潮龍園

營業中

休息中

收工唔知食咩好~去左藍田潮龍園食返碗粉麵叫左雲吞麵同魚蛋河！雲吞真係大大粒，餡料又實在。魚蛋彈牙得嚟唔會太硬。仲叫左兩碟油菜😄菜芯同生菜好新鮮～配埋蠔油更能提鮮👏🏻👏🏻叫埋飲品凍檸茶同凍奶茶兩兄弟～夏天夠哂解渴凍檸茶清新提神，凍奶茶入口夠香濃順滑飲落去冰凍過癮，喺炎炎夏日裏面簡直係救星！街坊粉麵小店，食物美價廉～港式地道粉麵鋪見到有丸類可以零售～下次打邊爐都來買先潮龍園 📍藍田啟田道50號啟田商場地下1081號舖

每次喺藍田都營業到十二點幾左右，所以我有時收工或者打完波返嚟都一定會去食呢間，最好食嘅一定係佢嘅崩沙腩河，其他都有好多潮式粉麵例如扎肉河炸醬麵等等。佢個崩沙腩河就係48蚊一碗，份量一般，但勝在好食，真材實料絕不馬虎。配埋佢嘅特製辣椒油同炸蒜食，口感一流。佢個湯唔係清湯而係加咗腩汁嘅湯，而崩沙腩本身就有少少半肥瘦食落非常之煙韌，好重牛味，而且食唔到冰鮮味。不過佢嘅河粉就係偏淋，對於鍾意食煙韌嘢嘅我嚟講，河粉係唯一失色嘅。

小店位於屋村附近，主打街坊生意，間格好有香港味道，都有唔少街坊幫襯。喺門口已經聞到好香牛腩味，價錢非常吸引。坐低之後效率超快，唔洗一陣已經上菜。🥢墨魚丸河粉，自家製魚丸，入口彈牙，性價比高！🥢牛坑腩河粉，份量十足！牛腩爽淋好食，必叫！🥢蠔油生菜 (跟餐加$10) 見到小店仲有唔少小食，下次去可以再試！ 簡簡單單一餐，但好滿足～𓆝𓆟𓆜𓆞𓆝𓆟𓆜🍴 潮龍園📍藍田啟田道50號啟田商場地下1081號舖——————————————————👀 Follow @ahmoon.tt👍 comment｜share ｜like ｜save💬 DM for collaborations#hkfoodie #hkfood #旅行 #restaurant #香港一日遊 #香港好去處#香港好去處 #打卡餐廳 #旅行 #foodholic #週末好去處#ahmoontt_food #FoodieParadise #Foodie #HongKongFoodie #HKFoodieFinds#TasteofHongKong #FoodieAdventures

想食一個正宗牛雜河？不妨來試試這間潮龍園，小店食材新鮮有質量。同呀媽買完餸想快食午餐，食粉麵就岩晒，就揀左呢間。上次試左牛雜幾好，今次都揀返牛雜河，仲加左雲吞同埋蝦棗。果然係受街坊喜愛，樣樣都好考功夫，每一樣都是經過精心烹調的，牛雜炆得好入味，五香味夠亦都好淋，最鍾意牛肚同牛腸👍🏻除左牛雜，雲吞都推介，大大粒啖啖肉，大大隻蝦，口感十分豐富。仲有潮州蝦棗，夠晒彈牙，好足料好正👍🏻如果你都經過又想品嚐地道街坊小店，呢個絕對係一個不錯既選擇！

1. 牛腩河粉湯底帶牛肉腩汁香味，粉麵量不多，河粉滑口。牛腩肥瘦均勻，牛肉入味，肉質軟腍，不過帶點筋位，較難咀嚼。🌟 評分: 7/102. 墨魚丸 魚蛋麵自家製魚蛋，入口彈牙，有魚味；概有兩粒墨魚丸左右，每一粒嘅份量都幾大粒㗎，而且幾彈牙幾有咬口，好香墨魚味。麵質好爽口。🌟 評分: 7/103. 豆漿好有豆香味，甜度又啱啱好，又唔話太甜。🌟 評分: 8/104. 凍奶茶🌟 評分: 8/10🎖️整體評分🎖️❤️ 味道: 7.5/10🧡 環境: 8/10💛 服務: 8/10💙 性價比: 8/10 📍 潮龍園 (藍田)藍田啟田道50號啟田商場地下1081號舖#hkoverfood_藍田

同屋企人買完餸就黎左呢度食碗粉先歸家～呢度主要做街坊生意，所以價錢都好實惠！！又想食牛腩、牛筋同牛肚既我就嗌咗碗牛三寶河粉🤗🤗效率超快，落完order唔洗5分鐘已經食得！！無論係河粉定餸既份量都唔少～啲牛筋同牛肚都好入味，可以一次食均三款餸，好滿足！！屋企人既雲吞都唔錯，有鮮肉同蝦仁做餡，食落都幾鮮味～我地去既時段係下午茶，所以普通既凍熱餐飲只係需要加六蚊就有～我哋要左兩杯凍奶茶，茶底夠濃，入口順滑，正！！！

今日去開藍田做野，順便去食午飯藍田啟田商場都好多餐廳選擇。經過潮龍園潮州粉麵店。見到出面Poster寫住粉麵$28起店外已經聞到好香牛腩味，加上價錢非常吸引，又好耐冇食過粉麵，一於試吓餐廳雖小，但都算乾淨企理，坐滿食客，都好多人幫襯。我就叫咗牛肚河，味道確實不錯，呢個價錢，屬性價比高的粉麵店牛肚河 蠔油生菜 凍奶茶 $50牛肚好夠林又入味河粉口感順滑，味道很不錯跟餐加$10 叫左碟蠔油生菜 好夠飽。餐飲叫左凍奶茶 正宗港式奶茶 好啱飲

一入去店員都幾熱情幾好人，但食物質素真係完全唔得，成碗牛腩麵既牛腩有三分之二都係肥膏，叫我點食⋯個湯底仲好咸，好難食⋯ 凍檸茶都唔好飲，環境都係一般般⋯價錢幾平都無下次⋯

呢間係出面經過好多次但今次第一次入去試試黎得潮州粉麵店緊係要叫個牛什試一試！叫左兩碗牛什河一碗加左雲吞一碗加左韭菜餃碗野份量都幾足牛什夠淋夠入味五香味十足最鍾意金錢肚同牛腸👍🏻👍🏻湯頭都幾好夠濃郁河粉係落口感幾滑雲吞大大粒好飽滿，入面仲有好多蝦好爽口彈牙另外一個既韭菜餃同樣出色韭菜同肉既比例岩岩好皮夠薄！唔錯！我地仲加左10蚊要碟生菜👍🏻凍檸茶茶底又ok喎，有驚喜性價比高既粉麵店👍🏻

今次我哋嚟返呢一間位於 #藍田 嘅 #粉麵 舖🍜。呢間舖頭好受街坊歡迎👯，而且自己有本地廠房🇭🇰，有自家製嘅食材。而且呢度價錢好平💰，份量亦都好多😆，啱晒平時想食粉麵嘅時候嚟。🎏自製魚蛋河粉($28)呢一碗有舖頭自家廠房整嘅魚片頭🐟同埋魚蛋，因為自己製作🏭，質素控制得好。食落口感好彈牙🫦，唔會有粉嘅感覺，而且魚嘅味道🎏，同埋胡椒嘅味道🧂都好香。而且河粉撈埋蔥、炸蒜🧄真係好香口。🐮五香牛雜河粉($32)牛雜嘅份量好多😍，有晒唔同部位可以一次過食到👅。口感都幾好，再加埋五香牛雜汁🥘嘅味道夠入味，又唔會過鹹👍🏻。食落味道香濃💕，撈埋麵真係好滿足。💥酥炸魚皮($15)食粉麵🍜梗係要配埋炸魚皮做小食啦，無論係蘸湯♨️令到佢濕濕哋、又酥脆👅，定係直接咬，食佢脆卜卜嘅質感💥，都好啱。魚皮炸得香😝，唔會有粉味或者油膩嘅感覺。

中午走去藍田潮龍園買外賣，櫃檯一個三、四十歲的女人問我要乜嘢，咁我開始講：一碗魚蛋米我停一停因為要睇到佢寫完我再講，湯粉分開裝，佢一句就鬧點解吾一齊講，我無言。第二碗係炸醬撈麵.. 佢即刻問我要大定細，我話乜有大細分架咩？佢又即刻鬧，吾知又吾問？ 咁我都唔知，點會問係咪有大細分。第三碗，牛什撈面…佢又話即係粗麵啦…我話吾係，係幼麵，佢即刻又鬧，又吾一早講？跟住我話落三様嘢你都嘰嘰趷趷，留番比你自己食啦，我吾要啦。真係唔怪得啲人話要返內地消費，咁嘅態度真係唔知佢點搵食！

🍜🍜🍜 潮龍園 - 藍田🍜🍜🍜相信大多數香港人都會鍾意食～牛腩魚蛋粉麵～我亦都唔例外😍每次去完旅行返嚟第一時間就想食一碗😆😆今次嚟到全港有五間分店嘅潮龍園 -藍田分店佢哋嘅價錢真係好親民🥰 最平20幾蚊已經可以食到一碗👍🏻👍🏻仲要有質素❤️✅牛丸爆汁✅牛筋炆得好淋✅牛肚入味✅ 魚蛋彈牙🍜牛丸牛筋米～$42🍜牛肚魚蛋河~$12🍜凍檸啡～另加$12🍜 腐乳通菜～跟餐加$10$104已經食飽兩個！好滿足🥰

屋企附近有好幾間雲吞粉麵舖頭～呢間絕對係快靚正之選！！！呢日同媽咪行完街市就去左食😆😆我地每人要左一碗粉，另外要左個淨水餃share💕不論係媽咪既牛筋麵定我既牛什河都係大大碗！！我既牛什有齊牛肚、腸、肺同膀，全部都好入味～淨食既鳳城水餃配上些許生菜，水餃大大粒！！餡料有齊鮮蝦同肉，仲有爽口既木耳絲添😚😚媽咪仲話呢度既辣油幾香，每次都會加落碗麵到提味🤣🤣喺早餐時段加4蚊就有一杯飲品，冷熱同價架！！！呢度仲有火鍋配料買下次喺屋企打邊爐都可以考慮買啲雲吞水餃返去啵✨

: Tantalize your taste buds without breaking the bankDragon Garden truly embodies the essence of traditional Chinese cuisine, offering delectable dishes at affordable prices.ᴡʜᴀᴛ ᴡᴇ ᴏʀᴅᴇʀᴇᴅ -🍜 Fish Ball NoodlesThe fish balls were tender and packed with a delightful burst of seafood goodness. This dish is a must-try for any noodle lover!🥩 Superior Beef Brisket NoodlesThe tender and succulent beef brisket melted in our mouths, releasing a rich, savory flavor that was perfectly balanced with the ar

收工藍田晚飯簡單麵食，真係要來潮瀧園一試，粉面來講，真係又好食又抵食的。簡單一碗五香牛雜麵$32， 成碗滿滿的都係牛雜，牛肚同牛肺等加上少少蔥花，賣相都超級吸引，真係豐富到不得了，原來加多$10 ，就可以點多碟綠油油的新鮮腐乳通菜，真係正到不得了啊個通菜，超級嫩口，平時少食菜既，呢度真係可以食多D。來得粉麵店，點少得飲返杯凍飲，來杯咖啡也不錯，加埋咁多野食，埋單都只係$50 剛剛好，食到飽飽仲要抵到不得了，真係要多d 幫襯先得。