渝痴漁醉 (已結業)

招牌與訂位不符。跟家人食飯，本約烏溪沙但食開飯店結業，轉到附近馬鞍山，搵餐廳看到食水煮魚，辣菜跟雞煲，心想一試。 當日到達找不到同名飯店，最終原來館名「傷心酸辣粉」，笑咗心諗食酸辣粉就不用訂位啦⋯幸運地食物味道不錯，4人消費$500 有找，點了2碟麻辣小食，胡椒豬肚雞煲，烤魚鍋，4支大啤酒，飽滿離開。不然老遠入馬鞍山就...可要要求加註說明兩間餐廳同一地點，雖然「傷心酸辣粉」都唔差，但講出嚟就搞笑咗少少🤪

想食辣野，馬鞍山都唔係無選擇，經過傷心酸辣粉，準備走入去，但俾隔離個水牌吸引左，烤魚，雞煲?但入口得一個，就係傷心酸辣粉個入口，但招牌明明寫渝痴如醉，媽，我好亂啊！入到去原來兩個鋪位打通，估計係同一個老細，全低後點菜，叫左烤魚，店員問要咩辣，我賤內話要中辣，店員有稍微提醒，第一次試小辣就好，最後決定要小辣，再加個手撕雞撈麵，水牌個樣好吸引。魚一上枱，麻辣味最為明顯，香氣撲鼻，魚肉好鮮美，新鮮魚無誤，魚皮有少少焦，食落香口，真係有烤過，面頭有啲黃豆，炸過，香脆，小辣明顯辣味不足，食得辣既朋友可以試中辣，整體高分，cp值高。呢個手撕雞撈麵其實就係用左口水雞個醬黎撈，味道唔錯麵條夠冰冷，我叫左中辣，整體味道好，但紅油太多，口感好肥膩，要扣一扣分。

今晚去了馬鞍山探朋友，其實一早預料應該不會找到什麼好吃的，怎料行到商場附近竟然見到這間吃烤魚的餐廳，二話不說馬上拉我朋友入去！ 雖然沒有吃過，但看餐牌發現原來他們也有其他分店的！烤魚有辣和不辣，也有不同味道選擇；另外又可以配搭不同配料！魚來了！ 我和友人身為愛魚之人，不理會什麼魚都一樣愛吃！😂湯滾後看到魚身無論size還是厚度都十足已經十分期待，我們點的是蒜香味烤魚，雖然湯汁沒有很濃但反而可以一次過吃到魚鮮和蒜味🤤清清的再加一份新蘇萵筍搭配就好足夠了

馬鞍山食辣嘅選擇唔多，渝痴漁醉算係呢一區數一數二的，同傷心酸辣粉相通，可以食到兩邊美食！皇牌烤魚：渝翁招牌豆花烤魚 $208自選鮮魚：巴沙魚招牌一定係豆花烤魚，連埋火爐上桌，熱氣騰騰，非常過癮，無論食幾多次都唔會厭！配料好多好豐富，辣椒芫茜毫不吝嗇，辣度十足。主角巴沙魚肉質鮮美嫩滑，而且厚肉，份量多，值呢個價錢。爐的四角放了嫩滑的豆腐，我自己好喜歡吃。招牌套餐：蒜泥白肉+酸辣粉 $56白肉份量唔多，但水準依舊高，又滑又爽口，蒜量十足。酸辣粉就不用多介紹，每次都會食。重慶炸醬涼麵 $36第一次點涼麵，頗有驚喜，麵身爽口彈牙，炸醬惹味，飽肚感十足，大胃王的必食之選！馬鞍山有渝痴漁醉真係嗜辣人士的福音，否則都唔知去邊度食🌶🌶好了。

突然很想吃麻辣雞煲，剛好約了家人外出用膳，媽媽說附近有一間吃川菜，正好有得吃雞煲，我當然想也不用想就來了。平日來光顧最好，不用等上大半天就能入坐，而且食物質素都很滿意。坐定定後，先來一個"重慶麻辣雞煲" ，熱騰騰香噴噴，個醬汁很惹味，剛好我夾了雞脾肉，肉質嫩滑。店員說這裡有個"川味咕嚕肉" 很受歡迎，這個餸是媽媽至愛，既然受歡迎我們也不能錯過，炸得很鬆化香口，入口不算太油膩，加上個醬汁酸甜得來不會太辣，媽媽很喜愛。最後，清清地點了一個"萵荀炒木耳" ，兩樣都係健康食材，近年都特別喜歡吃，他不是前菜，所以都很大碟，一分錢一分貨，小菜都算抵食。

最近天氣乍暖還寒，有時還要很潮濕，令人很煩悶。難得今日心情好，相約爸媽一起外出食飯，人少少又不想普普通通去吃個快餐就算，想起媽媽前陣子經過這食店提過想吃烤魚，所以便來了。這裡使用的爐具我還是第一次見，長方形又幾合適用來烤魚。今晚選擇了酸菜味的烤沙巴魚，之前未聽過有這種魚，口感不是滑滑那種，但魚味重的，加上烤過有種烤香，味道我又很喜歡，吃烤魚最好的地方就是像火鍋般，除了酸菜及魚，還有很多配料在內，如蓮藕、豆卜、金菇等... 今晚多點了紅薯粉，不用吃飯也很滿足。最後加杯凍飲柑桔話梅雪碧，一個字"爽" 啦！

人住馬鞍山，星期六同老媽子行完商場，梗係要醫下肚，所謂美食沙漠既馬鞍山，要揾劣食唔難，揾美食就比較難！好彩仲有渝痴漁醉，因為最近想返大6 又無咩時間，唯有過嚟食下辣野！食開都知佢哋係'傷心' 集團系列，除左酸辣粉出色外，辣野都有保證，而家渝痴漁醉仲有好多其他食物選擇，有辣有唔辣，相信點都有野啱食！第一次嚟就梗係要留意下招牌菜，佢哋個招牌雜錦香鍋，仲有素食選擇，唔想食肉既朋友又多一個選擇，我今日都order左呢個素菜雜錦香鍋！講返餐廳個環境，麻辣味滿佈餐廳，另外主要係地方大，人多人少嚟都有合適既位置供應！待應話晚上位置仍然供不應求，等我揾次夜晚嚟視察一下先！餐廳送菜既效率都幾快，我order左既食物都好快送到！先嚟到既係柑桔話梅雪碧！呢杯用料十足既柑桔話梅雪碧杯底隨便都可以揾到好多柑桔同話梅肉，大大粒話梅核好易揾到！酸酸甜甜幾開胃，用嚟解辣都唔錯！再嚟辣味香濃小辣既夫妻肺片，食得辣建議食中辣更過引，牛肚爽口，牛幾有咬口，辣得嚟都幾香，份量都ok! 跟住出場既係每次返大陸都必點既熗炒土豆絲(中辣) 先要讚下廚房既刀功唔錯，切得好幼細，而且鍋氣十足，出嚟既土豆絲除左辣味夠，而且仲非常爽口

已經很久沒有吃過一些比較刺激的食物了, 今天有幸跟多位很喜歡吃辣的朋友一起午飯, 當然要去刺激一番. 水煮魚片配了酸菜, 不辣. 魚片香滑無骨, 鮮味豐富. 酸菜開胃醒精.  雜錦香鍋配上麻辣, 可選 bb 辣或小辣, 今次就選了小辣. 香鍋內有雞中翼, 牛肉, 腩肉, 餐肉, 薯仔, 蓮藕, 大豆芽及海帶. 店家細心, 雞中翼分切了更加入味. 牛肉嫩滑. 腩肉肥瘦適中. 餐肉香口. 蔬菜新鮮, 蓮藕十分爽口. 乾撈牛肚彈牙結實, 配上相當份量的香口辣椒, 香蔥及花生, 香口又有咬口.滷水拼盆除雞翼外, 還有雞腎及豬大腸. 滷水香濃. 特別喜愛豬大腸, 爽甜入味. 涼拌海帶絲爽甜. 酸辣粉爽滑彈牙, 再配上其酸辣湯底, 令人吃完一啖又追一啖. 

以魚鍋為主打菜式，配上如泡椒味、孜然味、酸菜味煮成的渝痴漁醉，在馬鞍山開了第2分店。還與傷心醉辣粉相連營業，所以除了魚鍋之外，都是以四川口味菜式供應，還有些小菜套餐，掠拌小吃，還有粉餐，任君選擇。川菜都以辣為主，餐廳都有不同辣度選擇，所以不太吃得辣的人，都可以前來享用，確實不錯。******************************馬鞍山很多食店都在商場內，渝痴漁醉就在大街之上，還與傷心醉辣粉食店相連。 餐廳地方也很大，座位也坐的舒適。水煮魚和水煮牛為主，價錢由HKD158-HKD178不等，還可以選上3種辣度的辣味。此外，還有小菜供應，價錢由HKD58-HKD98。烤魚、雞煲和雜錦香鍋，份量都不少。還有些吃鍋的配菜，吃完主鍋，還可以加入配菜而吃。飲品除了啤酒，一舨茶飲，還有汽水。涼拌小吃、粉餐，或是小吃配粉套餐之選，都有很多不同選擇。招牌雜錦香鍋 HKD138，包括了腩肉、牛肉、雞中翼、午餐肉、蓮藕、薯仔、海帶絲和芽菜，份量多到足夠4人所吃。辣味可以選香辣或麻辣，最後選了香辣，辣度是就是最少辣的1度，但辣味也很十足，不吃辣的人，也許會受不了。牛肉炒得很腍，腩肉一點都不覺肥膩，炸

之前返屋企搭車經過，見到近馬鞍山廣場附近開了間食辣既「渝痴漁醉」，今晚就搵埋馬鞍山之友一齊品嘗行近望，先發現原來同傷心酸辣粉同一舖位及同一門口出入，大家都食川菜辣野，只係走既路線不同吧地方雖然不是很大果隻，但座位亦坐得舒適寬敞，枱與枱之間亦唔逼夾冷氣足，食辣唔會辛苦款式選擇甚多，價錢經濟，每碟份量都很足！除了出名的水煮魚、烤魚外，還有雞煲！而且每款菜式都可獨立自選辣度或無辣，十分貼心！海蜇手撕雞$58非常推薦，味道很惹味開胃，海蜇爽口又夠入味，雞同海蜇份量亦夠多水煮魚$168份量很大，魚亦超多，非常惹味，魚片嫩滑無骨，配上吸味芽菜及薯粉，薯粉十分彈牙，不會一夾就碎酸辣土豆絲$58酸辣味平衡，入味爽口咕嚕肉粉唔厚，夠脆整體質素唔錯，抵食

好耐無去馬鞍山玩, 今次同朋友去馬鞍山, 呢度的商場一個連住一個, 超級大, 行到我們腳仔軟, 但我們卻發現了一間超好味道的食肆, 食川菜的, 叫”傷心酸辣粉”,我們入到去唔係食米線, 而是食了個大盤魚, 真的是用個大盤裝住上枱的, 而且個盤底下有爐火馨住, 可以食完魚之後再打邊爐, 好正!我們叫了個麻辣巴沙魚, 這個魚名我未聽過, 但食起上來, 這巴沙魚原來是肉厚又鮮嫩的, 超級好食! 一大條巴沙魚已開邊放在長方形的大盤中, 紅色的辣椒油及鋪滿在魚上面的綠色的芫茜菜形成好大對比, 仲聞到陣陣麻辣香, 好吸引! 個盤中仲有唔少配料, 有枝竹,有嫩豆腐, 有切片的蓮藕, 仲有唔少木耳及花生, 淨係食個大盤裡的食物都食到我們唔停口, 我們叫的是少辣, 的而且確是香得來不是太辣, 辣的程度我們大家都接受得到, 很惹味! 魚真的很好食, 啖啖肉又無咩魚骨,煮到入晒味, 魚肉好鮮嫩, 入口是麻辣香, 嚼兩嚼就是品嚐到魚肉的鮮甜, 無論是魚肉抑或是配料, 大家是越食越有滋味! 我們仲order了黃芽白及羊肉, 放在魚鍋內煮, 黃芽白在麻辣湯底中煮熟後一D都唔辣, 反而好甜, 羊肉煮熟後, 索晒湯中

早前寒流天氣下，實在太冷不想搭車外出，所以就近近地在屋企附近吃午餐，除了打邊爐之外，最能驅寒的真是非雞煲莫屬，於是就來到馬鞍山中心的渝痴漁醉來一鍋麻辣雞煲。餐廳格局平實，不收加一服務費。除了雞煲之外，招牌菜是皇牌烤魚。午餐時段還有小菜套餐供應，比散叫更抵食。麻辣雞煲 $138因為我本身吃不了太辣，所以就選了小辣，一上枱已是熱氣騰騰，麻香撲鼻。雞件啖啖肉，肉質嫩滑，吸收了麻辣湯底的精華，十分入味。花枝丸 $38追加多一碟配菜，不過略嫌花枝丸的質感未夠爽口彈牙。醬汁濃郁，香辣惹味，花椒那種麻麻的獨特感覺不斷刺激味蕾，但辣味不算過重，吃不了辣的我亦覺得小辣程度是可以接受的，吃完之後頓感抗寒又暖身。農家小炒肉 $58以五花肉和青椒為主要材料， 再加上辣椒等為輔料炒製而成，充滿了濃濃的鄉土味。五花肉肥瘦相間，肉質細嫩，沒有過於繁雜的調味，突出乾脆俐落的麻辣椒香。川味咕嚕肉 $58向來愛酸甜味道的我，咕嚕肉當然是必點的，而且這裡還可以另加辣度，別有一番川菜風味。可惜外面粉漿略為過厚，但就炸得頗脆口，內裡肉質鬆化。小菜套餐的餐飲選了熱檸水及凍檸茶。

今晚不煮飯在屋企樓下間店食飯，原來傷心酸辣粉同渝痴漁醉係同一分店。住左甘耐都不知道，於是進去餐廳內，我地分別叫左幾個小食，炸花枝丸（6件）$36 這個炸到金黃，熱辣辣的口感。招牌腸頭$50 這個不能錯過，脆到好似食薯片甘。窩筍炒木耳$58 有些蔬菜食下冇甘油膩酸菜魚飯$72呢個我最愛，價錢便宜，魚份量多又滑，最重要有好多酸菜，酸辣的味道好開胃。酸辣雑錦香鍋飯$72（小辣）配菜有薯仔，蓮藕，午餐肉，雞翼，牛肉等，香味撲鼻，味道濃郁，惹味的一道菜。這晚吃得飽，價錢合理，值得我再次去。

馬鞍山被譽為美食沙漠，見到有間食烤魚的渝痴漁醉，超級開心🥳終於有多些選擇！加上上次在銅鑼灣分店食過，烤魚真的很出色，不用北上也可以吃到烤魚👍🏻今日假日，同屋企人來個遲來的烤魚午餐😋🥢招牌豆花烤魚-巴沙魚$208必嘗試嘅招牌菜，色香味俱全！有2款魚可以選擇: 巴沙魚🐟和紅魚店員說:巴沙魚的肉比較多，而且少骨所以我們選了巴沙魚🥰小辣烤魚本身跟少量配菜:雲耳，金針菇，蓮藕，豆卜，豆腐，百葉結，大量芽菜⋯所以我哋都沒有特別再叫配菜 一上菜話嘩一聲，因為真係好大條魚👍🏻魚肉非常厚實，亦算嫩滑，魚肉唔算老，最緊要真的沒什麼骨，所以啖啖肉! 我最鍾意個豆腐，食得出超級嫩滑，就算煮左半個鐘都係keep住咁滑身嘅軟豆腐😍🥰推介叫小辣，因為會越煮越辣😋秒速食完全部魚😂🥢干扁四季豆$58 四季豆份量很多，因為四季豆本身油炸過，所以較脆口，唔會似屋企食甘軟身！加上有少少辣，用來撈飯一流！🍻食川菜一定要叫凍飲解辣，餐廳有各式各樣的罐裝飲品，我哋叫咗道地烏龍茶$11總括來講：在美食沙漠中的一點清泉，不會只有那些普通的快餐店的選擇，亦不用北上食烤魚。性價比好高，價錢公道，份量亦不錯，而且沒有加一收費的餐廳，真係買少

渝痴漁醉同傷心酸辣粉開咗喺同一間鋪頭入面所以好多人都以為其實真係傷心酸辣粉其實係兩間鋪頭不過兩間舖嘅食物可以一齊落單今次叫咗朝天門水煮魚份量都算幾大份兩個人食嘅話都算幾多雖然唔知自己食緊咩魚但魚肉唔算好多骨魚肉每塊都好完整唔會一夾就散入面仲有芽菜青瓜同埋一啲薯粉川味咕嚕肉同普通咕嚕肉有啲唔同平時食開嘅咕嚕肉只係酸甜呢度加咗花椒同辣椒食嘅時候酸甜得黎又有啲辣而且咕嚕肉一舊骨都冇淡淡都係肉不過總有幾舊係肥膏多個肉酸辣土豆絲炒得幾好食土豆絲粗幼切得幾平均而且又夠鑊氣呢個價錢來講都算幾大碟健康小提示食辣野黎講始終都係好油而且鹽分一定超晒標所以鍾意食辣都唔好成日食