板上 (中海日升中心) (已結業)

放假冇野做，周圍問下朋友有冇興趣落觀塘覓食放假d心情特別唔同☺️，唔洗趕頭趕命，於是大家搵個位坐底望下openrice有咩野想食，見到呢間餐廳食評幾好，話環境舒適任坐唔嬲，岩哂我地呢d無聊人吹下水消磨下時間呢間餐廳應該係新開既，因為之前行過都唔覺地方都幾大，空間感十足，有bar枱，有長枱，岩哂一班朋友🍻聚下或閨蜜👭傾計我地先搵個位坐底，諗下食咩🤔，因為款式好多，價錢算平🤑，我地都諗左陣先揀到野飲都有十幾款，仲未計咖啡呢幾日回暖有d熱，所以我揀左椰汁仙草冰，涼浸浸，仙草夠𡁻口😍先黎至尊pizza $80，有6塊厚度岩岩好，焗到有d似餅乾少少脆既效果，唔似出面果d pizza咁油膩Pizza芝士可以拉絲🤩朋友鍾意食鰻魚，叫左個鰻魚飯$88板燒原條上，大大條😯 燒汁沾滿成條魚，鰻魚控必食再黎試下大板燒，賣相又幾靚wo口感豐富，有魷魚、肉粒、菜、木魚絲食完野，繼續吹下水，地方大，座位多基本上可以任坐唔嬲，岩哂放假百無聊賴同好友傾計😁

今次觀塘地膽帶我遊觀塘，順便討論下新年party既安排，傾計多數去cafe多，但野食種類少，未食早午餐既我當然不能滿足。於是，地膽朋友提議去板上，讚無限時任坐，又多野食揀。呢度除左般既二人四人枱，還有高枱同坐。高枱張枱特大，而且光線充足，所以我地揀左黎打躉。由於太肚餓，我唔等其他fd，先叫左份安格斯牛肉漢堡配脆薯皇+仙草港式奶茶。牛肉食到有肉汁，而且調味料唔會過重手蓋左牛肉本身既味道。蕃茄厚切新鮮。成個包係即叫即整，d醬汁吾會整到個包淋哂。脆薯皇唔會炸到好油，而且份量不少，可以同朋友仔分享。仙草港式奶茶真係有d茶餐廳港式奶茶既味道，配埋台式既仙草，有新鮮感。早黎既fd就叫左個大阪燒、一件cake同咖啡。咖啡係啡糖薑蜜鮮奶咖啡，有薑有蜜有鮮奶咁，好似好複雜，但我fd話味道好夾，而且濃度平衡得不錯，天氣凍飲岩哂。我地倆食飽，其他fd先陸續到，好采呢度唔限時坐，而且快餐形式落單，買完留意號碼就得，唔洗等黎等去，仲吾洗加一，抵食優閒之選。

假日行街食飯最怕人多要等位又要限時，又怕有fd遲大到，等好耐都無飯食。黎呢間餐廳食野就完全不用擔心，因為呢度係自助形式而且無限時任坐唔嬲。裝潢感覺年輕，而且有d聖誕裝飾，幾有氣氛同活力。未睇menu前以為板上個名咁日式，應該係日本餐廳黎。事實係野食種類多元化，有日式既大板燒、鰻魚飯、台式飲品、美式漢堡脆薯皇、pizza等。全部都不用加一，幾抵食。中午時段仲有加配優惠凍柚子蜜足料，有柚子肉同皮，而且無咩點落糖水，少甜。小食拼盤有5款小食，份量夠3至4人分，都係$88。雞翼已切成單骨，方便食用。小食全部都夠熱，即叫即炸，無得輸。最鐘意係炸魷魚圈，炸粉吾會過厚，魷魚彈牙，又好易咬開。大阪燒賣相精緻，真係有d大阪既味道。吾會過淋，有d料係中間，增加左口感。好快就比我食左一半邊食邊等fd，不知不覺就hea左兩個半鐘。臨走時個fd見到有cake，又忍不住叫左件。佢讚$22黎講算幾好食同抵。每人食飽hea飽都係100蚊多d，認真抵玩。

終於放假可以嚟行下街放鬆下啦🙆🏻‍♂️🙆🏻‍♂️ 見呢度開左好幾間新餐廳就嚟睇下啦，原來最入面係呢個好大間嘅板上😀😀餐廳有波睇，下次可以叫埋朋友仔嚟睇下😽😽😽 我就叫左個Angus burger ($78)🍔🍔包好大個！食落幾鬆軟，入面漢堡排似6成熟，仲有d紅，食落牛味幾出，亦好腍身多汁🙋🏻‍♀️🙋🏻‍♀️配嘅脆薯皇好香口，薯味十足，上面仲有d辣粉，好惹味🙆🏻‍♂️🙆🏻‍♂️ 加左8蚊要杯凍頂烏龍茶，好香茶味🍵朋友叫左鰻魚飯❤️原條鰻魚超正！食落冇骨的，汁都幾好撈飯:-D 配嘅牛油粟米特別好食，牛油好重，d飯係珍珠米，食落好有咬口的⭐️⭐️炸蠔不太油，幾脆！餐廳好大下，可以坐好耐同friend hea^^

星期六夜晚嚟到觀塘行街，夜晚嚟左定價比較優惠嘅板上食！餐廳係AIA對面，都近apm geh. 餐廳係有波睇個種restaurant and bar~~仲有d coffee offer tim!!! 我就要左個鰻魚飯，只係88蚊就食到原條鰻魚啦！鰻魚食落幾有咬口，個燒汁帶甜嘅，都幾惹味❤️❤️飯係珍珠米，食落特別煙韌架！底仲有d蛋絲，口感唔錯🙋🏻‍♀️🙋🏻‍♀️配菜有d牛油粟米同菜，粟米特別香甜可口😀😀 加左5蚊要熱洛神花茶😋酸酸甜甜，好解濟架！💁🏻‍♀️餐廳好大下，似係包左3個舖位咁，慢慢hea都冇問題，見佢仲有d Pizza set只需158蚊就有個大Pizza 加2杯beer & Chicken wings!! 好抵食！💪🏻

呢晚放工約左舊同事在她公司附近食晚飯，見到這間板上裝俢新穎光鮮，餐廳座位闊落，而且光線充足，最重要係無限時任坐(營業時間：11半至22)，吾洗趕頭趕命。有高枱坐，幾有酒吧傾計feel。門口裝潢都幾有心思，石牆貼左d餐牌介紹食物，仲掛部點餐機。商量左陣就決定入黎醫個肚。食物種類繁多，有：pizza、和牛、漢堡、炸物，仲有大電視，等餐時邊睇邊等，好快就有野食了。我點左鰻魚飯($88 )，竟然真係成條鰻魚咁上，好驚喜，好抵食。配埋珍珠米、粟米、車厘茄同茄子，又有營養，又好味。鰻魚燒到有d焦香，d汁吾會過甜，幾岩我胃口。同事就點左 至尊pizza，雖然應該係一人份量，但料多，賣相吸引。我試左一件，個皮好脆呢! 最後叫多一件伯爵茶海綿蛋糕 share 食。正! 蛋糕賣相不錯，鬆軟得來又不太甜，可以品嚐到淡淡伯爵茶香。總括來說，呢餐性比價頗高，1人100蚊有找，食得舒適，樓底高，就算傾密計都吾會嘈住其他人。舊同事話會推介比公司既同事當飯堂之一，吾洗餐餐食連鎖餐廳咁悶。

住觀塘一早知中海日升中心多野食，這天就帶朋友來，走哂三層，最後揀咗在地下個層既板上，貪佢平平地又多選擇。店出面有個電腦屏幕可以自助點菜，可以慢慢揀食乜。 點咗兩份便當餐同一塊咖喱可樂餅。 之後就入去坐定定等叫號，沒錯，就像快餐店的模式。 要讚的是裏面有兩部大電視並排在一起，那時一部放非收費電視劇集，一部放收費體育台。等餐的時候跟朋友睇吓電視都幾自在舒服。食物唔算等好耐就有得攞，分別是蒜香三文魚燒極黑豚肉和板上雪花一口牛，同樣有粟米和茄子作配菜，有肉有菜，感覺幾健康咁個三文魚有丁點腥味，但可以接受，都算幾好食。 個豚肉就好正，有柚子味，非常清新。雪花牛都好食，唔靭有肉味。而粟米雖然唔係原條，係粒粒牛油粟米，茄子又唔係餐牌上咁靚仔，不過味道亦不俗。不過便當裏的肉就唔算好多，男士們可能要另加點食物填肚。個咖喱牛肉可樂餅朋友覺得好食，我自己就覺得一般，粉有少許厚，亦唔覺有牛肉裏面餡好似少dd咁啦。跟餐有兩杯飲品，熱柚子茶不用加錢，凍飲卻要加5蚊，以凍飲黎講都幾貴。

港式燒烤便當美食餐廳「板上」，雖然不是我在「開飯喇」第一篇撰寫的食評，而且我幫襯過「板上」在深水埗的第一間分店，之後就再沒有上門幫襯「板上」其他的分店。兩年前，我還是因為看過電視臺裡面的飲食節目，所以才認識了和第一次光顧「板上」，印象中的「板上」賣的食品，就是類似台灣或日本的鐵路便當食品。始料不及「板上」因為電視飲食節目的關係，生意從此漸上軌道。「板上」有了四間分店，之後我在觀塘工廠區內，「駿業街」旁邊的工商大廈，「中海日升中心」地面舖位的位置發現到「板上」在觀塘開的分店。由於我在下午茶時間光顧，所以觀塘「板上」店內食客不算很多。雖然「中海日升中心」旁邊，也都有很多的工廠大廈，都有大量在午飯時間需要午膳的工人與文員，但是我在下午茶時間才到達觀塘「板上」，工人文員都已經食完午飯，返回工作崗位了。觀塘分店「板上」的店舖樓面內，都掛着兩部電視機，一部電視機播放新聞臺，另一部電視機則正在播放足球臺，聽說這間「板上」分店，在晚上還會播放足球賽事。不過我除了對電視新聞臺沒有興趣之外，亦都對播放歐洲足球賽事的體育頻道完全沒有興趣了。觀塘「板上」樓面的兩部電視機，幾乎覆蓋店舖大部分檯櫈範圍，我在觀塘「

返左成日工見人小小靜靜地去板上食個晚飯叫左個帆立貝照燒雞配珍珠飯個set配菜本身包埋栗米同茄子兩樣都係中上無咩太特別照燒雞都算係大份，味道中規中矩但帆立貝黎到比我想像中細粒個飯我覺得略嫌小汁左小小可以叫多汁等個飯唔會咁乾身本身個餐淨係包汽水同熱飲我加左$5要凍柚子蜜唔太甜我覺得幾好(好怕平時啲柚子蜜沖到好甜)成個餐都算係性價比幾高因為間餐廳啲位幾闊唔太多人食靜靜地，岩晒三五知己傾下計餐廳仲有埋nowtv直播睇波有一邊枱仲有埋USB叉電佢其實仲有burger食，下次都可以試埋

較早前本來約咗班friends放工後到觀塘板上小聚，啤啤佢吹下水。 可惜要拎貨板上大陸，被迫甩抵。 聽班friends講，板上嘅環境舒適，座位濶落，又有大電視，大大杯啤酒夠凍。果晚佢哋傾咗幾粒鐘好開心，價錢完全唔貴，吾似得其他酒吧限時又貴。 雖然錯過同班friend happy hour， 前晚經過觀塘，決定去試下板上嘅晚餐。餐廳以自助形式，先揀餐以八達通付款，然後等叫號碼取餐。當然亦可在收銀處點啦。餐廳除咗提供便當快餐小食外，仲有超值下午茶到6點。是日晚餐👇紅豆奶茶日式煎餃子蒜香三文魚燒極黑豚.珍珠飯飲品跟餐有優惠，$10紅豆奶茶唔太甜，餃子煎到兩面金黃香口，加埋辣椒仔味道更加提升！茄子軟稔而不膩，大大塊香煎三文魚，加咗蔥花同蒜蓉好香口。 白雪雪嘅珍珠飯粒粒分明，煙韌有口感。粟米粒粒爽甜，黑豚肉肉質嫩而不肥。今餐$104嘅滿足感超強。Happy hour果真好抵, 仲有免費wi-fi，加埋Coffee bar。 再約過班friends來嘆靚咖啡、蛋糕同啤酒先。

今日放假嚟咗觀塘呢頭搵個朋友食lunch 佢帶咗我嚟中海日升中心搵食🍴雖然呢度有好多餐廳 但佢話唔駛揀喇 要嚟食板上 因為好食又幾抵食😼環境都幾舒服 啱晒3-4個friends一齊傾計食飯👍🏻 可以靜靜地享受呢份午餐 又冇時限 任坐唔嬲我地嗌咗一份黑豚漢堡同鯖魚飯share嚟食🐟 可以每樣都試啲板燒鯖魚珍珠飯 同出面嘅餐廳好唔同 上碟嘅賣相好靚 鯖魚好大條🐟 而且燒得好香 佢仲配咗嚿檸檬🍋 俾我擠啲檸檬汁上塊魚度 我擠咗少少 但係我覺得唔擠都唔會覺得腥 而伴碟嘅醬燒茄子都好好食 醬汁同茄子好夾🍆 粟米粒都好甜黑豚漢堡配脆薯皇 同想像中有啲出入 以為係用黑豚打成嘅漢堡 點知係有一塊塊黑豚係入面😯 配埋芝士 番茄🍅同生菜🥬係入面都幾有口感 脆薯皇好粗而且上枱時係好熱辣辣嘅 明顯係啱啱炸起👍🏻 另外嗌咗熱檸蜜同熱柚子蜜🍋 但係呢間餐廳都有咖啡嘅 我朋友話佢都試過 唔算最優質 但係都可以接受 不過平日返工成日飲 今日放假就冇叫啦

觀塘區工業大廈林立，搵野食黎黎去去都係茶餐廳，好彩今日發現呢間餐廳，有日式同西式野食，又有個咖啡廳，環境舒適，以後可以有多一個食飯聚腳既選擇。午市有15個套餐，包括各款雞、牛、豬、羊、海鮮，配珍珠飯，同埋漢堡。叫左安格斯牛肉漢堡，配脆薯皇($72)，午市仲有限定優惠，加$8可以配一塊可樂餅。漢堡非常足料！安格斯牛肉好多汁，唔會鞋口，芝士溶化得岩岩好，配搭爽脆既番茄同生菜，每一啖都好好味。脆薯皇炸到金黃色，脆卜卜。而可樂餅填滿咖哩牛肉餡，兩款都好滋味。跟餐可配汽水，餐茶，又或者加$8配特製烏龍茶，茉莉綠茶，又或者加$10配特色梳打，水果茶，仙草冰等等。我就加錢配左胚芽港式奶茶，奶茶既味道好柔滑，加埋胚芽增加口感之餘，又有營養。餐廳座位闊落，有吧台位同卡位，有得睇電視，唔怕等餐時會悶。咖啡廳果邊佈置得好優雅，有各款蛋糕同咖啡。除左Espresso，Cappuccino尼d大路款式外，仲有啡糖薑蜜鮮奶咖啡，洋甘菊鮮奶咖啡，玫瑰鮮奶咖啡，係其他地方都好少見到有特別味道既咖啡。下次一於係tea time再黎，可以同朋友食蛋糕，嘆咖啡，過個悠閒既假日。

今日同朋友黎觀塘睇開倉優惠，晏就黎咗位於中海日升中心嘅板上食lunch。餐廳非常寬敞，環境舒適，提供嘅食物亦都好多元化，有飯、漢堡、小食之餘，仲有蛋糕咖啡，好啱三五成群黎依度食飯吹水，更加令我地驚訝嘅係，餐廳有啤酒提供，而且有足球直播，係一眾球迷狂歡嘅好地方。我地叫咗安格斯牛肉漢堡‧脆薯皇($72)，漢堡非常大份，除咗安格斯牛肉之外，仲有蕃茄同生菜。牛肉有15mm咁厚，非常扎實，好有肉汁，冇乾爭爭嘅感覺。而薯皇外脆內軟，調味得好惹味。吉列蠔(3件，$28)，金黃色好吸引，炸粉非常薄，一咬已經食到蠔嘅鮮味。大阪燒($35)，係魷魚豬肉燒餅，用料豐富，上面滿佈柴魚，而且食得出粒粒魷魚。特色飲品跟餐都只係加$10，叫咗菠蘿蘆薈梳打(+$10)，清新解暑。就咁單叫特色飲品都只係要$20左右，紅豆奶茶($20)，甜度適中，奶香味好濃~總括黎講，一個餐都係$40-$70，不過質素就非常高，一啲都唔貴！

 happy friday 提早一啲收工， 休休閒閒咁去咗觀塘嘅板上，食個下午茶先至返屋企。佢哋有唔同款嘅下午茶，不過我實在唔係太肚餓，係想搵啲小食食吓，所以嗌咗個魷魚圈，另外加杯餐飲白花高香茉莉龍珠綠茶。餐牌上邊中文就冇寫，不過英文就寫明係 炸嘅，香口嘢梗係好味啲啦 ，一份總共有六件，即叫即炸，香脆可口 ，魷魚嘅香氣滿滿，加上肉質非常軟滑彈牙， 值得一試。白花高香茉莉龍珠綠茶用原個茶包沖製 ，唔會混入其他雜質 ，比較清淡嘅一款熱飲 ，感覺好refreshing 。茶包上一個溫馨提示：放下手提電話換來長壽。呢個組合只係需要50蚊， 完全唔貴，而且環境幾舒服，background music音量啱啱好 ；座位寬敞 ，適合幾個朋友一齊嚟，食嘢吹吓水。

今日出咗去觀塘開會，幾粒鐘的長開議，腦力都消耗得七七八八，雖齋坐無郁動，但也不知為何整個人也很累...又一個好藉口出街吃。附近是中海日升中心，唔多來的地方，原來都樂多食肆。一直入就俾我見到「Coffee bar」，雖然今日不假日（多數假日才遊咖啡室），但我現在好需要杯咖啡。開放式的門口，睇落幾寬敞闊落，環境舒適。一入門就是售票處，另一邊設有一行高枱櫈，中間則有多張四至六人枱，還有一行面牆的單人座，既適合獨個兒，亦啱三五好友來食飯聊天，今晚就見有幾班人在此聚聚。唔止呀！仲有兩部電視，其中一部播緊足球賽事，加埋店子有啤酒出售，又是睇波友好地方。看看餐牌，有套餐、薄餅、小食和飲品，定價經濟實惠。仲發現門口的黑板寫有風味咖啡，而下單處旁邊還有蛋糕櫃，岩晒我。******************************在十五款晚巿套餐中揀了蒜香三文魚轉配蕎麥冷麵（$62+8），無錯！又是魚，我的確好專一，哈！是日配菜是茄子拼粟米，粟米粒 爽口兼帶有牛油香；茄子 外皮柔韌內肉腍嫩，亦烹調入味。主角是三文魚，兩件薄身，鮮橙亮麗。魚面放了些香口的炸蒜，唔止有蒜香，仲有牛油香，味道不錯。魚肉紮實，但絕不