棠記海鮮小廚

營業中

休息中

今日去完黃金海岸玩之後就過左三聖食小炒🤤🤤已經第二次嚟呢間棠記啦 疫情時候冇乜人，而家已經要排隊啦🔥🔥🤣🤣菠蘿咕嚕肉外皮炸得好脆💯💯d豬肉又唔會好柴 肥瘦岩岩好🍍🍍個波羅好特別 佢用左火槍燒一燒先 本身個波羅都好甜！！ 好食！西蘭花炒蝦球🥦🦐🦐蝦好彈牙爽口 西蘭花軟硬適中 仲加左青椒落去🫑咩口感都有 又爽又脆又彈牙！不過係咸左少少🤘🏻最後再加左個腐乳炒通菜🥗🥗通菜好新鮮 不過唔夠腐乳香 比較似蒜蓉炒 但係好爽甜 整體間餐廳價錢有少少貴 但三聖來講可以接受的👅👅

屯門三聖邨一向都多人來食海鮮🦞今次來附近沙灘玩，可惜屋企人敏感，唯有試下小炒先🫢呢間都幾多人幫襯！菠蘿咕嚕肉$138先講咗碟菠蘿咕嚕肉先，賣相靚仔！每件肉都炸到脆卜卜，梅頭肉口感超正，每件咕嚕肉都被甜酸汁均勻包裹，火喉十足，甜酸度適中，伴碟仲有新鮮菠蘿🍍用火燒過既焦甜令人食完一舊又一舊！金銀蛋扒時蔬$98想食得健康d可以叫呢個，金銀蛋平均分佈係成碟菜上面，菜既份量好多，既嫩口，又不會太油膩！西蔅花炒蝦球$128🍤蝦球粒粒都好大粒唔道好襯西蘭花🥦小炒火喉十足，屋企人都食得好滿意！一邊食，一邊眼見有好多街客自己買海鮮去加工，下次如果一大班朋友來都可以試試！

朋友在三聖邨附近上班，記得去年和朋友來過棠記海鮮小廚吃飯，今次當然要帶這位在附近上班的朋友來試試。菠蘿咕嚕肉上次印象最深是菠蘿咕嚕肉，因為這裡是用新鮮菠蘿，賣相相當不錯，所以再到訪這裡決定要encore。菠蘿非常鮮甜而且沒有揸👍🏼 咕嚕肉酸酸甜甜很開胃，本來不打算吃飯的我們也不禁為了這個菠蘿咕嚕肉而叫白飯。西蘭花炒蝦仁蝦仁超大粒，而且爽口彈牙，份量亦慷慨，加上我和朋友最愛吃西蘭花🥦，這個配搭完全沒有挑剔的空間金銀蛋莧菜上湯浸莧菜不油膩，女生最愛😊咸蛋和皮蛋都非常足料，加上粒粒蒜子，清淡得來都很美味。

入得屯門三聖邨，梗係要食海鮮啦！今次係我第一次入三聖，所以求其搵咗一間入去試吓😬間餐廳都幾闊落，入面有啲大枱，啱晒成班人嚟一齊嗌下海鮮飲下啤酒😬見OpenRice 個個都嗌咗一碟菠蘿咕嚕肉，所以我都嗌咗一碟，除此之外，仲叫咗一個西蘭花炒魷魚同埋炒通菜🫶🏻先講咗碟菠蘿咕嚕肉先，佢嘅菠蘿唔係就咁罐頭菠蘿咁簡單，而係有一個真菠蘿放喺隔離🤪個菠蘿面頭有輕輕燒過🙈咬落去係非常多汁仲要好甜😍 而啲肉都炒得啱啱好，落唔會話肉質好柴，個表面仲脆脆地😆而個西蘭花炒魷魚都幾好食，魷魚係好新鮮，咬落去彈牙得來唔會太Un，味道好鮮甜🧡啲西蘭花唔會炒到好淋，咬落去都仲係好爽口😋最後一樣就係個鹹魚茸炒通菜，個通菜非常嫩口，咬落去唔會有渣，唔會好乾，加埋啲鹹魚蓉食落就好香口，用嚟撈飯一流🤪整體嚟講我覺得呢間啲嘢食都幾好食，如果下次嚟嘅話應該要帶多啲friend嚟，咁就可以share啲海鮮一齊食🧡

講起三聖，第一時間會諗起食海鮮🦞但其實小炒都絕對唔失禮！今次兩個人去左棠記叫左3個餸，份量好足又有鑊氣😳菠蘿咕嚕肉$138 賣相好靚，真係會切左菠蘿係旁邊，唔係採用罐頭菠蘿，咕嚕肉炸得岩岩好淡淡肉唔會好厚粉👍🏻好好食 好開胃金銀蛋肉鬆扒時蔬$98 想食得健康d可以叫呢個，份量好多，成碟都好有鑊氣西蘭花炒蝦球$128蝦球有5粒左右，粒粒都好大粒😛唔道好襯西蘭花小炒都做得咁唔錯既話，相信佢煮海鮮應該都唔差，邊食都邊見到有好多客買料去加工，下次值得一試👍🏻

【屯門三聖邨.鑊氣小炒. 菠蘿咕嚕肉🍍】 打冷店除咗講求鑊氣之外，仲食緊個氣氛！一班人一齊食，特別有一番風味🤤 三聖邨最出名就係海鮮，呢間打冷店除咗小菜正之外，仲可以自己帶海鮮加工😚✨菠蘿咕嚕肉($138)一上菜見到啲菠蘿左左右右咁排係到好特別！菠蘿仲要用明火微微燒一燒咁，但食落原來係常溫🤣 咁樣比平時撈埋一齊反而可以作解膩之用。咕嚕肉就熱辣辣，外脆內軟，啖啖肉，味道酸酸甜甜好惹味，口感又正😋✨招牌小炒皇 ($128)呢到菜一上枱就已經覺得鑊氣十足！韮菜炒得好香，成碟份量又好多！入面夾雜住魷魚、蝦、大蝦米，腰果等一齊爆香再一齊炒，食到停唔到😍✨鹹魚茸牛肉炒通菜 ($98)食完肉就要食埋菜平衡番！估唔到都一樣大碟，通菜夾住鹹魚香味，好惹味。而面頭嘅牛肉舊舊都大大塊，又夠淋，夾埋一齊好滿足✌🏻————————————————————————💰加一：❌⏰限時：❌

一大班人食飯去左食海鮮，人多可以叫多啲唔同海鮮一齊食好開心，今次仲叫左啲系屋企唔會煮嘅餸菜😆我地系三聖買完海鮮就揀咗棠記加工，全部都大大碟，個個都食到讚唔停口😁海鮮新鮮，鑊氣好夠！🍴椒鹽賴尿蝦好大隻又啖啖肉，仲好香口，想食多隻都無，真系回味無窮！🤤🍴龍蝦芝士伊麵龍蝦鮮甜爽滑，啲麵索哂龍蝦湯汁仲有濃濃既芝士，好多汁好芝味呀😆🍴菠蘿咕嚕肉每枱都必點呢個菜，好小見菠蘿切片成塊上碟成個菠蘿船咁好特別😋菠蘿好新鮮煎左仲好香甜，咕嚕肉唔太多粉，酸酸甜甜好開胃🍴豉椒聖子米粉底平時聖子都系就咁炒，加埋米粉又變咗個新菜式🤩米粉煎過好脆口，撈埋啲豉椒汁一齊食好惹味🍴酥炸生蠔🦪生蠔大大隻，炸粉份量剛剛好，一上枱熱辣辣好脆口好鬆脆呀，即刻要Encore多一隻！

🌟嚟到屯門三聖，好浪漫咁喺青山灣泳灘睇完日落，諗住喺附近搵餐廳食吓🌟見到OpenRice呢間棠記好多人食，於是入去試吓🌟我哋兩個人總共叫咗三個小菜🥦🦐西蘭花炒蝦球 （$128）👍🏻上到枱嚟到嘅份量好大碟👍🏻有好多好大粒嘅蝦球，同埋喺側邊伴碟嘅西蘭花👍🏻蝦球大粒，爽彈，新鮮👍🏻西蘭花處理得好好，完全冇草青味👍🏻清淡調味，好食🍍菠蘿咕嚕肉 （$138）👍🏻差唔多係每台必點，好推薦👍🏻嚟到嘅份量，都係好大份👍🏻咕嚕肉選咗用梅花肉，唔會過肥，肉質都唔會過鞋口👍🏻咕嚕肉果嘅粉漿，又唔會太厚，所有嘢都恰到好處啱啱好👍🏻調嘅醬汁酸甜度，同濃稠度都啱啱好，喺夏天食更加開胃👍🏻最欣賞嘅係側邊嘅菠蘿👍🏻師傅會喺上枱嘅時候用火燒一燒，完全帶出咗菠蘿本身嘅甜味，加上揀嘅菠蘿好高質，好多汁，好甜👍🏻好食！好食！好食！😋百花蜜安格斯牛仔粒 ($128)👍🏻牛仔粒係用上安格斯牛肉，牛肉嫩滑，大火炒完之後絕對唔會韌，火力控制既功力好正👍🏻仲有黑椒薯仔粒👍🏻用百花蜜同埋黑椒嘅調味，好惹味得來又好香甜🍚白飯（$15） -第一次見用撥仔兜咁樣上枱嘅白飯-煮出嚟真係飯香比較重，飯粒乾身，較粒粒分明🌟食緊飯嘅期間，見到好多人都

🎈棠記海鮮小廚 (屯門)😋好味指數：4/5🤩推薦指數：4/5朋友打完波好攰 就咁係附近搵下有咩野食🤓 見到周圍有好多間食海鮮同小炒嘅餐廳 就是但簡左一間入去食😗🍀避風塘炒蝦最好食係依個 避風塘炒得好香 配飯一流 味道夠香濃☺️🍀菠蘿咕嚕肉咕嚕肉份量都吾少 味道正常 吾會太硬 幾開胃😀 菠蘿切開左一粒粒 有返少少擺盤😌🍀金銀蛋時菜一大碗 兩個人食好足夠🤫 材料都算多 味都唔錯😄🍀豉椒炒蜆味道唔夠濃 偏淡 食落似少鹽餐咁 如果味道可以濃返啲會好食啲😌

今日入屯門同朋友去左三聖食飯，揀左間小炒餐廳坐，見餐廳有小炒同海鮮，選擇都唔少。🌟蝦仁炒西蘭花夠鑊氣！新鮮的蝦仁經過短暫的快炒，爽滑鮮甜，完全保留了其鮮嫩口感，與西蘭花的清爽口味相得益彰，淡淡的蒜末和蔥段香味，增添了豐富的層次感。🌟菠蘿咕嚕肉賣相好吸引，嫩滑的炸豬肉塊裹上酸甜可口的醬汁，再加入菠蘿和甜椒，好有食慾感。咕嚕肉的外皮炸得酥脆，內裡則保持了肉質的鮮嫩。菠蘿的清新酸甜與豬肉的鮮美完美融合，令人食指大動。🌟椒鹽九肚魚新鮮的九肚魚炸至金黃色，口感鮮美、肉質緊實。搭配上香脆可口的椒鹽調料，使得魚肉更顯鮮美。三款小菜都幾地道，味道唔差，食材亦新鮮好味，最重要係價錢好經濟。

一諗到食海鮮就肯定走唔甩西貢鯉魚門🦞但其實有唔少人都會特登入屯門三聖食海鮮🦐因為佢地都近海而且都有十分之新鮮既海產，價錢同份量方面個人覺得仲抵食啲添😍。🐒豉油王大蝦今次嗌左4款小菜，不過重點推介肯定係呢碟豉油王大蝦🍤我地雖有然係晏晝時間去，但佢地既大蝦我都好肯定係非常新鮮，因為肉質十分彈牙😋而又炒得好惹味🌶️。🐒豉椒炒蜆🐒菠蘿咕嚕肉💰$138🐒金銀蛋肉鬆扒時菜💰$98另外嗌既嘅3款小菜都係大排檔必嗌名物黎，用黎送飯一流😍而特別既係佢地既菠蘿咕嚕肉用左鮮菠蘿🍍估唔到即使係午飯時間，呢間小店都可以炒得出係大酒樓既鑊氣🔥果然高手係民間。🐒白飯💰$15🐒可樂(枝)💰$15

📍「棠記海鮮小廚」- 屯門今次食食食之旅黎到屯門三聖邨😌一講起三聖邨，大家就一定會諗起食海鮮🐙🦑🦐🦞🦀🐟今次我哋一反傳統，搵間餐廳試吓佢哋嘅中式小炒掂唔掂先😎📷餐廳位於屯門三聖邨，係輕鐵「三聖」站行10分鐘左右就到😗餐廳分開咗兩邊，都幾大，可以容納唔少客人，裝修就典型中式餐廳格局，勝在冷氣都好夠，唔會太熱🤣🍴菠蘿咕嚕肉🍍💰HK$54✨推薦指數：6.5/10聽講呢道係招牌菜，而👧🏻亦好中意食咕嚕肉，所以就試一試好唔好食👅咕嚕肉炒到呈橙紅色，配有三色椒🫑同洋蔥🧅，仲有大大塊菠蘿🍍，賣相幾好👍🏻🤗食落咕嚕肉嘅汁酸甜適中，份量都幾多，不過食落比較厚粉食，唔覺有太多肉，有啲切得比較細件，而且肉質偏乾身😕菠蘿🍍有燒過，食落好甜，食個陣唔會好熱😗🍴招牌小炒皇💰HK$128✨推薦指數：7/10小炒皇都係食中菜必嗌😝同樣都係好大碟，炒到上嚟熱辣辣，感覺幾有鑊氣🔥食落韭菜無乜渣幾爽口，海鮮上用咗蝦仁同魷魚，份量唔算多，蝦仁都算彈牙，魷魚就切得比較幼身唔係好有咬口😛蝦乾同白飯魚炸得幾脆身，不過蝦就無乜味😗腰果就俾得勁慷慨，炸到脆卜卜夠哂香口🤩😙🍴金銀蛋肉鬆扒時蔬💰HK$98✨推薦指數：7/10呢款係比較健康

即使唔係住大西北 都知道屯門三聖邨係出名 食海鮮 正宗小炒風味 海鮮又新鮮🦞 仲有海鮮加工服務🤩 今次試下入少少既棠記 入面簡單茶餐廳裝修格局 坐得都幾舒服菠蘿咕嚕肉 $138舖頭既招牌菜✨ 外脆內軟 無骨啖啖肉 口感鬆化 糖醋甜而不膩 甜酸汁包裹住咕嚕肉 夠哂開胃！不得不提個菠蘿 微微燒左表面 咬落鮮甜多汁🍍 必點！豉椒炒蜆 時價+$75/斤加工費蜆肉大隻新鮮 無沙 非常鮮甜 加上香濃豉椒汁炒得火喉十足 成道菜十分配合豉油王琵琶蝦 時價+$75/斤加工費大大隻蝦🦐 蝦殼脆口 吸收哂醬汁精華 蝦肉鮮甜彈牙 開邊炒特別香口惹味 金銀蛋肉鬆扒時菜 $98份量超多超足料 加上肉碎皮蛋雞蛋既湯底特別鮮甜 食埋個菜解膩就岩岩好😋茶位 $5棠記海鮮小廚📍屯門三聖村豐漁樓地下10-11號

三聖邨，著名嘅海鮮街，有唔少人喺附近嘅海鮮檔買料去餐廳加工。棠記係一般大排檔格局，擺碟比我想像中有心思。我哋叫咗兩款海鮮同小炒，份量慷慨，食到飽飽咁離場👼🏻 🦐 豉油王大蝦 🤤香口惹味之選，用口剝殼會加倍幸福😋 連蝦殼都勁入味，蝦肉彈牙，推薦菜式之一。🦐 菠蘿咕嚕肉 🤤擺碟有心思，居然係用新鮮菠蘿，仲輕輕火灸過。咕嚕肉皮脆肉滑，味道唔算驚為天人，但一定唔會失望。🦐 豉椒炒蜆一粒沙都冇，豉椒醬汁帶一點甜。🦐 金銀蛋覓菜菜汁清新好飲，份量超級多，覓菜新鮮而且煮得啱啱好。

講起食海鮮，唔知你會唔會諗起三聖呢？三聖有一條海鮮大街，大家可以即揀即劏，再去附近嘅大排檔即煮即食，絕對係港版築地海鮮市場呀！但如果想化算啲，推介屯門三聖嘅棠記海鮮小廚，直接去餐廳再揀海鮮同落單，同樣食到舔舔脷呢！豉油王琵琶蝦琵琶蝦大大隻，而精粹在於炸到脆卜卜又吸晒醬汁嘅蝦殼，最正一定要用手食，慢慢啜晒醬汁，再嘆埋彈牙又入味嘅蝦肉。至於蝦頭教有唔少蝦膏，非常鮮甜！食到最尾，記住唔好放過自己隻手指，要盡情啜埋佢呀！豉椒炒蜆首先一讚嘅係差唔多每隻蜆都帶有蜆肉，絕對唔會偷工減料。至於炒蜆夠鑊氣，蜆肉份量十足，粒粒都漲卜卜，非常鮮甜，加上豉椒汁，真係非常惹味！至於索晒醬汁精華嘅彩椒同洋蔥，都非常入味。菠蘿咕嚕肉嚟到棠記海鮮小廚，除咗海鮮之外，菠蘿咕嚕肉都係餐廳名物之一。咕嚕肉炸到鬆脆可口，而脆卜卜嘅外皮亦沾滿開胃嘅甜酸汁，而醬汁嘅濃稠度仲可以呈現拉絲嘅效果添，加上帶有微酸嘅新鮮菠蘿相得益彰！蒜蓉炒白菜仔最後，綠色嘅選擇就係蒜蓉炒白菜仔。蒜蓉味香濃，白菜仔新鮮翠嫩。