板上 (中海日升中心) (已結業)

是日happy Friday, 試了觀塘日升中心的這家板上，我叫了「板雞」便當，盛惠45元，都算抵食。便當份量剛好，夠熱夠多雞肉，但配菜的粟米有點hea,不夠熱。再加了5蚊叫了杯熱薑蜜，整個餐在觀塘區來說是中間值，不過不失。

地點離 APM 大約 5 分鐘路程，非常方便食物方面非常多選擇、主食有不同配搭的珍珠飯和pizza、更有多款佐酒小食。全部都即場製造。本人叫了蒜香三文魚照燒雞珍珠飯和唐楊炸雞燒雞和珍珠飯都好好味，中上三文魚略嫌乾左啲炸雞好好味，如果每件大舊d 更佳飲品方面有隨餐附贈餐飲和其他特飲，更有Carlsberg / Asahi 啤酒本人要了玫瑰花茶，消滯一流價格方面非常大眾化，由 $45 至 $76 不等更有現場分左右兩邊廳，都分別有投射大電視，有不錯音響。環境方面非常舒適和寬敞，就算大大隻男士坐都唔覺得迫、現場有大量大枱，適合 4 至 8 個男士坐總括而言，性價比一流男士睇波最愛

以前返工系官塘區, 對這裏的食肆基本上是瞭如指掌。但每隔一段時間返來官塘區便會發現 一些新餐廳，相信係呢區返工都會幾開心。 朋友係駿業街呢頭返工， 她帶我來一間新餐廳  這裡是Food Count 格局, 面積都幾大，全店以自助形式。食物也十分多元化， 有日式、美式等美食供應。 價錢都幾貼地，套餐都是六、七十元。 除了基本食物還有酒類提供。我唸去隔離茶記食過頹飯都要$50 左右的時候， 咁大家不坊加小10元8 塊食得特別小小。 兩個女仔都唔想食太多， 所以點了   $68 開心share  。當食物預備好, 就會聽到叫號碼，客人只要拎返張飛去取食物。 安格斯牛肉漢堡份量十足，佈滿芝麻香的漢堡包略為烤過所以更加香口, 牛肉成吋厚， 芝士、蕃茄、生菜、醬汁 等一應俱全， 口感好豐富。用上安格斯牛肉所以味道相對地濃郁， 微微Juicy ， 水準不俗。 再配上香脆炸薯角，感覺好充實。 本來唸住伏伏地，但又好想飲抹茶所以跟餐點了 , 就算伏都係跟餐加 $10 所以無所謂。 點知抹茶味都可以，至小我飲到有抹茶香，雖不至好濃郁，奶的比較也不重，甜度適中，再加埋香甜紅豆點綴， 令佢順利過關。 百香果

山竹暴風來臨前，梗係出去食下野，唔係打成左就唔方便出去食野lu今次黎到觀塘一個好多野食既商埸,一入商埸，已經被呢間咁sharp 咁大間既餐廳吸引著，門外有八達通自助買野食，另外都可以排隊買，好方便呢😜入到餐廳，先發現原來餐廳勁大間，分開左2 part, 一面係做cafe,有cake 食又有靚coffee 飲，另一面除左餐廳有野食，仲要有波睇，仲有啤酒飲，牆邊位又有得叉電，真係貼心岩哂每個人，三五知己黎食野都可以坐得好舒適，未食野已經贏哂一睇餐牌，除左有飯有burger 有小食有pizza, 價錢仲要唔算貴，真係觀塘朋友福音，放左工一班人黎睇波食飯，啤2啤，地方咁大咁舒服都真係不錯安格斯牛肉漢堡．脆薯皇 $68套餐送汽水/熱飲，仲可以加$10轉特飲/冷泡茶，最後揀左玫瑰花茶，又靚又好味😚🌹漢堡勁厚，成個拳頭咁厚，咬都唔夠口大😲芝士魚腐 $28$2.3一舊真係抵到爆，除左份量多，味道也真係食到有芝味，唔係得個名

又到生日月朋友即刻食餐好既呢到朋友話有仼食花膠係女仔聽到花膠都心心眼湯底係花膠，仲有雞可以食海鮮拼盤係有煙嫁入面有花蟹，龍蝦 ，貴妃蚌 ，安格斯牛肉， 鮑魚， 花甲同花蜆食完呢啲都好像已飽左一半見有小食就叫下左蝦多士同炸鮮奶，全部都好熱，好香口食完仲有成60款配料選擇基本款打邊爐必有咩丸類，麵類，菜類，炸紫菜響鈴, 魚皮係特別好其他都好新鮮，仲要全部都俾好多份量食食下，有職員俾啲金幣叫我地試下夾係正常既公仔機但係夾龍蝦同花蟹仲要係生既即夾到即洗來食

冇乜住家飯食既我，經常都約朋友喺外面食完先回家，但喺出面食得多都唔想成日選擇太貴餐廳，有日發現「板上」，新裝修靚地方又闊落，以為食物唔會平，點知一睇餐牌，E~~唔貴啊！仲有我最愛既啤酒飲Tim！今晚就一於同朋友黎試！一坐低，地方大環境舒服，係梳化凳，枱與枱之間又唔會逼，好岩約朋友黎傾計！我地2人叫左happy hour set A，有pizza，雞翼，仲加$30 upgrade左兩杯大1664啤酒！都只係$168，平時出面淨係2杯酒都要依個價！食物亦唔錯啊！ pizza同雞翼送酒就岩哂啦！又多一間正既餐廳選擇！☺️

嚟到觀塘工業區接朋友收工，順便係附近覓食，嚟到中海日升見到咁多餐廳就梗係搵間試下啦！地下直入就可以見到板上啦～行到門口見到有個大大既牌寫住Coffee Bar☕️有唔少咖啡選擇，食物價錢都唔貴，仲可以自助點餐添～店內有唔少座位，我地去得早，可以坐底同朋友慢慢傾～我地一人叫左一個餐，門口俾完錢就可以坐底等叫號啦～我叫左個山賊醬燒燻蹄（$52）見到門口個menu大大張圖好似幾吸引咁，一試果然好正！燒燻蹄既數量唔少，燻得好入味，唔會好多肥肉，啱曬我呢啲怕食肥豬肉既人～淋埋配上既醬汁，輕鬆食完全部飯😂今日既配菜係玉米同芽菜，有啲蔬菜食下健康啲～跟餐加$10叫左個紅豆抹茶奶茶，係一般既紅豆抹茶味，冇咩特別～友人叫左個柚子醬油燒極黑豚配珍珠飯，豚肉好入味，雖然冇附上醬但一啲都唔會乾，份量都唔少，亦都有配菜同送熱飲，價錢只係$58，咁就食到個晚餐啦～

啱啱同朋友去觀塘睇開倉，濕平完就自然想醫肚沿著駿業街一路行下行下搵到呢間板上見佢banner既套餐幾超值,加上環境寬敞坐位又舒服,一於入去試下先我叫左個山賊醬燒燻蹄而我個frd就點左柚子醬燒極黑豚然後兩份share山賊醬燒燻蹄既山賊醬都幾香幾重黑椒味又唔會太辣至於個柚子醬燒極黑豚淨係聽到個名都知有霸氣啖啖豬肉再加埋柚子醬我個frd就叫左杯紅豆抹茶奶茶我都試飲左，都OK仲有勁多野想試下次有機會一於再試過

成日經過呢間餐廳 ,位於商場最深處,見到人流唔多而且 環境唔錯同埋佢哋啲座位亦都好闊落成日都想去試下。 星期日約咗朋友带她去試下呢間餐廳諗住可以坐耐啲傾下計， 餐廳採取自助式下單唔會有人騷擾你，坐幾耐都得。食物方面，我叫咗煙三文魚pizza，安格斯牛肉漢堡另加一客紅豆抹茶cheesecake.煙三文魚pizza - 煙三文魚加上菠菜配上芝士呢個組合有點會差呢？ 薄餅佢都整得好鬆脆味道唔錯。安格斯牛肉漢堡- 個包好大個重要配埋啲薯角，對我哋女仔黎講份量真係大大份， 漢堡肉亦都好嫩又有肉汁好味 。紅豆抹茶cheesecake - 蛋糕上到枱份量唔算好大，但係味道就有驚喜喇，紅豆味同埋抹茶味 配合得啱啱好， 唔會太甜亦又食到淡淡抹茶嘅味道。推介飲品方面-跟餐價錢已經包括一罐罐裝汽水， 餐廳亦有提供一啲特色飲品但要加錢例如凍檸茶等。 味道都ok㗎。嗰日朋友亦都讚呢間餐廳好抵食，咁既價錢，咁既環境( 坦白講真係坐得好舒服)，又可以俾係坐到咁耐仲要冇乜人，真係好抵。 重要餐廳提供happy hour時段如果想同朋友睇下波或者飲下啤酒傾計呢度都好適合。

偶然經過呢間餐廳，見到環境好舒服人流唔多而且 餐點完全採取自助式，叫完嘢食再去搵位都得，餐廳D座位有高枱亦有一般既平枱，兩者都坐得好舒服。食物方面，我試咗板上照燒雞飯，安格斯牛肉漢堡。兩个餐都有配嘢飲。照燒雞飯- 本身對佢期望不大，因為餐廳似美式食物為主多D，点知食落口竟然有驚喜。飯是用珍珠米，口感包滿好咬口，唔係用乎常既米，雞肉煮得剛好，有肉汁不會過鞋，配埋個照燒汁，好味。安格斯牛肉漢堡- 上到枱大大份，朋友一向大食都話食到好飽。味道亦唔差。飲品方面，跟餐可配 罐裝汽水 亦有啲特色飲品要加錢例如凍檸茶等。 整體餐廳以咁嘅價錢，咁嘅環境，咁嘅食物質素我覺得超抵。 順帶一提餐廳有供應啤酒㗎 ，重要餐廳暫時都冇乜人，真係好識合4，5个朋友約埋去睇下波傾下計，簡直一流。

陪朋友去觀塘試完婚紗，周圍貢下貢下就嚟咗板上 1️⃣首先要係門口收銀處度排隊嗌野食2️⃣跟住就坐返埋位等嗌冧把，我哋大約七點幾去到，都有唔少人，餐廳地方大，坐位舒適 3️⃣聽到自己個冧把之後，就出去取餐處度攞返自己既野食水牛城雞翼：個汁調得好好，雞肉嫰滑 脆薯皇：漢堡配既薯角，份量多，新鮮炸熱辣辣，炸得啱啱好！唔會老 安格斯牛肉漢堡：好多料，食完好飽 自己再加啲茄汁更好味！黑豚漢堡：又係好多料，好多豚肉！菠蘿蘆薈梳打：解喝開胃，裡面有好多蘆薈 熱玫瑰花茶：雖然係茶包，但好香玫瑰花味！唔夠喉呢度仲有甜品蛋糕同啤酒！好適合三五知己一齊泥

觀塘區的野食雖然都很多，不還APM，觀塘廣場D野都食到厭哂。今日同兄弟去搵野食，順便又想睇埋波，咁就沿A出口個面一路行一路睇有咩好選擇。原來另一面都有唔少野食，有D商場仔入面都有好多野揀。但長期糧尾既我地想揀D平野食下，行左一陣見到一間板上。望入去見到很多人正在睇波，再望下餐牌既野食又幾平，咁就試下啦！我地坐近門口既座位，都幾舒服，最緊要冇野擋住大銀幕嘛。野食算幾平，樣樣都唔過百，睇落仲好大份又夠飽咁，性價比都算高。朋友叫左個漢堡，我就叫左份山賊醬燒燻蹄便當，再加份日式煎餃子，再加份蛋糕同可樂。野食要自取既，不過製速度都算幾快。D野食係裝係環保既紙便當盒度既，比起傳統膠盒環保唔少。點解唔直接用碟上？因為係便當丫嘛，便當就係要用盒裝先有FEEL！食物到手當然先嚐為快！豬手（即燻蹄）個山賊醬幾惹味，豬手本身都有醃過，配黎送飯認真唔錯。便當仲有粟米同中華沙律做配菜，減輕豬手食完的那種肥膩感，加分！而煎餃子都幾正，炸到脆卜卜既黃金表皮加埋新鮮出爐熱辣辣既肉涵，再配個酸甜BBQ醬更易入口，好味！罐裝可樂配飯，好快就飲哂。老闆見我地飲哂野飲，就請我地試杯Café bar既野飲。雖然我鍾意咖啡，但夜

路過觀塘>>>板上<<<，見到餐廳裝修感覺挺開揚， 食物價錢合理，於是入內用膳。食物種類挺多，有飯又有漢堡。 以快餐店形式運作，客人先在收銀處點餐。取票後，自行找個座位，直到屏幕顯示自己的號碼牌，即可取餐。 當晚有點肚餓，選了一客柚子醬油燒極黑豚配珍珠飯(HKD58)。便當盒的賣相，是日式感覺。份量不算太多，以女生而言很是足夠。豚肉大大片蓋在珍珠飯之上，柚子醬油味道相當獨特，挺開胃。芽菜和粟米補充纖維，一定要食喲。 追加一客魷魚圈(HKD38)，共有五圈，新鮮炸起，份外香脆，魷魚肉也很彈牙。 揀選餐飲時，侍應大力推薦自家咖啡，所以點了一杯熱的玫瑰鮮奶咖啡(加HKD7)。這特別適合女生喜好，淡淡的香氣，容易入口，即使晚間享用，也沒有過高的咖啡因導至失眠。 咖啡吧的那邊出售件裝蛋糕，看來可以正餐與甜品時段留在這兒直落啊。座位寬敞，坐得還算舒適；當日為周五晚上，人流未見擠擁，亦不設用餐時限，坐足一晚與朋友相聚也不錯哩。

其實之前已經係深水埗食過一次，嗰度就似快餐模式，所以食完就走。但係觀塘呢間就好好坐，好適合3-4個人嚟食飯傾計，因為佢啲位又唔逼，啲座位都好好坐，成個環境又舒適，所以我就約咗朋友嚟食啦。因為之前食過，所以已經知道佢都算係大件夾抵食架！我地叫咗一個板上照燒雞飯，同黑豚漢堡。佢都真係好大份，而且都唔算貴。雞扒嘅燒汁好好味，啲珍珠米都煮得啱啱好。黑豚漢堡特別要讚個麵包皮，佢係外脆內軟，熱辣辣，而且成個包好juicy。兩個餐都有得跟餐飲，見佢有個Coffee bar，有齊設備，就決定試一試杯咖啡同order咗件蛋糕。咖啡係洋甘菊咖啡，味道都唔錯，飲得出啲咖啡都唔係cheap嘢。蛋糕就食咗伯爵茶味嘅，都真係好有茶味呀，又不至於太甜。不得不提，要讚一讚間餐廳出菜嘅速度好快，唔洗等太耐。而且見到佢有大電視，有啤酒提供，係睇波嘅好地方。

餐廳非常大，一班人來吃也有位，還有啤酒和咖啡，晚上來吃飯順便喝兩杯不錯。有蛋糕櫃，看上去很吸引，不過已經吃得很飽，下次再來吃，價錢非常合宜，學生都負擔得起。鰻魚飯很驚喜，鰻魚肉超厚，油脂又多，啖啖肉的感覺很滿足。平常外面吃都會飯多過鰻魚，今次調轉，值得一讚。羊肉便當也有驚喜，羊肉偏羶一點，我個人很喜歡，這才是羊的味道，醬汁味道很惹味，還可以中和羶味，不能吃羶的朋友吃過都說好吃。土匪燻蹄肉質有咬勁，口感很特別，加上土匪醬汁提升了味道，配珍珠米很好吃。每個便當都有菜跟玉米，非常健康，價錢都是幾十元，有如此質素真的超值。飲品多元化，台式飲品到花茶都有，凍柚子蜜好喝，跟餐只是加幾元，玫瑰花茶茶包很美，看到裡面塞滿了玫瑰花，可以養顏解膩。