殿糖級 (已結業)

大約夜晚8:50分坐低，時間尚早，店入邊唔算多人三個人叫兩樣野，其實最想食係燉椰皇，另外叫咗一個芒果千層蛋糕。千層蛋糕好快就上到，味道都OK芒果肉少咗啲，可以一試嘅！食完個千層蛋糕之後等到9:20，有店員行過嚟同我地講話椰皇已經賣晒。。。下？！？？賣晒？嘩。。真係呆晒，落左單咁耐先至買晒？點解唔一早講？！我哋仲以為即叫即燉所以等咁耐！真係好嬲！店員仲要一句唔好意思都冇。算數！一心諗住黎食，點知等咁耐先話冇！冇下次！

之前聽朋友講過呢間糖水舖既豆腐冰係佢最鐘意食，今日見想食甜野，所以走左入呢間糖水舖，不過我就無試到豆腐冰反而試左佢地推薦既椰皇，不過我叫左個凍既，但口感都好滑，都好香，下次可以同朋友再去試下其他野👍🏻

係朋友度打機打到天昏地暗...係佢屋企食完晚餐之後，係時候散band，各自歸家。經過一間糖水店，買左碗外賣返屋企食。買完之後拿拿淋揸車返屋企一邊品嚐一邊睇波。返到屋企衫都唔換就食，今次叫左一碗「鮮雜果黑糖天使麵」...個人黎講，完全覺得係一個伏黎，天使麵邊係咁粗？咁大條呢？呢個分明係黑糖粗！同個餐牌張相相比，可以話係走哂樣，睇佢啲相有士多啤梨、蜜瓜，但我個碗就無即係如果你係我買個時同我講明，而家個啲水果唔當造，要轉用其他水果，咁我可以理解，但我買個時乜都無同我講另外呢間店既服務員態度比我嘅感覺好懶散，完全無一種「歡迎光臨」嘅感覺比到我。呢間咁嘅糖水店，我真係唔會有下一次。

今次又黎左大圍呢間殿糖級。真係無令我失望，不愧有咁多分店。今次叫左一個芒果拿破崙，外脆內凍，吉士醬好香入口即化，食落去的口感一流，芒果又5係特別酸。十分之知足 ，在來叫左一個芒果千層，睇落去好有心機會整，應該需要好多功夫去完成，一層一層拆上去。又5係特別貴哦，得36蚊，之前係其他間食千層的價錢相對黎講係貴左點。呢間甜品的味道係5錯噶，所以要分享俾大家知道，以後都5洗周圍去穩甜品舖。殿糖級之選，下次在觀襯。

平時係大埔食開 朋友住沙田 諗唔倒食咩糖水就去左喱間 人流唔算多裝修環境唔錯 一坐低諗住叫梳乎里同拿破崙點知店員話已經賣哂因為都已經11:30pm就唯有叫心太軟等左8分鐘倒就有 哇 好快得食 點知一擺到落尼 個心太軟已經爆左入面啲朱古力醬自己流哂出尼好唔開心因為我慣左食個頭先再由上而下介開等啲朱古力醬流出尼咁就拿拿林食左流出尼啲醬先啦 一食第一啖 係暖既 好似用微波爐叮既感覺唉 好彩個石板街朱古力都唔差唔知係咪分店既關係啦 搞到我唔夠候 要再食第間甜品

每次經過大圍，都會進去食殿堂級甜品。味道依然存在，依然最愛食雞蛋仔，雞蛋殼好得意有趣呀。大家有機會都要進去試試，好好味除了雞蛋仔，總有榴蓮系列，榴蓮味非常濃郁，從服務員上餐，行過來，榴蓮味就一路飄香。未試過的朋友，真係要進去試試啦。殿堂級，強烈推薦。

系大圍行下，見到一間朋友之前有介绍过的甜品话呢间自家制甜品殿糖级好好美。於是一入去间铺就要排队等左我几分钟前。 打开菜牌好多款式都系我鍾意食的，特別係距地的雞蛋布丁真系無的頂，雞蛋殼裝住的蛋好得意，食入去的口感好滑好香 然後我又叫左第二樣野雪花冰，芒果味的，距的雪花冰特別有芒果味，芒果肉特別多，另外又叫左的榴槤野叫乜榴槤玉露，個榴槤特別香，榴槤味傳到整間舖側邊的人都蓋嗮住個鼻，真系榴槤味特別重，俾的榴槤肉又多，食入去好甜好好美阿！ 樣樣野都做的好有心， 環境就同服務都5錯。最緊要的係出品好快。一坐低叫左無一分鐘就黎左。 最後食到我的肚好飽啊，一句話講嗮下次在黎過。5記得影像欣賞下，下次一定要影番幾張介紹俾朋友，費時距地食甜品要穩好耐先簡邊間。

朋友特登渣車接我去佢屋企附近食糖水。原來係食殿糖級。由於今日好凍，想食湯圓，薑汁湯圓有六粒，見到都想食。朋友見我食湯圓，又order一個芝麻糊湯圓。薑汁湯圓雖然話有六粒，但會唔會太細啦個碗，裝係個平時打邊爐裝醬油既碗仔做乜？！好驚喜。飲左一啖湯，除左薑汁，其他譬如紅棗，甚至連黃糖既味道都冇，真係齋薑汁同湯圓，食到真係有少燥。我雖然唔識點煮野，但正常煮湯圓我都知道要放紅棗，糖同埋薑最基本既材料。點解呢度既糖水咁既樣都出到街，仲要係專賣糖水舖，真心覺得好垃圾。份量小，完全冇味道的糖水。芝麻糊有三粒湯圓，過下口癮都好，試下朋友既芝麻糊。其實真心冇偏見，細細個到依家我相信個個人都有食過芝麻糊，知道芝麻糊係咩味道。但呢個芝麻糊係有芝麻香味，仲好滑，但落左好少好少糖，反而湯圓入邊既芝麻味道仲似過芝麻糊，真係笑左。我真係估唔到叫左兩個糖水，兩個都唔好食。薑汁湯圓簡直係垃圾，令我諗起紅豆冰，係咪真係比粒紅豆加粒冰就當係糖水。我諗我一定唔會再黎呢度食。

大圍殿糖級甜品黎左幾次，d野👍🏻👍🏻佢地呢間既榴蓮好正……特登帶中意榴蓮既朋友黎食叫左殿糖推介既榴蓮玉露，佢汁底好特別，配上d24榴蓮肉好香濃榴蓮味，仲有d金柚肉，成淡食落去既感覺好像……存在榴蓮香味與清新的感覺 推介！仲叫左榴蓮班戟，班戟皮好香蛋味，cream同榴蓮比例岩岩好，唔會太流…食過翻尋味

周邊甜品店，人氣和人流最大的甜品屋，三五好友一起去吃吃喝喝还行。雖天氣轉冷点了一个芒果士多雪花冰，看圖片就特別誘惑人，綿綿冰分量好多，上面淋了一層芒果汁，旁邊好多芒果和西柚。忍不住吃一口綿綿冰，绵绵冰特別细，入口即化。芒果和椰香的味道也特別的濃郁，芒果粒特別甜。吃完真是回味無窮 。椰皇3.6牛乳加燕窩，燕窩有一股特有的淡淡的蛋白香味，椰皇燉的非常的水嫩，濃濃的椰子味夾帶著淡淡牛奶味。之前到此已是三年前，味道保持到，周邊開了三四間甜品店，但坦白說，模式價錢比，這間還可以

大圍多餐廳，菜式種類多就街知巷聞。不論朝早，夜晚還是深宵都必有你想食的，今次小妹在夜深找到殿堂級甜品舖跟友人聚聚。殿堂級有很多分店，位於大圍的分店並不大，大概5張4人枱吧，坐位與坐位之間並不寬敞。若在人潮旺的時間到來必須要等候座位。看介紹殿堂級以自家創的甜品為主題，甜品選擇都非常多種類，平凡的中西糖水，鮮果班㦸，新㯋及美術感的朱古力，豐富層次的波拿破崙等都可以選擇到。但可能小妹太夜到，想試的朱古力球及芒果波都買完了。唯有試其他甜品吧。法式鮮雜果窩夫配朱古力雪糕 $49 賣相一般，鮮雜果都一般。但重點是在新鮮岀爐的窩夫香脆，熱烘烘的非常香口。雪糕雪至冰凍，吃起來入口即溶像雪芭般的雞蛋布丁 紙盒4件裝 $40以鮮雞蛋殻做器皿，裝著雞蛋布丁，非常貼題。味道一般，甜度剛好。包裝亦很有心思，以紙盒包裝，方便外賣。黃金酥皮拿破崙 $45 黃金的意思是指芒果，另有士多啤梨味道可選擇。3層的酥皮夾著鮮芒果，賣相吸引。鬆脆的酥皮夾著奶油cream,拌著朱古力及芒果甜醬，糖霜口感豐富。整體甜度剛好，但碟邊點綴的芒果醬略甜，不愛太甜就不要沾了。殿堂級心太軟配芒果雪糕 $48 心太軟即叫即整製作需時，大概需要

芒果腸粉腸粉皮有淡淡奶味(皮厚身左少少)芒果的甜加上cream ,整體口感香滑另一款火焰甜品有點。失望，未火焰woo(上枱時……已爆開)點解嘅……點解嘅……(應該蓋好，先俾客)但店員(平淡地點橙酒)無打算整好外觀先俾客人扣分……淋橙酒(已經無震撼效果)味道多層次外殼白朱古力(好甜)，內裡有芒果乳酪片，朱古力片，雪糕球，加上橙酒的味道(不錯的味道)扣分係……外觀不似圖示般(靚)，但味道ok

我很愛食甜品，我身邊的朋友知道，經常帶我去各處的甜品店食甜品。因為有朋友生日，而且住大圍附近，所以就到這間甜品店慶祝生日。我叫了一碗楊枝甘露，芒果肉採自呂宋芒，鮮甜多汁，一d都唔酸。沙田柚肉亦十分有咬口，肉汁豐富。加上一粒粒的西米露，彈牙可口，十分好味。

今日放工經過呢間殿糖級甜品店，於是伶左擺系門口既外賣紙，翻左屋企沖完涼念起食甜品天氣太熱唔想食飯打電話叫左芝麻同合桃糊比爹地媽咪食自己叫左芒果西米露同朱古力奶凍食芒果好甜，西米露好香椰味，夠凍夠冰爽朱古力奶凍朱古力味好濃郁＊爹地媽咪話芝麻同合桃好香下次一定會再來既一間甜品店，有水準

系大圍呢頭住，呢間殿堂級都食過好多次每次都有驚喜，好味好讚👍🏻～特別系榴蓮玉露同芒果拿破崙，榴蓮好香～拿破崙好酥脆，好味棉花冰分量足，放學約班fd一起傾解，我地學生仲有九折添