湊湊火鍋‧茶憩 (MONTEREY Place)

營業中

休息中

雖則一年四季都是食火鍋的好日子 但夏日炎炎好需要口感清爽的湯底和食材 去減低油膩感湊湊火鍋·茶憩 @coucouhotpothk 推出新品夏日限定🍲清涼椰子雞鍋及生椰系列臺式茶飲今次去了將軍澳分店 好靚！座位舒適 空間感大·🐓清涼椰子雞鍋原來係新加坡及香港門店限定的清涼椰子雞鍋用了椰子水 椰肉 珍珠馬蹄 檸檬葉🍃香甜清新湯底有著椰子清香 加入滑嫩無骨的日本雞肉充滿東南亞的風味 再以粟米 紅棗帶出鮮甜味·🥤生椰大紅袍新登場的生椰系列包括生椰大紅袍&椰咖大紅袍試了生椰大紅袍 感覺比平常的奶茶口感更潤滑醇厚椰乳遇上了茶香濃郁的大紅袍茶 後味鮮甜·🪸深海珊瑚蚌全部配料的擺盤都有心思 橙紅色的深海珊瑚蚌輕輕一灼 建議40-60秒 已鮮味十足 爽口彈牙·🥩美國特選級牛後胸肉後胸腹肉油花非常豐富 肉味濃郁 口感超嫩滑火鍋控/牛魔王大愛 基本上每枱都會點 很推介·🐙小章魚福袋福袋造型超可愛 外層印有凑字 一咬開就是驚喜裏面有小章魚和爆汁的湯水 吃起來很鮮美可口·🧆丸類拼盤CP值高 有精製牛筋丸 精製蝦丸 精製台式貢丸每款丸都好彈牙 特別係牛筋丸 重牛味 好好食·🥬奶油白菜香港少見的火鍋配料 特別選用水

湊湊火鍋是一間我好喜歡的台灣火鍋店！價錢合理，選料新鮮，台式飲品好味道！絕對是五星星推介！所以我也經常光顧！但第一次食這裡的午餐，同樣有驚喜！好味道之外，價錢亦好親民，看來我又多一間飯堂了！

放假想食多d 野又想瘦，方法就係早點食到 ，早前見湊湊鍋有早鳥優惠，下午6時前埋單及離座可享85折。決定搵埋友人黎品嘗。呢度空間感大、燈飾和裝飾品富有藝術，座位舒適、，以新東方設計風格，時尚又情調，打卡正！自助服務有正山紅茶、鴨血豆腐無限添加、魚皮生果供應。清涼椰子雞鍋湯底清甜，夏日火鍋好選擇，選雞肉滑嫩鮮甜，原來選用日本雞，加入椰子水、椰肉、檸檬葉、珍珠馬蹄等製作成香甜清新之湯底，品嚐東南亞的味道，每口淡淡的椰子清香。特別係有檸檬葉，令湯味更清香，感覺不會太重。只有新加坡及香港門店限定。小章魚福袋咬開福袋，可以品嘗章魚🐙深海珊瑚蚌爽口彈牙，健康又好味奶油白菜第一次點奶油白菜，好大完整一棵。可能因為係水耕，菜葉嫩綠又少渣，口感一流，有清新的感覺。橘子果凍橘子果凍內有果肉，食落有茶味，微甜。打完邊爐食埋呢個甜品，好滿足。生椰大紅袍茶椰乳醇厚，配搭茶香濃郁的大紅袍茶，誘發出特有的岩韻風味，口感潤滑，後味鮮甜，口感清爽。大紅袍珍珠奶茶口感潤滑，奶和茶濃度剛好，珍珠韌韌地。原來除了早鳥優惠，宵夜都有優惠，晚上9時入座可享8折，加入湊湊社交平台附送沙冰同甜品！

細妹推介將軍澳一間高質火鍋話好正，點都要帶我去試吓，「湊湊火鍋‧茶憩」裝修以深色為主，好有格調，昏暗燈光十分有氣氛，全部獨立卡座，枱與枱之間特別間開，私隱度高，可以同朋友盡情嘆美食。自助吧枱有成十多款醬料選擇，有啲仲係比較冷門嘅醬料，餐廳提供咗唔同嘅醬汁配方俾客人可以跟住混醬。我就跟咗古典調味：菇菌醬、醋、香蔥末、香油。仲有滷肉飯、生果、中華沙律，一定要攞香辣魚皮，切得幼條，煙靭彈牙，辣辣地充滿麻油香，好惹味，encore之選。呢度杯茶好香，店員話出面無得賣，喺餐廳自己調配，叫淨山紅茶。Menu排版似飲食雜誌，鍋底名改得過癮，我哋想試一款辣一款唔辣，所以叫咗鴛鴦鍋。➰勵志鍋~臺式麻辣鍋 (鴛鴦鍋) $138材料十足，有紅棗、枸杞，無得揀大小辣，麻辣得嚟唔會辣到食唔到，鴨血彈嫩多汁，豆腐入味，最正係無限追加，非常滿足。➰食妝鍋~紅顏花膠雞鍋 (鴛鴦鍋) $138湯底勁熱，濃郁稠身，直頭成個湯羹，足料煲，有鮑魚、花菇、雞肉、野米、仲有大大件花膠。打邊爐前先飲啖靚湯，啖啖雞精華，滿滿膠質，直頭覺得漿住個嘴，勁正！飲完都感覺美顏咗。➰荔枝蝦球 $68造形吸引但完全無荔枝成份，咬開紅色皮見到白色

今晚成9點半先黎食🤣有8折，但因為咁啱做緊優惠 - 身分證有3個7，所以送一個湯底🤭好開心吖🥰我已經食過3次，每次都食得好滿足😌今次無叫套餐，都係散叫。湯底本身想揀胡椒豬肚，但無哂所以揀花膠雞湯🙈呢度嘅配料好多，有小食、仲有滷肉飯食(男朋友至愛，每次食2大碗lol)！🤭麻辣魚皮(唔係次次有)、中華沙律、蕃茄仔、西瓜哈密瓜都係任食👍🏻今次無揀牛肉食，叫左豬頸肉都好彈好爽😋最愛係菜，所以叫左一大個拼盤。特別係娃娃菜吸晒啲湯，好好味🤤每張枱都會有冰沙送，今次係菠蘿口味，勁清新開胃🥰

我哋一同六人去慶祝生日，佢哋會幫我地上蛋糕，啲食物都唔錯，有個女仔好好建議我地叫個四人餐，唔夠再另外加野，因為我哋又飲酒又食小食，結果真係食唔曬個餐入面啲嘢，因為佢有好幾款餐前小食，兩款生果，又有肉燥飯，如果你真係餓，食呢啲都填緊啲個👍🏻☺️之後再打邊爐又飲酒，又有珍珠奶茶🧋👍🏻 正，聚會好開心

💡高質台式火鍋今日係同朋友係將軍澳做完運動，就當然要搵下有咩好野食，呢間主打台式火鍋，就係湊湊火鍋.茶憩呢度嘅環境好大，座位舒適，裝修仲有好古危古香的味道。而且自助Bar有好多野食，食物又高質。🍽金湯酸菜魚鍋 🐠呢個用豬骨、胡蘿蔔素和海南黃燈籠椒調色，再加埋四川傳統自然發酵的泡青菜熬製成香濃湯頭，所以飲落感覺到味道好濃郁，酸辣中帶鮮甜的味道。再加入大量嘅嫩滑魚片，令到湯底更鮮香，不知不覺已飲幾碗。🍽深海珊瑚蚌 珊瑚蚌真係第一次食，只要灼1分鐘就食得，非常爽口鮮甜，好彈牙。🍽美國特選級牛後胸肉🐂 肉香十足，油花均勻，肉質鮮嫩，牛味濃郁嘅牛後胸肉。輕輕灼一灼就食得。🍽小章魚福袋🐙份量都幾多，出邊用豆皮包裏入面爆滿既章魚餡料，章魚夠彈牙，加埋豆皮容易將湯汁索曬入去，所以食個陣要小心熱。🍽奶油生菜🥬特別選用水耕種植的蔬菜，含有豐富的營養價值，而且食落仲好多汁，帶點奶油甘香，所以咁就當沙灘菜食都得。🍹椰咖大紅袍味道好特別，估唔到咖啡的濃郁加埋大紅袍茶的香氣係可以咁夾。另外再加入椰乳的香甜，令到口感更加豐富。🍹生椰大紅袍清新的椰乳加上香醇既大紅袍，口感潤滑，後味鮮甜。而家仲要係生椰系列第二杯重有半

尋日同屋企人4個大人1個小朋友去食 嗌咗個鴛鴦鍋胡椒豬肚湯底加酸菜白肉湯底個湯底都好惹味叫咗一大盤牛肉、貢丸、墨魚滑、蓮藕、魚腐、蔬菜、芝士丸、企鵝丸、烏冬、響鈴、午餐肉、冬菇咁上下 全部食物都高質 同埋份量都幾多～有free flow滷肉飯 小朋友食咗3碗中間發生咗啲小插曲但職員處理得出乎意料咁好 整體非常滿意 大家都可以試吓 我哋book 6:30 枱拎枱時前面有人想walk in ~ 但職員話冇位喇 所以建議大家要book 枱呀 ～

都有聽朋友講 呢間唔錯 睇落去都算幾好食呀所以就去試下 必須說很 難 吃 ！ 很 難 吃 ！ 很 難 吃 ！真的很難吃是不是我條舌頭出現了問題我食左一個鐘 都真係覺得好難食係咪應該話自己食唔慣 ？ 唔岩口味？先講重點：晚上九時入席 有優惠店員跟我哋說可以免湯底/全單八折咁我哋就揀咗免湯底分別揀咗台式麻辣鍋+花膠雞湯湯底嚟到嘅時候，店員同我哋講可以先飲湯（花膠）唔知係咪我嘅問題，我係湯入邊搵唔到花膠只搵到魚肚🤷🏽‍♀️不過必須要承認佢個湯底，真係好杰嘅唔知係咪啲花膠溶晒呢？到飲湯環節由於見到個湯個色澤都幾靚，係金黃色嘅亦都好杰身，對個湯嘅味道嘅期待都幾高但係一飲洛口係冇味㗎😮‍💨完全飲唔到花膠雞味之後亦都放棄啦見到另一邊麻辣湯滾起就是一個鴨血啦，點知麻辣燙都係冇味㗎而鴨血係好硬㗎，一啲都唔係人哋講得咁好食直頭真係好難食其實煲咗大約半個鐘之後，我亦都有試過個鴨血都仲係咁硬麻辣湯入邊都有豆腐唔明白點解個豆腐煲咗咁耐都係冇味㗎跟住我出咗去醬料區畢咗一大兜辣椒調落去再煲過，都仲係冇味呀😮‍💨而點菜方面：我哋點咗企鵝丸，雞髀肉，滷水豬蹄，蝦滑，沙巴魚飲品：大紅袍珍珠奶茶首先講吓企鵝丸，佢係墨魚丸黎既

平時聽朋友講得多呢一間火鍋，今日終於經過見到忍唔住入咗去食，食物質素好新鮮，我個人覺得企鵝型魚蛋外型得意，味道都好好食，肉類肉質一流，配埋一杯大大珍珠奶茶，簡直覺得爽

試左新出二人午市套餐，$298 好抵食有兩碟牛肉 一個菜拼盤 仲有烏冬 鍋底選擇亦多 ，試左 臺式麻辣 店員服務態度幾好，打邊爐醬料種類都多下次會再幫襯👍🏾👍🏾👍🏾

今次想同大家分享一下位於將軍澳澳南海岸的湊湊火鍋‧茶憩。這家餐廳位於MONTEREY Place地下，店舖環境清幽，內裝簡約，營造出舒適的用餐氛圍。先來講一下湊湊火鍋的風味，他們的湯底選擇豐富，從麻辣、清湯、骨頭湯、豬骨湯、芝士湯等多種選擇，而且湯底口味濃郁，香氣十足。著名的鴨血豆腐，質感煙韌，入口後慢慢釋放出豐富的味道，是必點的一道菜式。另外，他們的蝦滑也十分受歡迎，口感滑嫩，蟹籽點綴增添了口感的豐富度。此外，餐廳還提供多種肉類和海鮮，質素新鮮，甚具彈性，十分適合經常煮煮撈撈的人。在湊湊火鍋‧茶憩用餐，還可享受到茶憩的服務。他們提供各種不同的茶類選擇，從普洱、烏龍、龍井、鐵觀音等，品質優良，口感清新，是舒緩口感的好選擇。總括而言，湊湊火鍋‧茶憩是一家值得一試的餐廳。他們的湯底豐富，肉類和海鮮新鮮，著名的鴨血豆腐和蝦滑都十分美味，加上茶憩的服務，整體體驗非常滿意。無論是和家人、朋友、同事一起享用，還是獨自前來品嚐，都是一個不錯的選擇。

拜完山，想坐下舒服下，就試下久仰大名嘅湊湊台式火鍋湊湊俾人感覺好貴，但如果平時有套餐價錢都ok平日，公眾假期用OpenRice 訂枱單點6點前埋單都有85折，食2小時我哋叫左鴛鴦鍋（麻辣鍋，花膠雞鍋）選麻辣鍋：可任無限加鴨血豆腐，唔係好辣但你要喜歡果啲花椒味，都幾濃花膠雞窩：可先飲湯再加水，啲湯唔係死鹹，飲得出唔係味精，湯底偏杰身似碗仔攰質感，湯入面有鮮菇，雞粒。我自己個人覺得個湯底就唔係太啱打邊爐湊湊有$19人頭必收費，但我覺得值，佢配料醬料多選擇，有兩款生果任食（西瓜&哈密瓜），有肉燥飯，車厘茄，2款冷盤（中華沙律同一啲爽爽辣辣似魚皮，其實唔知係咩）肉燥飯：好食冬粉：有兩個五花肉：切得好薄牛板腱：有牛味，好林蛋餃：呢個有驚喜，入邊果肉餡好香肉味，估唔到咁好食，細老叫果時以為好普通叫咗兩杯鳳梨特飲，買兩杯，第二杯半價，好抵飲，好大杯，鐘意茉莉花茶香應該會好鐘意，個人覺得沙冰好飲啲，凍啲冇咁甜今次只係輕食，想坐下，只叫最平嗰個價錢嘅肉，都幾好食湊湊提供哂乾紙巾，濕紙巾，牙籤喺晒枱櫃桶，好方便總括嚟講去湊湊火鍋好滿意，睇你想食咩，普通食其實都唔係好貴，貴精不貴多不過環境黎講呢間唔算靚，我

🌟澳南海岸分店🌟＃高質午餐推介同朋友由康城站出發行經將軍澳藍田隧道 終點就係澳南海岸行完岩岩好係午飯時餐就係附近揾食！見到湊湊火鍋 好吸引原來有午市套餐 就去試下啦呢個餐好豐富🤗淨係伴菜已經有好多小碟！- 菠菜伴肉燥粟米- 滷蛋 中華沙律菜 /涼拌魚皮- 鴨血 滷豆腐 🌼酸菜魚麵 ＄88- 呢度酸菜魚 係冇落藤椒泡椒 少左麻味- 魚份量多 但唔太滑- 仲有芽菜 麵條 份量好多😁😁😁🌼台式滷三寶拌麵 $108-滷三寶：牛腩 金錢肚 牛筋-滷得好稔-牛筋好膠質 補充骨膠原正呀！👍🏻-唔好睇麵條份量唔多-食完成個餐 飽到呢🙈🙈❣️下次要試下火鍋先 一路食都俾火鍋香味吸引#香港美食 #hkfood #將軍澳美食 #kofood #將藍隧道＃澳南海岸＃湊湊火鍋茶憩 ＃酸菜魚麵 ＃台式滷三寶拌麵 #hkfoodie #foodiehk #foodielife

平日3點多來, 午市套餐約$68-128不等！加$20有小杯裝珍珠奶茶🧋但其實一點也不小今日試下酸菜魚麵, 超豐富！有幾款小吃有菜有主食～～🐟魚無骨未算太滑, 尚可接受！麵質不錯彈牙👍🏻較多芽菜, 不太吃者建議叫少些！辣度都不錯, 湯底濃厚