1. 櫻花蝦味增拉麵 $88
拉麵入面有2片叉燒，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有
一隻，而且好唐心。
🌟 評分: 8/10

2. 醬燒牛肉丼 $93
表面鋪滿牛肉同埋大量葱花，牛肉醃左醬油去燒，燒到表面少少焦香，食落甜甜鹹鹹好入味，啲米飯好軟熟，非常之惹味既丼飯。
🌟 評分: 8/10

3. 冷豆腐 $32
豆腐表面有好多京蔥絲，豆腐浸住係啲濃郁既鰹魚高湯到，豆腐炸到好香脆入面好嫩滑，豆腐吸滿滿高湯既清華。
🌟 評分: 8/10

4. 和風餃子 $38
大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。
🌟 評分: 8/10

🎖️整體評分🎖️
❤️ 味道: 8/10
🧡 環境: 8/10
💛 服務: 8/10
💙 性價比: 8/10

📍幸屋 (灣仔)
灣仔機利臣街5-9A號維昌大廈地舖

餐廳有大量既唔同類型既Board Game 俾大家揀嚟玩，老闆仲會親自教大家點玩，同埋推薦遊戲俾大家；而座位方面都坐得舒服，非常之啱一班朋友約埋一齊食飯聚舊；不過由於餐廳位子有限，入嚟前需要預先打電話訂枱預約。 1. 韓式牛肋條 （套餐 $139） 牛肋條好腍，而且炆得好入味，份量有兩條；而飯方面整咗個鴨仔形，非常得意，飯粒好軟熟，可以伴上醬汁一齊食，飯入面仲有啲蘑菇。 🌟 評分: 7/10 2. 卡邦尼煙三文魚螺絲粉 （套餐 $139） 煙三文魚有三大片，食落好鹹香，卡邦尼汁包裹住每一粒既螺絲粉，螺絲粉口感偏腍，不過份量非常充易。 🌟 評分: 6/10 3. 芝士薯條 $62 呢個薯條個醬似係芝士同魚柳包個他他醬既秘制混合，有鹹香之餘又酸酸甜甜，味道濃郁惹味，又唔會覺得油膩，反而幾開胃，薯條口炸到金黃香脆，裡面口感綿密，配個醬食真係一流。 🌟 評分: 8/10 4. 芒果乳酸沙冰 （套餐 +$12） 芒果味好濃，飲落酸酸甜甜好開胃好清新，啲冰打到好綿密，而且份量好多，飲到最後都好濃芒果味。 🌟 評分: 8/10 5. 濃情朱古力 （套餐 +$12） 朱古力味好香濃，而且唔會話好甜。 🌟 評分: 6/10 🎖️整體評分🎖️ ❤️ 味道: 7/10 🧡 環境: 8/10 💛 服務: 8/10 💙 性價比: 8/10 📍 AnyMomentCafé (旺角) 旺角登打士街36號恆威商業中心9樓

1. 八爪魚薄餅 $85 Pizza用咗薄批做餅底，表面鋪滿左芝士同埋八爪魚同橄欖，餅底焗到好香脆，脆到好似食餅乾咁，食落好香膿芝士味，八爪魚有好大片，而橄欖啱啱好中和芝士既鹹香。 🌟 評分: 8/10 2. 雞肉醬意粉 $110 肉醬蕃茄汁質地比較濃稠，蕃茄醬既酸甜味調得好恰當，入面仲有加入香草調味，雞肉碎嘅份量啱啱好又唔會太多；意粉質感食落去好有嚼口。 🌟 評分: 6/10 3. 鹽味薯條 $25 薯條用咗粗薯條，薯條炸到金黃色熱辣辣好香脆，好有薯仔香，每一條都有鹽粒，好夠鹹香。 🌟 評分: 7/10 🎖️整體評分🎖️ ❤️ 味道: 7/10 🧡 環境: 8/10 💛 服務: 8/10 💙 性價比: 8/10 📍SHADI (土瓜灣) 土瓜灣譚公道108-114號雲天大樓地下A號舖

1. 鹿兒島和牛漢堡蛋包飯 $168 上枱店員會介紹可以加入椰絲、提子乾、乾蔥，同埋大根，食落會多一種層次，個人比較推薦椰絲同埋亁蔥味道夾好多；蛋好嫩滑有蛋汁，同埋好香蛋味；鹿兒島和牛漢堡都幾大塊，有肉汁，同埋油脂豐富，仲有少少筋增加口感，好香牛味；咖哩汁偏甜同埋結身，食落好惹味。 🌟 評分: 8/10 2. 壽喜燒牛肉烏冬 $128 牛肉有一大片，入口嫩滑唔韌，有牛香味，醬油味香，但湯底略嫌甜左少少。烏冬煙韌好滑有咬口，唔會帶酸味。材料都算多，睇落鍋細細但都幾飽肚。 🌟 評分: 8/10 3. 牛乳軟雪糕Basque芝士蛋糕(原味) $98 轉了四五個圈，雪糕的質感濃稠到可以成個雪糕頂筆起都仲係定型，入口軟滑，而且奶味相當濃郁；芝士蛋糕質感鬆軟得來幾實在，滑溜濃郁的芝士蛋糕，唔算輕盈，但亦不膩，純粹的芝士蛋糕味。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍UFUFU CAFE (Tower 535) (銅鑼灣) 銅鑼灣謝斐道535號Tower 5351樓101-102號舖 #hkoverfood_銅鑼灣

1. 蜂蜜檸檬炸雞 (半份) (新口味) $118 炸雞有6件，每一件都熱辣辣大大件，新鮮炸即叫即炸，表面加咗啲蜂蜜檸檬醬，炸雞既炸衣好薄而且好香脆，食落啖啖肉有肉汁，配上蜂蜜檸檬醬好清新。 🌟 評分: 8/10 2. 五花腩泡菜炒飯拼太陽蛋 $72 表面有2隻煎蛋，可以篤爆隻蛋撈埋紫菜碎撈飯，會更加惹味，入面有好多泡菜同埋五花腩，香香辣辣，炒飯炒到粒粒分明。 🌟 評分: 8/10 3. 芝士滑蛋炸雞飯 $68 每啖飯都能食到軟綿芝士口感，芝士味重得黎又唔會太膩，有2舊大炸雞球。 🌟 評分: 7/10 4. 紅豆抹茶牛奶 (跟餐價: +$18) 抹茶牛奶好絲滑，甜度啱啱好，又唔會好多𣲙，底下有好多紅豆，紅豆煲到好腍，飲到最後都好多紅豆。 🌟 評分: 7/10 5. 橙汁菠蘿梳打 (跟餐價: +$18) 底下有幾粒罐頭菠蘿，好濃橙味，而且有夠氣，飲落好解暑。 🌟 評分: 6/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍 韓閣 (新都城中心二期) (將軍澳) 將軍澳寶林欣景路8號新都城中心二期1樓1015號舖 #hkoverfood_寶林

1. 台式香腸滷肉便當 $70 有韓國辣芽菜、炒粉絲，同埋台灣腸，滷肉半肥瘦，而且份量都有好多，滷肉食落唔鞋；滷豉油濃而不鹹，有微微甜味；米粒粒分明乾身；台灣腸份量都多有3條既份量，台灣腸有肉汁，烤到表皮乾脆，入面有啲肥膏；粉絲炒到好乾身惹味，整體來講唔錯。 🌟 評分: 7.5/10 2. 番茄牛肋條湯麵 $72 有6件厚切牛肋條，牛肋條炆到好腍好入味，中間咬落好有啲筋膜位；麵用咗台灣關廟麵，麵質好彈牙好滑，好吸湯汁；湯好清甜好香濃牛肉味同埋蕃茄味。 🌟 評分: 8/10 3. 珍珠黑糖鮮奶 $30 底下有超級多黑糖珍珠，珍珠非常Q彈，黑糖份量啱啱好，唔會太淡又唔會太甜，仲飲到少少牛奶既味，而且冰量啱啱好。 🌟 評分: 7.5/10 4. 現煮冬瓜鮮奶 $28 冬瓜茶同鮮奶融合得好一體化，又唔會太甜，飲落好絲滑。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8.5/10 📍老厝邊 (大角咀) 大角咀埃華街92號地舖 #hkoverfood_大角嘴

1. 牛油煎北海道帶子蟹膏意大利飯 $188 帶子大粒，好厚身同結實，外皮煎到香口，保持到肉質鮮嫩！意大利飯軟硬度適中，口感煙靭，每一啖飯都有啖啖既蟹膏味。 🌟 評分: 7/10 2. 香煎銀鱈魚柳配露笋茸鮮魚忌廉汁 $198 銀鱈魚煎到啱啱好，煎到表面少少焦香，保持到銀鱈魚既肉汁同魚油味，而且冇骨又厚切，啖啖肉；底下仲有一個薯蓉，薯蓉吸收忌廉汁，入口好creamy 。 🌟 評分: 8/10 3. 提拉米蘇 $58 所有嘢味道調配都啱啱好，咖啡味、酒、cream、cheese既比例都控制得岩岩好，唔會有任何一樣蓋過左其他味！口感好絲滑，好似食Cream咁，而且又唔會太甜。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍INN - I’m Not Nothing (裕民坊YM²) (觀塘) 觀塘協和街33號裕民坊YM² 2樓205號舖

1. 泰式乾炒闊河 (豬/雞) 一上枱嘅時候已經聞到好大浸鑊氣，感覺好鮮甜；呢隻河粉比平時嘅中式河粉再闊身啲，而且食落去比較彈牙同埋滑身，炒得好夠鑊氣，仲有蛋絲同炸蒜增加口感同味道。 🌟 評分: 8/10 . 2. 招牌燒牛肉肩胛肉 招牌燒牛肉係即叫即燒，燒得非常之嫩滑，又多汁，牛肉燒到大約5成熟到，每一件都好厚切，好香牛味。 🌟 評分: 8/10 . 3. 泰式手打蝦餅 蝦餅有6件，即叫即燒，炸皮非常之薄，炸皮炸到好香脆，入面係充滿結實嘅蝦膠，每一啖都食到好香濃既蝦鮮甜味，口感好彈牙好滿足。 🌟 評分: 8/10 . 4. 青木瓜沙律 在泰式沙律中一定會見到泰式青木瓜沙律的身影！木瓜絲完美地跟酸辣的醬汁拌勻，口感清爽又香辣，非常開胃。 🌟 評分: 8/10 . 5. 泰式奶茶 茶味好香濃，非常之解渴，甜度適中。 🌟 評分: 8/10 . 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 . 📍 Ann MaMa Thai Restaurant (旺角) 旺角通菜街1號威達商業大廈地下N號舖

1. 蔥油豬扒三眼煎蛋飯 $67 蔥油豬扒煎蛋飯，厚切既豬扒大大塊，配以太陽流心蛋和大量翠綠既蔥油，單看賣相已很吸引。豬扒煎得金黃香脆，鬆軟入味帶咬口，加上半熟流心蛋和自家製作的蔥油，用來撈飯啖啖濃香惹味，實在係邪惡到犯規。 🌟 評分: 8/10 2. 鮑魚花膠冬菇滑雞湯烏冬 $61 雞湯好清甜好有雞味，有4舊花膠，花膠勁大塊有口感又軟滑，非常入味，勁足料；雞都有5舊，而且雞肉都幾滑，冬菇好菇好香，吸收晒雞湯既香味；烏冬都好滑，吸曬啲湯汁，同埋都幾彈牙。 🌟 評分: 8/10 3. 鮮油西多士 $37 西多士炸到外脆內軟，又唔會好油，糖漿可以自己加，西多士入面仲搽咗好多花生醬，令到西多士味道更加有層次。 🌟 評分: 8/10 4. 唐揚炸雞 (4件) $29 炸雞大大件吸啖肉，而且炸得啱啱好，上枱熱辣辣，炸皮唔厚，配上泰式辣醬。 🌟 評分: 7/10 5. 奶走 茶味香濃，有少少回甘，而且都算幾滑，不過有少少唔夠煉奶。 🌟 評分: 7/10 6. 熱好立克 🌟 評分: 7/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍 紅米 (六合街) (新蒲崗) 新蒲崗六合街11-13號安隆工業大廈地下B號舖

1. 香煎軟心芝士餃 (7隻) $58 即叫即做，有7或10隻選擇，餃子吃煎得好香脆，咬落去有好濃厚的芝士味象仲好流心，加上粟米粒： 及豬肉；口感層次好豐富。 🌟 評分: 8/10 2. 壽喜燒牛肉餃子麵 (6隻) $65 壽喜燒牛肉餃子好香牛肉香，入面仲有馬蹄增加口感，皮亦都好薄；麵係上海麵，湯底好清感覺冇乜味精，冇乜油，麵條好滑，而且偏腍。 🌟 評分: 7/10 3. 四川涼麵 $31 四川涼麵小辣配麻醬，麻醬另碗仔上，可因個人口味控制份量，黃麵條彈牙，灑上炒香花生碎，青蔥花，撈埋碟底嘅辣油豉油，微辣鹹香好味。 🌟 評分: 6.5/10 4. 黃金原味皮蛋 $30 好似係皮蛋同鹹蛋嘅混合體，外層晶體係透明，中間溏心又散發咸蛋黃香，食落好有驚喜。 🌟 評分: 7/10 5. 蜜餞雞翼(小) $25 以蜜糖汁慢火長時間燉煮雞翼，色澤金黃同質感濃稛嘅蜜汁好掛汁，薄薄一層咁包裹住雞翼，肉質好鮮嫩，而且好入味。 🌟 評分: 8/10 6. 龍鳳蛋 $18/隻 係1隻唐心蛋，日本龍鳳蛋味道好甜，每隻蛋上面都加左少少松露醬，松露醬無完全蓋過蛋味，仍然食到蛋香。 🌟 評分: 8/10 7. 山楂雪梨水 $20 自家製雪梨水用上山楂片、雪梨、甘草、冰糖、麥芽、水等 煲製，清甜滋潤，啱晒而家乾燥天氣飲。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍 餃掂手工餃子雲吞專門店 (上環) 上環蘇杭街100號地舖 #hkoverfood_上環