜鮮味. 另外牛角飯同冷麪都係配燒肉的好選擇, 尤其冷麪就咁食都覺得不錯.而且店員招呼都好有禮貌, 人均300感覺可以.

今日五一黃金周，好開心條街無了自由行，耳仔舒服了，隻腳唔洗俾喼轆到，真好！香港人當然要支持香港人的小店，但實在每間黃店都大排長龍，雖然品嚐唔到，但好感動！香港人要堅持去支持黃店呀今日選了日本連鎖燒肉店，同男朋友食下午茶，可選放題或套餐，先取了電子票，再等待叫號碼，但帶位姐姐的態度可以好一點，另外服務也可以更有效率、友善欣勤多一點有3種前菜（醃酸番茄、彈牙墨魚嘴、醃辣青瓜）點了$169牛肋肉四品燒肉盛盒牛肉質素好好，新鮮的顏色，不同部分的牛肋肉口感一流，我們點了辣汁，醃得入味好香好食，可配上不同醬汁（蒜蓉、燒肉醬、豉油）；跟了多一種配菜（可選菇、秋葵、帶子）我們選了牛油帶子，不錯；更有飯選擇（選了香蔥滑蛋飯）黑蒜叉燒拉麵大碗口感不錯，黑蒜味唔濃，但拉麵口感幾好；有唐心蛋及叉燒，湯底唔會太咸；配了昆布麵豉湯，不會太咸，昆布唔少雜錦蔬菜盛合有蒿筍片、秋葵、山藥片、粟米、杏鮑菇片，都幾好！燒有豉油汁，更有多一盤汁讓蔬菜不會燒得太乾點餐叫人都是用平板電腦，服務的效率及友善度可改善

下午茶時間到牛角原來下午茶 係午市既7折 Woo😍😍😍😍咁就當然食靚牛啦 F 餐 雖然唔識分咩部位 唔緊要因為全部部位都好正 好重牛肉味 又夠新鮮 而且最重要係 入即軟 好正 食完 陣牛味仲停係口到 當然唔少得牛角出名 牛角飯 食飽 直到晚餐都唔洗食

牛角一向都係我哋嘅on list 餐廳，夜晚不是唔係太化算啦午餐同下午茶都覺得都正呀👍👍服務當然好座位亦都非常夠大，值得一讚這間分店上菜快了很多，午市牛角飯或者白飯可以免費追加，豬頸肉最正，牛舌剛好熟的話都非常可口，午餐人均$80到我覺得好抵呀😬😬

牛角夜晚9點之後就有夜食限定，三個大皿燒肉盛合都幾抵食，今次我地兩個人就揀左B餐，有牛、豬、雞肉。仲包埋兩杯嘢飲，雖然佢話凍飲要加2蚊，但係走飲管就可以減返2蚊又環保～大皿燒肉盛合仲可以加配優惠食品，有d半價，有d七折，我地就加左半價既香蔥牛舌，同埋同牛角燒肉超級夾既牛角飯。牛舌係薄切既，但燒左之後出既油都超級香。一啖擺落口超級滿足。牛肋肉肉質軟嫩，入口有少少融化既感覺。肩脊肉口感就綿d。豬扒係牛肉之後燒，可能係因為沾到網上既牛油，有陣牛肉既香味，又有豬肉本身既質感。豚肉燒燒耐d，佢既肥肉部分有陣焦香味都幾好食。雞肉又滑又juicy，雞皮脆脆地，放係最尾食有種清爽返既感覺。

一家人特登入嚟屯門試下個放題，仲決定11月7日姑媽生日再嚟過由於婚媽唔食牛既關係，點左唔同醬汁既豚肉比佢，味噌最好味牛脷大大塊，老公同姑姐密密食狂點牛肉咩部位都殺，大家都係牛魔王，好有牛味，醬汁都可以唔使點聽聞牛角飯同埋玉子飲好好食，我地各喎左一碗，紫菜卜卜脆，玉子蛋味濃我地一致比較鍾意薄切牛柳粒食得多到口軟，所以點左2轉，就轉晒一片片頭先講既味噌味老豆大讚紅口油豆腐，好香唔辣，好味過日本果d喎，佢自己一個隊左3兜中間山藥我都幾鍾意，叫左3，4轉，估唔到燒完乾身口感都幾好牛油唔記得咩菇，自己加d豉油仲好味，燒洋蔥真係一個學問，我地燒到黑晒臨尾見到個王樣蜜糖香腸，叫左3條5個人分，一嚟到勁大條…叫2條都夠，剪開好燒d，有埋好似蜜糖芥末醬，正最後經理送雪糕，口感比較稀但係落埋d豆粉一齊食，好正原來呢個叫牛角雪糕得姑媽一個食抹茶，茶味濃郁大家都食得好開心，臨走時店員仲笑住同我地個下個月再見推薦下次試下海觧食物有水準，員工笑容親切

喜歡食牛角嘅午餐，飯可以任添，套餐來講百幾蚊算係咁啦Join佢哋嘅member，送好大條魷魚🦑唔錯好夠厚肉，叫兩個套餐，加條尤魚，三個人食飽曬，凍咖啡都唔錯喎🤭

對牛角一向都無咩特別感覺，唔覺得特別吸引。今日入到來屯門，同事話想食牛角飯，所以就過左去食。對面有一間新食店開張，都係食牛既，我以為牛角就會少人好多。但係其實到12點左右都差唔多坐滿，好彩我地比較早到。我地都係叫燒肉set，都係揀全牛。有小小既沙律同一個湯。我地揀左牛舌，牛肋肉，肩脊肉同腹胸肉。三款牛肉都算不錯，還可以，牛舌就真係好食。每塊都唔會鞋口，食落去口感好好，而且鹽醬好好食，唔會太濃味，我覺得唔需要再點其他醬料。乳酸梳打唔洗加錢，很好。上菜快，環境唔錯，整體滿意。