水鴨朱椰子雞 (已結業)

雖然是火鍋店掛帥，但港式小炒方面，非常夠鑊氣，味味精彩！已經成為常客。每次除了點椰子雞鍋，必定再點小菜。前菜方面：沙薑雞腳、芥末拌生腸，必食！一些經典港式小炒：豉油皇鵝腸、椒鹽九肚魚、小炒皇、蔥油雞 .... 好夠鑊氣！海鮮類選擇亦很多，首選避風塘炒蟹、薑蔥炒蟹。🦀講返火鍋，湯底用椰青水，加湯我們不加水，只點椰皇。火鍋材料亦很新鮮。🥥價錢合理 ，可以自帶酒水。🍷還有包廂，minimum charge 價格合理。👍

朋友話想食打邊爐，聽講大角咀嘅打邊爐出名椰子雞煲湯底，就同佢一齊去試下。餐廳環境幾大，而且夥計都幾友善，佢哋會教你幾時食邊樣同淥幾耐，咁就唔使怕整嘥咗美味嘅食材。首先係椰子雞煲加海南雞，工作人員表示要先煲15分鐘，之後先試吓啲湯同埋雞。打開煲蓋，成個湯充滿椰子絲，令到成個椰子湯非常鮮甜，另外海南雞肉質彈牙。牛頸脊 / 牛肉粒 打邊爐不可或缺嘅牛肉，牛頸脊切得都幾厚，食落好有口感。牛肉粒亦好彈牙，加埋鮮甜嘅椰子湯嘅簡直係正。 大花蜆 處理得好好，食落唔會有沙。 美國桶蠔 隻隻份量十足，肉質鮮嫩幼滑，大滿足！ 美國桶蠔 隻隻都大大隻，肉質鮮嫩幼滑，大滿足！墨魚丸 / 貢丸， 墨魚丸爽口彈牙，而貢丸好足料，咬落食到好多冬菇，好好食。 珊瑚蚌鮮 甜，爽脆，記住唔好淥咁耐呀。 總而言之喜歡打邊爐嘅朋友不妨試吓。

椰子同雞都食過，唔知水鴨朱椰子雞嘅椰子雞煲你又有冇食過呢🥥🐓佢地湯底以清甜既椰子水😋所以真係好鮮甜👍🏻配上文昌雞隻同大量椰子肉，令每件雞肉都有陣陣椰子味🤤仲要好嫩滑，分量都幾多，所以叫多幾樣火鍋配料已經好夠食🍲而環境方面比較 local，有少少嘈🤗但整體環境都好乾淨👍🏻👍🏻👍🏻火鍋配料好多選擇，飲品仲有椰皇揀，超有椰子味🥥🥥仲有其他樽裝飲料揀，人均消費唔算好高，所以都好抵食

餐廳環境幾大，駐場嘅員工都好好人，佢哋會教你幾時食邊樣，咁就唔使怕自己唔識整嘥咗美味嘅食材。首先當然係椰子雞煲加海南雞，店員表示要先煲15分鐘然後試吓啲湯同埋雞肉先。湯頭充滿椰子絲，令到成個椰子湯非常鮮甜，另外海南雞肉質彈牙，一開始就已經覺得呢一餐會好滿足。另外亦都點左打邊爐不可或缺嘅牛肉，我點左牛頸脊同牛肉粒，佢哋嘅牛肉好鮮味十足，牛頸脊切得都幾厚，食落好有口感。牛肉粒亦好Q彈，加埋椰子湯嘅鮮甜簡直係雙重享受。丸方面我地點左墨魚丸同貢丸，墨魚丸爽口彈牙，而貢丸好足料，咬落食到好多冬菇，好好食。珊瑚蚌鮮甜爽脆，記住唔好淥咁耐呀。午餐肉吸收埋啲湯汁，軟林林好好食。美國桶蠔隻隻份量十足，肉質鮮嫩幼滑，大滿足！大花蜆處理得好好，食落唔會有沙。喜歡打邊爐嘅朋友不妨試吓

同朋友食飯聚會當然要揀打邊爐慢慢恰恰下，呢間餐廳環境夠曬大，空間闊落，伙記推介椰子雞煲一於試下，雞肉都嫩滑，有timer計住，伙記專人開爐落雞，服務態度好，而家明顯食開都係街坊，餐牌好選擇而且價錢好合理。首先頭盤係青瓜海哲，微辣醒胃，椰子雞湯真係好清甜，啲邊爐料唔洗沾豉油都好有味，好香椰子味，海鮮超新鮮，啲蝦好生猛，蝦肉好爽口，青口同蠔都係大大隻，仲有勁巨型帆立貝，肉當然不能不提，佢啲牛肉肉質稔，易咬口，豬頸肉份量超多，呢間野每樣材料份量都勁足，丸類好多都手打，夠曬彈牙，我地仲叫左椰王飲，30蚊一個超清甜，想食火鍋都推介黎！

今日落雨天就好想打邊爐，同幾個朋友就揀咗試特別啲椰子雞試吓🤤🥥🐣椰子雞煲聽夥計講最出名係椰子雞煲，四個人就叫一隻海南島文昌走地雞（$268）！本身個煲椰子水已經有椰子肉同竹笙，聞落超香椰子味，當然識落都有好甜嘅椰子味！而走地雞同冰鮮雞果然唔一樣，夠雞味，而且食落都冇碎骨，啱晒用嚟打邊爐！🦐海鮮類海鮮我哋叫咗游水海蝦、日本廣島蠔、荷蘭半殼青口、北海道帆立貝！海蝦上枱仲識郁，勁新鮮，所以食落好彈口，勁好食！廣島蠔大大粒，好飽滿，唔會因為雪藏而冇晒好味！青口同帆立貝都係大大粒，煮完都唔會縮晒水搵唔番👍🏻🥩肉類叫咗手切特級本地牛頸脊、美國安格斯牛肩肉同爽口豬頸肉！牛頸脊果然係推薦嘅肉，無咩油脂，所以相對肉味比較重，再加上椰子湯底唔會搶咗啲牛味，勁好食！而且三碟嘅份量都好多！🍡丸類我哋試咗佢嘅自製四寶丸，例如牛丸蝦丸鯪魚丸，自製丸無咁多粉，食落當然更滋味！🥬時蔬類我哋叫咗白菜仔、金針菇同粟米！粟米超級甜，一食落去真係嚇親，勁推！白菜仔又係超多份量！🥢其他另外都有叫響鈴、魚皮、厚切午餐肉、脆皮芝士腸同日本稻庭烏冬，同樣都好高質！🥥另外叫咗幾個椰皇試吓，好清甜，啱晒打邊爐下火氣！

今晚約左朋友食飯聚舊，佢介紹我們黎呢間水鴨朱椰子雞，開頭聽個名以為係「水鴨豬」，我仲話個名咁搞笑，雖然最後都唔知水鴨朱係咩意思...呢間野好就好在可以一邊打邊爐一邊食小菜，雞煲款式好多，但係似乎椰子雞煲最出名，所以我哋第一時間就叫左半隻（$178），先端上一鍋椰子水，都有椰肉在裡面，喝一口相當清甜。跟住我們就自己落雞，寫明正宗海南島文昌走地雞，果然肉質實淨，而且雞味濃郁，好味！我們叫左個特價海鮮拼盤（$328），可以元貝、聖子、鮑魚，三選二，另外仲有游水海蝦、手打三寶丸、安格斯牛肩肉、脆肉鯇魚、鮮冬菇和粟米。D海鮮好鮮甜，海蝦真係好新鮮。肉蟹脆肉鯇又夠爽脆彈牙。三寶丸分別是有牛丸、蝦丸和鯪魚丸，蝦丸非常彈牙，牛丸就好有牛味，靚魚丸都唔錯。安格斯牛肩肉都好食，肉質鮮嫩有咬口！不過份量就唔係好夠，所以我哋另外叫多一客牛頸脊(大)$268，顏色鮮嫩，脂肪分布均勻，好靚，食落都好好味，肉質鮮嫩爽滑，充滿牛味。我哋仲叫咗一隻肉蟹（$138），都幾大隻而且勁新鮮。肉蟹不多膏，但蟹肉好鮮甜爽口，好味。我哋仲叫咗兩個小菜，脆皮咸豬手（$138），塊皮炸到脆卜卜，但同時裏面仍然可以鎖住肉汁，保持Juic

今晚和弟弟一家三口dinner, 人多食火煱是最好的選擇！弟弟提議去水鴨朱椰子雞，九龍路我真係唔識，唯有叫弟弟帶路。但原來在旺角MTR C3出口一直行大約6分鐘就到，都好方便。呢度除了打邊爐外，還可以叫餸食飯，弟弟說這裏的餸菜也很有鑊氣，所以我們決定又食火煱又叫小炒。椰子雞煲半隻$178~正宗海南島文昌走地雞， 雞味濃郁,肉甜而不油, 肉質實淨而皮脂肪較少，好好味！湯頭是清甜的椰肉+椰清水，下了雞的湯更鮮甜美味！我們忍不住每人喝了一碗椰子雞湯才打邊爐，真的很清潤呢！海鮮拼盤$328~有游水海蝦，手打三寶丸，安格斯牛肩肉，脆肉鯇魚，鮮冬菇和粟米。海蝦~肉質爽脆鲜甜手打三寶丸~有牛味濃郁的牛丸，爽滑彈牙的蝦丸和鬆軟味鲜的鯪魚丸，三種丸我都喜歡安格斯牛肩肉~肉質較為爽實，有咬口！脆肉鯇魚~ 肉質爽脆彈牙，鮮甜！牛頸脊(大)$268~我們一家都是牛魔王，拼盤那幾片牛又怎能滿足我們呢？所以再order一盤大的牛頸脊。牛頸脊 肉質鮮嫩爽滑， 肉味香濃， 肥瘦適中帶點油份，非常美味肉蟹$138~非常新鮮，雖然不多膏，但肉質非常鮮甜，啖啖肉，好美味！脆皮咸豬手$138~豬手皮炸到脆卜卜，肉還keep住

今日去探完朋友，朋友帶左我地去食椰子雞鍋，佢話平靚正！有野食我不嬲都冇問題！一於跟食！概然係跟食，仲可以撓埋雙手等食，會唔會太幸福 !! 黎人地頭就有呢D好處 !!侍應俾左一盤野我地調醬，入面有青檸都幾特別，一於試下佢。個青檸仲切開左，好貼心 !!首先黎左盤雞，呢碟係半隻既文昌雞。都唔細隻 !!朋友叫左個招牌椰子文昌雞鍋，勁香 !! 放底既時侯我地打開左個鍋黎影相 ~~ 好勁既椰子香味，入面仲有唔少既竹笙 !!滾起之後焗一陣就食得 ~~ 勁甜囉啖湯 !!!! 雞又好滑 ~ 完全唔會老 !! 果然冇介紹錯 ~我地仲叫左特價海鮮拼盤，海鮮 三選二，我地仲左元貝同鮑魚!! 另外仲有海蝦/三寶丸/安格斯牛肩/脆肉鯇/冬菇同埋粟米，朋友食過話好新鮮，我地一定要叫 !! 仲勁抵食 ~ 仲叫左隻脆皮豬手，個皮好脆，跟果個汁辣辣地，好開胃 !! 四個人堅飽 ~ 抵食 !!

十分驚喜，清甜椰子雞煲加香口小菜。地點便利，交通很方便。星期二晚同朋友共四位去吃了椰子雞煲，加了2份香口小食，有脆皮豬手， 豬手外脆內嫩, 豬皮脆, 啲肉仲好多汁 ,十萬個讚 !之後食生炸乳鴿。無錯，係生炸!口感好正，已經好少食店有呢啲嘢㗎喇。所以加分。😋😋😋之後再跟個海鮮套餐， 有蟹，蟶子， 粟米皇帝菜，雲吞。個個真係飽到呢! 靚海鮮再加上靚肥牛就更加唔使講啦，已經決定下個禮拜再約其他朋友去。 特別提到雲吞餃子嗰啲先, 其實有好多食店啲餃同雲吞呢都係濕嘅即係佢重複使用咗好耐… 又或者係擺咗好耐嘅 但係呢間一定唔係,所以好有驚喜!果晚都9成入座。洗手間值得一提好乾淨!價錢合理。值得推薦。 人多啲食啲嘢仲多啲添

夏日炎炎想打邊爐，不論係雞煲、台式定日式火鍋都食到悶悶地。上網見到用椰子做湯底咁特別就一於去試下。地道火鍋店裝修，地方寬敞，一踏入餐廳己經聞到陣陣椰子湯香味。值得一提個醬料，初初好奇點解會有青檸提供，咁既然俾到就試下。一蘸之下不得不讚，豉油加上少少青檸汁可帶出食材的鮮味。鹹豬手外脆內軟，外皮酥脆非常香口，肉質不會過鹹，醬料帶有微辣黑椒味。椰子湯底除椰肉外仲有馬蹄同竹笙。湯底非常清甜，竹笙爽口。服務員幫我地放入半份雞，放下計時器，三分鐘左右就有得食。文昌雞新鮮肉質嫩滑。海鮮拼盤有蝦、鮑魚、帶子、脆肉鯇魚。蝦、鮑魚及元貝鮮甜，脆肉鯇無泥味，牛肉牛味重但略嫌切得太薄及份量少。三款自家製手打丸(牛丸、墨魚丸、鯪魚丸)都十分出色，真材實料，十分彈牙。

聽到個名以為食鴨出名，原來店員話最出名係椰子雞。朋友都話好多人推介所以特登泥試，果然無介紹錯！！真係一開蓋就聞到濃郁嘅椰香味，加埋雞肉同蟹（隻蟹仲好新鮮，一落鍋啲爪仲郁緊），碗湯好鮮甜，不得不試！！本身湯底除左有椰肉仲有馬蹄同竹笙，所以好清無油。竹笙吸左啲椰湯，好正！朋友話豬手網上有好多好評，所以試埋，又係一讚！食得出係新鮮整，個皮超脆，肉係乾身，放落口一啲都吾覺得油，怕食煎炸野嘅我都食左好多舊仲食埋舊骨。佢另外有個類似黑椒嘅汁伴碟，個人覺得吾dip都得。之後仲叫左啲火煱料，吾好晒湯底。點左牛肩肉，餃子同皇帝菜。本身對餃子都吾係太大興趣嘅我，個白菜餃係有驚喜👏👏。因為啲菜餡料好有咬口，同埋清清地吾太膩。雲吞個饀就有少咸，但朋友覺得剛剛好，可能我自己平時食得比較清。鋪頭人流都幾多，好彩朋友一早安排左位，而且坐卡位，地方闊落啲袋擺一邊都吾覺得迫。所以吾覺眼都食左接近3個鐘。值得一提係佢有提供原隻細青檸👍👍，鐘意青檸味道真係乜汁都可以吾dip，豬手加青檸我覺得好夾！！見到隔離枱點左炒蟹，賣相吸引，下次會再試。

平時好少入大角咀，由於工作嘅關係，去左奧運站附近，放工約咗朋友，佢推介呢度附近雞料理嘅中式餐館食，見係佢推薦，一於試下！脆皮乳鴿好少去餐廳有乳鴿食，只可以講皮真係好脆，而且係脆而不油膩，細細隻，好適合用嚟做前菜小食！剁椒蒸魚頭未上枱已經聞到剁椒嘅香味，當堂已經流晒口水，魚頭一直都係我最鍾意嘅菜式之一，因為魚頭入面嘅魚肉係超級滑，正！口水雞口水雞認真抵食，半隻嘅份量都好多，而且雞嘅肉質鮮嫩，唔似冰鮮雞，最緊要嘅係唔算太辣，好適合食唔到辣嘅人，用嚟送飯簡直一流！胡椒豬肚雞湯食飽飽當然要飲番個湯啦，呢個胡椒豬肚雞湯好啱兩個至三個人飲，相當滋潤。

首先講吓呢間餐廳嘅服務，侍應們都好快手應顧客要求，服務都唔錯！而且態度都好好！食物方面，侍應介紹咗個芥末生腸，鍾意食Wasabi嘅朋友可以一試！配合埋青瓜一齊食口感唔錯！好爽，生腸亦都好彈牙、配上Wasabi醬汁、味道出奇地夾！好介紹！鳳城水餃🥟，餡料係好多！幾隻已經食到個人飽飽地！椰子凍甜品🍮，之前都食過一次，不過係外賣，今次特登堂食，成個椰子都係肉、好鮮甜、呢個係必食推介！另外仲叫咗個海鮮拼盤，帶子超大粒！隻蝦非常非常活躍、顯得出海鮮好新鮮！#水鴨朱椰子雞🥥#foodie#love #instagood #photooftheday #beautiful #tbt #happy #cute #fashion #followme #me

我記得之前同朋友都食過呢間水鴨朱椰子雞，不過就係唔記得咗個確實位置喺邊，今日終於都比我搵返佢啦！超級勁勁勁勁掛住佢呢度個椰子雞鍋、因為佢個湯底真係好甜美，全椰子湯底去滾，你都咪話唔正！淨係個湯底我已經飲咗好幾碗，再加埋啲雞落去， 本身隻雞已經夠晒新鮮！加埋落去隻雞都好甜啊！有專人服侍幫我地放落去，果然服務周到！😋😋😋#水鴨朱椰子雞 #foodie#love #instagood #photooftheday #beautiful #tbt #happy #cute #fashion #followme #me