九龍城廣場食飯發現一間幾有特色嘅中菜餐廳 位置都幾多！茶位費每人$15 - 兩個人叫左一款前菜，一個主菜，一款飯都十分夠飽！ 涼拌海哲份量適中，調味唔錯唔會好鹹 而且好爽口彈牙，仲帶有麻油香味 主菜揀左香葉風味雞煲 雞肉有好多舊而且仲有d洋蔥🧅三色椒🫑一齊整 味道十分之香 雞肉嫩滑又大件，調味啱好，真係唔錯👍🏻！ 最後嘅飯係櫻花蝦炒飯 超級大碟🤣🤣🤣2-4個人share的話都足夠 飯粒分明而且炒得夠乾身夠香 櫻花蝦都好多添！ 仲有其他套餐價，片皮鴨，片皮豬嗰d都有！ 如果同屋企人食飯都唔錯，選擇多又大份！

黎到沙田新城市廣場想打邊爐 呢到有間泰式一人午市火鍋套餐！💁🏻‍♀️ 湯底有三款可以揀！ 比較鍾意食牛，揀左慢燉牛板腱清湯鍋，唔油膩夠曬清甜！ 包：美國嚴選牛板腱；泰國船面河粉；蔬菜；豆腐；海蝦 河粉煮完透明而且偏粗，同平時食開嘅唔同，好特別！～ 蔬菜有番茄，玉米，金針菇，娃娃菜，生菜，菠菜，好豐富又新鮮！ 吸埋湯汁好正！ 飲品泰式芒芒碌碌+$28 有西柚果肉，一粒粒嘅好有咬口 而且整體好綿密！！好好飲呀！～ 小食泰式手打蝦餅+$24 蝦餅爽口彈牙十分足料！配甜酸醬好食！ 牛肉新鮮又唔肥唔乾！ 加埋醬汁好好食，推薦中間醬汁辣辣地😍 仲有好多餃子，丸，海鮮，唔同部位嘅牛肉配料再加 順帶一提：座位到仲可以usb差電添🥹 夠曬方便❣️

同朋友黎到串燒店聚餐 黎到店員就會放調味粉同介紹返係孜然粉同辣粉 孜然粉唔會好鹹，而且加埋開心果幾特別👍🏻 peachHoeggarden幾好飲 得3%酒精，麥味都幾重🤣 牛舌好夠淋同多汁🤤 原隻烤魷魚🦑好香，有埋剪刀可以剪開佢更加容易咬 黑白糍粑十分軟糯😍加埋d醬都唔會過甜 粗店烤玉米🌽有少少沙律醬 烤完嘅香味配埋一齊食又幾好食😚 鐵鍋煮卜卜蜆份量都唔少 而且好入味！冇沙，下面keep住煮熱辣辣，仲有d粉絲可以食添 大扇貝十分爽口又夠曬大隻 燒漢堡扒厚多士有驚喜 juicy得黎麵包好鬆軟，芝士味又夠香唔會太鹹 就算放耐左少少食都唔會硬曬👍🏻 娃娃菜辣辣地又唔會好油而且夠清甜 仲有翠玉瓜 玉子燒 蕃薯仔等等都好好食👍🏻

最近好想食下d中式小炒 長沙灣呢間好似唔錯咁 發覺都好多款式可以揀 涼拌，海鮮，煲仔類，小炒，燒味等等都有 晚市仲有唔同配搭套餐，啱食一齊叫可以平d添 配菜涼拌麻辣雲耳四季豆，唔會好辣，幾開胃 蒜蓉粉絲開邊蝦 新鮮熱辣辣好香，即使睇落好似好多豉油但一d都唔鹹！而且蝦都好新鮮彈牙 開好曬邊食落都好方便👍🏻 蜜椒薯仔牛柳粒 大大碟，超有鑊氣啊！粒粒分明，牛柳粒好淋又唔會有筋，薯仔炸過有有少少甜甜地，有黑椒一齊食少少辣，調味調得啱啱好呀😋 魚香茄子煲 睇得出一整好就即刻上台，黎到嘅時候見到好大煙d油彈得好大聲，望落真係好好食😍 茄子唔會熟到爛曬，仲係一條條好容易夾，有埋肉碎更加香口，超好食！ 最後仲有埋糖水送，有綠豆紅豆同薏米等一齊煲，微微嘅果皮味，甜度適中，豆全部食落去都好淋好棉唔會鞋口，作為晚餐嘅結束真係圓滿👍🏻

觀塘一向好多嘢食 今次工廈發現左間日系設計嘅食堂 menu選擇雖然唔算好多但已經好足夠 店員好有耐心介紹menu 主打系牛肉漢堡蘭王飯🍚 芝士安格斯同和牛 揀左手打和牛漢堡嗰款 仲有照燒雞扒飯🍚 嘢飲跟餐優惠價加$5就有 叫左蜂蜜綠茶同橙汁 蜂蜜綠茶唔會太甜，橙汁有好多果肉粒粒好正 照燒雞扒飯賣相超吸引 雞皮燒得好脆 雞扒都唔會乾好嫩有肉汁 配埋甜甜地嘅燒汁好好食！ 到左最期待嘅和牛漢堡 篤開蛋漿流落黎個下好正🤤 撈埋飯食有微微蛋香 漢堡汁甜甜地幾開胃 配菜有日式泡菜，而且見到仲有d山藥泥喺到 好豐富 漢堡好多肉汁重牛味好食👍🏻 覺得下次黎可以試下配其他白味噌汁/咖喱汁 雖然環境唔算好大但坐得舒服好有悠閒嘅感覺🤣

朋友聖誕節去咗呢間食就推介咗俾我，原來佢而家只要訂位嘅時候講優惠碼B439889，埋單就可以九折，冇訂位唔緊要，即場like 社交平台都可以平$10 ！🤩

晚市套餐點咗田園沙律同餐湯紅菜頭雜菜湯各一，沙律菜新鮮爽口，好開胃，雜菜湯味道濃郁，配蒜蓉多士好味，主菜點咗慢煮法式香煎鮮鴨胸$218，鴨胸煮得好稔容易切開，慢煮可以完美鎖住啲肉汁，油脂感香溢，200蚊有呢個舌尖上既享受好正，鹹味醃得啱啱好，非常入味，連配菜薯蓉、西蘭花、蕃茄仔、豆角都好好食，媽子點左蕃茄忌廉汁蟹肉燴長通粉，一上枱都嚇親，份量好足夠，長通粉口感恰好，蟹肉同茄汁混合一齊，酸酸甜甜又惹味，另外小食點左白酒煮青口，大力推薦，白酒好香，青口大大隻連湯汁一啖咬落去超正，有煙肉同香草調味，最後甜品食埋檸檬撻，好好味，媽子平時唔食甜品都中意食，因為佢味道有層次，面頭有蛋白，檸檬皮點綴，整體嚟講餐廳嘅質素都好高，而且環境舒服，staff又有禮貌🥰

平日晏就黎食嘢已經見到好熱鬧好多客 一入門口左手邊有唔同嘅board game可以玩 Lunch menu包埋$38嘅嘢飲 以唔同嘅水果為主，仲可以揀凍定熱✨ 我地揀左芒果梳打同西柚綠茶少冰 兩杯都唔會太甜而且仲有d椰果可以咬 。 主食就叫左all day breakfast同龍蝦汁海鮮意粉 不得不提個腸一切嘅時候就好多汁 味道又唔會太鹹，配埋隔離嘅滑蛋食真係好好味😋 牛角包同薯餅都好酥脆 沙律菜新鮮，配埋芝麻醬好好食 龍蝦汁意粉一上台仲係熱辣辣！ 海鮮配料都有幾款，蝦係最入味，而且好鮮甜彈牙 魷魚都唔會太硬，青口都好味冇沙😋 。 跟餐加嘅牛角窩夫🧇好香脆 雪糕同cream一齊夾埋食少少鹹甜咁 好夾呀👍🏻👍🏻 。 環境都寬落，同朋友邊食邊傾都唔錯

去完街想喺大角咀賣外賣返去食 見到呢間小店有海南雞又有喇沙食 而且仲有套餐都唔貴就試下啦！ 。 叫左一個海南雞喇沙掺掺 一個南乳雞翼拼香茅豬扒飯 喇沙湯底雖然唔算特別濃郁但都幾入味唔錯 雞肉都嫩滑，有齊三款醬可以點 面嘅份量都唔少，而且煮得啱啱好 。 雞翼冇雪藏味而且雞皮都脆脆地 香茅豬扒都唔錯 而且仲有煎蛋同蔥油一齊食幾香 。 小食仲試左粟米墨魚餅同吉列蝦 墨魚餅都幾彈牙而且粟米粒都唔少 每一啖都咬到粟米 吉列蝦嘅味道都ok 。 覺得比較特別嘅係門口仲有細個成日喺屋村商場都會見到嘅彈乒乓波遊戲機 中獎仲可以換禮物添

東廣場出名勁多野食，比佢門口既街機吸引左好棧鬼😂同朋友各叫拉麵套餐，想講超抵食，價錢吸引之餘仲要非常惹味，朋友點左極上龍蝦湯拉麵，拉麵底煙韌度啱啱好，推介硬麵比較有口感，重點係個湯底真係勁濃郁，好香濃既蝦甜味，絕對唔係平時加少少櫻花蝦就叫蝦湯既拉麵，我真心好驚訝係東廣場有咁高質既拉麵店，配吉列牡蠣即叫即炸，芝麻手羽係原隻雞翼，外皮香脆可口，雞肉醃得夠味，我則揀左黑蒜油豚骨湯叉燒拉麵配溏心蛋，同樣非常出色難忘，湯底香濃撲鼻，一啖湯一啖拉麵好好味，溏心蛋一拮就流心，蛋黃滑嫩，蟹肉忌廉薯餅都可以點，餡料creamy，沙律醬都唔洗點，仲有日式炸餃子，配餃子汁酸酸甜甜好開胃，飲品就推介玄米茶，清清地，中意飲甜野可以加四蚊試下日本提子汽水，我哋食咗咁多嘢，埋單都只係$276，性價比真係極高，10個讚！🫶🫶🫶

lunch黎左油麻地呢到食燒肉
掃QR code落單，主食燒肉大部份都係牛，但可以揀豚肉👍🏻
但我同朋友都好鍾意食牛，就分別叫左御燒極上級吉列牛同御燒特級牛小排
套餐+$22可以升級紫菜味素飯，溏心蛋，麵豉湯/汽水😍
-
牛小排嘅脂肪唔多但燒嘅時候都見到好多肉汁滲出黎🤤
而吉列牛炸過再燒更加香，而且食落好淋好香🤤🤤
一路燒一路趁熱食真係好正
配埋醬汁同味素飯都好夾👍🏻
份量亦都好多
依家新開張follow 社交平台打卡仲可以送雪糕添呀🥹
-
餐牌除左燒肉之外仲有好多款式嘅滑蛋丼飯
而且價錢又唔貴，下次經過都會想試下😍😍😍