浪人日本料理 (已結業)

朋友話帶我嚟食放題，本身都冇乜期望，以為又係hea貨，當陪吓佢囉。點知原來呢度由食物、服務到環境都超令人滿意，每人都係$328，任飲、任食、仲要冇限時！平時食放題成日啲刺身一係嚟唔齊，一係成張單消失咗，但喺呢呢度就唔會有呢個情況發生，因為係自助嘅刺身櫃貨源充足，而且全部色澤好靚，好新鮮想要邊款刺身，師傅即刻切比你，仲要係厚切！大大件食落好滿足呀飲品方面除咗有普通嘅汽水、茶、啤酒之外，重點係有梅酒同清酒呀！我飲咗6杯梅酒... 平時喺日本餐廳一杯都要幾廿蚊，所以係絕對可以飲到回本而壽司款式都好多海膽冇伏，清甜串燒類之中我最鐘意個［華味雞］，燒完仲保持到嫩滑，幾驚喜，個人評分高過和牛串另外仲有冷盤區。最開心係有泰式生蝦呀要寫紙仔嘅食物方面，全部都係落單即整天婦羅嘅漿十分鬆脆，炸得又唔油膩，放題嚟講都算係驚艷嘅水準！芝麻雞翼炸得香口得嚟入面唔會乾柴，值得一試。但炸蠔嘅粉漿太厚，可以慳返個quota呢個吉列紫薯栗子餅又幾好，香香甜甜，又有粒粒栗子喺入面。炸嘢類整體嚟講都算高質，炸得乾身鬆脆，唔會油笠笠清酒煮蜆雖然唔算大隻，但起碼隻隻都新鮮飽滿。清酒汁亦都好鮮味生果同甜品琳琅滿目但我太飽喇，所以

今日又做隻早食鳥, 18:30 開始, 無時限, 如果你夠食力可以食到22:30, 我哋就當然唔得啦, 食到未夠九點已經收兵。浪人走中檔放題路線, 放題每位收$328, 無時限。座位闊落放題食物分兩類, 第一類係自助形式, 自己攞,  第二類係剔 order紙。甜品多樣化; 蛋糕、 法式、 焦糖燉奶、日式蛋糕、日式果子等等, 當然仲有至愛日式雪糕。燒物就有羊架、腸仔、菠蘿、大蝦、牛肉串及大腸串等。自取食物似酒店自助餐, 自助食物包括刺身、燒物、壽司、 湯、前菜、 冷盤、沙律、飲品及。甜品刺身款式有三文魚、 甜蝦、 劍魚腩、油甘魚及赤貝等等。清酒好飲, 有米香, 甜甜地易入口。無限返兜推介; **甜蝦 ~ 新鮮有光澤, 嫩滑甜美。**带子 ~ 微爽滑口，幾鲜甜。**牛油果壽司 ~ 爆口魚籽配香滑牛油果, 再放上甜酸沙律醬, 飯卷再用紫菜包住蟹柳及三文魚, 口感及味道非常豐富**燒羊架 ~ 燒得皮脆肉嫩，羶香惹味，encore 左唔知幾多轉**烤菠蘿 ~ 腍甜多汁**帶子串 ~ 日式甜醬油令帶子香甜美味, 帶子唔乾唔強韌, 正!**鹽燒大蝦 ~ 大隻蝦肉燒得唔乾有蝦汁, 鲜爽。**泰式生蝦

難得放題唔限時可以六點半食到十點半未夠鐘諗住上去坐下等下啦點知... 上面已經有人等緊佢開門準時 六點半開門放人入坐低之後要自己出去拎野食廚房煮既野食就寫紙仔頭盤都好多選擇之前上網睇話有梅酒...可惜 個日梅酒冇貨得清酒拎野食都唔多人排隊好快就有啦真係好厚切呀炸雞翼都好女味唔會炸過火唔乾 😀😀外面脆入面仲好juicy 呢啲都係要自己出去拎既好正呀 有海膽👍🏻👍🏻👍🏻羊架係必食呀好嫩 燒得岩岩好有個小食叫芝士薯角對於一個薯仔迷同芝士迷黎講呢個簡直就係天作之合中間仲有千島醬 食落就冇咁流啦甜品到豆腐慕絲不過不失 可以再滑啲既放題甜品質素算唔錯即燒即食呢個都唔係伏真係唔錯下呢間放題真心高質食得過價錢三百幾加一咁要有質素自然有返咁上下價錢可以再encore 😀

今晚收工同朋友去食放題一早book左灣仔既浪人料理難得有一間放題唔限時可以慢慢食慢慢傾款式選擇都好多有自助既 亦都有落單叫既飲品櫃～有茶、啤酒、汽水同清酒仲有出面好少見既黑糖薑茶唔算太甜 幾好飲沙律吧樣樣都好精緻 擺盤好靚份量剛剛好 自助既燒烤吧即燒既羊架同海蝦都好正羊架2面都沾了醬汁去燒燒得剛剛好 幾juicy 師傅好貼心咁睇住火喉 確保唔會燶羊肉食落鮮嫩海蝦食落有淡淡既海水鮮味蝦肉爽脆出面仲可以攞壽司同刺身刺身樣樣都好新鮮三文魚肥美北寄貝同甜蝦爽甜帶子粒粒都好大隻 食落口感好豐富好高質煙肉芝士焗生蠔呢款都焗得好香芝士唔會太多而蓋過生蠔既味道生蠔仲係好juicy 唔會焗到好乾最後食埋甜品 超級飽甜品同出面一般放題唔同樣樣都整得好精緻好有心思呢到收碟好快 又唔會漏單Service又夠貼心Recommend 比大家！

星期一有好野食即刻變得唔blue!呢間放題好姐妹食過話正,帶我黎提早食聖誕大餐!餐廳半自助形成, 地方闊落,座位間吾會太過擠迫!有沙律吧,串燒熱食,刺身壽司,甜品站刺身部有師傅幫手, 師傅手起刀落毫不心軟,每塊刺身都厚切!平時比較少食到帶子都可以任食!壽司件件都大有特色! 鵝肝,海膽,鰻魚等貴價食材都有!除此之外,落單紙都有吾同熱食炸物!炸物即叫即炸,金黃色好新鮮!鰻魚炒飯好食! 粒粒飯都沾上鰻魚汁!而且真係食到好多鰻魚肉,真材實料!芝士焗物亦係惹味之選! 大大件厚切蕃茄!入口超juicy!甜品除左餅櫃既款式外, 仲有即整焦糖燉蛋同水果班戟!甜品樣樣比較迷你,岩晒我呢d想食又怕飽肚既女仔!最開心係有厥餅任食!呢餐高質放題絕對抵食,樣樣食點都回晒本!

黑洞作為foodie 梗係要有咩好西就即刻去報到身邊有個朋友食完都話正到喊 吾洗諗即訂餐廳都幾近灣仔地鐡 整體裝潢既有日式風情同一般放題有小許吾同 除左點餐紙出面仲有好似酒店咁自助夾野食飲品除左有一般汽水外 竟然有清酒飲任行左一個圈滿載而歸黑洞吾太好希靈魚 其他全部都要師傅俾左大大碟 平時酒店食自助餐都係幾塊幾塊咋呢到任食真係好爽壽司竟然有黑洞最愛既大蟹棒 好過份忍吾住食完又食温馨提示 呢到壽司飯量吾算特別細易飽既朋友仔要注意分量串燒樣樣拎d 推介帆立貝 羊架同大蝦羊宲好質好冧 有小小羊蘇香味熱食有清酒煮蜆Size吾算特別大 但無沙鮮甜吾會死咸魚鮫係限量菜式 燒完魚油出晒黎魚皮脆卜卜 夠晒滋味黑洞推介海鮮控點芝士焗帆立貝同芝士焗蠔芝士配煙肉超香口而家打卡仲送海拼盤 有齊青口 蝦 螺 生蠔真係一次過滿足晒所有願望最後食埋甜品作結 豆腐慕絲好香豆味清清地吾太甜夠軟滑檸檬撻同朱古力撻細細件中間饀料超足成餐放題一路食一路驚嘆好好食係黑洞2018年食過最高質既放題

一直係灣仔個頭返工，間中食晏都經過見到呢間浪人日本料理店，一直都想試下，今晚終於約到幾個朋友一齊去食放題啦。首先一黎食左刺身先，厚切三文魚同超大粒嘅帶子，比起其他放題店更新鮮，值得推介。燒物方面：我幾中意舊燒羊骨，唔膻不特止仲燒到好香又唔韌，但因為都唔細舊，要留肚再戰其他野食，另外食左好多燒蝦同埋燒菠蘿，超好食，尤其燒菠蘿好正好多汁；炸物方面：我一口氣食左四粒紫薯天婦羅同一條多春魚 好好食 但有點後悔 因為都好飽肚下 雖然真係好好食 炸粉適中；另外好值得推介係蜆肉，隻隻都好大粒又無沙，最重要每個殻都有蜆 唔似出面其他放題店 殻多過蜆；甜品方面，有焦糖燉蛋同埋PANCAKE 真係要提提大家留肚食甜品，即場整架

朋友知道我鍾意食帶子同甜蝦，之前一直都推薦我去浪人日本料理店食放題，話果到的帶子好大粒，甜蝦又新鮮又大隻咁話！搞到我一直都心郁郁，今日終於都約到朋友去食。間店面唔係話好大，但環保好舒服，唔似其他的放題店咁嘈。我book 左2位，好開心佢比左個6人的卡位我，坐得好舒服。一坐底，迫不及待去左刺身吧拎左甜蝦、三文魚、北其貝同帶子刺身。就如朋友所講的，帶子好大粒又厚身，食完之後，好滿足。甜蝦一直都係我的至愛，呢到的甜蝦，完全無令我失望，大大隻，而且又新鮮，搞到我食唔停口。而家諗返起，都想再食！甜品方面，都有唔少的選擇，見到賣相好靚的「櫻花水信玄餅」即刻要相機食先。現場設有即制的pancake ，又係令人愛不釋手。新鮮生果盤，亦係我的至愛，可以幫手消滯。

$348，四小時放題，由於自己湊住小朋友，所以想揾間唔係兩小時既放題同爸爸媽媽慶祝結婚週年紀念，訂位時知道我帶BB已經主動問我要唔要BB椅，未食已經加分，因為唔洗抱住佢食…我訂左6大2小，佢比左兩張6人枱，當晚人都多，但預留左大d位置比我等我坐得舒服d，安排同服務都好有驚喜，而且服務員態度有善有禮，而且見我想開飲品櫃門，職員非常主動協助兼好有禮貌一入門口見到甜品櫃，玄餅同梅酒啫喱好正罐裝飲品選擇不算太多，有梅酒清酒自己 斟冷盤多選擇燒賣即燒即取壽司同刺身都係即整即切，唔會預唔到分量，唔洗浪費炸物就自己點好正既燒帶子

點解會去食：2018-11-15 有個舊同事返黎探我地，一班人揀間好啲嘅餐廳，舒舒服服傾下偈。一向喜歡食日本野。食物新鮮程度：⭐⭐⭐⭐餐湯配嘅芝士脆條好鬆化。鰻魚豐厚得黎仲有油香味。同事食嘅刺身都係好鮮甜，壽司紫菜脆卜卜。食物合適溫度：⭐⭐⭐⭐餐湯、湯麵、飯熱辣辣，有煙出。食物驚喜程度：⭐⭐⭐⭐⭐日本餐廳以為多數飲味噌湯，點知係配南瓜湯喎。好好飲，好足料，有南瓜嘅香甜味。—————————————————服務員態度：一貫日本餐廳：入門口就講句「二三四」，但落單、上菜、收野都好有禮貌，反應又夠快。—————————————————最重要系。。。我會唔會再去呢？重游指數：⭐⭐⭐⭐⭐

約左好耐終於約齊人去試浪人日本料理店嘅放題啦，最開心硬係朋友請，肯定連晏就都唔食留返夜晚博殺啦！一入到間店就比燒烤味吸引去搵串燒食，燒菠蘿燒大蝦燒羊肋骨真係好食到暈，尤其個羊肋骨無得輸，又唔韌又唔膻，燒到剛剛好，又多肉汁，但最可惜都幾大舊下，如果食多舊就會哂左個胃嘅位。之後竟然比我搵到泰式蝦刺身 雖然細細兜 但好好食 好夠味又新鮮。芝士燒蠔同燒帶子真係要講下，芝士味好重，都係個句要襯熱食，我放左一陣先食，相信即燒即食會更好食。仲有好多好多野食好似海膽壽司、雞軟骨、天婦羅都勁多款，真係咪食晏就空肚去食就最抵，否則好多即整甜品根本試唔到，當日就有焦糖燉蛋同Pancake 勒。

做完大project 公司慶功去食放題大大個壽司吧，有三文魚，油金魚，劍魚腩，好大粒嘅帆立貝等，即叫即切仲要係厚切。鍾意食飯嘅仲有壽司佢個爐端燒有串燒，羊架，同埋蔬菜類有啲基本沙律菜同埋凍肉其實點餐紙仲有好多熟食，依個清酒煮蜆幾唔錯除咗普通汽水茶飲之外，佢仲有任飲梅酒同埋清酒可以自己揀杯仔樽仔甜品吧竟然有水信玄餅同埋蕨餅仲有即製嘅水果pancake同埋即燒焦糖布丁。呢個buffet唔單止食得飽肚質素都算唔錯

見到網上面有報道話呢一間餐廳做放題，之前去過食佢嘅日本菜覺得質素非常唔錯，所以啲想試吓放題嘅質素係咪一樣見佢價錢都好抵。見佢有非常多唔同種類嘅菜式例如一入到去就會見到佢嘅甜品櫃，入邊除咗有蛋糕仲會有一啲特別嘅甜品，例如水信玄餅，Pancake，焦糖燉蛋，布甸等等唔同嘅食物。另外冷盤嘅位置有冷麵，沙律，火腿片，仲可以自製自己喜歡嘅沙律，配上好多唔同嘅醬汁。另一邊就會有串燒，我非常非常喜歡佢嘅羊架，係我係放題食過最嫩滑，就等於我係出面食兩件都要差唔多$300嘅質素，非常好味。另外仲會有啲海鮮，肉類，蔬菜等等。另外刺身都有好多唔同嘅種類例如甜蝦，三文魚吞拿魚等等。而呢一道當然要試吓佢嘅壽司，款式非常之多，出邊食一件廿幾三十，呢一度各色各樣嘅卷物，同埋每一件壽司都做得非常仔細。而且仲會有鵝肝壽司，海膽壽司，赤貝呢幾款我最鍾意食嘅。除咗入出邊自助嘅刺身同埋沙律吧，仲有一啲可以即叫即整既熟食，比起平時放題將啲熟食放晒喺度要自己拎更為好，熱辣辣嘅感覺令到食物嘅質素亦都提升左。有唔同嘅魚類、天婦羅、飯、烏冬、炸物等等。仲有呢一度嘅飲品亦都非常之特別因為佢係有清酒任飲，鍾意飲酒食刺身嘅人去呢度就最啱。

$348，四小時放題，由於自己湊住小朋友，所以想揾間唔係兩小時既放題同爸爸媽媽慶祝結婚週年紀念，訂位時知道我帶BB已經主動問我要唔要BB椅，未食已經加分，因為唔洗抱住佢食…好多放題無BB椅，亦唔想提供BB椅我訂左6大2小，佢比左兩張6人枱，當晚人都多，但預留左大d位置比我等我坐得舒服d，安排同服務都好有驚喜，而且服務員態度友善有禮，而且見我想開飲品櫃門，職員非常主動協助兼好有禮貌一入門口見到甜品櫃，玄餅同梅酒啫喱好正罐裝飲品選擇不算太多，有梅酒清酒自己 斟冷盤多選擇燒賣即燒即取壽司同刺身都係即整即切，唔會預唔到分量，唔洗浪費炸物就自己點好正既燒帶子

日式放題款式勝在包羅萬有，不過試過好幾間之後，就覺得食物質素很參差，所以這幾年都少吃了，但今次來到浪人日本料理的灣仔分店暢享半自助日式放題，竟然有意外驚喜，足以讓我重拾對任食放題的信心 XD餐廳裝潢設計以深木色及簡約泥土色調為主，帶出別具時尚感的日式設計格調，空間寬敞，這裡的日式放題更是無限時，由晚上6時30分開始直至10時30分，大胃王可以食足四個鐘，逢星期日至四定價為$328（小童及長者優惠價$188），而星期五、六、公眾假期及前夕則定價為$348（小童及長者優惠價$208）。設有一間可容納20人的貴賓房，私隱度更高，讓人可於樸實及放鬆的氛圍下，盡情享用豐盛無比的日式放題。刺身吧就像酒店buffet 般採用自助形式，款式應有盡有，包括甘海老、北海道帆立貝、北寄貝、三文魚等等，魚生夠鮮美，肉質油潤而軟滑，帶出鮮甜的魚味。壽司吧同樣款式繁多，保留日本海產食材的優質鮮味，壽司握得緊密，這樣飯粒夾起來才不易散開。燒烤吧帶來熱辣辣的照燒及串燒美食，包括來至福岡的華味雞、羊架、海蝦、和牛串、帆立貝、香草豬肉腸等。燒菠蘿採用連皮切件的新鮮菠蘿，果味天然香甜又多汁，加上燒完後蒸發了生果中的水分，令