椒點

營業中

休息中

無辣不歡的小編超級愛食酸菜魚🥰但比起酸菜魚，小編更愛椒點既蕃茄魚！蕃茄再加辣既味道真係食整都唔會厭😚大家有鍾情於蕃茄湯底既話可以試下！🍜 蕃茄魚+薯粉+金菇+豆卜 $60如果你係細食既女生，相信你一定唔會食得晒🤣份量超足料！仲可以揀兩個配菜😚基本上樣樣都好索味😋😋😋😋碗薯粉會另上，唔會浸淋啲麵，好抵讚😚午市同晚市都係同價，所以大家想幾時去都可以😚另外，椒點既凍檸茶都好正架，我冇影到🤣

以往酸菜魚、水煮魚通常好大盤，有時想一個人獨食有點難⋯呢間餐廳可以獨食一人份量，價錢又唔算貴，味道亦不錯～所以Lunch過嚟食啱晒！😋特別推介金湯酸菜魚（$58），第二推介係金湯酸菜肥牛（$65），個湯底撈飯幾正🤤😋麻辣肥牛（$58）就比較刺激啲，啱啲好食得辣嘅人，配飯都好正！以上的菜色有得揀最細嘅辣度，怕辣嘅人應該都食到！同埋可以揀配飯/粉，亦有得加錢另外加配菜～🥲最後口水雞的肉質同醬料一般，食落去肉同醬嘅味道完全分開🙈⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 7/10環境： 6/10打卡： N/ACP值： 7/10推介值：7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

金湯酸菜魚主食可以揀飯，米線，扭紋薯粉， 我就揀左配扭紋薯粉，配料可以選兩款，點左金菇和豆卜 ，辣度要了微辣，可以按個人喜好的辣度點餐，非常好第一時間試下魚片先，魚塊好大塊，而且份量多，很嫩滑又有點咬口，好味，金菇和豆卜吸收左啲湯，微辣，很惹味扭紋薯粉係分開上的，粗身的薯粉好煙韌，一樣吸收了微辣金湯，好夠味，同魚塊金菇好合拍，酸辣份量恰到好處，份量好似唔多，但都好夠飽如果食唔到辣既朋友，可以揀乾鍋，或者係選蕃茄魚或蕃茄肥牛或牛肉，餐廳都照顧到唔食得辣既朋友雞肉乾鍋炒薯粉朋友叫了雞肉乾鍋炒薯粉唔辣，配菜有薯仔，蓮藕，青瓜金菇，洋蔥，可選麻辣或醬香，咁就可辣可唔辣啦！雞肉煎得香唔乾都滑，第一次試炒薯粉， 煙煙韌韌有咬口 ，不過個人都係喜歡湯薯粉同微辣，惹味，讚飲品叫了凍咸檸樂，咸檸七，咸檸檬篤開曬夠曬味到呀，岩哂熱熱的夏天飲料

🌕🌕🌕🌕🌕 金湯酸菜魚🌕🌕🌕🌕🌑 乾鍋牛肉 食酸菜魚唔使上大陸嘅，大埔都有唔止一間，今次想介紹下椒點。 疫情前，好多人都會返大陸食酸菜魚，我當時純粹因為唔鍾意食酸菜，所以一次都無食過。由疫情期間直至而家，我幫襯得最多嘅酸菜魚餐廳就係椒點。 🐟酸菜魚方面我唔係專家，不過椒點嘅酸菜魚係即叫即煮，滾熱辣咁樣拎出黎，淨係個態度同溫度都贏曬。 份量方面都唔會吝嗇，我最愛嘅配菜係萵荀同薯仔片，保守估計每款都有6-8片。如果想食豪啲可以加少少錢（唔記得$10定$12）配生魚片。 個乾鍋乜乜都幾惹味，一樣可以配飯/米線/薯粉，甚至一齊炒埋個薯粉都得。

食左碗酸菜魚米線，同另外一間我食過嘅都係主打酸菜魚既 魚眾xx相比之下，味道稍遜，雖然可能系味精多少既差別。不過椒點既酸菜食落毫無酸味，食左一粒就冇再食，配菜方面都系白灼加落湯底，都系正常野，兩間比較下椒點既萵筍切法厚薄不一。明顯切厚片嘅一啲都唔入味，因為佢湯底本身都唔係好重味。最影響成碗野既評分 系啲魚片，急涷鯰魚片之類既野，好鞋，好厚，口感好差，真系完全吾好食食客角度我寧願你價錢貴多10蚊8蚊，比啲好啲質素既魚片，例如好似其他公司嗰啲鯛魚片呀生魚片之類，會好食好多。

買完餸喺附近搵嘢食，經過見到呢間餐廳係食辣嘢嘅，今日天氣咁熱食啲辣嘢都好開胃，所以決定試吓啦！餐廳裝修行小清新風格，坐落都幾舒服😌五花肉乾鍋 $65五花肉好香口，食落肥瘦均勻，唔會好油膩！乾鍋配菜有好多例如薯仔、蓮藕、金菇、青瓜同埋洋蔥，我最鍾意薯仔粒因為佢有炸過好惹味！主食揀咗撈米線，吸晒小辣湯底好好食，重口味之選🫣😍底料可以揀麻辣或者醬香口唔辣👍🏻👍🏻麻辣豬肚 $39雖然嗰碟細細碟但係其實份量有好多，我哋兩個人都好似食極都唔完咁！豬肚好爽口，調味都好足，夏天食涼浸浸嘅小菜真係正🤪麻辣牛肉配白飯 $69 麻辣牛肉都係揀咗小辣，不過叫咗加麻，食落辣味好夠，唔會死咸同好重味精！牛肉好大片，真係啖啖肉🤩另外配菜嗌咗金菇同萵筍，真係食辣嘢必嗌。送飯一流，食食下都食晒成碗飯。嘢飲叫咗鹹檸七，一如既往咁好飲，開胃解辣🤪🤪📍 椒點 (大埔)大埔翠怡街3號翠怡花園地下12號舖

我同家人都好鍾意食酸菜魚，今次就特意去到大埔 #椒點 酸菜魚專門店試吓，雖然餐廳比較細，不過就剛好有位，唔使喺出面熱辣辣等位。呢度最出名嘅酸菜魚同埋乾鍋，我哋一於一次過試晒佢，每人再加一杯嘢飲呀，再叫多一碟蔬菜夠晒滿足金湯酸菜魚估唔到都幾大碗，我哋一人舀一啖酸菜魚湯飲，酸酸辣辣好開胃，BB辣又唔會好辣，除咗好滑身嘅生魚片之外，仲有好索味嘅豆腐卜，咬一啖湯汁隨即於豆腐卜裏滲頭出。雞肉乾鍋遠處已經聞到好香，裏面有金菇、辣椒及洋蔥等好惹味嘅配菜，再揀咗一碗白飯送飯，裏面嘅雞肉大大件，肉質彈牙又鮮嫩，而且仲好有鑊氣添。還有小炒乾鍋花菜，可以選擇辣或者唔辣，花菜即是椰菜，煮得好林，帶一點爽脆嘅口感。一邊食一邊飲凍可樂，可以消暑解渴。整體來說，食物質素高難怪經常滿座。椒點 大埔翠怡街3號翠怡花園地下12號舖#大埔美食 #大埔酸菜魚

收工就去試吓呢間麻辣酸菜魚，本身好鍾意金湯，但天氣熱就試咗雞肉香鍋、麻辣腎片，啲雞肉大大嚿，入邊有我最鍾意嘅蓮藕片、炸薯仔粒，加埋青瓜、洋蔥、花菜，好足料個底襯炒薯粉一流，索晒啲花椒味都可以揀湯薯粉、米線白飯嗰啲，下次嚟要試吓個金湯酸菜魚麻辣雞腎量幾多，食落去好爽口，配埋個香鍋有啲辣下次叫微辣就夠

放假去左太和個fd屋企玩，到左差唔多夜晚嘅時間，決定去附近醫下肚，個fd推介食依間椒點，就聽佢講黎試一下2個人每人叫左一碗麵同一個小食，麵仲有得揀辣度，除咗水煮魚，仲有水煮牛，上菜速度快，5分鐘內已經有得食無骨口水雞雞肉皮爽肉嫩，麻辣味適中，十分開胃，而且仲有好多花甜碎，食落更香蕃茄肥牛扭紋薯粉叫咗微辣，湯底唔錯，蕃茄味出眾，辣味冇掩蓋到蕃茄味金湯酸菜魚米線湯味鮮甜，魚都好滑，口感一流每個餐可以揀2個配料，令到冇咁dry，而且佢仲可以揀飯、薯粉或米線，選擇上冇咁單調，仲係分開上，薯粉或米線唔會因為浸到太耐好淋，非常細心，最鐘意的係佢個湯底，好惹味👍

一早過嚟太和見客，唔多覺就到lunchtime，天氣太熱沒什麼食慾，行過見到「椒點」地道小店，睇吓餐牌上有乾鍋，水煮魚、水煮牛、風味小食等，川菜的酸酸辣辣都幾開胃🤤金湯酸菜魚（轉生魚片）$72套餐跟白飯/米線/薯粉三選一，另外可以選兩款配料；生魚片的魚肉鮮嫩可口，金湯味道鮮甜，薯粉又煙煙韌韌，配菜有爽口萵筍、吸湯的豆卜，加上酸菜不會過酸，味道適中，各方面都配合得很好。凍檸樂（+$11）檸檬片都算幾多加埋冰塊，飲落超解渴。

難得放假同屋企人食個Lunch，平時酸菜魚要幾個人一齊食，呢度有一人份量嘅酸菜魚，可以同媽咪各自叫一款餸，唔洗爭😚淨食無骨口水雞：表面有好多花生碎，口味層次更加豐富，辣度偏低，食落幾香口，雞件都夠滑，價錢合理都冇咩可以挑剔。金湯酸菜魚：微辣，啱啱好，薯仔片同豆卜送飯一流，魚片夠滑，口感幾好，個湯都唔錯，幾惹味。麻辣牛肉：叫左小辣，薯仔片爽脆，豆卜入味，吸收晒湯汁。牛肉幾冧，白飯用咗珍珠米，整體都唔錯。

🍴金湯酸菜魚 ($60)之前已經食過呢間既酸菜魚 覺得幾好食 所以今晚叫外賣都係再點酸菜魚😋呢間既酸菜魚除左辣度可以選擇之外 仲可以選擇加酸、加麻、少麻、走麻、少油、走油、走辣、走辣椒、走花椒👍🏻 因為今次係經外賣平台叫既 所以淨係揀到微辣 我覺得酸辣度岩岩好 仲帶有輕微既麻味 好開胃👍🏻魚塊 豆卜同娃娃菜既份量都好足 雖然睇落唔大碗 其實都好夠飽魚塊好入味 嫩滑得黎唔會一夾就散 加上無骨 啖啖肉好正😆 薯粉係分開另一個碗既 唔會驚浸淋哂 薯粉既口感好彈牙煙韌☺️

已經係第二次去大埔呢間小店啦，全日一樣價錢，當天平日兩點幾去到都要等一陣先有位🥲同上次一樣叫咗金湯酸菜魚 微辣🌶️，但係我來講已經好夠辣🙈配扭扭薯粉，加咗海帶絲同娃娃菜做配料，今次加咗$12轉做生魚片🐠，比起原先嘅龍脷柳更加好味，完全冇骨👍🏻👍🏻 湯底落足料有花椒、酸菜、少量金菇絲、芫荽……，個人來講好鍾意佢個酸菜，因為係偏甜，唔會太鹹☺️但令我最驚喜係第一次叫嘅雞肉乾鍋炒薯粉😍 薯粉質地有少少似食緊韓國炒粉絲，配菜有好多，分別係青瓜、椰菜花、洋蔥🧅紫洋蔥、蓮藕，由於係炒嘅關係所以唔太冧，同埋加上孜然粉，有少少似食緊串燒嘅感覺，至於雞肉，其實係雞扒切件，偏鹹，但係薯粉入晒味，所以我好鍾意，同埋好多蔬菜🥬感覺相對幾健康😇整體來講，都係一間我喺大埔會食嘅餐廳🍴，下次一定會繼續嗌炒薯粉，但有機會想試吓蕃茄🍅湯底的魚魚😌

過左繁忙時間入座，餐廳未爆滿，但陸陸續續都有客入入黎食野同埋拎外賣掙扎左一陣先揀到食乜好😂因為想食乾鍋，又想食酸菜魚最後揀左金湯酸菜魚～可揀辣度/走辣、加酸，+-麻、少油走油都得，再揀兩款配料可惜寫食評時望返個menu先留意到有得走油，如果唔係我一定叫走油😂小辣加麻，配萵筍，薯仔🥔小辣都覺得辣左啲🌶️，睇黎下次要叫微辣湯底味道唔錯，香麻酸辣，略嫌咸左少少🤏但係可接受魚片滑嘟嘟配菜份量足，萵筍、薯仔都好爽口檸檬茶～茶底麻麻地，唔夠茶味

去太和找朋友後要去醫肚，朋友推介我去椒點食酸菜魚，一人一碗，那就可以按個人喜好的辣度點餐啊！餐牌分類清晰，水煮類菜式有魚和牛選擇，另有乾鍋及小食供應。今次點的兩份主食都是魚，金湯酸菜魚，配扭紋薯粉，配料可選兩款，要了萵筍及金菇。微辣的酸菜魚，辣度都足夠，帶微微椒麻感，酸辣平衡。魚片大片而且份量充足，嫩滑得來帶點咬口。萵筍爽脆，金菇吸湯，整碗酸菜魚夠惹味。扭紋薯粉分開上，粗身的薯粉好煙韌，份量看似不多，但足夠令人飽肚。完全不能吃辣的話，可選蕃茄魚或蕃茄肥牛/牛肉。蕃茄魚加豆卜，娃娃菜，配米線，湯底的蕃茄味香濃，魚片與豆卜盡吸湯汁，每一啖都帶蕃茄味。米線麵質不會太過軟稔，分開上令米線不會吸太多湯而發漲。不吃蕃茄魚，其實酸菜魚也可以走辣，能吃辣或不吃辣的都照顧得到，那就可以隨時結伴去吃酸菜魚啊！