影片
港鐵尖沙咀/尖東站 A1 出口, 步行約2分鐘
繼續閱讀
電話號碼
25050288
59316749 (Whatsapp)
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
招牌菜
喜歡日本菜嘅味道、氣氛、精緻感，而呢間餐廳三個範疇都做得好好。而且欣賞大廚將常見嘅鐵板燒食材，加入特別嘅調味方式，保留食物鮮味之餘亦帶點不平凡。先來沙律前菜，蕃茄仔/火龍果/秋葵等，加上少少柚子醋，開胃又健康。✨黑魚子鵝肝蒸蛋以仿陶瓷手型器皿盛載，好精緻。蒸蛋非常滑溜。黑魚子增加鮮香感同嚼口，鵝肝甘香醇厚。✨黃金蝦 用上大海虎蝦，啖啖肉，鮮味十足。配以自家調製鹹蛋黃醬，比一般鹹蛋醬無咁鹹，輕輕烤過後非常惹味！大推❣️✨立鱗燒甘鯛魚 另一大愛之作😍 以油浸泡魚表皮位置，令薄薄一層魚鱗炸至豎起，非常脆身，超級香口。魚肉則非常嫩滑。配上忌廉鮟鱇魚肝醬。我唔係鮟鱇魚肝嘅擁有，但呢個醬加入忌廉汁，更滑身之餘亦完全無腥味🤤✨南非鮑魚 南非鮑魚爽口彈牙，已經無得輸。加入黑松露同三文魚籽就更昇華。大廚分別以切粒同切片兩種方式呈上，原來口感都有少少唔一樣。✨日本和牛薄燒 用上佐賀和牛，頂級和牛之一。脂肪細膩均勻，幾乎入口即溶。加入蔥及炸蒜粒更為香口。可以選擇蘸上自家調配沙律醬，裡面加左醋同芥末，另有一番風味之餘亦減低油膩感。✨鐵板炒飯 加入櫻花蝦及高菜，顏色鮮艷。而且大廚以少量沙律醬取代油去炒飯，飯粒香口分明之餘亦減少整體油膩感。最後再有炒野菜、味噌湯同甜品，非常滿足💕
繼續閱讀
瀛居日本料理係尖沙咀嘅一間壽司、刺身、鐵板燒餐廳，今次訂左食鐵板燒。夜晚7點半去到已經好多人，圍住鐵板坐，可以欣賞到廚師手藝～ ❤️牛油果沙律用日式麻醬拌牛油果、秋葵、豆腐粒、車厘茄同沙律菜，分量十足。麻醬嘅香濃，同牛油果嘅鮮甜軟滑互相襯托，非常開胃。 ❤️鐵板燒瀨尿蝦好罕見嘅一道鐵板燒料理，呢種整法嘅瀨尿蝦，味道令人經驚艷😍！師傅手藝了得，將瀨尿蝦燒得剛剛好，保持住佢嘅鮮甜同嫩滑，食落去嫩過龍蝦同大蝦。 ❤️南非鮑魚鮑魚非常之新鮮生猛，黑松露味濃郁，香氣突出；上面仲有大大粒嘅魚子，飽滿多汁。 ❤️黑豚肉薄燒黑豚肉經過薄燒，焦香味十足，比牛肉更加香口。肉質嫩滑，每一片豚肉都帶有微微嘅油花，加埋蔥、蒜片，口感豐富。 ❤️鐵板炒飯呢個炒飯以高菜同櫻花蝦為主，高菜微酸清爽，同櫻花蝦嘅鮮味結合，加埋金黃色又香又鬆化嘅炒飯，係令人好滿足嘅主食。 ❤️日式炒野菜以日式風味為基調，味道清爽。新鮮嘅蔬菜經過快速炒煮，保留左佢哋嘅原汁原味。 最後，點左紅豆綠茶雪糕，雪糕唔太甜，加埋大大粒紅豆同威化脆脆，為呢一餐鐵板盛宴畫上完美句號😋。
繼續閱讀
久違了嘅鐵板燒。係香港經營食肆唔簡單，因為實在太多選擇。要留住客人，味道、態度、環境都同等重要。而呢間餐廳相信我必定會再訪。今晚六道主菜，加上前菜同甜品，非常滿意、滿足。黑魚子鵝肝蒸蛋日本菜講求精緻感、立體感。以蛋型器皿盛載，再以手承托，感覺精緻同有誠意。黑魚子同鵝肝令蒸蛋變得非常不平凡。燒黃金蝦 我嘅最愛。本身已經非常鍾意食蝦，大虎蝦啖啖肉。而且大廚仲喺蝦肉表面加上自家調製鹹蛋黃醬，香而不鹹，味道令我驚喜。立鱗燒甘鯛魚 魚鱗片炸至金黃脆身，酥香清脆；中間嘅皮脂煙煙韌韌；魚肉仍保持柔嫩細滑，好鮮味。一塊魚同時具備三種口感，少啲功夫都唔得。醬汁係忌廉鮟鱇魚肝醬。大廚知道我怕（鮟鱇魚肝嘅）腥，特登將醬汁分開另上。但原來一啲都唔腥，而且好creamy好好味。鐵板活鮑魚用上南非鮑魚，肉厚帶嚼勁。加入黑松露同三文魚籽，令整體鮮味更突出。日本和牛薄燒 和牛個特別喜歡薄燒方式。佐賀和牛油難細緻，加入蔥粒及炸蒜粒，無可抗拒。大廚亦貼心調配加入醋同芥末嘅沙律醬，當加左醋同芥末，可減油膩感。✨鐵板炒飯 以櫻花蝦、高菜、蛋、蔥花等炒食，材料同顏色一樣豐富。
繼續閱讀
拆咗利是之後想食好啲，所以同朋友就嚟咗呢一間鐵板燒，性價比超高，而且位置喺尖沙咀好方便，shopping 完之後可以走上去食，仲可以睇廚師即席表演：今次小編就叫咗:日式雜菜沙律：雜菜再配上蕃茄粒同豆腐粒再加上胡芝麻醬最後旁邊仲有秋葵添，好fresh😉鐵板花甲：花甲好鮮味炒得好香口，而且仲加咗啲辣椒添，好惹味煙燻黑豚肉：師傅會喺你面前煙燻由宮崎嚟嘅豬肉，之後再會煎表面，再切開一嚿嚿，好有彈性同口感，鹽焗馬友：師傅會用鹽包住馬友，然後再焗佢10分鐘，馬友吸收晒鹽分，而且呢個煮法好特別鐵板大海虎蝦：食鐵板燒又點少得叫大蝦，師傅一路煮仲一路幫你去埋蝦殼，可以直接放落口，大蝦鮮味好足夠，so yummy 鐵板鵝肝魚子醬蒸蛋：用鐵板嚟蒸蛋真係第一次見，再配上鵝肝同埋魚子醬喺面，高級咗好多，而且啲蛋都好嫩滑😉大啡菇：食咗咁多肉，當然要叫返蔬菜試吓，大啡菇Juice, 鐵板炒飯：最後梗係要食返個鐵板炒飯最後梗係要食返個鐵板炒飯咁先美滿，炒飯料好足夠，有櫻花+蝦蛋，簡簡單單都已經係好好味
繼續閱讀
睇住師傅即席表演同朋友食得賞心悅目啖啖都咁好食🤭🔸黑魚籽鵝肝蒸蛋蒸蛋口感滑嫩，綿密細膩，面層有鵝肝同滑順嘅黑魚籽，提昇左蛋嘅鮮味。🔸大海虎蝦虎蝦超大隻，啖啖都鮮嫩彈牙，蝦肉鮮甜多汁！🔸佐賀和牛薄燒佐賀和牛煎得5成熟，口感嫩滑多汁，卷住炸蒜及香蔥，蒜味超出，但又唔會搶去牛嘅香氣。🔸灜の炒飯炒飯粒粒分明，口感軟糯彈牙，配有櫻花蝦，蛋味濃。🔸炒野菌以牛油一齊炒，口感軟綿，無左菇嘅草青味。🔸開心果紅豆雪糕開心果有濃濃嘅堅果香氣，配有紅豆🫘甜甜地好夾。
繼續閱讀
您可能會有興趣的...