民華餐廳

營業中

休息中

已經係第二次光顧民華餐廳， 真係算係東涌區內CP值最高既常餐🍴今次叫左兩SEt常餐， 西多士同埋兩碟點心。叉燒通粉+ 滑蛋腸仔配多士+ 熱檸水：叉燒肥瘦適中，一碗入面最少有五舊， 好足料，食得出通粉係自家製， 不是平時超市買到咁好有咬口既通粉，不錯👍🏽滑蛋真係好滑， 充滿蛋香，仲有陣牛奶🥛味，好想再encore吾好睇少塊多士， 真係正到無朋友，厚厚既牛油， 外脆內軟既多士，一咬落去咔一聲， 證明係熱辣辣新鮮出爐既包，仲要入面好鬆軟大食績既我地吾夠飽，決定叫個西多士，因為係別人推介必食，果真， 無錯首先係厚多士，我已經比佢金黃色既外表吸引住， 一咬蛋香牛油香出曬黎，重點係入面既煉奶，提出左西多士既吸引力🧲，吾太甜而外脆內軟，難得保持水準金錢肚： 好足料既金錢肚， 起碼食左五舊，好有咬口， 但不是硬而係食得出係新鮮既牛肚而製成，仲有吸曬汁既蘿白做底， 一流豉汁鳳爪： 豉汁味好濃，好入味呀 ， 一食再食， 好焾身， 呀婆都食到既鳳爪一定會再光顧

平時想食常餐 必定黎到民華餐廳  因近我住既地方 而且抵食 係東涌富東廣場地下 上午9點到12點通常都比較多人 想食就要早點過黎排隊拎籌入到去坐低就即刻我平時食既常餐同點心常餐分2個時段 07:00 - 11:00 盛惠$3811:00 - 23:00 盛惠$44以A,B,C中作選擇 最後飲品 蕃茄牛肉通粉一向都係自己最愛湯底濃郁蕃茄鮮味 而且帶一點點酸酸甜甜  牛肉咬口滑嫩而且爽口牛奶炒蛋炒到好滑  煎香咗既午餐肉外皮香脆 配上即烘牛油多士 完美另外自己補差價叫左杯檸樂煲薑 薑味唔算太重 舒緩一下喉部不適西多士$17 係民華餐廳必點既食物用厚切方包同花生醬混合 油炸 表皮炸到金黃色  再配大大件牛油係上面 入口非常香口    豉汁鳳爪$17 同 山竹牛肉$17  都係平常會食既點心價錢鳳爪好香濃豉汁味 咬開容易同骨分開牛肉咬入口爽口彈牙而且肉汁滲透出黎 質素好比一般酒樓 係東涌咁多間食店 民華餐廳真係值得推介比大家 ! 

今日eatmug9 #33一間舖嘅嘢食款式唔洗多當你日日都係煮嗰啲嘢食 自自然然就整得好味如果都仲係難食 咁不如推開隻窗跳落去算喇而民華冰室不嬲都keep 住個水平係度個蕃茄牛麵 更加要推介蕃茄湯底夠濃唔稀 蕃茄味滲晒入塊牛肉同個麵底入面份炒蛋夠creamy 又夠大份最抵死嘅係冇喇喇轉咗個奶醬多畀我咬咗啖先知 唯有同waiter講 補返兩蚊雞作為brunch 民華依啲套餐絕對適合4,5草嘢有份份量唔少 有質素嘅嘢食抵畀喇

位於東涌富東廣場地下21號舖的民華餐廳，是一間抵食的茶餐廳。剛剛是午膳時間來到，可能要在門口等位或需要搭枱。🙆‍♀️點心都是十七元，而且食物很快便送到，幾乎是一下單便送到了，點心都是熱騰騰的，朋友很喜愛吃鵪鶉旦燒賣。這款燒賣在茶樓不算常見，豬肉味道鮮甜，口感不會太乾。不少男士打工仔會點一客糯米雞，份量較為多，更飽肚。糯米雞內有不少配料，如雞翼、冬菇、鹹蛋黃。個人頗喜愛豉汁鳳爪，鳳爪炮製得十分離骨，味道香濃。另外，餐廳另一款抵食的招牌菜是西多士，如果要加煉奶，落單時可向侍應說明。西多士熱騰騰的，多士吸滿了煉奶，還有牛油，口感香滑。

每次去完迪士尼玩，我就會去東涌呢間茶記食飯😋，因為好味又飽肚～今次仲加$2花生醬（多醬）落多士，好滿足！有點心，蒸飯又有通粉常餐，而且價錢合理。豉椒鳳爪$17燒賣$17鳳爪好入味，燒賣top有枸杞令成件事健康左😂常餐$44鮮茄叉燒通粉雪菜肉絲通粉好中意個鮮茄湯底，好足料唔係調味料出黎個種，叉燒又多。仲會配埋餐肉炒蛋蛋好滑🤤我仲會浸落鮮茄湯底度食，好夾～爆多花生醬既多士，而且烘得好香！茶走（奶茶走糖加煉奶）個茶底好正，煉奶份量落得岩好無搶味，呢個茶走我俾滿分！

雖然這兒內裏的位置不少，但是中午時分來吃東西的人就更多，每每都會四人坐滿四人座位，六人塞滿六人座位，店員猶如將客人像俄羅斯方塊一般🇷🇺，盡塞所有座位當中。下單的時候，基本上剛剛下完單，阿姐為旁邊的另一名單人客人下單時，我的多士炒蛋已經端來了😨，快到連餐具都未有，就有食物，當真可怕。但這樣又難免令人想到，會不會是因為貨如輪轉，因此店方都要一早將10份、8份炒蛋多士，煮好放在廚房內，然之後一入單就可以立即拿出來。想不到，原來多士有好多選擇，可以選擇白麵包、湯底多士、你都可以加煉奶、果占、花生醬。這兒的叉燒湯通粉，已經算是比較出色，因為很多時候那些故作經典的舊式茶餐廳，那些叉燒又差又乾，吃得令人不高興。這兒的還算肉質偏好，不乾不鞋；通粉亦保持彈性，不像病人通粉又林又爛炒蛋，亦都因為一早煮起，因此溫度難免不夠熱。多士還好，烤完保持溫度。凍檸茶反而較以前沒那麼好喝，茶味都淡化了，檸檬又沒鮮香，雖檸肉輕易戳剝，但味道欠奉。這樣的$47 常餐都大排長龍，實在難過

常餐呢度我最鐘意食就個常餐一份常餐就有齊我想食既野呢度既常餐可以配搭既選擇都唔少我就更係要最愛既茄牛通一碗超大 淨係食呢個都夠飽蕃茄味道好濃郁, 通粉都好入味而個牛係好嫩滑既, 個蕃茄湯底可以當湯咁飲重點來了就係呢個炒滑蛋配午餐肉炒滑蛋真係冇得輸必須要襯熱食先至食到佢香滑既口感牛乳滑蛋先有既口感!!牛油多士緊係要揀烘底咁先夠香脆同口感都正!!西多士即叫即炸既西多士加埋邪惡既蜜糖真係無敵佢既口感係好脆口, 加左蜜糖之後甜甜的令到食落冇咁濟嗯!!! 必點既

鮮竹卷一客有三舊既鮮竹卷質素好高下入面係滿滿既材料一咬落去食落個口感同味道都係一流!!食冰室必定要點既就是常餐這就是冰室的精髓常餐是一個自己配搭的組合首先選擇主食, 再選擇炒蛋的組合最後就是多士的部分主食我選的是鮮茄牛肉通粉鮮茄味道充足著成個湯底喜歡吃蕃茄的朋友一定會很喜歡牛肉不過不失!! 就是冰室的味道香腸炒蛋冰室必點炒滑蛋是常識吧果然食極唔厭仲想叫多D碟來吃即烘牛油多士烘過的牛油多士是增加了麵包的香脆程度加埋牛油真係好爽的口感西多士和友人叫多碟西多黎SHARE這亦是一個冰室的名物我習慣將糖漿點來吃這樣就不會吃到尾會太甜

可能東涌又近機場又多人返工，早餐時段民華真係好多人，同埋佢真係東涌黎講係都係平既餐廳今日同朋友係民華食個早餐先，裝修好靚，位都好舒服！我地叫咗個常餐同埋西多士一齊share食！常餐叫咗鮮茄牛肉通通粉﹑炒蛋﹑腸仔﹑即烘牛油多士飲熱檸蜜($38+2蚊)睇已經覺得好豐富～牛油多士烘得好脆~ 加埋牛油簡直一流! 蛋又滑又好食! 呢個早餐好吸引~而蕃茄湯好濃又唔會太咸，性格比高，可以話係平靚正之選！加上唔好睇佢咁平，佢牛肉都落得幾多！２個人都食到開始飽飽地！西多士真係黎到必點！牛油溶溶地再加埋西多士果種軟淋淋既感覺真係好好食，又唔會太油炸得岩岩好！

東涌野食唔多，呢日同朋友去離島完一轉，見到有民華，等佢地期間自己黎一黎食個早餐先！前一日無乜點食野，所以今次叫咗個常餐(火腿通+炒蛋+腸仔)配牛油方包同埋飲熱檸水，另外再加多份西多士食！食個有份量嘅早餐先有力氣去玩！先食咗火腿通粉，好有份量，個湯好好味，唔會好咸，食落去都好健康又唔會好油，清清地唔錯！火腿都有好多絕對唔會偷工減料！好好食！由於叫多個西多士嘅關係，所以只係叫咗牛油方包，無皮既方包係最好食既哈哈！蛋好滑又唔老，而腸仔加小小胡椒粉會更加好食～最後當然唔小得西多士，練奶加牛油係上面，再加埋炸得非常好食既西多士，一口氣食晒非常滿足！東涌都有好野食既！

返工前食個豐富嘅早餐先！民華餐廳每朝都好多人，一早去到都已經要等枱，不過都還好，唔洗等好耐就有位喇！依度早餐選擇好多，有麵餐，又有盅飯，仲有點心添！我就好多時都會叫麵餐，先選一款麵，再配兩款配料。我揀左薑絲牛肉麵加煎雙蛋，仲有厚多士呀。薑絲牛肉麵都有好多牛肉架，帶有少少薑嘅香氣，麵底雖然唔係出前一丁，但係都有咬口架。至於煎雙蛋呢，蛋邊煎到有少少脆口，我個人喜好，會加少少醬油，依度嘅醬油係盅飯嘅醬油，所以帶甜，加落煎蛋度食，正！

忙足六日不經不覺已經到左週日☺️雖然小肥是日依然都要開夜班🙇🏻‍♂️🐷😢但難得起身有空餘時間😆喺屋企附近嘆返份常餐亦係賞心悅目既事☺️🍴位於東涌富東廣場既民華餐廳🍴雖然相信距離你地好遠🙉喺正小肥屋企附近🤪🐷🙇🏻‍♂️落樓下嘆下常餐再開工亦夠哂方便😆呢度簡約既環境裝修坐滿著假期黎嘆常餐點心既街坊座上客☺️但二點度依然滿席又超多人排隊🙉🙇🏻‍♂️所以想黎食既朋友們要預啲時間黎等位啦🙊幫忙上餐既店員都好爽手的😆☺️💨滋味常餐常餐以A,B,C加餐飲作組合☺️份量都夠豐富的🤤叫左至愛既鮮茄牛肉通粉、餐肉炒蛋、厚多士🤤仲有醒腦醒神既凍咖啡🤤以濃郁鮮味既蕃茄湯底作配合牛肉通粉🍅🐮通粉有咬口啖啖濃郁茄香之餘🤤🍅爽口既滑牛片亦夠滑嫩Juicy🐮🤩焗到香脆既厚多士配合煎香既餐肉😋🍞以及配合牛奶炒香既奶滑炒蛋🤤🥚絕對係常餐既Perfect Match☺️🍴而奶味較重既凍咖啡☕️走左甜亦帶出郁咖啡香☺️為醒腦醒神的開工日做充電準備🔋🤣😢西多士以厚切方包配合牛油花生醬夾起🤤油炸至金黃酥脆既西多士🥞🤤食落油香滿溢充斥酥脆口感之餘😋大大舊厚牛油擺面更是邪惡😈🤫🐷唯一美中不足係上枱後攤凍左啲🙊但整體還是不錯的☺️

東涌，係一個遙遠到不得了既地方，亦係莉莉子比較少到既地方😅😅 話說上一次黎東涌要數到係因為去outlet所以先去到😂😂莉莉子今日陪表妹黎到呢個地方，主要係陪佢搭昂坪纜車，不過估唔到呢個以前非常荒蕪既地方，今日已經開左好多間餐廳。話說表妹希望試到港式茶餐廳既味道，係莉莉子腦海中都係一大堆大集團茶餐廳。點知今日俾我見到一間叫「民華餐廳」既茶餐廳，裝修企理乾淨，而且應該係新開，所以都吸引左我入去🥰🥰因為莉莉子肚餓關係，入去即刻叫左個咖哩牛腩飯套餐，咖哩唔算好辣，對於莉莉子黎講可以接受，而牛腩炆得好軟腍，好入味，送白飯簡單一流😍😍😍莉莉子表妹比較細食，叫左個奶醬多士，最特別係多士好脆身，兩個女仔好快食哂啦😂😂😂

同朋友係東涌CITYGATE OUTLETS 買野過新年，行到累決定搵野食。行左幾個商場，選擇唔多，都係M記，大X樂，酒樓等等，因為得兩個人又唔食得多，之後就簡左呢間茶記試下!其實都已經18:30左右都座無虛席，好彩等左5分鐘到就有位，仲要係兩人坐得舒服既卡位!望望個MENU，睇下旁邊台既客人食咩，見多數都係常餐，咁就決定叫兩個常餐+一件西多士(HKD 17), 價錢唔貴，經濟實惠。佢係玩A+B+C既組合,我同朋友叫左個我:  茄叉燒通+ 火腿炒蛋+ 烘多士+ 熱奶茶 (HKD 44)食極都仲有既通粉，個茄味好濃，而且真係有蕃茄係入面，真材實料! 叉燒比得唔”姑寒”，都有5舊，唔肥唔瘦剛剛好，絕對對得住呢個價錢唔好睇少佢望落普通既滑蛋，食得出佢加左牛奶，口感好滑!朋友: 沙嗲牛肉通粉 + 香腸炒蛋+ 烘多士 + 凍奶茶 (HKD 47)奶茶好香濃!烘多士都唔洗加錢，烘到兩面金黃色，牛油搽得夠多，食落好重牛油味，正到一個點!西多士 (HKD 17) : 價錢好合理，一早幫你CUT好9件，方便食，而且煉奶味道都唔錯，方包厚身，好鬆軟，仲要加埋蛋漿去炸，真係冇得輸!因為唔多夠飽，決定再啤點燒

和朋友入東涌順便想吃飯但是東涌太多人了，而且餐廳都比較貴又多人排隊，於是我們就去了富東街市看看有什麽可以食。最後我們見到民華餐廳看似排隊的人不是太多於是進去吃午飯。不知道是不是因爲茶餐廳的關係，排隊不是等了好久就可以進去了，我點了一個常餐，是番茄湯加牛肉通粉配炒蛋香腸和多士，一個這樣的常餐原來要查不多50塊！！番茄湯牛肉通粉的分量是可以接受的，但番茄湯偏酸而且牛肉比較（鞋）！50蚊的常餐這樣的質數太貴了！！可能因爲這裏是旅游區的關係。炒蛋香腸配多士：炒蛋可以，也比較滑。多士有烤過也是很脆的，牛油的味道也很出，而香腸就是很普通在超級市場買到的。整體就是價錢比較貴！整體的食物不是很出色，但常餐份量可以！一定會飽。如果趕時間的人可以去吃，如果想吃點好點的午餐 就不要去了。