淥鼎記

營業中

休息中

嚟親呢度食嘢一定會有賓至如歸嘅感覺！服務員好醒目又有善，啲嘢食好乾淨企理！嘢飲方面有好多不含糖的選擇！如果可以17:30去食，簡直係超值！超級推介😬🥰除咗最基本嘅雞煲酸菜魚可供選擇，冬天嘅時候仲有羊腩煲添👍🏻下次一定要試吓！火鍋方面：湯底有辣有唔辣，仲要有鴛鴦煲！以呢個價錢，牛肉質素都算幾好！如果揀三百幾蚊嗰隻套餐，仲可以有刺身同埋更加靚嘅牛肉送俾你；唔使行你兩個鐘頭添….可以慢慢食。如果唔肯定幾多人去，其實即場俾錢同OpenRice買券係一樣價錢；唔一定要提前買。

觀塘地鐵站附近，用手機訂坐方便快捷，我們已經不是首次幫襯，三位女士都食左多款點心，腸粉，甜糕點⋯多次都覺得食品調味比較適中，不會太鹹味，點心款式非常多選擇，結帳每位大約$80，在觀塘區茶餐廳都要咁上下價錢，座位安排舒適。係唯一洗手間需要更新一下。

《淥鼎記》人氣鼎盛，身邊的朋友食過都讚口不絕，旺角店已食過多次，今次和朋友來到觀塘店，食物種類一樣咁多咁正。觀塘店鋪光猛又乾淨，電梯前等位的地方安排了座椅，很體貼，頓時加分。醬料款式多，擺放整齊，一定能調到合你口味的。《小寶套餐》120分鐘小菜選了酸菜魚，非常大盆，2個人食完已半飽，魚肉又多又嫩滑，加上微酸和微辣，更添惹味。跟著服務員送來了4款小食，有腸子、無骨鳳爪 、牛肚和木耳，好味。湯底選了豬骨湯，3大舊的豬骨真材實料手機落單後，肥牛片、豚肉片、羊肉片、鮮蝦滑、鮮魚滑等等，很快就送來，速度非常之快，欣賞，並且新鮮有質量。另外，大量的火鍋美食自取，有蓋子蓋好，擺放整齊乾淨，餃子、丸類都有很多款，還有腸仔、菇類和豆類。蔬菜也一目了然。飲品種類選擇多，最欣賞是有自家製的竹蔗水和烏龍茶，很多人飲。

之前午市喺呢間飲茶已經發現佢有唔同菜式 有點心、刺身、日式丼飯等等😍今次訂位夜晚同屋企人打邊爐🍲我地揀咗爵爺套餐$388/位（另加一）套餐可選一款主菜：椰子雞、藤椒/香辣烤魚、重慶雞煲、酸菜魚或羊腩煲▪️川味拼盤估唔到份量都幾多 款款都好食又惹味無骨鳳爪、木耳、肚絲、台灣腸 款款都好高質▪️刺身拼盤（一份）估唔到都有咁多款刺身 帶子、三文魚、螺、蝦刺身新鮮鮮甜👍🏼▪️ 藤椒烤魚烤魚好大條 魚肉嫩滑唔多骨 最正係成塊魚皮都預先煎得十分香脆👍🏼👍🏼整體藤椒口味微辣辣度適中 值得一讚員工會主動更換放有魚骨嘅碟▪️火鍋湯底：鮮人蔘藥膳鍋火鍋湯底略為遜色 感覺藥材味唔夠香濃▪️海鮮拼盤（一份）最鍾意嘅海鮮都有齊😍有鮑魚、生蠔、扇貝等 都幾新鮮👍🏼▪️頂級手切牛拼盤（一份）油花分布平均 牛肉真係有牛味😂👍🏼另外自助吧有多款配料例如水餃🥟、魚蛋、出前一丁等 最欣賞餐廳的蔬菜好新鮮翠綠🥬另外已預先包好一碗碗唔會就咁任人夾👍🏼夠曬乾淨亦唔老 而且金菇都切咗根部先俾人揀任取飲品亦有好多款 可樂、純茶、樽裝涼茶等整體用餐體驗令人滿意 座位闊落舒適

鋪頭：淥鼎記地址：觀塘觀塘道414號1亞太中心8樓​💰416蚊/位（連加一）💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 🍲爵爺套餐包主菜（可揀一：雞煲、酸菜魚、羊腩煲等）+火鍋湯底+手切牛+海鮮拼盤+刺身，另外仲有火鍋配料任點任拎任食，野飲（包自家製茶）任飲，無限時火鍋任食​👍🏻豪華時令刺身：幾新鮮，肉質鮮甜，尤其係隻蝦，肉質好爽口​👍🏻頂級手切牛拼盤：用黎打邊爐好食，好嫩，淥耐左都唔韌，呢個套餐每枱一碟，份量唔少​👍🏻豪華海鮮拼盤：最欣賞佢冇沙，基本上出街任食火鍋嘅海鮮係一定有沙，但呢間冇👍🏻海鮮仲要好新鮮，竟然有鮑魚&生蠔​☺️總結：呢個套餐非常豐富，仲要唔限時，最啱一大班朋友一齊吹水慢慢食​📝 以下評分最高分五粒🌟味道：🌟🌟🌟🌟粒 抵食程度：🌟🌟🌟🌟粒環境&服務：🌟🌟🌟🌟粒（正常環境同服務） ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟

同事們到訪過「淥鼎記」吃火鍋皆一致好評，於是預約朋友品嚐一下甫走出電梯便有兩條甚具氣勢的舞龍歡迎客人；內裡裝修雅緻帶中式古典風，環境寬敞，座位舒適設有自助區供客人自取數十款火鍋配料、飲品 (包括紙包、罐裝及自家製花茶等)、小食及醬料等點選「爵爺套餐」，成人平日每位$378，用餐時間不限-錦繡前菜 (一次性)有酸辣鳳爪、涼拌木耳、牛肚及炸魚，滋味開胃-日本直送時令刺身 (一次性)有三文魚腩、翡翠螺、帶子及赤蝦三文魚腩厚切肥美又甘香、翡翠螺嫩滑爽彈、帶子厚肉甘甜、赤蝦鮮味肉嫩-豪華海鮮拼盤 (一次性)有鮑魚、扇貝、大蝦、沙白、鱔片及生蠔鮑魚爽滑彈牙、扇貝鮮甜肉厚、大蝦肉鮮多膏、鱔片軟嫩甘美、生蠔充滿鹹香-頂級手切牛拼盤 (一次性)牛肉油花分佈平均，肉質軟嫩有彈性，牛香豐富-主菜六選一 (一次性)原味椰子雞椰子份量十足令湯底非常鮮甜；雞肉嫩滑緊緻，有質素！-火鍋放題湯底 (六選一)：花膠美人鍋加入紅棗及杞子等材料，夠養顏其他食材推介有海蝦、沙白、脆肉鯇、美國安格斯牛板翼、牛小排、魚腐及餃子類-最後奉上Haagen Dazs雪糕

今日約咗朋友去觀塘，大家都想坐得舒服啲，所以揀咗去飲茶。第一次去呢間酒樓，好多獨立卡位，坐得舒服，又無平時啲酒樓咁嘈。職員問我地飲乜嘢茶，之後拎咗兩包獨立茶包俾我哋，乾淨衛生。QR code 落單，睇到餐牌覺得好搞笑，除咗有點心，炒粉麵，仲有刺身，拉麵，凍檸茶，奶茶，雪糕。叫咗幾款點心，都好好味呢，叫左黑松露魚子醬三文魚酥。賣相好靚，三文魚同魚子醬好夾，好特別嘅味道。跟住叫咗芋角天鵝，個樣好可愛，睇到張相就忍唔住叫，芋角酥炸得好香，仲食埋天鵝條頸，好搞笑。我就最鍾意食呢個鮮蝦菜苗餃，熱辣辣即叫即蒸，皮好薄，鮮蝦真係彈牙，仲有好多豆苗，呢個一讚另外叫咗魚肉讓青椒，我食咗兩隻，第一隻好好味，青椒都好夾，第二隻青椒就覺得好辣，應該有少量青椒籽喺入邊食埋個甜品，柚子炸蛋散，少少甜，炸得好脆。總括嚟講，可以一試，最欣賞酒樓可以有高格調嘅座位，坐得舒服，又唔係太嘈，點心好味賣相靚。😋Yummy Yummy: 8/10😋

淥鼎記係我嘅愛店之一，不過單價比較貴，平時都係同同事一齊飲茶share~最近app做緊滿$100減$50嘅優惠，而自取又再平少少。我一個人叫左3樣野食，包括藥膳花膠雞米線、醬汁鳳爪、黃金鮮蝦餃（2件），原價係$133，折左$63.05（已包野飲）好抵！米線方面比較失色，湯底冇乜味，而且魚肚扮花膠🤣不過雞好滑，加番d分數！鳳爪超濃味，好出色，每次都會叫黎食。蝦餃就不過不失，但點心始終都係堂食熱辣辣好d!另外包左杯野飲，我叫左凍檸茶，想講杯野係冇冰的，係一早包裝好擺入雪櫃雪住，所以好濃味，唔會淡茂茂，欣賞！總括嚟講淥鼎記嘅外賣不過不失，不過下次食都係堂食開心d~

🎉🎉好朋友的生日，要大肆慶祝一下，🍻🎶🎵当然要找一个华丽豐富的晚餐，才配得上。🤗🤗这里的爵爺火🔥鍋套餐，应该是当之无愧的。👍👍定了5点30分的位置，来到已经有很多人在等着，迫不及待的要享受着一份豪华的火锅， 爵爺套餐，首先有六个鱼餐选择，🐟🐠我们选老壇酸菜鱼。接着还有豪华時令海鲜刺身，🐚🐚🦐🦐🐙🐙顶级手切雪花牛肉，🐮🐮然后才开始吃火锅。前菜四小品凉拌黑木耳，小腊肠， 酸辣凤爪，还有麻辣毛肚，全是可口开胃的小吃。招牌菜，老坛酸菜鱼🐟脸盆大的酸菜鱼，漂漂亮亮的放在面前，很多雪白的厚厚的鱼片，泡在鮮美的酸菜汤里，又鲜又嫩，湯裡伴有花生苗🥜，莴笋🥒，紅辣辣🌶，青花椒🫑，芝麻，厚厚的粉条子。上面还點綴了菊花瓣🌼，美极了。豪华时令海鲜刺身鲜艳的色彩搭配，看得人眼花缭乱，几乎忘记了这是可以吃的美食。两只大大的鲜鲍鱼，六只鲜活的大海蝦，又圓又大的带子，两只厚厚白白的墨鱼，兩片厚厚肥美的三文鱼，兩只大海螺，在鲜花绿叶相伴下呈現最美丽的色彩。顶级手切雪花肥牛红白相间的手切雪花牛肉，放在冰块上，像是等待食客欣赏的时刻，发出赞美的歎聲。为了平衡荤素，我们选了皮蛋元西湯，作为火锅的汤底，正式开始火锅的演譯。火锅

開頭以為哩間係打邊爐，不過朋友話係咩都有得食😅可以飲茶食點心，又可以食日本野魚生飯，就帶左我去試。哩間都好多人，上到去都要等位，所以都要預d時間手排隊lunch hour我就簡左食酸菜魚，因為個價錢幾抵，同埋好耐冇食。老壇酸菜魚二人套餐 （$198）份量好大，魚肉夠多，我食過有d係水就大大碟，魚就得幾塊，所以哩到算唔錯，配料都齊備，有蓮藕寬粉等。+花甲（$38）我自己好中意食花甲，所以都另外加左，真係好鮮味同夠大隻。而且仲有好多唔同配菜選擇，非常多元化。柚子蜜耶汁糕3件（$26）最尾食埋個甜品，唔會太甜，耶汁味濃，推介👍🏻茶位（$9/位）呢度每位都有獨立茶包自己選擇

星期三我上午去觀塘上堂，老公下午去觀塘面試，約了一起在觀塘淥鼎記飲茶。茶芥$9一位，這裡用的是茶包，要了香片，還要了一罐可樂。香芋天鵝酥外層酥酥地，包著綿綿的芋頭和肉碎。蟹籽龍皇燒賣大大粒，飲茶一定要吃燒賣。松露帶子腸黑松露味很出，腸粉皮薄嫩滑，帶子薄薄一片。黑松露赤螺三文魚酥酥皮鬆化，餡料充足，不錯。黄金蝦餃皇蝦很大隻，好吃。太極黑糖馬拉糕甜度剛好，不會很甜，正宗馬拉糕的味道，做成太極圖案很有趣。五年陳皮牛肉球非常大顆飽滿。芝麻肉鬆米網腸粉口感脆脆地，餡料豐富，美味可口。

今日食嘅套餐係淥鼎記—小寶套餐（120分鐘火鍋放題），主菜選擇左酸菜魚（小辣），由於主菜都重口味，所以火鍋湯底擇左清啲嘅澳門豬骨鍋。我去左拎調味料嘅瞬間，一番埋位已經成枱都係食物！效率十足！.前菜有麻辣金錢肚、酸辣鳳爪、涼拌木耳、台式腸仔，賣相吸引好食，最鍾意係酸辣鳳爪，非常開胃！酸菜魚份量十足，魚片數量非常之多，食落嫩滑入味，仲有薯粉、芽菜、萵筍、蓮藕等配料，湯底飲落鮮甜酸辣，好食！推薦！我同朋友兩個女仔淨係食呢一個主菜都飽左7-8成😂澳門豬骨鍋，一開始以為呢度嘅豬骨湯底都係味精湯底，估唔到非常之足料，湯底有兩舊大豬骨，仲有粟米蘿蔔等配料，就咁飲味道鮮甜！火鍋配料嘅選擇都非常之多，牛肉、豬肉、羊肉、海鮮、丸類、餃子、蔬菜等等，推薦鵝腸、韓國生蠔、海蝦！除咗火鍋配料選擇多，飲品選擇都好多，仲有自家製茶同竹蔗茅根，可以清下熱氣！

小寶套餐 $238/位套餐非常多元化, 有前菜、主菜、任食火鍋, 性價比嚟講真係無得輸, 而且食物質素亦相當唔錯, 我同朋友食完都好滿意, 大家都話下次再嚟. 錦繡前菜一坐低餐廳會先送上4款前菜, 包括泰式鳳爪、牛肚絲、涼拌雲耳、台灣腸. 鳳爪同牛肚絲味道都係酸酸辣辣, 非常開胃.主菜包括有老壇酸菜魚、藤椒烤魚、古法羊腩煲等,可以六選一, 我哋今次就揀左椰子雞煲, 雞肉份量非常充足, 值得一讚係雞肉真係好嫩滑, 配搭椰子湯, 令雞肉更加清甜.火鍋湯底亦都係六選一, 包括鴨血麻辣鍋、澳門豬骨鍋、馬來喇沙鍋等, 款式非常多元化. 而我哋就揀左花膠美人鍋, 鍋料都好豐富, 有杞子、紅棗, 仲有好多舊花膠, 撈極都仲有, 非常足料. 之後就到任食火鍋既部份, 除左可以qr落單肉料、丸類等之外,出面都仲有好多餃子、海鮮, 例如水魷、帶子等. 而肉類亦都有幾款, 今次就試左安格斯牛板翼、伊比利亞黑毛豬、紐西蘭羊肉, 全部肉質都相當不錯, 以套餐價錢嚟講, 絕對係非常抵食. 飲品區除左一貫常見既茶飲、汽水, 另外仲有自家既竹蓆茅根, 打邊爐最啱.

經開觀塘同陪屋企人飲茶， 見到間幾新式又有精緻點心可以打下卡✌🏼😍上到去見到裝飾都幾用心 位置寬敞舒服，平日十二點半都8成滿！ 應該幾唔錯，我估🤣黃金鮮蝦蝦餃王上邊有小小金箔裝飾，皮夠晒薄， 裏面大大隻蝦！ 味道唔錯， 餐廳都好細心蝦餃燒賣都有兩件一籠 啱晒我呢啲想咩都試吓嘅人蟹籽龍皇燒賣呢一間嘅燒賣味道調味都唔錯我覺得加分為係佢嘅蟹籽出邊好多蟹籽都會好乾柴，完全係裝飾。 呢一間咬落去仲係有少少爆開一粒粒嘅感覺 👍🏻有口感 ！ 香芋天鵝酥 推介💯外觀真係好似🦢裏面係有啲芋頭粒粒同埋應該係有啲叉燒醬 叉燒酥加少少芋頭個外皮薄之餘， 仲要真係好鬆脆鳳凰鮮蝦腸粉上面應該係有啲蛋絲， 裏面就蝦，皮嘅厚度適中。排骨飯可能因為佢日本係做日本餐廳， 所以排骨飯都係用珍珠米 ！我都係第一次食排骨飯用珍珠米，口感幾特別！ 柚子蜜桂花椰汁糕整體唔會好甜， 柚子蜜同桂花嘅味道淡淡清香清甜！ 椰味唔太重所以唔會搶個味❤️呢間餐廳特別之處用散裝茶包，唔想飲茶嘅人可以嗌其他奶茶之類嘅嘢。 有啲fusion， 我見到仲有得嗌日本嘢，其實都幾適合一啲一大班人嚟食飯， 可以就晒唔同parties ! 買單嗰時見到佢話原來

淥鼎記 地址: 觀塘觀塘道414號1亞太中心8樓 #yauyau_觀塘 推薦指數：7.5/10 今次一年半週年紀念帶左女朋友去觀塘一間火鍋放題，一次過滿足女朋友打邊爐同食酸菜魚嘅願望。間嘢都幾抵食，唔會因為多左款式餸菜就俾啲差嘢，價錢同食物對比我食過一間喺佐敦又係食酸菜魚加邊爐放題叫倫X私房菜嘅好太多。 爵爺套餐無限時火鍋放題 $378/ppl （另收加一） 錦繡前菜（一次性） 都係啲基本小食，不過有誠意，有泰式鳳爪同牛肚絲啲高成本啲嘅嘢食。 日本直送時令刺身（一次性） 呢個有帶子、三文魚、大甜蝦、唔知咩貝類刺身同鮑魚，全部都好新鮮， 拍得住啲連鎖壽司店。 主菜 （六選一）（一次性） 我哋揀左酸菜魚，個麻香整得好好，有十二X嗰個feel，啲魚就冇麻辣風X嗰啲咁靚架啦，但都係中上貨式。仲有好欣賞佢冇特登放好多平嘅配菜落去借啲意塞飽你個肚，每樣嘢個份量係好reasonable，你食哂咁多樣嘢都唔會好飽，係好舒服咁食到最尾。 無限時火鍋放題 -包頂級手切牛x1 & 豪華海鮮拼盤x1（一次性） 湯底揀左莞茜嗰個，去到呢個位食埋佢送嗰兩碟靚嘅牛同海鮮，再食啲菜都飽架啦，成個用餐係好舒服。其他普