棠記海鮮小廚

營業中

休息中

【尋找好味咕嚕肉之旅～三聖站】由細到大都好喜歡食菠蘿咕嚕肉，但要好食嘅都唔容易，今次見朋友食過話好味就去咗三聖邨尋找好味咕嚕肉喇！【菠蘿咕嚕肉】店舖陳設簡單親民，望上去都係普通茶餐廳式小店，但感覺安全感大啲，因三聖海鮮食店很多，會有唔識揀嘅感覺。咕嚕肉係必點的，見到件鮮菠蘿已經好驚艷，仲要輕輕燒過，特別甜。咕嚕肉好食在皮脆肉滑，啖啖肉，少少骨都無㗎，肉滑口感好鬆化之餘肉味出色。【胡椒粉絲蜆】胡椒濕煮好惹味，唔會好辣，蜆味好鮮甜，粉絲同時索到胡椒與蜆嘅鮮味，少少地濕到個咀，好暖胃同開胃嘅感覺。【椒鹽瀨尿蝦】食海鮮當然唔少得椒鹽瀨尿蝦了！三聖以新鮮海鮮見稱，真係名不虛傳！瀨尿蝦好大隻，影相一流，肉質好新鮮唔會好散，連炸蒜都超好食，連墊米粉炸蒜都俾我哋差不多食晒！【蒜浸豆苗】豆苗係冬季最啱食，加埋炸到好香嘅蒜粒，用湯上感覺無咁熱氣但又不失惹味感覺。今次人少少只能點幾款餸，下次要帶多啲朋友嚟，人多好點餸嘛！下次再嚟過！

平時都少入屯門食飯，既然專登入來，當然要同友人食下海鮮，之前有朋友仔介紹呢間小店，話足料好味道🤤位置雖然唔顯眼，但只要搵到豐漁樓，玻璃門左轉（非7-11方向）就見到地舖。餐廳仲提供海鮮加工服務，友人先去街市揀左海鮮，再同餐廳講烹調方式，另加工$75/斤。椒鹽瀨尿蝦 時價瀨尿蝦好大隻，好似我手掌咁長，食落肉質爽口彈牙，非常鮮甜新鮮😋炸過既瀨尿蝦，配埋椒鹽蒜粒，咸香惹味🤤為食既我仲吸啜埋蝦殼🤣豉椒炒蜆 時價蜆食落無乜沙，都算幾飽滿，有鑊氣得來仲有好香既豉椒味🤤菠蘿咕嚕肉 $138咕嚕肉食落外脆內軟，粉漿夠薄夠平均，味道唔算好酸，偏甜少少，火候控制得宜，保留到肉質應有既彈性。菠蘿酸甜多汁，纖維幼細無渣，解膩開胃，配咕嚕肉一齊食真係好夾😋上湯浸豆苗 蒜粒炸香，豆苗以上湯浸煮，吸收左湯既精華，食落鮮甜爽口😋我同友人都飲左好幾啖湯🤤職員客服態度友善親切，不時同食客閑聊及遞上濕紙巾清潔雙手，令食客可以放心享用海鮮。

𝕋𝕦𝕖𝕟 𝕄𝕦𝕟 • 棠記海鮮小廚 🌊📍屯門三聖村豐漁樓地下𝟙𝟘-𝟙𝟙號::::::::::::::::::::::::::::::來到馳名海鮮的聖地屯門三聖邨，一嚐老店大廚的口碑及功力！避風塘瀨尿蝦🦐 非常大隻，新鮮爽口，蝦膏豐富，避風塘風味還可以撈均脆蒜同辣椒絲送飯！豉椒炒蜆🦪份量大碟，蜆肉也是大大隻，入味鮮甜～小炒皇🌱亦是棠記的招牌菜，主角有韭菜花、蝦肉、魷魚鬚、蝦乾等，加上香脆的腰果，口感豐富，鑊氣十足； 金銀蛋菜苗🥗鮮嫩清甜，調味健康～

趁着假期決定去屯門踩單車玩一日再去三聖食下海鮮🦞不得不講呢度嘅海鮮真係好新鮮～因為兩個人食所以冇叫太多🫢今次叫咗椒鹽賴尿蝦皇、豉汁炒蜆、海南雞同埋蒜蓉炒青菜🤣已經飽到上心口！呢度嘅賴尿蝦好鮮甜外脆內軟加埋少少炸香咗嘅蒜蓉食好惹味🥳豉椒炒蜆好夠鑊氣炒得好香，咬落冇沙大大嚿肉，正！估唔到嘅係平平無奇的海南雞都幾有驚喜，除咗基本嘅滑滑肉質，點埋個特別醬汁口感好豐富。而且呢度嘅飯係蒸熟🤣🤣🥳整體來講覺得不錯，性價比高的食海鮮好去處～下次可能會試吓去附近碼頭買海鮮再過嚟加工🥰行海旁見到有超多海鮮種類好吸引啊！🏠棠記海鮮小廚 (屯門)屯門三聖村豐漁樓地下10-11號

凍咗幾日今天終於暖和些，天氣又好，一於出去走走。搭上去屯門的巴士，在三聖邨附近下了車。三聖邨最出名是三聖海鮮街，有約十間售賣海鮮的店舖，買完游水海鮮後可以交給隔鄰的酒家或冬菇亭的食肆加工。食飯前我們先到海鮮街出面的青山灣海濱長廊散步。長廊是一條長長的掘頭路，慢走全程約20分鐘，行到盡頭便原路折返。長廊頗寬闊，左邊是青山灣海灘及咖啡灣海灘，右邊是屯門碼頭避風塘。一邊走，一邊吹着微風，一邊飽覽360度全海景色，非常舒服。有不少人在長廊跑步、踏單車、放狗，甚至帶貓散步，或只是呆坐堤壩看日落也不錯。我們選了一間有點歷史的餐廳小廚，有大排檔的風味，鑊氣十足。🔶椒鹽鮑魚第一次這樣處理鮑魚，原來好好食。鮑魚蘸漿炸後是估唔到的嫩滑，啖啖肉，好味道。粉漿薄，椒鹽輕手，不會掩蓋鮮味。🔶菠蘿咕嚕肉菠蘿同咕嚕肉分開上嘅擺盤， 賣相一流。咕嚕肉外脆內軟，芡汁酸甜而不油膩，灑上黑白芝麻滿有誠意。菠蘿火炙過，香甜無渣。這菜可以媲美高級餐廳，難怪是此店的招牌。🔶豉椒炒花甲用蒜頭和豆豉來炒真是百吃不厭。花甲肉肥美飽滿、有汁、無砂，配洋蔥、青椒，非常惹味。🔶蒜子上湯浸菜芯簡簡單單，清甜美味。

一講屯門三聖 大家就諗起食海鮮啦！我都係第一次入去🫣身邊總會有一個seafood lover😎賴尿蝦 $時價第一次食😳平時好少食海鮮兩隻超大隻！用椒鹽爆香過有提供剪刀俾你食 都好方便最緊要係搵個願意幫你剝蝦的人😝😝菠蘿咕嚕肉$138呢個咕嚕肉係佢哋嘅招牌菜 我見每一台都會叫～咕嚕肉炸得香脆 而且可以做到拉絲效果 配上三色椒重點在於菠蘿！新鮮菠蘿之餘仲要好甜好多汁！豉椒炒蜆 $時價呢個都好入味 我食到嘅都冇沙😄豆豉味香濃！上湯炒豆苗我自己成餐飯最鍾意呢個 因為我好鍾意食菜😍😍超級入味 每條豆苗都吸入湯重點係分量超多！我自己食咗最少一半🫣棠記海鮮小廚 (屯門)屯門三聖村豐漁樓地下10-11號

屯門三聖一向出名食海鮮🦞，今日就去咗一間朋友推薦嘅海鮮餐廳品嘗美食😌呢間餐廳都乾淨，坐位都闊落下，都坐得幾舒服😍餐廳提供海鮮加工服務👍首先去咗海鮮街市果到揀左你想要嘅海鮮，之後就可以同餐廳講你想點整d海鮮黎食😗除咗呢個之外，餐廳仲有啲小菜或者炒粉面提供😁🔺菠蘿咕嚕肉差唔多每一枱都會叫呢款菜式😎呢個菜式亦都係呢度必食之一，咕嚕肉炸香脆，食果陣仲係脆卜卜😳個酸甜汁啱啱好😁唔會太酸又或者太甜😉而且仲有拉絲效果🥰燒過嘅菠蘿，更加突出菠蘿嘅甜味😝🔹炸乳鴿朋友同我都不約而同話想食乳鴿，於是我哋就叫一隻share 🤣乳鴿炸到外脆內嫩，有好肉汁好juicy ，啖啖肉😌再加埋喼汁一齊食，非常滿足！🔸 椒鹽瀨尿蝦呢個係我哋最鍾意食嘅菜式之，手掌✋🏻咁長嘅瀬尿蝦😍啖啖都係肉而且仲有鮮味，令我最喜出望外係入面竟然蝦膏😚冇錯係蝦膏呀😗再配埋炸過嘅香蒜同辣椒一齊食，好惹味😋我好想食埋朋友果隻🤣🤣🔻油鹽水煮蜆天氣突然轉涼，當然想飲下胡椒湯🤣呢度竟然有油鹽水煮蜆 仲要加胡椒😋辣辣地好適合咁凍嘅天氣食😋d海蜆清洗乾淨，完全食唔到有沙👍湯底下仲有粉絲，可以吸哂海蜆嘅鮮味😝🔸上湯豆苗份量好多🤣食極都食唔晒😂豆苗鮮嫩翠綠😇加

🔹️棠記海鮮小廚🔹️平時入屯門都好少去三聖，知道三聖係食新鮮海鮮既好地方，可以新鮮即買再到餐廳加工煮食，食完仲可以去附近既青山灣海濱長廊散步☺️今次介紹既係「棠記海鮮小廚」餐廳環境簡單，但菜式有鑊氣充滿驚喜，我無入錯舖👍🥢菠蘿咕嚕肉咕嚕肉好香口脆身，配上三色椒炒香，再淋上甜酸醬，夾起塊咕嚕肉見到啲甜酸醬都可以拉絲🤤伴碟仲有已切好一啖一粒既🍍甜菠蘿，好開胃🥢椒鹽瀨尿蝦瀨尿蝦都好大隻，新鮮肥美，椒鹽又炸得好香口入味，食瀨尿蝦一定要用手met😆👍可以損埋手指🥢油鹽水浸蜆我好驚食蜆食到有沙架，呢到既蜆處理得好乾淨又鮮甜，份量又多，蜆底既粉絲完美咁索晒啲湯同蜆既精華，真係好惹味好食👍🥢蒜蓉炒豆苗用蒜蓉同豆苗，材料同做法都好簡單，但味道卻令人讚口不絕🤤 朋友同我都爭住搶食

#星星之食評🦀 🦑 🦐 🦞今天來到了三聖邨吃海鮮！我超喜歡吃海鮮～叫了四道菜～兩人吃剛剛好～不多也不少，剛剛好滿足就夠！🤣🎈蒜蓉大瀨尿蝦它很大隻，比我的手掌還要大！大瀨尿蝦食落啖啖肉～用蒜蓉蔥花去炒有椒鹽的味道，食落又鮮甜美味，外面椒鹽，裡面還是有海鮮的鮮嫩感！惹味得來不失鮮味！正！🎈豉椒炒蜆好好味！新鮮彈牙又不太老！豉椒炒落好香口！仲有配青椒🫑多一個配料👍🏻叫海鮮一定要食！🎈小炒王小炒王可以一次過滿足我幾個願望！有蒜芯、蝦乾、魷魚、魚仔乾～魚仔乾好爽脆，好味～蒜芯有少少辣辣地，好惹味！超愛魷魚嘅我覺得叫小炒王好抵😝蝦乾夠晒大隻又有鹹香味～其中一道菜揀小炒王，就有多啲材料！🎈蒜蓉炒菜心吃菜我最愛吃莖部😝蒜蓉炒菜心清清地又健康，大家叫餸食飯一定要叫菜～🦞 🦐 🦑 🦀棠記海鮮小廚 (屯門)屯門三聖村豐漁樓地下10-11號

(* ˊᵕˋㅅ)┈┈┈┈┈┈┈┈┈┈┈┈┈┈久違的海鮮餐🦞下班相約友人到附近的三聖海鮮街食晚餐距離屋企只需1 0分鐘左右路程┈┈┈┈┈┈┈┈┈┈┈┈┈┈屯門三聖出名食海鮮，想食海鮮絕對唔使去到西貢🤣屋企附近已經有得食(哈┈┈┈┈┈┈┈┈┈┈┈┈┈┈𐂐 ⠜避風塘炒賴尿蝦 (5/5)比手掌更長的賴尿蝦🤤是日最滿意菜式！蝦肉鮮甜多汁，而且肉質非常有咬口避風塘調味恰到好處，吃多了也不會口乾很香口惹味之餘也沒有蓋過海鮮本身的鮮味🥰友人大讚出色✨相當舔舔脷👅┈┈┈┈┈┈┈┈┈┈┈┈┈┈𐂐 ⠜金銀蛋肉鬆扒時蔬 (3.5/5)很適合配飯享用的菜式金銀蛋即是咸蛋加皮蛋加上蒜蓉粒還有冬菇及菜，咸香味足夠，很下飯✨┈┈┈┈┈┈┈┈┈┈┈┈┈┈𐂐 ⠜炸BB乳鴨 (3.5/5)初嚐乳鴨，味道跟鴨肉有點像表皮炸得脆口不乾身，還可以配鹽享用呢～┈┈┈┈┈┈┈┈┈┈┈┈┈┈𐂐 ⠜豉椒炒蜆 $158 (4/5)不敗常規菜式🤪最緊要有獲氣蜆肉入口無沙，跟惹味豉椒醬汁十分夾會不自覺地吃多了飯🙈┈┈┈┈┈┈┈┈┈┈┈┈┈┈𐂐 ⠜藍妹啤酒 去大排檔食海鮮唔飲酒好似差咁啲野┈┈┈┈┈┈┈┈┈┈┈┈┈┈𐂐 ⠜白飯原來叫靚仔😂又學

三聖是吃海鮮的好地方，今晚和家人來晚餐，選了一間很多好評的小店，除了吃海鮮外，還選吃了小菜，很豐富的晚餐。咕嚕肉濃郁的酸甜醬汁，包著每一顆咕嚕肉，新鮮炸起的咕嚕肉香口又脆身，份量之多足夠三至四人分享，旁邊的菠蘿甜度高又多汁，也是亮點。油鹽水煮蜆加入了胡椒的油鹽水煮蜆，蜆隻夠大肉質飽滿鮮甜，粉絲吸收了蜆湯的鮮味，令人吃不停口。招牌鹹鵝深色的醬油像滷水十分入味，說是鹹鵝但不會太鹹，味道剛好，鵝脾肉質滑溜，而鵝皮及皮下脂肪滿有鵝油香，蘸上醋汁更令胃口大增。蒜蓉粉絲蒸開邊蝦四隻大大隻的開邊蝦，尾部仍連在一起，可以一隻隻夾起食，蝦肉非常新鮮又煮得剛好不會老，肉質嫩，大量的蒜蓉鋪在蝦上十分香濃，底下的粉絲全吸收蝦和蒜的香氣，非常惹味。

三聖一向出名食海鮮，今次特登入去品嘗小炒海鮮🥰鍾意自己買海鮮嘅朋友仲可以買完拎入去加工，好方便！🔹菠蘿咕嚕肉 $138呢碟菠蘿咕嚕肉好大碟，重點係咕嚕肉炸到好香脆，唔會淨係得炸粉！咕嚕肉配上青紅椒同甜酸汁，真係好惹味😋個菠蘿🍍仲要好甜，呢個菠蘿咕嚕肉真係有驚喜！🔹脆炸鮑魚 （時價）呢兩隻脆炸鮑魚一上檯就好吸引，大大隻鮑魚炸到金黃香脆！鮑魚咬落去好厚肉，好彈牙，而且肉質唔會老，好味！👍🔹 胡椒鹽水蜆 （時價）湯底主要由黑胡椒、辣椒絲、西芹等配料淆制。蜆同粉絲索曬d湯汁，好香淡淡胡椒味，連湯底都飲埋！🤭 蜆肉大大粒，食落鮮甜，推薦鍾意食蜆嘅朋友要點呢款菜式。🔹蒜蓉炒菜心 $88勁有鑊氣嘅蒜蓉菜心，好香好好味！菜心食落唔老，配上大量蒜蓉，係我的最愛！

屯門三聖邨嘅海鮮街，相信大家都知道呢條海鮮街基金有壞道嘅特色，今日就嚟到呢一度嘅一間”棠記海鮮小廚”試下先，呢間棠記都係自備海鮮，然後再加工嘅一間海鮮餐館，除咗裏面，出面都有座位，好有港式風味，而佢哋裏面嘅枱主要係卡座同圓枱，一大班好友聚餐都得，除咗海鮮自備之外，佢哋都有唔同款式嘅小菜同開胃啤酒小菜揀，我哋就嗌咗有兩款小菜，同埋喺出面買咗兩款海鮮小菜包括有必食嘅🍍菠蘿咕嚕肉 $138 :佢係有原隻嘅¼菠蘿做擺設之餘，令到賣相更有特色，菠蘿非常鮮甜，少少酸都冇，食落非常開胃，又夠新鮮，另外主角嘅咕嚕肉份量都唔少，每一件都好厚肉，幾乎冇乜脂肪，肉質夠嫩，食落啖啖肉，甜酸汁調教到剛剛好，唔會過酸👍🏻👍🏻另外一份係椒絲腐乳炒生菜 $88:之後就係🦞海鮮啦，佢地海鮮加工費係段斤計，為$75一斤，我地買左兩隻超大賴尿蝦同埋蜆，椒鹽賴尿蝦就食得多，呢一個嘅做法仲未食過，佢係簡稱叫油鹽水賴尿蝦，相信係聽個名都知佢裏面有啲咩，佢只係用呢幾種材料嚟做調味，底層粉絲面層賴尿蝦再拎去製，雖然冇椒鹽咁香口，呢款健康之餘仲可以食出賴尿蝦嘅鮮味，佢哋嘅煮法突出賴尿蝦嘅精髓，火候都要控制得啱啱好先可以令到賴尿蝦肉質彈

平時食海鮮都係去開流浮山, 西貢, 鯉魚門, 長洲...今次就入屯門試下呢間位於屋村樓下既海鮮小炒大排檔😎真係街坊生意 經過門口都已經聞到食物香味🤩其實去到屯門搭輕鐵505 2號月台三聖落就到架喇 都方便喎‼️.📌菠蘿咕嚕肉 $138最推介嘅菜式🌟酸酸甜甜 味道拿捏得啱啱好🙌🏻仲有啲黑白芝麻, 芫荽, 洋蔥🧅三色椒🫑平時有啲三色椒生到好似冇煮過咁 呢度炒熟左 好開胃😍啲肉又唔肥 有鑊氣 好酥脆🐷一定要試下❣️菠蘿切咗一條咁樣放喺側邊 輕輕燒一燒 但冇炭燒味嘅🤣平時啲菠蘿都係炒埋一碟 而家咁擺就可以菠蘿嘅清甜味🍍整體份量都好多 唔會成碟都係配菜 都好多舊肉👍🏻.📌鹽水蜆 時價 除左主角蜆 仲有西芹, 榨菜, 粉絲, 原粒炸蒜, 辣椒絲, 陳皮 食落好重黑胡椒味🧄🌶湯底好似胡椒豬肚嗰隻湯底 啲粉絲索晒😋蜆肉好肥美鮮甜 又冇沙🥳想清清地 可以try try🫶🏻另外佢仲可以自己帶海鮮過嚟加工 每斤每款$75😛.📌椒鹽瀨尿蝦 時價呢到兩隻加埋一斤半到🤓瀨尿蝦好大隻 接近成對筷子咁長🥢炸蒜, 辣椒, 芫荽鋪上面 炸粉絲做底索油 但係好似唔夠多🤨上碟嗰陣好貼心咁準備咗鉸剪 等你唔使食得咁狼狽✂肉質係鮮嫩

避風塘賴尿蝦🦐🦐（$時價 $75斤加工）一上枱已經好震撼😱，賴尿蝦尺寸好大，有一隻手板咁長，而且香味十足，外脆內軟，肉質嫩口又多汁，估唔到會咁好食，連啲蝦腳我都食埋🤣，好入味，真正色香味俱全，正。😋😋😋菠蘿咕嚕肉🍍🧆（$138）餐廳招牌菜，用左洋蔥🧅同埋紅黃青椒🫑爆炒完，咕嚕肉脆口皮薄，肉質鬆化，咕嚕肉食落去有咬口之餘又唔會太實。而且師父將冰凍嘅菠蘿表面，用火槍燒一下，擺盤打卡，港女我最愛💯💯🈵豉椒炒蜆（$時價 $75斤加工）粒粒分明，炒到就嚟離殼而冇甩出嚟，蜆肉熟透之餘仍然保存到蜆汁，睇得出師傅掌握火候的功力好好👍！豉椒味相當入味，而且尺寸啱啱好唔會太大粒，送飯一流！😍😍腐乳炒通菜🥬（$88）呢碟份量相當大，可以比四個人食🤩，腐乳汁嘅濃度剛剛好，掛汁之餘不會好杰又不會太稀，一路食都唔會覺得越食越鹹，可見師傅調味有水準。👏👏👍汽水/罐（$12）缽仔白飯/碗（$12）