滿滿食堂

營業中

休息中

大家都知道，喺中環搵嘢食，價錢普遍都會偏高，尤其是想食有質素嘅嘢🥹呢日咁啱約咗朋友出中環，佢介紹咗我去呢一間滿滿食堂，真係抵食又好食。首先呢度地方好大，好多卡位，座位好闊落👍🏻而且食物選擇有好多，仲有我最鍾意食嘅石燒牛🐂我叫咗佢嘅招牌牛扒，朋友要西冷，一上枱已經香氣，四溢，真係無介紹錯，好好味，肉質都唔錯，幾軟稔。牛味亦濃郁。而且叫呢個set，可以無限refill白飯同湯。真心好抵食，性價比極高，一定會再嚟🤪

今日放Lunch既時候，經過見到個Menu好似幾吸引，而且喺中環嚟講，又唔係話貴。所以，就入去試下啦。呢到係位於地庫既，要落一層。一入到去，見到好多人都點石燒。不過，因為我唔食牛，所以無緣試到，唔知好唔好食。諗左一陣，我叫左醬油豬軟骨伴帆立貝雜錦丼。不得不說，呢個真係幾好食。除左有豬軟骨同埋帆立貝（有3粒）外，有海帶，紫薑，蟹籽，同埋蛋絲作伴菜。最尾，跟餐特飲有半價優惠，我叫左一杯冬瓜茶。天氣酷熱，叫返一杯冬瓜茶解暑真係爽啊

中環的物價比較貴 很難平平哋找個地方食下午茶。這間在置地廣場不遠的日式食堂，在大廈地庫內，下午茶只是$30-$40元，十分抵食。下午茶2:30-5:30，連星期六日也有。我叫了單骨炸雞翼豚骨湯拉麵，只是$36 包飲品，雞翼單骨食落十分方便，而且炸得熱辣辣，金黃脆口，味道甚佳。湯麵湯底很濃，絕不比一些日本大餐廳遜色👍🏻天婦羅炸蝦雜錦飯$38，好抵，卜卜脆炸蝦加蛋絲紫菜，好好味，飯質軟綿綿🥰所有下午茶餐加$8可以在自助區取食物有沙律菜、鶏蛋、芽菜等等，又有靚湯，今時今日這個價錢在中環買支飲品也不能完全超值。其實這間餐廳的下午茶也有很多其他選擇，見不少人食它的的鐵板餐，原個鐵板熱辣辣的燒西冷、三文魚、雞扒等，只是$49-60元，性價比高

早幾日係中環行完街，俾我同朋友搵得間好抵食又好食既日式燒肉餐廳，中環黎講性價比真係好高，相信平時都會係中環打工仔既飯堂。😁食物質素高，價錢平，不過環境一般，同埋服務可以再進步。👍🏻✅五花腩+鹽燒薄牛脷配牛肉汁，白飯 ($78)鐵板餐個鐵板唔夠熱，倒汁既時候無“咋咋”聲，無左食鐡板既感覺。不過份量真係好多！！😂味道係幾好，個五花腩超好正，唔會太肥，但口感好好。👍🏻牛肉汁都夠味，唔錯。✅窄身西冷(100g)+一口牛(100g)配滿滿紫菜飯 ($108)呢個係超級超級好食，必食推介！牛味好多，口感好爽，高分之作，而且呢個價錢好抵食。😋😋✅黑蒜油卜卜蜆 ($38)好多蜆，唔會有腥味，好鮮甜。不過個湯底略嫌小小咸。✅鮮果蘋果醋 ($跟餐+$14)✅雲頂水果茶 ($跟餐+$14)

係中環想食得好, 坐得舒服, 仲要食得平既, 竟然會係燒肉! 滿滿食堂完全癲覆我既概念!叫左兩個大盛石燒餐 兩款餸$108 三款餸 $128 羊鞍一上燒到喳喳聲, 聞到我最愛既肉香味, 熱辣辣就最好食, 肉同脂肪比例岩岩好, 所以肉腍易咬, 仲要一D都唔羶!魷魚有4大隻，味道好新鮮，燒完依然好爽脆 ~我中意個咸牛脷切得薄身, 有陣輕微既咸香,飯一流!銀鱈魚金黃可口, 中間魚肉細嫩，仲有熊本一口牛。呢度既蘿蔔椰子湯一定要飲! 超級香濃既椰子味, 飲落清甜滋潤； 飯類可以選紫菜飯/咖哩飯/白飯。自助沙律吧有多款選擇, 羅馬生菜, 車厘茄, 桃, 青瓜大豆芽,仲有雞蛋等, 菜肉均衡就更健康~食完咁多野仲有綠茶布甸做甜品！我見佢哋仲有活動探訪老人家，好有愛心； 賣既套餐有咁多肉咁多野食，咁抵食，好值得支持！

原本以為個風可以堅持✊到今日完全唔係返工既狀態🥲收工近近地，同朋友係中環食飯地點方便，中環地鐵站🚉D2岀口，行3分鐘到啦👍🏻入到去地放大，坐位舒服，上菜速度快👍🏻👍🏻👍🏻🔸鐵板餐 $78可以比你自己揀兩個主菜，我就揀咗壽喜燒牛肉同埋雞扒，仲有個飯🍚配埋俾你😍壽喜燒牛肉甜甜地，雞扒煎得夠香，雞扒仲有汁😍🔸石燒餐$108都係比你自己揀，我揀左窄身西冷（100g)+一口牛粒（100g）都係會配白飯🍚既牛肉我放係石都到熟曬，食落都唔會乾，肉質嫩骨，一口牛好正，入口就溶咁🔸黑蒜油卜卜蜆$38超大兜😍勁抵食呀，無諗過幾咁蚊渣，配上黑蒜油好香呀😍外面自助區有沙律🥗，湯🥣，調味料比我地自己拎種類都唔少㗎☺️一個人都食左2隻溫泉蛋🥚最後仲有甜品㗎☺️ 我既評分（5⭐️為滿分）環境：⭐️⭐️⭐️⭐️食物：⭐️⭐️⭐️⭐️⭐️服務態度：⭐️⭐️⭐️⭐️推薦：⭐️⭐️⭐️⭐️⭐️滿滿食堂 (中環)📍中環皇后大道中58-60號振邦大廈地庫

中環返工嘅大家午餐真係好頭痛🤧呢間係我嘅私心推薦‼️ 好難喺中環搵到咁平位置又方便仲要好食嘅餐廳🥹 手作飲品又幾好飲 🤣 雖然有時要排隊但係入面都幾多位✨❣️日本A5三角肩 (100g) ＋超嫩石燒雞扒$128好好食喎一啲都唔頹🔥 一開頭鐵板上面會有塊差唔多熟晒嘅雞扒 表面已經煎得香脆🐓✅ 熱石都好夠力燒 jarjar聲😆 記住一定要帶圍裙 油會彈到周圍都係㗎☺️佢個牛肉真心粉嫩💕🐄 而且解凍做得好🙆🏻‍♀️ 簡單燒下加啲鹽同黑椒已經好好食( ᵒ̴̶̷̥́ _ᵒ̴̶̷̣̥̀ ) ❣️鹽漬三文魚扒＋超嫩石燒雞扒 $86出面有唔同醬料揀 有兩款燒肉汁仲有pesto呢啲特別野😆 呢個組合好多protein🐓🐟 份量好足✅仲配白飯同埋甜品🍚❣️黑松茸鮮菌滑蛋 頂級燒豚肉五花腩 蛋包飯 $72係我平日最愛‼️呢個五花腩真係勁好食🥳醬汁勁入味 肥肉食落都爽口🙆🏻‍♀️ 蛋用咗黑松露同埋雜菌炒 滑又鮮😛✨ ❣️西柚愛玉鮮果茶 +$14❣️鮮果消脂蘋果果醋 +$14仲可以半價轉手作茶 大大杯可以攞返Office慢慢飲☺️ 有新鮮生果甜度又唔高 非常推薦*ˊᵕˋ)੭

中環食飯俾人嘅感覺就係「貴」，而且食晏時間人多，所以餐廳枱凳逼狹，但今日嚟到中環嘅滿滿食堂食lunch，除咗坐得舒服，仲要係平民價錢，食物質素高，性價比超班，啱晒上班一族嘅你啦！滿滿食堂提供相對平價嘅安格斯到貴價嘅和牛、鮑魚同帶子都有，豐儉由人，甚至連食素嘅朋友都照顧埋，有全素植脂嘅牛扒揀，簡直係照顧周到。滿滿食堂嘅牛扒同魚嘅份量亦可以自由選擇份量，由最少100g到最多嘅240g，而湯同沙律都係自助式，可以無限添加，無論係雀仔胃定大胃王都啱啦！唔知大家食石板燒，有無試過食到尾嘅時候，塊板已經唔夠熱呢？抵讚嘅係滿滿食堂非常細心，如果食到中段發覺塊石板唔夠熱，可以麻煩店員將石板更換，咁就可以確保所有嘢食熱辣辣啦！石燒雞扒加滿滿紫菜飯厚切嘅雞扒好吸引呀！因為厚身，所以店員會事先將雞扒略為煎熟，先鎖住肉汁，之後再透過石板燒至全熟，唔洗擔心會唔熟或者要燒好耐嘅問題。食嘅時候，雞扒嫩滑多汁，juicy之餘雞皮仲燒到脆卜卜，充滿口感。黑蒜油卜卜蜆黑蒜味好香呀，勁似某一款公仔麵嘅黑蒜油味，令人回味無窮。鍾意食辣嘅朋友仲可以揀泡菜或者冬陰功味添！至於蜆肉大隻清甜，蜆身飽滿，完全無沙，唔會有好多空殼，非常

自己一個嚟平日夜晚都唔使等位可能因為餐廳位置比較隱蔽 真係要附近嘅人先知道 我就係純粹喺地圖望吓附近有咩食就搵到呢間餐廳好彩呢一間係一間良心餐廳 除咗有良心之餘佢哋仲會照顧埋基層老人家做義工今次嚟我自己一個就俾咗張二人枱我 佢哋係一個人叫咗主菜之後就可以隨便用佢哋嘅自助吧我本身想叫三文魚但係佢哋冇晒或者其他海鮮其實都無 可能因為需求唔大？ 見到其他客人都係嗌肉類嘅比較多佢哋嘅自助包沙律同麵豉湯其實好高質連半熟蛋都係自助配料醬汁全部自己選擇環境乾淨一個價錢主菜連自助吧晚市來講真係冇得輸

📍滿滿食堂中環抵食鐵板牛之選💛朋友介紹中環呢間食鐵板牛午餐有唔同嘅丼飯都係$48-62鐵板牛最平$86包飯/飲品/甜品🤍鐵板西冷 $88🤍鐵板牛柳雞扒 $86今次就揀左兩款唔同嘅扒餐試下先一上枱西冷竟然有兩大件自己可以控制生熟程度另外雞扒有驚喜 好juicy好滑白飯仲要係珍珠米係中環lunch呢講呢個價錢呢個質素唔算貴唔怪得lunch hour成日排隊滿滿食堂 (中環)中環皇后大道中58-60號振邦大廈地庫

今次試咗呢間喺中環價錢比較親民嘅石板燒肉黃店💛 同好多石板燒肉店一樣，呢度都有任食自助區，分別有醬汁、白飯、牛肉湯、沙律，另外店家最貼心會提供一次性圍裙，咁就唔怕啲油會彈到自己啦😛，同埋塊石燒板唔夠熱可以搵店員換～最特別係呢度有好多食物選擇，唔同嘅肉類、海鮮都有得燒，仲有啲唔使自己燒嘅小食可以揀～呢度仲有勁多A+B嘅套餐，夾埋平過單點少少🤏 總括嚟講，我哋覺得呢間係抵食，但唔係話好食到非去不可咁，有興趣可以一▪️日本A5牛肩扒+ 石燒刺身級帶子 $150▪️A5牛肩扒有薄薄兩塊，睇落紋理唔算好靚😳，但食落都有牛味，油脂分布都算可以，呢個價錢有呢個質素都收貨了～帶子就大大粒，我哋加咗少少蒜茸粒一齊燒好正😍！記得唔好燒太耐，燒到表面少少金黃就好收手😛▪️頂級牛肩扒+美國穀飼豬梅肉扒 $94▪️食肉獸緊係揀牛扒拼豬扒🥩 呢塊牛肩扒當然會比A5差🤣，食落一塊普通平價牛，唔算特別。大大塊厚切豬扒食落就幾爽口，肉質唔嚡肥瘦適中🤤，比想像中好食！▪️鐵板黃金芝士焗蠔 $36▪️$36有4隻焗蠔，仲要啲蠔比想像中大隻肥美😱🤤，面嗰層芝士焗到好金黃好靚😍，夾埋蠔嘅鮮味真係超邪惡！

心血來潮想係中環食燒肉 search一下發現呢間性價比好高既良心餐廳 百幾二百蚊就食到一餐美味既日式燒肉 自己用熱石板燒 鍾意食幾成熟自己話事😋 石板既存熱能力高 我地燒曬全部肉都仲係幾熱 同埋店員會問夠唔夠熱 可以換過一塊新既 就算慢慢燒既朋友仔都唔怕塊板凍曬喇餐牌上有唔同位置既牛肉俾你揀 價錢高低自己有得揀 我地揀左一份150g既A5牛三角肩肉同埋一份同樣係150g既A5西冷 前者油花多啲香滑啲 後者肉味濃啲 我地鍾意前者多啲🥰 仲有包埋任食沙律 🥗麵豉湯🍲流心蛋🥚 燒肉汁同配料都唔少選擇㗎 可以要白飯 紫菜飯或者咖哩飯強烈推介滿滿紫菜飯 成檯都係嘢食 食完超級飽同滿足☺️ 我地分別叫左支Asahi啤酒🍻同埋一杯手搖熱薑檸蜜另外 餐廳除左定期會做義工探訪老人家之外 仲捐錢幫助烏克蘭🇺🇦既難民 有愛❤️ 支持支持

我諗中環返工既 一定有去這呢間滿滿食堂，佢本身做開石頭燒既，即係可上面有塊排，然後就自己從生到熟，本熟佢o個種，石頭燒就中午到夜晚都有得食，中午食性價比喜高 60蚊就可以俾你 好有儀式感地將塊牛扒慢慢整熟再配 一碗珍珠飯，完美。其他呢間野個門口好 隱蔽，一條細細既樓梯行樓去 ，好彩門口有個，洗腦式音樂引導你入去啫，即係好似Donki咁o個種，今日呢我就點左個38蚊 餃子春捲 拉麵，你無睇錯 係38蚊，然後我再加左8蚊 加多左個沙律吧，沙律吧呢下我真係要講，呢8蚊係一定要加，因為佢沙律吧真係好正，有無限 泡菜 流心蛋 海帶 青爪 蜆肉 生菜沙律 供應，去到記得要加呀，呢度都真係我既食堂來

公司係附近，平日lunch都好多人，所以通常揀平日收工或者星期六lunch 先去食。中環黎講，食日式石燒真係抵到爛。食過唔同配搭既套餐，頂級牛肩扒必點，有100克或200克揀，肉質都幾好。上次黎就食左個200克，食唔哂好彩有同行朋友幫口🤣今晚終於就試左和牛西冷，放上熱石度燒，啲牛油慢慢咁滲出來，香氣四溢。西冷油脂分佈平均，肉質軟滑👍🏻 之後再追加左一口牛粒同滿滿牛扒，咁同和牛比當然就有啲失色（所以無特登影相🤣)不過相對無咁油膩。呢度所有餐都包自助沙律巴，湯，同飯。平時多數叫紫菜飯，今次試一試個咖喱飯🍛，唔係好甜既日式咖喱，上面重有啲漬物，加上一隻半熟温泉蛋(都係自助任攞🤩)，呢餐點會唔飽🤣

本來想食另一間餐廳可惜那餐廳已結業抱著失望的心情看到滿滿食堂的廣告板😂就走了進去一進門被主題曲cheer up 😎即時開心返見到餐牌仲開心超值推介 真超值！$56/ 100g 肉+白飯+自助沙律（包括溫泉蛋）+湯任飲🫣 想再平啲 佢仲有一個餐 $38@ 一樣有飯有湯 近年 第一次真的覺得有餐廳定價太低了因為太平 所以會叫 200g 肉😂真比 個人認為女仔100g都夠食小食都平得過份$10/薯條🍟另外都試左佢個鐵板餐$78@ 平過大家樂根本唔駛汁，五花腩同牛脷已經好好味🥹因為太平 所以加左$5 要紫菜飯/咖哩飯呢兩飯 好味到唔駛要餸都食得哂😅想再強調 諗唔明溫泉蛋點解可以唔駛加錢任拎😅味道無得頂如果要彈 美中不足係冇得添飯囉🥲湯 唔太咸 是家的味道 二人食到滿滿的飽 感受到幸福感受到可以選擇價錢的自由大食就自己加上去細食$38+10%就落到樓是自由的氣息想說一聲：多謝款待🙏🏻