榮式燒雞扒 (舊大街)

營業中

休息中

平時返工響IFC，lunch又唔想落街食野，又覺得叫外賣好貴，所以想試下呢排好興的Plum，Plum係一個外賣的應用程式，每日的10:30之前要訂餐，之後lunch要落去最近的Plum spot到拿餐。我今次叫的係榮式的雙拼雞扒腸仔飯，一打開飯盒就有濃濃的雞扒香撲鼻而來，成個飯並無響運送過程變得凍又或者變質，而且賣相都好吸引，雞扒的肉汁豐富，焦的地方香脆好味，配埋香腸係好香。作為外賣來講，呢個飯性價比十分高，飯的香味並沒有在運送過程失卻，而且我都可以準時響Plum的spot拿到飯，但是我的其他同事用Plum卻未能準時拿到餐，搞到要上返office等，然後再落過去。

以前香港仔交通好唔方便，冇乜必要啲人都唔會入去，所以人流又少，好餐廳自然唔會進駐香港仔啦。而家交通方便，又有地鐵站，餐廳質素自然比以前更加進步啦佢位置係香港仔中心既內街，揸車既話可輕易到達同泊車，唔近仼何地鐵站銅鑼灣既榮式雞排就食過，香港仔分店啱啱新開就第一次食，唔知啲招牌野仲合唔合乎水準呢？我地嗌左榮式雞扒飯、雞藕天成烏冬、田園野菌烏冬，嘢飲就有奶蓋朱古力同埋咸檸水🍛下午時分食飯最怕飯氣攻心，榮式雞扒飯既份量啱啱好。雞扒一樣咁香口，皮脆肉嫩，少少胡椒令到個雞扒更惹味。白飯傾向乾身，有淋上豉油同有蔥油可以撈🍜烏冬有咬口不會好腍身，蓮藕餅今次則無咁油膩，未知係分店比較好還是例外地好左，烏冬湯底比起上次銅鑼灣分店更有味，色相亦較好🍼奶蓋朱古力未能同坊間既台式飲品比較，當佢係普通朱古力就可以啦～ 奶蓋泡沫重，味道好淡另外野菌一款同咸檸水未有品嚐，所以不作討論啦服務好好🤛🏻 當時餐廳亦有兩三枱客人，服務員反應好快，應付客人要求倬倬有餘。餸菜上枱速度亦快，五分鐘就可以。食飯途中不斷有人客入黎開餐，相信都已經儲落一堆忠實粉絲～

香港仔比我嘅印象一路都係剩係得海鮮 平時都好少話會去到香港仔咁遠食嘢 難得有個朋友住呢邊又搵佢傾吓計所以就問佢有咩好食啦 之後佢就介紹咗我話喺香港仔依家都開咗間榮式燒雞扒！ 佢仲話其實好多地方都有跟住我仲喺度諗究竟有咩咁出色 佢就話俾我知燒雞扒真係好好食㗎 睇完之後覺得價錢都幾好所以就決定入去食啦我哋分別每人都嗌左一個主食再配左杯野飲我就嗌咗雞藕天成其實就係燒雞扒配章魚蓮藕餅 可以揀配飯或者配公仔麵或者烏冬 見到呢度係用稻庭烏冬所以就揀咗烏冬啦！燒雞扒非常嫩滑 一啲都唔鞋口 而且仲唔會好油添另外章魚蓮藕餅個口感非常之出色 平時係屋企食開煎嘅蓮藕餅 但係喺度就係食炸嘅 即刻覺得好新鮮 而且章魚令到個蓮藕餅嘅口感在升左一個層次 因為成件事會變得好有咬口🤤另一個朋友就叫咗榮式燒雞扒飯個飯其實已經充滿晒一啲汁 佢唔係好似豉油但係同雞扒好夾 所以覺得好好食 隔離仲會配左少少菜同埋蔥油 最後另一個朋友就叫咗田園野菌烏冬 一邊有啲菜同埋一啲雜菇 對於食素嘅朋友要來啲間餐廳食嘢絕對係一個好好嘅選擇！😛最後仲叫咗杯奶蓋朱古力 但係有少少失望因為佢只係奶泡朱古力多啲 不過朱古力味就好夠所以都OK嘅朋友就

榮式好多分店，香港仔呢間人流唔算旺，聽聞質素ok咁就試試佢。先睇餐牌，人地話蓮藕餅好食，但今日少少熱氣，叫左招牌的雞扒飯就算數，$53包凍飲。咁岩入面爆左客，真難得，所以買外賣番去就算啦。一打開算夠份量，兩塊大雞扒，幾長下。睇黎外賣都冇影響質素。飯底正常，汁都係。個雞扒幾滑，聲稱係板燒既，夠味，一塊脆皮一塊唔脆，可能係外賣關係。總結：正常雞扒飯一個，街坊野黎講算中上，皮脆d會好d，價錢偏高，54蚊一個飯喎，抵唔抵就自己諗，試一次都冇防既。

小弟第一次寫食評,因為個包實在太好食,要紀念一下.一開始無諗到咁好食,所以無影相,搵返佢facebook張圖算數.我一向都係幫襯開隔離間天龍樓,因為屋企人鍾意.一開始見到呢間茶餐廳,心諗都係standard野,無乜興趣.尋晚見到有個下午茶漢堡餐,$36有包有薯條有野飲,膽粗粗就今日去試下.一開始見到個包既材料,太陽蛋,煙肉,雞扒,沙律,芝士,個名叫做GTR唔知咩,我心諗,咪又係果D野.點知一等就等左20分鐘,冷氣又唔夠,間舖平時又坐唔滿,心諗好似中左伏.第一口當然係食薯條先,方形薯條黎,比廣告牌既又粗又長,不過勝在夠熱,唔錯.至於個包,第一眼我見到既反應係,條煙肉長過個包,塊雞扒又薄,又唔蓋上面既包上去,認真奇怪.但我食落口,我第一個反應就係,第一次食到咁完美既漢堡.首先,煙肉係彈牙既,通常我食開早餐既煙肉通常都係煎到乾晒,最多都係軟口,但居然係有彈牙既煙肉.第二,個飽脆得黎軟口,平時食快餐真係好難搵到,一係硬得滯,一係就咬唔開.第三,太陽蛋夾落個包度,蛋黃就夾爆,蛋白又夠薄,完全食唔出平時食開果D臭蛋白味.第四,雞扒夠軟,味道又夠淡,唔似得大家樂大快活果D又硬又實既雞扒,雞油味又重.

星期日例牌訓到天荒地老先起身，結果訓醒個下已經2點幾，決定梳洗之後就去食下午茶，又可以慳幾蚊。呢間榮式燒雞扒係後街，唔算係太起眼，不過神奇地下午茶時段去都坐左大半間。今次叫左雞扒併米粉，個米粉居然係完全無味，以為個湯有少少色會至少有雞湯味，點知入口同清水無分別，都明白配雞扒食唔使太重味，但都唔應該誇張到完全無味。個雞扒就同平時一樣咁好味，入口嫩滑，而且唔會覺得乾身，雖然就比想像中細件同薄少少，但係好味既，會令人好想再點多份！

工作時經過香港仔，便找找附近有什麼好推薦好吃的餐廳。找了一回，找到這間餐廳。看圖好像雞扒好吸引，便決定走過幾條行去品嚐它。看了menu，價錢還可以吧！在香港仔的地區有這個價錢，也不錯!點了份麻醬雞扒烏冬， 麻醬不會多到太鹹。而雞扒可真的超大塊! 比女生的手還大。 入面的肉也不鞋。配上它的烏冬，很易放入口。環境上是清潔的，不過坐得有些不舒服。職員態度不錯，不過有些甩漏的感覺。下次會想試試其他分店，比較一下。

我從未寫过食評，不過今次忍不住了⋯⋯首先 ，我自己叫了個"雞扒胡麻醬冷烏冬$50元跟飲品"時段是3:00pm前未到下午茶時段，即是正價餐，份餐上枱后都有少許誇然，雞扒太細 烏冬份量过小  五緊要 份量比較主觀  不過我个人還是覺得太少了。雞扒質素普通，一些不知明快餐也勝过他，烏冬無味與醬料是酸的 "因我誤以為是胡椒麻油" 或許是 "胡椒麻辣" 如要用价格衡量這份餐，五低，又如果要用質素衡量這份餐，可以給劣！付款時順便向店員投訴和詢問 胡麻是咩意思， 原來是胡麻醬「不是胡椒醬，不是麻辣或麻油醬」原來系胡麻醬「雖然我不懂什麼是胡麻醬」， 但這种味道不是味覺能分辯到，因為烏冬淡，麻醬酸，不是味兒！ ！餐牌上英文有寫，但中文明顕沒有! 所以我沒有留意到。

點了一個雞排烏冬，之前食過都好正常，但今日片雞排咸過咸魚。原本都想叫佢地做過，但個伙記話全部雞排都係咁咸沒得做過，佢叫我轉藕餅，但係得兩塊又乾又唔熱嘅藕餅，買單嗰陣仲要收返同雞排同價。以後香港仔又少一間選擇了

一心來食雞扒麵早歺，點知個侍應落錯單，正在為難之際，聽見收銀問：「係咪落錯單，扣錢。」不想連累打工仔（雖然侍應都有錯，但最低工資時薪$32.5, 份早餐$26，即是白做45分鐘），惟有捱義氣，但已經非常冇癮，決定從此不幫襯此刻薄僱主！

有客人想食淨咖哩牛腩，有位盡責的男侍應想辦法，就建議叫一客咖哩牛腩飯走飯。去到落單處，有位著黑色工衣講一口不正廣東話嘅女員工怒罵男員工！我也忍不住開口幫男侍應，同嗰位黑口黑面嘅員工講，人客叫一客咖哩牛腩走飯有咩問題？錢又冇收少？佢竟然開口罵回我地冇得走飯，冇得賣？榮式老闆，難道你們有生意不做？你的員工還會罵回客戶，真利害！！佩服！

星期五的晚上，最怕香港仔隧道塞車，留在香港仔較安全。這個晚上去了香港仔舊街的『榮式燒雞扒』，我自己本身吃過幾次，在香港仔、灣仔、銅鑼灣也吃過，而朋友未試過，今次就帶他試新店。我們點了兩個主食，一個小食晚市套餐，再加$4配了凍檸蜜。晚市套餐優惠：凡惠顧主食+小食可特價配餐飲。凍檸蜜$4，是菜蜜，個人不太喜愛，就是假假的味道。椒鹽魷魚鬚 $30，沒有特別，不算炸得很鬆脆，但沾上沙律醬，味道也不錯，不過不失吧。榮式雞扒胡麻撈烏冬$44，烏冬是稻庭烏冬，很煙韌，口感不錯，只是味道不夠，淡味，而且冷烏冬配熱的雞扒，感覺是怪怪的。榮式雞扒蓮藕餅飯$44，這是我每次必點的招牌菜，水準依舊。雞扒很薄烤得很脆之餘，亦有肉汁，偏重口味，很惹味；而蓮藕餅也是好吃之選，熱辣辣，也香口；飯配以薑蔥蓉好味！除了榮式雞扒和蓮藕餅是比較有保證之外，試過其他也是一般般。所以來到這裡，也不會三心二意，免得失望。香港仔分店開業一段日子，我最欣賞就是舖很大。比起其他分店，這間算是很寬敞，很舒服。午餐時間人客也多，相反晚餐時間，就比較少。2個人也可以坐4人梳化位置，而且可以坐很久，談天說地，這一點是我最欣賞的地方。

榮式雞扒手工拉麵 $42Grilled chicken handmade ramen記得第一次係北角分店食榮式真係幾驚喜💭💭 雖然睇落簡簡單單, 但雞扒大大塊, 面層煎得脆卜卜, 雞肉juicy, 入味香滑, 真係幾好食😋今日來到香港仔分店, 雞扒縮左水, 而且完全唔脆😢 麵還好, 但湯底唔知點解好似有d羶味😂😂 整體未至於難食, 但真係比其他分店失色好多(定其實其他分店都已經差左?🙈)唔比哭臉既原因只係因為香港仔好似都無咩好食, competitors 唔多, 無野好選咪食下lol 😂😂 但咁既水準如果係tw/cwb/tst...

同媽媽亂逛亂撞，睇左幾間唔岩食，無心插柳入左來，先知道呢間係同事之前講過幾好味的，點知唔使出去食都遇到。果然無失望，個雞扒食第一塊已經覺得好味，最終同媽咪忍唔住叫多客，食唔哂都要打包聽日帶飯。

榮式雞扒在香港仔都開了一段不短的時間了，由一開始好想好想去試，到現在，仍未的起心肝。因為聽到太多太多的差評。所以每次都打消到這裡食一餐的念頭。不過，都總是有第一次，因為人人口味都不同，好多野要自己親身試過才知合不合適自己。當天5時多，餐廳內幾樂乎只有一檯(因為其他檯是店員們自己坐著).而且餐廳內，燈光不明亮，再加上店員的笑罵聲，感覺好像去了旺角的MK 店…這是我第一個感覺，但是店員在工作上，還是OK的。燒扒雞飯 hKD 47.00本人覺得算是貴的了，一個雞扒飯要47元。而且上檯，好頹廢…就似是茶餐廳的頹飯…但不得不說，在這樣不討好的外貌下，味道卻是不錯。雞扒燒得香甜，醃製方面做得很好，入味。而雞肉燒得不乾，多汁軟滑。另外，飯上配有鼓油汁，也是偏甜，很易入口。而在碟邊，有少量的醃菜粒，酸酸甜甜好開胃，而且幫助解雞油的膩口。炸軟殻蟹 HKD 35.00這個可以不用點了，因為我們食到的這個炸軟殻蟹一點味道都沒有。是一點都無！到底是忘了落鹽還是怎麼了呢？令人不解。飲品方面，凍朱古力是跟餐的，加HKD 4.00, 略嫌稀了點。另外是單點的凍鹹檸蜜 HKD 17.00個人覺得不錯，夠甜，但感覺上是