椒點

營業中

休息中

我明一分錢一分貨！但唔真係唔係果回事！係難食唔好食呀！酸菜魚完全唔知似咩！真係以後唔會再食！食過甘多間酸菜魚！佢可以完全顛覆酸菜魚！完完全全一d都唔係酸菜魚！但佢真係有酸菜同魚！只係甘！我都唔識講佢果個係屬於咩式既酸菜魚！但我好肯定唔係川菜既酸菜魚！亦都唔係港式！係唔識呀！你可以想像到有幾差！如無意外佢應該可以成為全港最難食最差既酸菜魚！我相信唔會有人差得過呢間野！我已經對食無咩要求但都要同大家講就知咩料啦！

最近這幾年愛上了吃 #酸菜魚知道位於大埔有一間酸菜魚專門店 「 #椒點 」一致獲得網上好評好似唔錯咁今次我哋二人走去試吓一去到店舖細細的但環境簡潔舒適由於裏面已經滿座了我哋唯有就坐二人枱嘅位置見到餐牌上的美食圖文並茂每一款都好吸引吖我哋就叫咗兩個餐大家開心share食❣️⊰⊹════════════════⊹⊱💬 ✎ 食後感 ：✨🤍️【 #蒜香土豆絲 】️土豆絲比較林身蒜香味道比較淡清清地食都唔錯啊💛️【 #金湯酸菜魚 】️呢一碗黃金色的酸菜魚原來都幾有份量幾大碗一個人食綽綽有餘舀一啖酸菜魚湯飲味道很濃郁而且熱辣辣魚片食落去啖啖肉口感好滑溜好新鮮還有裏面嘅配菜包括芽菜及豆腐卜可以朔晒湯底嘅精華味道呢🤎️【 #雞肉乾鍋 】️裏面嘅配菜同樣地非常豐富包括有薯仔、蓮藕、金菇、青瓜及洋蔥口味可以揀選麻辣及醬香 (即係唔辣)套餐仲跟埋白飯或者湯米線最特別係有炒米線及炒薯粉即叫即炒好有鑊氣最後我哋揀咗BB辣嘅炒米線首先雞肉嘅份量好多而且肉質好鮮嫩呢米線炒得軟硬度適中而入味加上少少辣令人胃口大開🖤️【 #凍檸檬茶 】️最後飲番杯凍飲掃一掃喉嚨茶味好香濃解渴之選

聽聞朋友話大埔依間椒點既水煮魚相當唔錯，今日去開附近，一於嚟試下，我地五點半就嚟到，得我地一檯客唔洗等位，店面光猛，裝修簡潔，都坐得幾舒服既。我地點左一份酸菜魚同一份口水雞share食。酸菜魚我地點左份少辣既，配菜就揀咗豆卜同娃娃菜同薯粉，湯底味道唔錯，濃度適中，而魚片份量都唔少，而且肉質鮮嫩，唔會鞋口，相當唔錯。口水雞口水雞就有啲失望喇，因為佢個種辣只係辣椒油既辣，唔係平時食開口水雞既個種辣，而肉質偏硬，點解我會用硬嚟形容呢，因為食落去既感覺係好似食緊凍燻蹄個種口感，雖然佢都幾大份，但味道就真係完全唔係平時食開個種口水雞既味道喇。整體而言，酸菜魚絕對值得一試，60蚊一份既份量絕對食得夠飽，但口水雞個人認為不試亦可。

老實講 啲野唔難食既不過老闆娘既態度同餐廳既環境真係成肚氣呢幾日天氣咁熱 冷氣開到勁細 又食辣野 食到我老豆滴哂汗然後問佢拎杯水 就俾左杯出煙既滾水😂😂真係同趕客冇分別就算好食都冇下次

牛肉乾鍋（炒薯粉） $67配菜有薯仔、蓮藕、金菇、青瓜同洋蔥，辣度我哋揀咗微辣，都幾辣吓，麻中帶香，越食越上癮。推薦配搭炒薯粉，炒得好入味，爽滑唔油膩蓮藕同青瓜都好爽口，薯仔都係煎炸處理過嘅，令成個乾鍋嘅口感同味道都非常豐富。金湯酸菜魚 $60酸菜魚份量都幾多，所以個薯粉都要另上我哋揀咗微辣、走油，配菜就揀豆卜同蒿荀。湯底酸酸辣辣，惹味開胃；魚肉肉質嫩滑而紮實，唔會一夾就散，而且完全冇骨，啱曬我呢啲懶人。花雕醉雞卷 $50必食！！酒香醇厚撲鼻，雞肉鮮甜嫩滑，清新涼快，好食之餘重可以解辣。凍檸茶、凍檸水

其醬汁味道層次豐富，🌶辣中帶香、香中帶麻及嫩滑雞肉而受到不少人的喜愛，麻辣的醬汁更令人再三回味。👍正宗的四川口水雞，🐤雞肉鮮美嫩爽，紅油奔放潑辣。浸熟的雞立即冷卻，這樣雞皮爽脆彈牙，肉身冰涼透骨🥢醬汁是口水雞的靈魂，❤這可令整道菜變得鮮活。味道層次豐富，有麻辣鮮香嫩爽等味，紛陳複雜，🥰嘗完讓人流口水，忍不住一口接一口，四川人很喜歡吃。傳至香港，也很受香港人歡迎。肥牛乾鍋，🐮香辣入味，非常好下飯。

大埔 椒點的環境非常簡單，係平民飯堂Cp值高 價格實惠。我哋叫咗兩個菜連埋嘢飲都係$130如果你想要品嘗香港地道的川菜，那麼這裡絕對是一個不錯的選擇。金湯酸菜魚我叫左小辣 走油 多酸 薯粉加左萵筍同娃娃菜呢度好客製化可以自己揀辣度同埋酸度 要唔要走油薯粉晶凝通透 好彈牙萵筍好爽口魚片嫩滑無骨 有得叫多酸真係好正雞肉乾鍋 小辣薯粉仲有啲薯仔粒椰菜花，青瓜，洋蔥好豐富小辣都夠晒辣 好惹味值得一試的川菜餐廳，如果你喜歡吃辣的菜式，那麼這裡絕對是你的天堂

想試哩一間嘅🌶麻辣肥牛好耐，因為佢更加有少見嘅扭紋薯粉，(๑• . •๑)旋轉嘅紅薯粉，🍜晶瑩剔透，而且都幾彈牙，配埋麻辣湯底，真係perfect。.佢嘅肥牛卷🐮份量都幾多，而且我哋仲追加咗萵筍同埋🥔薯仔片。.金湯酸菜魚，🐟一大碗嘅酸菜魚，可以幾飽肚，而且冇骨，٩( 'ω' )و食起身魚肉😍都幾鮮味。.花雕醉雞卷，鍾意食，🐤但係少見。醉雞卷再加埋香濃嘅花雕酒，(▰˘◡˘▰)食起身好入味。雞肉都幾滑，加上杞子點綴，🥢更加養生。

《😋晴晴港飲港食 #misshcfoodie 》入開大埔就過嚟食個簡單dinner唔食得辣嘅我揀咗個金湯酸菜魚 $60可以自選辣度 我梗係叫唔辣啦但都係辣辣哋🫣魚肉無骨 好爽嫩😌仲可以自選2款配料 我就揀咗娃娃菜同豆卜配咗扭紋薯粉 另外叫咗個醬香肥牛乾鍋 $69 配炒米線入面有薯仔、蓮藕、金菇、青瓜同洋蔥薯仔係外面脆裏面腍好好味😋蒜香土豆絲 $23口感好爽 但原來係冷盤平時食開係熱盤🤔不過都幾好食 仲可以浸落酸菜魚個湯到熱食人均價錢: $80 (Dinner)味道: 7.5/10環境: 7/10服務: 8/10回頭率: 7.5/10📍 椒點 @chiu_dim 地址: 大埔翠怡街3號翠怡花園地下12號舖電話: 66791917#foodiehk #大埔美食 #大埔川菜 #酸菜魚 #大埔酸菜魚

今日天氣又轉涼了，返工前想食返個暖身午餐，一於去食碗酸菜魚。餐廳主打川菜，除咗酸菜魚外，仲有水煮同乾鍋，非常多選擇。金湯酸菜魚 :酸菜魚包兩款配菜，可以揀配飯、米線或薯粉，配菜揀咗萵荀及豆卜，主食要薯粉。酸菜魚湯香濃，味道微酸辣，非常開胃，魚片嫩滑無骨，食得好放心，配菜嘅萵荀同豆卜吸收晒魚湯，好好味；薯粉可以揀分開上，咁就可以慢慢食，唔駛驚浸到淋晒啦。無骨口水雞 :雞肉好鮮嫩，無骨下啖啖肉，口水汁麻香味十足，配埋花生碎及辣椒油，食落好開胃。

今日打卡間辣嘢#椒點 被酸菜魚深深吸引🙈 店內除咗干鍋、酸菜魚、仲有既多小食選擇！環境明亮乾淨👍金湯酸菜魚魚肉又鮮又嫩好惹味🤤真係麻辣鮮香，湯也超好喝.酸爽開味！選咗兩款配菜海帶/木耳,配菜份量多.一口湯一口飯簡直太美味🤩滿足麻辣無骨鳳爪份量夠大份！重點係無骨🤤口感脆爽Q彈！越吃越上癮😂 香味十足👏配上檸檬水，完美~睇到隔離桌干鍋唔錯！下次去試下👏👏 #酸菜魚#椒點#美食打卡#相機先食#香港探店

自從東鐵綫搭金鐘會展到新界好方便。探中學同學之前去食個午餐，午膳時間人流好旺，等取外賣人都多，就入去食。五花肉干鍋$63可以揀辣程度，小小辣好溫和，又夠獲氣，干鍋有薯仔粒，花菜，蓮藕，青瓜，洋蔥片及五花腩肉片，送飯真係一流。另外再點涼拌 小食，多食蔬菜好健康。蒜香青瓜 $23青瓜新鮮爽脆，絕對是即叫即做 。麻辣蓮藕 $23 蓮藕切得好薄，沾滿醬油， 辣辣地好過癮。食辣野點炒得一罐可樂。爽埋單 $115 ，午餐係好抵食。

☄️五花肉乾鍋$63首推這個鍋🤣，五花肉乾鍋炒米粉真係出乎意料嘅好味，米粉一定要炒埋落去！！！唔好湯上，啲炒米粉吸收晒日月精華、中式香料、辣粉辣椒🌶️、香菜洋蔥🧅蓮藕青瓜薯仔，😍🥰香濃入味！🎣金湯酸菜魚$60見OpenRice個個都叫酸菜魚，所以叫嚟一試，係正常好食嘅酸菜魚，配合薯粉真係冇得彈，但係未到驚喜，配料兩款揀左木耳同萵筍🤤不俗☺️🥦乾鍋花菜$45(叫咗大辣🌶️🌶️🌶️)花菜煮得硬度剛好，亦唔會太油👍🏻花菜加乾辣椒一齊炒好香口，大辣都唔會太辣，感覺係清清的帶點椒麻香辣，份量就兩個人左右，唔會太大碟，我哋都好鍾意食菜，如果人多就要叫多碟‼️1️⃣乾鍋炒米粉‼️❗️2️⃣酸菜魚薯粉❗️呢兩個配搭真係唔錯，大家可以參考下三道菜都唔會太辣，花菜 同 米粉都有驚喜😆！主食幾大兜，以我嘅胃口最後都係食唔晒🙈眼闊肚窄🙈

好少入嚟太和大埔，呢一日幫手車個朋友入嚟搵朋友，事後唯有一支公搵食。見天氣乍暖還寒，冇乜胃口，決定食啲辣辣地嘅川菜，於是嚟咗椒點！呢日我叫咗雞肉乾鍋（$59）、蒜香蓮藕（$23）、麻辣腎片（$29）及凍檸茶（跟餐$6）。雞肉乾鍋配菜有薯仔、蓮藕、金菇、青瓜、洋蔥，而我選咗醬香作調味，主食就要炒薯粉。啲配菜本身已經炒過，所以本身好入味，特別係個薯仔，好粉亦香口。而醬香令所有配菜同薯粉都更為惹味，薯粉本身亦都十分煙靭彈牙，食落非常有咬口，有飽肚感。至於腎片本身就係我至愛，特登揀個麻辣醬，腎片爽得嚟，又十分麻辣，值得推介👍🏻本來，見到隔離檯食蒜香海帶絲（$28），感覺非常煙靭，想叫黎一試，但相信真係好受歡迎，所以好快售罄。侍應都非常有禮，向我推介其他食物，於是我轉叫了蒜香蓮藕片，估唔到塞翁失馬，焉知非福，蒜香蓮藕片薄切，非常爽口，蒜香亦十分惹味，所以下次我會再黎食多次😋亦都會叫未食到嘅蒜香海帶絲，十分期待☺️椒點 (大埔)地址：大埔翠怡街3號翠怡花園地下12號舖

近排天氣凍，想食返碗熱既湯面暖下身。見到有酸菜魚湯米線，咪諗住外賣自取返屋企試下。落完單係門外等，一等就等左30分鐘都仲未有，問店員可唔可以check 下單，就只係回覆你等多陣，幫手去廚房睇下問下都無。最後等L左40幾分鐘先拎到碗米線。企係街到食西北風都食飽，都味話唔滋味。你話係咪前面有好多外賣單等緊？塞晒車？又唔係喎，都只係得幾張，都唔明點解可以整咁耐。味道食落就真係普普通通，可能堂食會好d既。呢個價錢，咁既體驗，都唔會有下一次。