民華餐廳

營業中

休息中

<東涌算係食得下既冰室>住喺東涌全部深藍 領展 翠華 一粥麵 美心 等食肆 見到都反胃 , 喺冇乜選擇既情況下去呢間民華 ,出面其實好多分店 但對上一次食已經係 幾年前旺角。 唔講佢有冇表達立場 我好欣賞佢全部職員都好有禮 ,通常有禮既茶餐廳冰室都唔會藍得去邊 大家明架la😂叫左佢叉燒煎蛋飯同常餐 味道唔錯 👍🏻 🍴叉燒煎蛋飯 43 蚊🐷🍚飯既份量正常 熱辣辣 飯粒硬度正常 個豉油個香甜 呢個加分 蛋都煎得幾好 撈埋蛋汁既白飯好味🥚 叉燒份量都唔少 個口感幾煙靭彈牙。 如果可以出面燒得燶 d入面再肥美 d會更好🐷以冰室黎講算係十分唔錯 🍴常餐 46 蚊 凍飲加3 蚊👍🏻民華既常餐 朝早至晏晝係39 蚊。 之後就貴 d , 可以自己選擇唔同配搭 , 蛋既份量好少🥚扣分 但佢既嫩滑度同蛋味唔錯 腸仔冇乜特別 多士厚度唔錯 夠香脆 牛油味香 🍞呢個好味 蕃茄牛肉通粉 牛肉係滑牛 熟左少少有 d硬🐮 食得出佢個湯底冇乜落糖 純蕃茄味比例多 d 🍅蕃茄味香濃 通粉就正常冇乜特別Score 平均分 <7/10>Taste 味道：👍🏻👍🏻👍🏻Present 外觀：

生日當然要來個Good morning，我就嚟咗呢間好出名食蕃茄牛通嘅餐廳。9:00好快就已經有位，雖然入邊好多人但係睇得出佢哋嘅效率都好高同好快。坐低唔夠2分鐘叫完嘢食，即刻嚟杯凍檸茶飲住先。你一個麵包炒蛋餐肉間間茶記都有，但係佢好在即使咁多人都冇Hea做我個包，係空得好脆好香，時間啱啱好。主角終於出場，呢次我就冇叫牛肉通反而係叫咗個叉燒通，佢出名嘅蕃茄湯底就唔使多講啦，甜得來帶少少蕃茄本身應該有嘅新鮮酸味，二叉燒係半肥瘦，唔係好柴好乾嗰啲。呢個都係點解我嚟呢間餐廳第唔知幾多次帶叉燒通。生日當然要食啲唔同少少㗎啦，即刻帶咗個西多士，超級興奮🥰佢個西多士加埋蜂蜜同埋塗埋牛油，係識發光㗎✨✨

因為工作既需要入左東涌，見到lunch time既民華竟然唔洗排隊就入左去啦~餐廳既環境乾淨，感覺上唔似髒髒舊式既茶餐廳，座位位置唔算寛敞，但係食野都唔覺會太逼。呢到最出名既係鮮茄牛肉通粉，唔食牛肉既我又想試下鮮茄湯底，所以就食左鮮茄叉燒通粉。呢到既午市粉面餐要$44，包一個粉面、一份炒蛋、一個配菜(可以簡煎雙蛋、腸仔、餐肉)、一份牛油多士、同埋一杯熱飲，呢個價錢~不過不失啦！鮮茄叉燒通粉餐 $44鮮茄湯底濃郁，味道酸甜，令到通粉都好香，好好食。 而呢到嘅叉燒真係有燒過既味道！好香口，配埋個湯底就不得了~炒蛋炒得好滑、好香奶味~烘底牛油多士~烘得剛剛好，好脆呢間店既凍奶茶較重奶味~岩晒中意飲奶多既人！

因為工作而需在東涌食lunch見到民華餐廳外有不少人便決定一試餐牌選不太多但都會有款岩你今次試的是沙嗲牛米及薑絲牛麵飲凍奶茶早餐同常餐的選擇都係一樣但價錢不同早餐 $38 常餐中午 11點後$44上餐很快沙嗲牛湯米，湯底濃度適中牛肉約5 件 配炒蛋及多士值得一讚是炒蛋，很滑眼見其他食客都係要炒蛋，所以鐘意食炒蛋既要黎試下薑絲牛肉麵比想像中夠薑味，但不嗆連我唔太鐘意食薑 都覺得呢個唔錯如果趕時間，食呢間快、靚、正

同屋企人去東涌，見到間格局幾舒服嘅茶餐廳，就入去試吓。餐牌上選擇都幾多，我哋叫咗個沙嗲牛肉麵常餐、煎雙蛋配多士、仲有凍檸茶。呀媽想食點心，叫左牛肚、燒賣比佢。上菜速度快，侍應阿姐好helpful, 食物水準不錯。以常餐食物來講，絕對可以再試。嗲牛麵食湯底OK，烘多士加牛油正。至於中式點心，牛肚爽口味美，燒賣夠彈牙，估唔到呢度點心都不錯。望住餐牌，忍唔住試埋個西多士，配上牛油糖漿，香濃可口，厚身麭包做的多士，夠飽又好味，可以再食。

暑假一家大細有老有嫩入大嶼山宿營，中午途經東涌係時候要餵飽兩隻化骨龍呢！十年無入東涌，發現開左間民華，一於試試。好在我地到達的時候未到放飯時候，唔使排隊，但我地坐低食左陣，已經好多人排隊，睇黎佢喺呢區都好受歡迎。靚姐見我地一袋二袋又兩個細佬都好幫我地手settle down, 讚👍可以食茶記常餐同時又可以叫點心的地方不多，民華係少數之一。食物方面也不錯，常餐配搭有得揀，我地叫了义燒通，正常發揮，西多士炸得剛好配練奶一流但若果有花生醬就更好。好想highlight 個糯米雞，好足料🤤有义燒雞翼冬菇等。另外見到個义燒煎蛋飯好想食，不過要晚市先有？oh no。

今日入機場之前預鬆d時間係東涌食個早餐同行下outlet, 見到原來依度都有民華架喎! 平時食開旺角個間, 所以就毫無懸念咁入左去。坐低即刻叫番個最愛既常餐, 大熱天時當然飲可樂啦加埋檸檬添, 好欣賞佢比既碎冰, 簡直透心涼!多士同平時食開既一樣咁外脆內軟, 烘得岩岩好! 煎雙蛋今日有燶邊之餘隻蛋黃仲特別大添晨早流流食清少少啦, 就揀左榨菜肉絲米, 榨菜肉絲同米粉既比例都好好, 唔會話得兩條肉仔咁, 咁就為我提供左個元氣滿滿既早餐啦!!

比起一般的茶餐廳有水準。1130前的叫早餐（$38），1130後的叫常餐（$44）常餐包括一碗麵/通粉，炒蛋/煎蛋拼火腿/腸仔/午餐肉，多士可以烘，飲品。幾樣加起來一個人吃絕對夠飽。鮮茄叉燒通粉，叉燒半肥瘦，鮮茄湯個人覺得可以再濃一點，有點稀炒蛋夠滑香，火腿沒有煎過，烘多士烘得也剛好。蒸飯也有多款選擇飯粒夠香，也夠熱。健康簡單之選。點心方面，覺得不夠酒樓蒸出來的點心熱騰騰新鮮。金錢肚西多士，加了煉奶。大份滿足，夠鬆軟。

呢間餐廳系我無意中發現嘅。我去到東湧同partner見面，打開Openrice就見到呢間店。心裏覺得反正茶餐廳都唔會太貴，甘可以試壹下，結果呢間茶餐廳嘅味道居然甘好！*地理位置：東湧富東街6號富東廣場地下21號，港鐵東湧站A出口步行大概5分鐘。*餐廳環境：細細個，下午茶時間都full嗮要等位嘅。*服務態度：服務員auntie都好似澳牛嘅大叔甘黑臉...*菜品味道：我最中意沙爹牛腩通粉，味道好，湯好鮮架。奶茶嘅味道都唔輸蘭芳園。點心類都好味，仲好過好多茶樓。

今日好早就黎到東涌 先去食個早餐先 早餐都有abc餐5個選擇 咁我就揀左蕃茄牛肉通粉 鮮茄味都幾濃 同埋牛肉都算多 仲有餐肉炒蛋同埋厚多士 厚多士外脆 牛油夠晒 唔錯 蛋都炒得唔錯 唔會燶

東涌一向都餐廳少，選擇少，要醫肚都唔容易，下午茶時間黎食民華，原來呢到無下午茶餐，價錢係全日常餐計，要45左右，下午茶時間感覺有啲唔抵。叉燒番茄通粉，湯幾濃唔錯，叉燒都可以，同行朋友食雪菜肉絲米，面頭有啲白色泡泡，感覺好似有啲唔開胃。常餐配呢3樣野，個面包烘到勁燶，火腿又好似無煎過咁，個蛋都ok la，未去到好好食。

成日經過間民華餐廳，今日放假終於可以慢慢試一試佢嘅早餐，仲有好多款點心選擇！原來係全日都供應嘅常餐，只係早餐同午餐價錢唔同，當然早餐係平啲啦！個人認為佢哋嘅米粉比公仔麵好味，湯底有蕃茄湯同忌廉湯揀，湯底咁好味當然係配一個清淡啲嘅面，可以試真個湯底！👍🏻轉多士唔使加錢 大大加分😍😍😍而且佢哋嘅多士真係好好味！另外仲點左一籠點心，金錢肚蘿蔔入味，金錢肚亦都好淋！假期真係好多人，係咁忙嘅情況下服務質素都好好，抵讚！

放假瞓到黃朝百晏，就同男友去左東涌的民華餐廳食午餐，兩點黎到就座無虛席，門口已有唔少客人排隊，好受歡迎啊！除咗經典茶餐廳美食之外，仲有多款懷舊點心，食物種類選擇都好多元化常餐呢個火腿炒蛋多士味道無得彈啊！炒蛋好好味！嫩滑炒蛋有牛油香，充滿蛋香仲有蛋汁，同火腿厚方包造成完美配搭，簡單又美味！蕃茄叉燒通粉湯底係好濃郁嘅蕃茄味，叉燒肉質偏瘦。通粉份量勁多，男仔食都會夠飽鮮竹卷沾滿蠔油汁嘅腐竹，包住素菜、馬蹄、同微量的豬肉碎，充滿口感之餘仲好夠味呀，好好食雞札雞札大大件，鮮腐竹外皮都幾滑，有豆香！裏面包着雞件、芋頭、牛肚，餡料好豐富呀！雞件好滑溜，芋頭夠粉糯，牛肚都好新鮮。整體質素非常好鵪鶉蛋燒賣豬肉肥瘦適中，入口好軟腍，豬肉味香濃！配上鵪鶉蛋味道更特別西多士厚切方包沾上蛋漿後炸香，西多好有厚度！外表金黃香脆好誘人！食落蛋香同麵包香都同樣兼備，好好食啊！可以選配煉奶或糖漿，我就揀左煉奶，香甜有奶香，不得了凍咖啡面上有可可粉做點綴，咖啡味正常，奶味比較重熱奶茶都係茶餐廳嘅熱奶茶最好飲，奶滑茶香濃

今天非常之炎熱，去到東涌， 好想搵間茶餐廳食下午茶， 行過附近見到民華茶餐廳，就走進去， 那兒的裝修非常之舒服，我和朋友各自叫了一個西多士 及一杯紅豆冰！西多士非常之好味，它的蛋漿浸入了麵包，炸得非常 脆口，一點油膩也不覺， 加上牛油及糖漿，將整個多士提升了很多！ 因為西多最困難的地方就是要脆得你而不油膩而它都可以早到！ 值得一讚的 老闆很落本， 放了很多蛋，所以西多非常之有蛋味！而紅豆冰更加了不得，紅豆與椰汁嘅比例剛剛好，豆非常之淋， 加上少少冰塊將整個夏天都融化了， 真的是滿足的一天！

東涌想食茶記選擇一向唔多，我見呢間茶記有唔小人食裝修又幾靚咁就入咗嚟入到嚟坐低見好多人都食常餐，於是就跟風叫埋一份佢啲常餐係姐合形式咁叫嘅，我就揀咗午餐肉炒蛋配鮮茄牛肉通粉佢個炒蛋成色好靚，好滑好香蛋味，超好食我估有埋牛油或者牛奶去炒。佢啲蛋嘅份量都好足，夾埋入去個 烘烤過嘅多士上面，好感香脆美味個人覺得午餐肉好唔好食好視乎個皮煎得夠唔夠香脆，佢應該係啱啱煎起仲熱辣辣，個邊煎得好香煎，午餐肉味濃，正鮮茄牛肉通粉個湯底好濃番茄味，配合埋通粉同牛肉一齊食每一啖都好滿足嘢飲叫咗凍檸茶，檸檬片夠多有成4,5塊茶味夠濃做到港式檸檬茶嗰種苦澀嘅味道出色食完個常餐宴意猶未盡就嗌埋個西多士食呢到嘅西多士比平時出面食到嘅厚，雖然係油炸食物但食落唔覺好油膩，蛋香濃郁，食落外脆內軟，配合埋煉奶甜甜地咸咸地咁幾好食