榮式燒雞扒 (舊大街)

營業中

休息中

有同事推介過這間的雞扒很不錯，那麼就找了一天來吃吃看。可能這家也頗出名的關係?  Lunch Time 等候的人比起其他的餐廳明顯較多。但大約等10分鐘都安排到入座，而且會在入座前先幫忙下單。榮式雞扒湯檬 ($48) - 既然這間是賣雞扒的，第一次來吃當然是選雞扒吧！湯檬有點碎碎的，還給我發現了黏在一塊的檬粉 Orz湯底來說，味道倒是足夠的~但不覺得有什麼特別的地方，應該是普通的湯底吧?重點的 "榮式雞扒" - 確實很香，皮有點脆脆的~雞肉也很嫩滑。不過調味來說，就我本身喜歡清淡一些的會覺得頗鹹就是囉另外跟餐可選一杯指定飲品，我選的是 - 熱檸蜜。

今日同男朋友黎香港仔行南朗山，行完就是但入左榮式食晚飯。我都好耐冇食榮式，黎榮式通常都叫雞藕天成，今次都唔例外。佢同以前唔同，仲有火鍋，烏冬，撈檬食。男朋友就叫左鱆魚蓮藕餅稻庭鮮烏冬。我印象中以前塊雞扒比較厚身，依家薄左好多，但個味都係好食既，用左黑椒調味，平時唔食雞皮既我都食埋。鱆魚蓮藕餅即叫即炸，勁熱辣辣，餡料飽滿，好食。白飯偏淋身，但我鐘意偏硬個種，有蔥油俾你撈飯。烏冬口感滑嘟嘟，有豆卜同椰菜。呢間有得用支付寶同微信支付。

舖仔細細所以坐位唔多，入座時未到下午茶時間，店員好好照俾餐牌我地睇而且坐位安排好好下午茶選擇唔多，只係唔同配搭酥香多士-多士又唔熱又唔脆又唔香仲俾倒汗水整濕埋淋晒肉燥新竹米粉-湯底冇味，新竹米粉好爽滑，芽菜好新鮮，所謂肉燥入面冇肉嘅，咁深色但冇味道好難食榮式炸雞脾-皮好脆一啲油都搵唔到，邊位炸過龍肉都硬同乾晒好彩其他位置肉質都滑而且入味炸蓮藕肉餅-一樣炸得好脆唔油膩，但肉好怪可能落得太多生粉撈，口感好滑潺潺總結-店員服務一流有耐性，但食物就麻麻，飲品種類都多如果想去試可以揀其他試

榮式雞排吃了很多次但我每次必點的是雙雞排飯啊👍🏻個人認為這個飯CP值是最高的！今天堂食比較多人我就乾脆買外賣午餐回家吃SET LUNCH:::$56 送熱飲～ (凍飲加$2)價位很OK啊～依舊兩塊很大的雞排看著也很吸引啊！🤩好喜歡它的肉質不會乾也不會很肥膩調味很好～建議怕肥人仕不要吃雞皮🙈🙈🙈白飯伴了醬油很香很惹味覺得加分位是有拌蔥油～吃著吃著全盒吃光了飽到晚餐不想吃！真的性價比很高唯獨要挑剔的是⋯⋯今天等外賣有點久🥺🥺🥺

午餐黎到呢間榮式分店食午飯，店大概三十至四十座位左右，午餐套餐價錢一般啦，$50 蚊左右連埋飲品。除左飯之外，仲有其他粉麵套餐，我見撈檬同撈丁都好多人食架。黎到梗係要點招牌雞扒飯，白飯🍚份量較多，細食的你可以叫佢少飯（這個是叫左少飯的了）。 大大塊雞扒，手掌咁長，唔算厚，有兩大塊，煎得幾靚唔會太燶，加埋d 汁，食完飽飽😋旁邊醃製炸菜混埋白飯一齊吃👍🏻價錢+份量黎講，$50 零蚊有埋飲品，性價比👌🏻

香港仔的午餐選擇不多，榮式是其中一間我和同事們幾乎每星期都會光顧一次的餐廳。每次我都會點同一個午餐 -- 雞偶天成飯，也就是雞扒蓮藕餅飯。雞扒的確沒有辜負店名，長期保持水準。色，香，味俱全，不是啖啖肉那種，卻是厚薄適中，肉質尚算嫩滑，雞皮略脆。反而蓮藕餅的水準參差，有時候香脆可口，有時候卻好像隔夜炸物又乾又淋。我是個好喜歡食菜的人，但這個伴菜油多而無味，雖然不想浪費食物，卻不希望勉強自己。每碟飯都會附帶少量炸菜粒及蔥油，很多人包括我自己都會另外再要求多加一點用來送飯。

午市成日排哂長龍，終於有機會一試出名既雞扒。除左馳名雞扒之外，聽聞蓮藕餅都好好食。叫左雞扒豬頸肉飯($51)，配餐飲。雞扒真心高水準，雞皮烤到脆，而且薄薄一塊。平時個人唔會食雞皮，但今次既雞皮望見唔似雞皮既外型，唔識容易，煎烤得已經同雞肉相連。雞肉肉嫩，雖然食唔出醃料既味道，但冇雪藏味。而豬頸肉見到有d烤網既紋路，雖然餐廳冇厚切豬頸肉，但每塊既size都大，同樣肉嫩，烤到椰菜，仲有d醃製菜，鍾意食既朋友，枱面上都有一樽，可以自己加添。飯上面淋左甜豉油，聽聞豉油都好出名，伴飯食一流。份量夠哂男仔食。整體，雞扒係出色，不過環境逼少少，預左要搭枱。

公司附近嘅餐廳唔算多，要搵到一間好食既都唔容易😩。所以呢間榮式雞扒就深受同事喜愛，每個禮拜都要食一兩次😁 lunch同晚餐價錢幾乎一樣，就係多杯餐飲，所以晚餐黎食好似抵d🙀。呢度既雞扒飯真係唔錯，雞扒好香，配上獨家醬汁同鹹菜，真係幾好食🤤🤤🤤。另外d烏冬都幾彈牙，可惜係凍既...除左雞扒之外，藕餅及滑蛋都唔錯👍🏻👍🏻可以一試!!!。。。。。。。。。。。。。。。。。。。。。。。。。

榮式雞扒好耐無食啦。佢嘅雞扒依然都仲係咁香口，蔥油緊加係畫龍點睛嘅一筆👍🏻👍🏻👍🏻由於個雞排係燒出嚟真係可以食到燒烤味，香脆可口，咬落仲有脆卜卜嘅聲😋而且熟度岩岩好唔會太老又唔會生，口感滑流🤤另外蓮藕餅都煎得香脆，咬落仲有粒粒蓮藕粒，口感爽口👍🏻👍🏻👍🏻👍🏻拎嚟送飯一流！！如果有時候諗唔到食咩，榮式燒雞排都係唔錯嘅選擇👍🏻👍🏻👍🏻👍🏻👍🏻👍🏻

想食雞扒就諗起榮式雞扒。以前喺禮頓道嗰間食時常排晒隊，而且地方狹窄，坐得唔舒服。後來香港仔分店開咗就多數去這分店，人不太多，而且除了方枱座，還有梳化座。雞扒去筋、攤薄後用上黑椒等配料醃製，再用秘製鼓汁塗於上下兩邊才放在坑爐燒製，外皮香脆兼有炭燒坑紋，雞扒醃得夠味而且鎖住肉汁，錦上添花的是還有蔥油伴食，油香味十足。除了雞扒也愛吃豬頸肉，豬頸肉也是用同一方法烹調，坑紋清晰可見，令人垂涎欲滴。但很可惜的是蔬菜伴碟份量太少，只有兩小片，希望店主留意可把蔬菜份量增加，那就更加好。套餐飲品選擇多，除了咖啡奶茶外，還有朱古力、檸蜜、青檸水、鹹檸蜜/水等。

榮式雞扒真係唔錯，每次黎哩到都一定點黎食。鍾意佢雞扒夠淋肉汁夠多，外皮煎到少少脆，有些少黑椒調味，食落非常惹味。平時都食開雞扒飯，不過今日有少少濟，所以想食下米粉。估唔到哩到既米粉都好好食。湯底清清地，但又唔會過份淡味，食到少少蒜香味。有啲蔬菜伴下碟，健康啲。哩到既芝士波第一次食，味道比預期中好。有驚喜！芝士波外皮炸到金黃色，外皮熱辣辣好脆，裡面就好軟，最正係裡面既芝士仲好流好溶。點埋個甜酸醬就最正。

今日去左食有好多分店既榮式燒雞扒 聽個名就知一定要食佢地既雞扒啦 😋本來想叫鴛鴦雞扒飯 即係一塊燒雞扒 一塊鹽酥雞扒 但係之前食過 份量相當多 完全食唔哂 所以都係改番試鹽酥雞扒撈丁算😂 雖然佢地既榮式燒雞扒係幾好食 唔會好乾 又夠味 但係我就更愛佢地既鹽酥雞扒 皮脆肉嫩 👅 不過今次個撈丁就淡味左d 撈左佢地蔥油同菜葡都無乜味🤔

又到星期6了 晚上懶惰不願外出吃飯 所以就search 下有咩好食啦 找左好耐 突然見到榮式雞扒 諗起以前食過幾次午餐都係好好味既 咁耐冇食 好啦 就決定食雞扒啦睇menu都睇左一會，終於決定雞扒豬頸肉飯 同 雞扒蓮藕餅飯 再加 風味炸雞 我們叫外賣 25分鐘就送到 超級快手 開始都擔心外賣d盒會整到d雞扒濕哂 但竟然完全冇事 風味炸雞都係全干身 好好味！個風味炸雞整得好好 好香口 加上個酸辣醬 perfect match 雞扒豬頸肉飯 都係正！ 佢地最好既係飯入面有d薑溶 同炸菜 送飯一流呀雞扒蓮藕餅飯 個蓮藕餅一直都係整得十分好味 香口！整體佢地無論邊間分店都好 食物一流 完全一樣 水準keep得好好 外賣和堂食都一樣正！

星期日一定食番個靚早餐作為Good morning 嘅開始就近近地㨂左佢第一次食緊係㨂榮式雞扒米粉😍味道：4/5分雞扒好好食冇切開 係全份上嘅😍所以要自己cut 開不過重點係唔太油，d菜墊底都冇咩油👍🏻個米粉冇咩味精，入面有翠玉瓜😍非常好飲品叫左柚子蜜，都幾好🧒🏻香港仔冇咩餐廳有柚子蜜叫😍，難得有嘅第日都黎食。唯一比較唔好嘅係侍應比混亂，我有個粉都要等左5分鐘先有份雞扒，所以呢方面唔係咁好。

因為工作緣故，來到香港仔的榮式燒雞扒，難得碰巧是下午茶時段，特意點了撈麵下午茶時段雞扒撈麵果然是榮式雞扒，去哪食都有保證，一咬下去外脆內軟，完全沒有炸粉油膩感雞扒夠大塊，但始終是下午茶，全碟份量剛好而已，如果男士可能不夠飽