正點心 (已結業)

食點心都係鍾意去點心專門店，雖然茶樓個Feel好似地道啲，但點心小店通常性價比較高，又多新派特色點心。今次食嘅呢間就係好例子。必叫係盆滿缽滿，一盆入面有晒蝦餃（黑色白色），鮑魚鳳眼餃，香芹金魚餃同埋奶黃千層糕。三種餃其實都係蝦餃嘅演化，黑白色係基本款用顏色做Gimmick，而鮑魚鳳眼餃就係我最鍾意，有埋鮑魚個感覺勁高端哈哈！金魚餃整到十分精緻，有小小唔捨得食～最後奶黃糕好食但唔會太過甜，全部都好高質！。另外仲食咗而家好多人做嘅小豬流沙包，佢地個流沙超熱辣辣，好重蛋味而甜味剛好，都係高質之選！燒賣質素都幾高，佢地強調用咗黑毛豬，食落燒賣肉質比較鬆軟；籠仔飯揀咗我好鍾意嘅馬友肉餅，都無令我失望，肉餅份量多，好食彈牙，而鹹魚成功點綴成個飯，鹹香惹味！最後甜品叫埋一個原汁西瓜糕，好創新好少見，清涼feel好啱而家呢啲天氣食。埋單連茶位$255，係抵食嘅，有機會經過美孚絕對可以一戰

個日因為比較晏食午餐 所以到夜晚唔係好肚餓 就唸住食小小點心 唔洗咁飽 因此就黎左呢間啦～茶水 $16茶水兩位$16 晚市黎講都正常價錢既🤔盆滿缽滿 $88有四款唔同既點心係裏面 見到擺盤咁靚 忍唔住就叫左一份 裏面有鴛鴦蝦餃、鮑魚鳳眼餃、香芹金魚餃，奶黃千層糕。呢四款各兩件 整體味道都ok 賣相花左唔少心思👍🏻 全部都整得好靚🙈齒頰榴香 $39呢個係榴槤形狀既榴槤奶凍 口感偏向布甸多啲比較實身啲🤣 榴槤唔算好重 奶味都足夠既 作為榴槤控既 可能會有小小失望🥲咖喱烏冬蒸土魷 $36土魷夠大塊好爽口又有鮮甜味👍🏻 我幾鍾意個土魷 咖哩偏甜 烏冬一般🙈肉崧炸兩腸粉 $28炸兩偏硬 肉崧超多 份量對得起個價錢😆燕窩原隻椰皇燉奶 $45味道正常 不過偏甜 燉奶夠滑😁

身邊嘅朋友都知道大食妹最鍾意周圍食周圍打卡, 大家見到得意嘅餐廳都會同大食妹分享大食妹今日又趁住放假, 行遠少少去美孚嘅正點心探探可愛嘅三隻小豬<三隻小豬>而家唔少飲茶嘅地方都會加入一啲可愛嘅元素, 吸引人過嚟打卡, 但係做到好似正點心咁可愛嘅三隻小豬真係要啲功夫三隻小豬其實係流心奶皇包睇相就知道超級流心第一次滅嘅時候出咗啲小意外, 奶黃噴到成手都係, 再附上成功嘅一張相<日鵝夜鵝>第二樣都幾有特色嘅點心就係日鵝夜鵝整呢樣點心嘅師傅細個嘅時候一定成日比阿媽日俄夜俄日鵝夜鵝嘅外皮係蘿蔔酥嗰種千層皮, 裏面係超濃郁嘅榴槤蓉, 真材實料<櫻花蝦脆皮鮮蝦腸粉>櫻花蝦脆皮鮮蝦腸粉都唔錯薄薄嘅腸粉皮, 裏面包着脆卜卜嘅鮮蝦春卷, 色彩繽紛櫻花蝦量都幾多, 香噴噴<盤滿缽滿>盤滿缽滿即係點心拼盤, 咩都有啲盤滿缽滿包含鴛鴦蝦餃、鮑魚鳳眼餃、香芹金魚餃同奶黃千層糕一次俾你滿足多個願望<秘製醬皇蒸鳳爪>最後當然要食埋大食妹至愛嘅秘製醬皇蒸鳳爪秘製醬皇蒸鳳爪好入味

要飲杯茶歎番一盅兩件既點心, 又唔駛一定要去酒樓既. 位於美孚新邨這間點心店, 食物款式有創意, 而且造型獨特, 絕對值得回頭再試.推介大家order這款<盆滿缽滿>, 每款點心都有兩件, 有蝦餃, 鮑魚, 糕點等適合打卡😎 而且蝦餃亦有一黑一白, 好味. <櫻花蝦脆皮腸粉> 🤤~ 腸粉細size, 有唔同顏色好吸引, 重要係食落脆卜卜熱辣辣.除咗得意造型既點心外, 仲有蒸飯, 燉湯, 甜品等, 全部食物都好味呀🤤每次飲茶亦都會點我最愛的罐湯餃, 這次都不例外. 足料豐富好滋補.🍿餐廳: 正點心🍤地址: 美孚新邨恆柏街6號地下

嘆一盅兩件就是我們平常假日會做的事情，嘆返一壺靚普洱茶，再食埋我最鍾意嘅蝦餃同燒賣，成個假期就完美喇！講到嘆茶，我就鍾意去正點心，呢度價錢雖然唔算平民化，但係勝在質素very good！紅米脆皮鮮蝦腸粉😋😋😋😋😋另類腸粉，薄薄嘅紅米蒸皮煙煙韌韌，包住啱啱炸好夠嘅脆皮鮮蝦，強烈嘅口感對比感覺新奇又好食！加上蝦肉爽實鮮甜，令人吃得開懷！銀魚仔鹹魚肉餅籠仔蒸飯😋😋😋😋😋一打開個龍仔個已經聞到香噴噴嘅肉餅味！厚厚的肉餅上放滿鹹香銀魚仔，白飯又吸收左荷葉香，加上口感軟綿綿，連平時唔食飯嘅我都忍唔住食咗成碗😂金箔駕鴦蝦餃皇😋😋😋😋😋蝦餃上面貼着幾片金箔，有派頭又美觀！這款蝦餃王皮薄餡靚，一咬開便可以感覺到當中澎湃嘅海洋魅力，彷彿幾十隻鮮蹦活跳的大蝦在嘴裏反抗着，充分可以感受到當中嘅彈牙口感！蟹籽黑毛豬燒賣😋😋😋😋😋這款黑毛豬肉燒賣肉味夠，卻完全不帶半點豬羶味，還吃到滿滿肉汁，so yummy!三隻小豬🐷這款小豬外型神似，超級Cute!其實係流沙包，咬甩個豬鼻就會食到金黃色嘅流心餡，香甜蛋黃味，睇得又食得😍日鵝夜鵝🦢勁靚勁靚勁靚！而且仲要勁好味！美麗的黑天鵝和白天鵝原來是榴槤夾心酥皮，酥皮做得好鬆化

今日去美孚探朋友，佢帶我去樓下正點心食晚餐，餐廳感覺整潔衛生，座位寬敞， 點心亦有別於一般酒樓，做得非常精緻美味，我哋就叫咗以下點心：三隻小豬 $39小豬流心奶黃包造型真係好鬼可愛， 入面充滿流心奶黃餡，可愛到唔捨得食。黃金小豬嘜 $39呢個黃金小豬嘜就好似鹹水角咁，不過裏面嘅餡就係紫薯，紫薯味好重，非常鬆脆。一籃子 $32呢個點心個名真係估唔到係咩，原來係糖心紫薯酥。 放喺籃上面就係一籃子啦。肉鬆炸兩腸粉 $28肉鬆同炸兩原來都好夾，油炸鬼好香脆，上面舖滿大量肉鬆。露筍鮑魚鳳眼餃 $36呢個露筍鳳眼餃都做得好靚，鮑魚都好好味， 餃皮厚度適中。蜆蚧鯪魚球 $28鯪魚球食落清爽少油，唔會油膩，點埋蜆蚧醬嚟食非常惹味。夏日透心涼（西瓜糕） $30造型真係100分非常相似，上面嘅西瓜肉真係用西瓜汁做成，連啲西瓜核都係用亞奇籽 去代替，中間係椰汁同埋啫喱，食飽嘆番個清涼甜品真係一流。

一至五都要番工都係乜機會飲茶, 咁岩屋企附近有點心店, 所以同屋企人去試下!!宜家夜晚仲有折, 坐得都幾舒服!見到餐牌既豬仔包已經即刻想試, 仲要係流沙奶王包!!上到枱真係勁可愛, 而且入面仲勁流心, 好香蛋黃味, 唔係奶王包黎架!呢個真係相當有驚喜!唔想揀所以叫左個點心拼盤, 貪佢入面咩都有, 有幾款餃之餘仲有奶王千層糕, 黑色既蝦餃就真係未見過, 仲有金魚樣既蝦餃!!食落個皮好彈牙, 入面餡都好爽口, 好食!另外仲叫左個蒸飯, 呢到既點心都好新鮮, 全部熱辣辣, 蒸飯都唔係蒸到爛PAT PAT既, 飯粒一粒粒, 仲好夠份量!媽咪都話呢到既點心睇得又食得, 絕對可以ENCORE!!

好鍾意飲茶，一盅兩件配上茶，同朋友一邊傾計一邊嘆茶🥢蟹籽黑毛豬燒賣，用以黑毛豬做饀，味道香濃，蟹籽爽口，味道幾好🥢蘿蔔千絲酥，酥脆嘅外皮，內裡嘅蘿蔔爽甜🥢叉燒腸粉，腸粉滑溜，叉燒軟腍，好味道🥢煎蛋安格斯牛肉飯，牛肉味道香濃，肉質嫩滑，配上煎蛋，味道perfect🥢露筍鮑魚鳳眼餃，鮑魚感覺高檔，露筍清新爽脆，鮑魚彈牙，有蝦肉同樣彈牙，值得推薦🥢紫醉金迷流沙包，用以紫薯製成，每啖口感都有紫薯嘅味道，流沙嘅內涵，內裡香甜軟滑，口感幾好

同朋友食飯 通常都係西餐日本韓國菜好少食點心 因為好少會約下午飲茶心血來潮 想搵點心食下就上網搵下仲有咩地方有夜茶飲俾我發現呢間 美孚站一出 行2分鐘就到嘅點心店呢度主打賣相精緻嘅點心睇完餐牌揀左幾款最吸睛嘅嚟試下先鯉躍龍門金魚造型好靚呀 連魚鱗嘅紋都好清晰入面係蝦同芹菜 好爽口 外皮煙韌彈牙盤滿缽滿有蝦餃 金魚餃 千層糕 鮑魚鳳眼餃每款兩件 啱晒同朋友分享叫一個可以試到4款招牌野櫻花蝦脆皮鮮蝦腸粉口感多層次 最入面有蝦肉 之後有一層脆皮 再有滑溜腸粉 面頭仲有好多櫻花蝦一籃子其實係安納糖心紫薯酥外層係紫薯粉做成嘅酥皮餡料係日本安納蕃薯蓉 天然嘅甜味十三么麻雀椰汁糕齒頰榴香造型逼真 真係食得出真嘅貓山皇果肉

聽聞在美孚有一間非常精緻的點心的餐廳 ，趁星期五夜晚放工後，去試試看。餐廳鄰近港鐵美孚站， 交通方便。星期五來用餐， 不但免收加一服務費，晚市點心九折優惠，更加抵食。點餐紙分類也很有趣，一部分是影相打卡系列，另外是蒸點類。首先介紹影相打卡系列。第一款是三隻小豬。真身是流沙奶皇包，可愛造型，非常吸引。輕輕咬開，便可以見到滿滿的奶皇，流沙程度做得很好，幾乎是湧出來的狀態。甜度恰到好處，而且帶點甘香，非常美味。第二款是鯉躍龍門，是香芹鮮蝦金魚餃。 這款手工更加精緻，連魚鱗也有兼顧到， 魚鰭和魚尾輕輕掃上金色幼邊，更加立體精巧。蝦肉爽甜，加入香芹，更加爽口。第三款是甜品，叫夏日透心涼，是原汁西瓜糕。外型還原得很好，鮮明的對比顏色，很吸睛。紅色西瓜肉部份，除了有西瓜清甜，亦呈現果肉口感，十分出色。西瓜皮做的頗清甜，和西瓜肉相當融合。蒸品類點心有以下三款：山竹安格斯牛肉球的肉味香濃，爽口彈牙。加點醋味道更香。真菌濃湯鮮竹卷用料十足，啖啖菇菌，喜歡吃菇菌的話不能錯過。湯底香甜，和鮮竹卷十分搭配。蟹籽黑毛豬燒賣上面的蟹籽卜卜脆，令口感更豐富吸引。燒賣肉質鮮香，絕不能與坊間急凍的那些相比。

今日經開美孚，忽然想食點心，就上網睇下有咩推介，原來附近有間正點心就係附近， 跟住入去試下啦，餐廳地方都幾大，仲有卡位夠曬舒服。盆滿缽滿 $88呢個點心拼盤好精緻，裏面有鴛鴦蝦餃、鮑魚鳳眼餃、香芹金魚餃、奶黃千層糕。 點心除咗精緻之外仲非常好味。打卡一流呀， 特別係金魚餃做得好細緻，連魚鱗都有㗎。金瓜蒜香蒸排骨 $28排骨肉質好嫩，肥瘦均勻，又好夠味👍🏼馬友鹹魚肉餅籠仔蒸飯 $48肉餅肥瘦比例均勻，馬友鹹魚梅香味濃，而且又少骨，混合肉餅一齊食，正呀。齒頰榴香 $39榴槤愛好者當然要試下啦，呢個係榴槤奶凍用3d貓山王榴槤做嘅， 入口好滑， 充滿榴槤味。順德脆脆雙皮奶卷 $23熱辣辣，外脆內軟， 做好鬆脆添， 入面滿滿嘅鮮奶盒又唔太甜，岩我口味。西瓜糕 $30呢款甜品質好有特色，係用西瓜汁加魚膠粉做嘅，連西瓜核都整埋出嚟，真係幾可亂真，西瓜底部係椰汁，西瓜皮就係綠色嘅啫喱，真係佩服佩服，味道好，夠曬原汁原味。總括嚟講， 環境新淨，座位舒適，好多新派特色點心，下次可以再試下其他點心，唔使加一，茶芥只係八蚊。

放工去美孚新邨探好久不見的姑姐順便到她家樓下的餐廳吃飯姑姐說這家她常常吃 很不錯 所以就在這裡等店面很大 晚上也有點心吃的店盆滿缽滿這個有4款造型精緻的點心最適合2人分享鮑魚鳳眼餃 有原隻小鮑魚 金魚餃賣相精緻日鵝夜鵝一層層的酥皮 裡面包著榴槤果蓉榴槤味香濃三隻小豬流心奶黃包 流心效果出眾除了造型精緻的點心也有一般蒸點心選擇珍菌濃湯鮮竹卷醬皇蒸鳳爪一樣有水準最後點了 金針雲耳走地雞籠仔蒸飯有茶錢 但免加一收費非常合理 果然沒有介紹錯

今日去美孚探朋友....我佢話帶我去一間好特別嘅點心店食晚餐...仲話有我最鍾意食嘅榴槤酥添咁當然要去試一試啦首先點左一個好得意嘅小豬流沙包...食落去已流晒啲流沙出嚟...熱辣辣好好味之後點左一個色彩斑斕嘅盤滿缽滿....呢個點心拼盤都好精緻...有兩隻足料蝦餃最特別又有鮑魚蘆筍餃....仲有得意小金魚....呢個一籃紫真係令我一試難忘係因為佢熱辣辣到連我一入口已經熱到條脷...可想已知真係新鮮即做如果係榴槤控...一定要試呢個日鵝夜鵝...因為裏面嘅榴槤蓉相當足料而且香到隔離枱都聞到我哋都點左一個金銀蒜海蝦龍仔蒸飯...海蝦真係好新鮮而且有好多隻呢個係蟹子黑毛豬燒賣...肉質彈牙爽口😁😁😁令我最驚喜係呢個櫻花蝦脆皮鮮蝦腸粉...一般蝦腸只係得腸粉同🦐...但係呢個有脆卜卜嘅小櫻花蝦做點綴之外...裏面仲有一層脆卜卜嘅蝦網...包住鮮蝦...食落去就會相當有口感最尾仲嚟咗個得意甜品做結尾添.......

近日天氣十分炎熱🥵就算肚子餓都不知道吃什麼好，在美孚途中見到一間「正點心」店舖環境都不錯，於是就入去試試啦！這裏點心款式造型別緻，而且味道都不錯。三隻小豬🐷有趣的童話故事主角，造型可愛，真是不忍心吃掉😄咖喱烏冬蒸土魷🦑咖喱味濃，底下放了一些煙韌的烏冬，烏冬滲入香香的咖喱，十分惹味。蜜汁叉燒腸粉腸粉皮晶瑩剔透很薄，又很滑👍一藍紫🍠其實即是紫色番薯蓉炸成。日鵝夜鵝🦢造型有很有心思，採用榴槤肉做成，外脆內軟，入口甜甜地又有很濃的榴槤香味。盤滿缽滿有四種不同的點心，有鴛鴦蝦餃，一黑一白的餃皮，配合蝦肉的鮮美😋美味。香芹金魚餃，造型特緻，簡直是功夫之作。還有奶黃千層糕及鮑魚鳳眼餃，一個點心有齊四種美食選擇，都算不錯，適合我這種有選擇困難的人😄

三隻小豬(流沙奶黃包)豬豬嘅造型非常立體可愛，賣相加分唔少。包鬆軟煙韌，一咬開流沙流晒出嚟，熱辣辣粘度啱啱好，香甜可口。馬友鹹魚肉餅籠仔蒸飯鹹魚同肉餅份量好足，馬友鹹魚鹹香惹味，肉餅爽口，裡面嘅馬蹄清甜，送飯一流。黃金小豬嘜(酥炸糯米紫薯角)呢個豬嘅造型都幾QQ，外皮的確炸到好酥脆，不過就有喺油膩。裡面嘅紫薯蓉軟滑香甜。一籃紫(安納糖心紫薯酥)外皮係一層層紫薯味嘅酥皮，餡料則係黃色嘅甜薯，味道適中唔會甜到漏，口感都唔錯。盆滿缽滿有鴛鴦蝦餃、鮑魚鳳眼餃、香芹金魚餃，好黃千層糕各2件。造型非常精美同有心思，尤其係金魚餃，栩栩如生，蝦餃皮爽口彈牙，餡料原隻蝦好足料又好味。秘製醬皇蒸鳳爪鳳爪又香又淋又入味，醬汁惹味，係中上水準之作。珍菌濃湯鮮竹卷腐皮新鮮爽口煙韌，餡料有豬肉、木耳、西芹等，味道唔錯。花膠海皇灌湯餃湯頭好鮮味，有花膠、魚翅同蟹柳，灌湯餃大大隻餡料好足，有豬肉、蝦仁等。咖喱烏冬蒸土魷咖喱唔太鹹同辣，味道適中，土魷爽口，但烏冬有小小淋。山竹安格斯牛肉球牛肉球牛肉足料，嫩滑爽口，裡面溝咗香菜，熱辣辣食，香口惹味。齒頰榴香(3D貓山王榴蓮奶凍)非常有心思嘅甜品，專登整個迷你榴蓮嘅模，都幾