影片
港鐵尖沙咀/尖東站 P3 出口, 步行約4分鐘
繼續閱讀
電話號碼
28851688
開飯介紹
以黑色作主調、設計簡約的鳥燒店；由經驗豐富的廚師主理，精選由日本農場直送的香草雞肉，以及本地新鮮食材，炮製火候十足的串燒。
繼續閱讀
營業時間
今日營業
18:00 - 00:00
星期一至六
18:00 - 00:00
以上資料只供參考, 請與餐廳確認詳情
有關獎賞計劃
臨時約食飯，誤打誤撞book到依間。去到樓下，見到商廈格局，仲怕中伏，點知好驚喜。
店面很小，大概十來二十個位，絕大部份係吧台，可以睇住廚師料理，充滿氣氛。餐廳主打雞🐓嘅唔同部位串燒，刁鑽到暈，從食道、橫隔膜，去到掌心✋、雞冠都有（What），即管叫幾款試試。
食道賣相似極幼身鵝腸，食落香脆、有少少軟骨感覺，比想像中好味。橫隔膜有小小「氣泡」🫧嘅口感，食落無咩特別，肉味偏淡。
雞心一向係我最愛，依度整得焦香嫩滑無「蘇」味，如果你鍾意食雞腎，雞心你會鍾意❣️
之後食返啲大路嘢，雞軟骨棒、雞軟骨、雞翼，全部都夠晒火喉，外脆內軟，肉汁豐富，調味偏淡身唔過咸，配上幾款味粉就恰到好處。雞翼仲比想像中大隻，開心。
更驚為天人係牛舌🤯，粉嫩內心，微焦外表，肉味濃郁，少少BBQ風味，配埋柚子胡椒，要同朋友鬥快夾，手慢無！
全晚最有趣嘅係提燈🏮，根據網上資料，係由母雞嘅輸卵管、卵巢及未成熟未有殼嘅雞蛋黃🍳結合而成。香港比較少地方食得到，雖然感覺有啲Creepy，都照試下啦。外形一如其名似箋燈，好似一個氣球🎈，表皮層衣好有韌性，要一啖食落肚唔可以整開，否則會爆汁。咬落去，瞬間喺口腔爆發滿滿嘅蛋黃香氣，夾雜少少甜味，鮮味無比，好似食緊超濃郁日本生蛋黃咁，一試難忘。
此店最抵讚係樣樣嘢都用心做，食物熱到噴煙，一個普通嘅燒飯團🍘都十分有風味，熱辣辣，表面少少飯焦。廚師仲識得逐道菜上，唔會擺到一枱都係，暗中幫你排好進食次序，飽肚嘢上最後，亦無限時限刻趕你走。冰住清酒嘅冰🧊亦定時更換，保持冷飲溫度。最後喺我哋臨時要求下，佢哋都準備咗生日小驚喜俾主角，窩心！
繼續閱讀
尖沙咀一間食Yakitori嘅寶藏餐廳❤️ 藏身喺商廈真係要專登搵先搵到💁🏻♀️ 都幾多座上客 即叫即燒好專業🔥 仲有室外位幾舒服(๑•̀ㅁ•́๑)✧︎❣️山椒粉/ 七味粉/ 一味粉/ 抹茶/ 咖喱/ 柚子呢度提供咗好多調味粉😆 令到串燒味道都有好多變化🥳鍾意刺激少少可以點少少頭三款😋 咖喱用嚟點飯團係最夾😝❣️鱈魚乾 $48食過最好食嘅鱈魚乾 係燒到燶燶地非常香口‼️ 絕對可以encore好多次配酒一流🍻🍶❣️雞心 $38❣️雞頸 $38雞頸肉平時比較少食到見親都會嗌🐓 可能隻雞成日啄米 條頸係非常爽彈 好食😂 雞心係內臟類中我幾鐘意的 口感特別的唔腥💁🏻♀️❣️雞食道 $38❣️雞上髀肉 $38雞食道真係第一次食🐓咁偏門都有🤪 食緊軟骨咁好爽脆～雞髀見到個皮就流晒口水🤤🤤 外脆內嫩係基本🐓❣️糯米雞肉棒 $48重點推薦‼️ 特別嘅item✅ 糯米飯燒到有飯焦感脆卜卜😽👄包住免治雞肉 口感好豐富🐣 ❣️福岡安納芋 $58❣️福岡秋葵 $38安納芋之前冇食過 甜度好高 輕輕一燒已經好似甜品咁🍠 質感係綿滑💯❣️水牛芝士煙肉卷 $48呢個配搭會有啲膩 巧妙地中間包裹住紫蘇葉中和左✨❣️醬油燒飯團 $38 🍙第一次食到個飯團外面咁脆裏面咁濕潤😆仲可以點唔同嘅調味粉試下🤪❣️抹茶蕨餅 $38食完飯一定要食個甜品🥳 抹茶🍵濃苦同蕨餅嘅甜好夾💚
繼續閱讀
同朋友約會，日式燒鳥店都係一個好好嘅選擇。喺尖沙咀就發現呢間好好食嘅燒鳥店。餐廳有室內同室外位置，不過我就鍾意坐吧枱，睇住師傅燒。🔥先來一個小食-燒鱈魚乾燒魚乾係非常之香，加倍帶出魚鮮味。🔥職員再上一個調味盤顏色好靚😍，最左邊綠色開始係山椒粉，七味粉，一味粉，咖喱鹽，綠茶鹽，柚子鹽。🔥黑白生啤食燒鳥一定要飲啤酒。🔥左-雞頸；右-雞腿通常我都會試咗一口原味雞肉味道先，其實師傅燒嘅時候都會落咗少少調味，唔夠再自己調味。雞頸肉好嫩滑，雞腿肉更加嫩滑，啖啖肉，肉汁好鮮美！🔥左-雞心；右-食道雞心好香，冇內臟腥味。食道真係非常脆口索索聲，超級好好味！🔥左-糯米雞肉棒；右-芝士豚肉糯米雞肉串真係好香，外面係糯米燒得香脆，包住裏面嫩滑雞肉。芝士豚肉，豚肉燒得肉味好香，包住芝士軟腍腍好滋味。🔥燒日本番薯，秋葵番薯真係超香甜，秋葵加木魚碎呢個配搭都好好食。🔥燒飯團飯團兩邊燒得焦脆，飯入邊加咗飯素，紫菜包住熱辣辣食真係好香。🔥綠茶蕨餅仲有甜品做結尾，好滿足。價錢非常親民，燒鳥串係$38至$48，提燈都會有，好特別。每一樣都好好食， CP值超級高。
繼續閱讀
今次黎食燒鳥店！🍢係寶勒巷一棟商廈入面 尚算方便大門好有feel 日式簡約風 貼滿sake招紙坐位唔算多 有木系bar枱 可以睇住師傅燒🔥仲有室外 不過我食個日落毛毛雨就冇出去睇喇🥲店員放低左個好似調食盤既野🎨因為大部分串燒都無額外調味所以試下蘸依個六色調味盤：一味粉、七味粉、梅子鹽、咖喱鹽、抹茶鹽、柚子鹽我個人就鐘意D鹽類 款款都好特別🥹-佐酒小吃-✿ 燒鱈魚乾 $48 ✿ 燒得好乾身 脆卜卜 蘸埋蛋黃醬甜甜地幾送酒🍻-燒鳥-✿ 雞腎 $38 ✿ 大粒爽脆冇腥味✿ 雞皮 $38 ✿ 金黃鬆脆 油脂感剛好✿ 雞頸肉 $38 ✿ 彈牙爽口🤪✿ 雞肉軟骨棒 $48 ✿ 免治雞肉包住雞軟骨 口感一流 蘸埋月見汁好食到想encore🥹🥹✿ 提燈 $48 ✿ 提燈係串燒界既限量珍品 唔係度度有得食🥹燈籠既造型 係雞既卵巢同未孵化既蛋 唔係每隻母雞都有架🐔師傅要有相當既切割同燒烤技巧 先可以炮製出蛋黃唔爆仲要保持流心既狀態🤓食落似蛋黃同雞肉既味道 第一次食幾特別🤣🤣-燒豚-✿ 水牛芝士煙肉卷 $48 ✿咸香煙肉燒到香脆 油脂滿滿 入面卷住半溶水牛芝士同紫蘇葉🧀好滿足🫶🏻-野菜燒-✿ 唐辛子 $38 ✿ 係辣椒仔🌶️好爽口睇落以為好辣 點知原來係甜既🥹✿ 福岡秋葵 $38 ✿幼嫩爽脆🤓-飯-✿ 醬油燒飯團 $38 ✿燒到面頭乾身 掃上醬酒 咸度剛好用紫菜包住 咬落入面軟熟！🍙-甜品-✿ 抹茶厥餅 $38 ✿ 厥餅好煙韌🥰🥰帶有少少啫喱糖個種彈性沾滿抺茶粉 係我食過最好食既厥餅🤪🤝
繼續閱讀
上次👦🏻👧🏻去完火赤食串燒覺得好好食，尤其是雞肉類串燒同醬汁燒飯團！今次再嚟食佢地嘅雞串，有6款調味，包括抹茶鹽🍵、柚子鹽🍊、咖喱粉🥘、一味粉、七味粉同山椒粉🌶️，加少少就可以令串燒更加惹味。燒鱈魚乾鱈魚乾薄身燒到香脆，沾少少沙律醬已經好好味。雞心雞心塗咗醬油調味，有少少甜味，燒到熟度剛好，外面爽脆內裏軟腍。雞肉軟骨棒點蛋黃食雞肉軟骨棒厚肉，食落啖啖肉入面有粒粒雞軟骨，表面搽咗少少甜味既醬汁，配上撈勻咗嘅月見蛋黃汁一齊食，令雞肉更嫩口😋。雞尾雞尾燒完啲油分出哂嚟，入口有豐富嘅油脂香氣。雞頸肉雞頸肉質嫩滑有彈性，燒得好香口。雞上髀肉雞皮有少少香脆感，雞肉好鮮嫩。水牛芝士煙肉呢個配搭幾特別，厚切煙肉片卷住大大粒水牛芝士同紫蘇葉，清新嘅紫蘇葉中和咗水牛芝士嘅膩感。香蔥三元豚肉豚肉片卷住大量香葱，咬落去好有肉汁同葱香味十足！燒秋葵口感爽脆帶微甜，咬開感受到黏黏嘅口感。醬汁燒飯團飯團調咗味道同塗上醬汁，師傅將飯團燒到外層香脆，裏面軟熟。抹茶蕨餅口感煙煙韌韌，抹茶濃郁不苦🍵，清清地可以清返個味蕾。📍 火赤 (尖沙咀)尖沙咀寶勒巷29號寶昌商業大廈5樓
繼續閱讀