湊湊火鍋‧茶憩 (MONTEREY Place)

營業中

休息中

嚟緊天氣難得凍返幾日，梗係打多啲邊爐養生啦. 今日又有平靚正好主意提供，就係湊湊勁抵食又好食嘅二人午餐, 閒日兩位$298，仲有得又食又拎，正.除左主食，前菜，醬料，白飯，滷肉，生果都係自助任添. 前菜有香辣魚皮同埋中華沙律，個魚皮好爽又唔腥滿滿骨膠原，沙律好清新開胃. 暖笠笠滷肉大大盤任裝配上熱騰騰香噴噴白飯啱哂大胃皇. 生果有西瓜哈蜜瓜仲有番石榴. 西瓜超香甜勁多汁，大愛. 真係未開始打邊爐已經勁回本. 醬料勁豐富有成十六款選擇，超佛心. 好啦，入正題. 火鍋湯底八選二，包兩款基本款或可另加$38 要特色湯例如有花膠雞湯及海鮮湯等. 我地冇加錢，叫左珍鮮菌菇鍋同台式麻辣鍋，湯料勁足料成鍋都係. 湯底好味，清清地又有辣得過癮又有滿足曬兩個需要. 肉類四選二有兩牛一豬一雞或混配. 我哋係牛控就要左美國特選牛板鍵同埋牛肩胛，各90g 每様有四至五塊，唔算超多不過過下口癮都唔錯, 而且個肉唔係比頹肉你都真係有d 質素，唔緊要，有任添鴨血加分，食多d，吃到飽. 主食可以要油條/ 粉絲/鳥冬，油條滾一滾索汁既香脆又惹味. 另外提提年底前用HSBC 信用卡可以飲品買二送一或者以優惠價加購食品.

食物整體滿意，服務正常。但晚市火鍋都只係得90分鐘，去到餐廳才知道，過程超趕，食到好無隱。夠鐘點員即攞單來叫埋單。見隔離有枱客都係咁比人催交枱。兩人餐埋單7百幾唔算平，限時90分鐘有點離譜。應該無下次。

環境：食店距離地鐵站需要行五至10分鐘，不過對於揸車的人嚟講就唔錯，因為普遍都有位，同埋有得充電。食店裝修算是有風格，坐得都算闊落舒適，乾淨企理冇異味，服務員態度好好，上菜速度都好快今次叫咗個鴛鴦湯底，湯底味濃唔算好辣，最欣賞之處是可以無限任加鴨血和豆腐，鴨血豆腐都非常入味肉類方面，份量都算充足，基本上叫兩碟四個人食都可以好飽另外仲有鮑魚仔，擺相幾靚，增加食慾，新鮮生猛總結而言：環境食物質素都是幾好，不過價錢唔算太平，不過對得住這個價錢

食物好好味，坐得又舒服，服務又好好，又唔太貴，性價比非常高！絕對會再幫襯！我哋試咗佢新出嘅牛油果尖椒鍋好香，不過對唔食得辣嘅我嚟講有啲太過辣；但係鍾意食辣嘅朋友應該會好鍾意！估唔到可以任攞嘅滷肉飯同魚皮都超好食！

已經幫襯過玄米茶幾次每一次有一個男員工都態度十分惡劣第一次買就好不耐煩咁跟住今日買杯嘢飲 我已經喺落單之前出示學生證 舉上去俾佢睇亦都講咗有學生證佢明明已經望咗張卡咁我認為佢睇咗就收返埋收錢嗰陣先發現佢根本就冇㩒學生優惠咁我就出咗單之後問佢佢就表示唔得 用Alipay退唔到錢但明明係佢哋問題 我依家係喺落單之前已經出示咗學生證 你哋冇比到優惠我 都算然後我仲發現我明明講咗幾次無糖佢都係正常俾我 想問個男員工耳仔係有咩問題？唔係想歧視，但真係好無奈態度差都算 做又做唔到嘢 湊湊老闆係咪應該審視下員工質素？不過多謝你 決定以後唔會再幫襯🥵

一行四人，叫了二人餐又單點一些肉和墨魚滑，份量很足夠。湯底必選台式麻辣，辣度不高（嗜辣的該向店員查看可否加辣），妙在鹵豆腐和鴨血無限添加，因為太美味，所以我們也加了好幾次；另一邊選了番茄湯，味濃可口。上菜時，看到擺盤精緻，肉的菜底也很新鮮，有些還有碎冰墊底，算是講究的。自助吧的肉燥飯、魚皮、中華沙律和西瓜很讚，大家來回不知走了多少回，總之就是滿足的一餐。尾聲時，侍應提供的沙冰很美味，是個美麗的句點。裝修不錯（只是座位和桌子距離有點遠），服務也算可以，會來再吃的。

午餐同一家大細一齊黎食臭臭鍋，叫了鴛鴦湯底，一個椰子一個香菇，香菇湯底香濃好有菇味，味道不錯，椰子雞湯底清甜，服務態度一流，下次會再過嚟幫襯，好食，環境清靜，不過燈光校暗

《湊湊火鍋·茶憩》📍 將軍澳澳南海岸唐俊街23號MONTEREY Place地下G17號舖呢間位於將軍澳嘅火鍋店之前係內地有食過 而我之前都知道香港都開左好多間✨ 所以今日就走去試下😍👍🏻➖➖➖➖➖➖➖➖➖➖➖➖➖➖➖➖➖➖➖★ 9:00後入座有夜宵有8折優惠😍😍好抵食！！仲有佢地嘅鴨血同埋豆腐係免費任食任叫嘎‼️ ✧ 佢每一檯都會送個菠蘿沙冰 超nice👍🏻👍🏻 ✧仲有果度嘅地瓜球可以任夾 食落去都好脆 裡面仲有餡料😍🥰🥰 超正‼️‼️✭ 鴛鴦鍋（養式麻辣鍋拼紅顏花膠鍋✨） $138+$138 （8/10） 佢地嘅花膠鍋裡面真係充滿著骨膠原 一開始未落野個時候仲可以飲‼️‼️麻辣鍋亦都好夠味👍🏻✭ 日本和牛肩胛肉眼 $388（6/10） 個人覺得麻麻地 唔推薦🫣🫣 不過如果要打卡都唔錯嘅📸✭ 美國特選級牛肩胛肉眼 $138（7/10） 個人比較推薦呢個 價錢唔算太貴quality都唔會好差😍👍🏻👍🏻✭ 毛肚 $88 （7/10） 爽口彈牙👍🏻👍🏻✭ 鵝腸 $78 （7/10）✭ 丸類拼盤 $98 （7/10）✭ 萵荀 $38（7/10）✭ 冬瓜 $38（7/10）✭ 藕片 $38（7/10）✭

生日晚飯第一次來食，明知食兩個鐘，但叫了碟牛肉遲遲未上，到上得來已經時間無多，訂了6:00pm，第一次來吾熟地方遲了15分鐘，6:15pm到，個小姐叫我哋8:00pm準時交枱才知道不是到達才起鐘計，兩個鐘頭吾夠食餐生日飯，仲趕過食放題…最後當然準時催埋單，比了信用卡侍應未來收，個黑面女侍應(其他落order及執枱的員工係有禮貌的), 第二次催我們走，我同佢講你地未收我錢我點走…總結食飯質數環境其實係可以的，但整體体驗確係不愉快，服務不人性化，部分員工態度趕客，其實催促埋單有禮貌點已經兩回事，明白你要做多轉生意的需要⋯⋯橫叠都係兩小時，食放題無咁嬲。

呢間火鍋可以翻炒,所以第二次食湊湊火鍋 ,湯底夠濃郁 ,特別是胡椒豬肚湯底 ,侍應再三強調叫我哋飲咗啖湯先至落食物； 果然淡湯夠濃郁；毛肚又夠爽 ；仲有一些食物任取 e.g麻辣魚皮, 任食生果,凍飲大大杯 ,款式又多,冰香梅綠茶值得一試 ,食過兩次, 試過番茄湯底, 豬肚湯底 酸菜魚湯底，麻辣湯底值得一試 .食到火鍋最尾 .每人有一杯沙冰贈送 ,真係好細心 .每一台座位都有獨立空間 .三五知己傾計好方便, 火力又夠猛 ，店員 補充上湯有夠快 ，醬料款式很多 ，麻醬花生醬 蔥花 樣樣齊備有很多選擇。

打邊爐🍲已經成為香港人周不時都會食嘅嘢！所以好多餐廳都會有五花八門嘅打邊爐🍲款式！今日同大家介紹湊湊火鍋店新推出嘅椰子🥥🌴雞火鍋，湯底清涼又清甜啱晒喺熱辣辣嘅夏天☀️，食完有種透心涼嘅感覺🥶！呢個套餐係配有唔同嘅食材，首先係美國牛後胸🐮，肉味香濃！小章魚🐙福袋喺豆皮福袋印有湊字，入邊放入小章魚肉！珊瑚蚌🐚新鮮嘅珊瑚蚌放入熱辣辣嘅椰子湯底入邊大約40秒就可以食得，配合返個湯底完全提升到珊瑚蚌嘅鮮味！奶油生菜🥬呢一款生菜食菜唔會有泥味同接近無渣，識落口仲有少少甜味！日本雞肉🐔椰子湯底點可以無雞肉，配上雞肉鮮嫩可口同滑流！

真唔明點解香港的飲食業變成這樣無質素？不是食物質素, 也不是環境問題, 而係員工似趕客一樣？雖然明知是限時兩小時,我哋都盡快食, 但最後才發現漏咗個蔬菜盆未上, 我哋是叫套餐, 所以不能取消, 結果我哋快手快腳放埋落去, 但粟米南瓜果D真係要時間才熟。仲有五分鐘, 收銀的小姐仲兇惡過收數佬走來命令我哋：說你哋已夠鐘, 要立即走, 外面很多人等。。我哋有同她解釋漏了單, 但佢話外面好多人等, 你哋都一定要埋單走。。雖然我哋未食完, 但我哋都照埋單走, 真係怕咗果位小姐, 費事同佢嘈但之後出到去見唔到有人等位呢！其實我哋係嚟消費享受, 而唔係嚟乞食受氣！！麻煩老闆正視下你D員工, 雖然知現今很難請人, 但請這位小姐, 真係同你趕客！！你幾用心經營都無用。同埋兩小時打邊爐係咪真係夠晒時間？係咪全餐飯唔傾偈？要不停食？另外, 係咪可以確保唔漏單, 唔出錯？

正正台灣火鍋🍲一直都好中意食麻辣！但朋友也不食，但今次發現左有個羅宋湯味既牛湯底朋友中意咁可以簡這2個味既湯底！之前食過幾次都唔知麻辣湯底可再添鴨血豆腐！今次吃過夠！宵晚又有優惠！

湊湊是其中一間我特別喜歡的火鍋餐廳，每次都有賓至如歸的感覺。餐廳裝修有氣氛，像置身於古代餐廳，空間感大，而且與其他食客有一定的距離，非常適合朋友聚會。🔔餐後送一小杯沙冰解辣同茶味果凍已經是餐廳傳統清涼椰子雜(單鍋) ($198)日本無骨雞肉，加入椰子水、椰肉、檸檬葉、珍珠馬蹄等製作成香甜清新的湯底，每口淡淡的椰子清香，夏日火鍋必選。仲係新加坡及香港門店限定！美國特選級牛後胸($118)牛後胸香口嫩滑，火鍋食用最佳小章魚福袋($49)福袋係餐廳特製，上面印有個湊字，福袋入面仲有小章魚，幾特別深海珊瑚蚌($198)珊瑚蚌用冰鎮送上，只需要淥45秒，超爽口又唔韌，就算大大件都唔鞋奶油生菜($38)水耕種植的蔬菜，含豐富營養價值。奶油白菜的葉子厚實多汁少渣，帶有微妙的甜味香，而且砌成花嘅形狀，打卡一流企鵝丸🐧($59)精緻可愛嘅企鵝丸，又好食又好玩，充滿墨汁味道生椰大紅袍($29)椰乳醇厚，配搭茶香濃郁的大紅袍茶，口感潤滑，後味鮮甜，椰乳同大紅袍味道非常夾。外帶鹵鴨血豆腐店員仲為客人免費提供外帶鴨血豆腐，超正👍優惠自助($19)包括醬料、水果、小食、炸地瓜球、滷肉飯

食咗個二人晚市套餐，食物新鮮，湯底足料唔咸，就算個半鐘，上菜時間算快，唔算好趕。食到八個字度，我問沙冰可唔可以上，長面又高嘅男侍應一句話我地啱啱食，遲啲先上。啱啱？？？？人地無_鍋好早上，仲可以添飲。結果去到差唔多個零鐘，我再問，佢就一下將兩杯嘢挫落枱度，唔講以為得罪咗佢啲咩。因為個套餐有外帶豆腐鴨血，佢上嘅時候，連埋張單。我地見仲有少少時間，咪坐一陣，點知佢行埋黎催我地埋單！頭先叫佢上沙冰又唔見咁快手 😡😡😡😡 我地每位近四舊㗎！我算黑仔，成場最燥係佢，就偏偏係佢serve 🤦‍♀️🤦‍♀️