影片
港鐵堅尼地城站 B 出口, 步行約4分鐘
繼續閱讀
電話號碼
28177885
開飯介紹
主打日式串燒的餐廳，有不同的肉類、海鮮及蔬菜選擇，配搭日本清酒更顯風味。而木系裝潢及開放式廚房，均予人輕鬆的感覺，適合把酒聊天。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
位於西環堅尼地城厚和街裡，發掘了這家日式串燒小店「曜謨串燒居酒屋」門面裝潢以日式懷舊木系設計，甚有風味，店舖細細但很有氣氛，平日夜晚嚟到亦差不多滿座，主打當然係各式各樣的串燒，吧枱位置可以見到師傅做串燒既功架，以下我哋所點嘅食物基本上全部好有水準，絕冇失手👍🏻🍲清酒煮沙白 $ 68隻隻肥美又飽滿，味道新鮮又鮮甜帶清酒香🦑螢光魷魚漬 $ 48外層帶爽脆感，味道帶點咸香，開胃前菜🍅甘醋蕃茄 $ 38心機之作，小蕃茄已去皮，入口清甜帶像話梅味的醋香，多汁美味🐓雞亦串 $ 76黃金香脆嘅雞皮之下，就是肥美嫩滑既雞肉，只是用海鹽和檸檬汁調味，就是最美味🐓芥末雞肉串 $ 58雞胸肉一點都唔嚡，配上帶甜既芥末醬汁，香香甜辣，幾惹味🐓自家製雞皮串 $ 58燒至香脆帶着一點點雞脂肪，充滿雞油和鹽香🐷豚肉蘆筍卷 $ 64半肥瘦黑豚肉包住蘆筍，油脂滿分，鹹鹹香香嘅味道配蔬菜啱啱好🐷豬肉棒配日本蛋黃 $ 76自家製手打豬肉棒，燒至外焦內軟、口感滿分，有著軟骨爽脆感和豬肉既鮮嫩多汁🐷宫崎腸 $ 60外貌是一條平平無奇嘅香腸，一吹下去皮脆之後就爆汁，超級Juicy ，而且豬肉味濃，好好味🐮香蔥牛 $ 116牛肉亦是高水準之作，牛粒剛熟，肉亂多汁，又帶點脂肪，只用海鹽調味後配上香蔥，帶出牛肉鮮味🐮牛舌心串 $ 59牛舌芯真的不得了，口感好彈牙帶脆口，味道香濃又多汁🥪汁燒日本豆腐串 $ 29豆腐燒至外層香脆，內裏好香滑充滿豆香，加上木耳絲和燒汁，美味🍙明太子燒飯團 $ 30🍙三文魚燒飯團 $ 30飯團燒至外層香脆，有點點飯焦香，內𥚃餡料分別係三文魚和明太子，外脆內軟充滿將油香，熱辣辣，美味又溫飽
繼續閱讀
堅尼地城遠離商業區有好多有特色小店係我地好鐘意既社區其實都只不過是乘地鐵多幾個站或者好似我甘鐘意坐叮叮享受一刻的寧靜無幾耐之前都黎過厚和街食過另一間果時發現左呢條街都幾多隱世小店今次就去左曜謨串燒居酒屋試下餐廳以小店形式經營 簡約日本居酒屋的佈置以串燒為主食而且價錢親民放工黎食下串燒飲下酒都幾 CHILL//雞翼串 X2 $76// 師傅已經將雞翼串兩枝骨分開 火喉控制得剛剛好 雞皮金黃焦脆 依然保持到肉質鮮嫩多汁 加上檸檬汁口感一流//豚肉露筍卷 X2 $64// 豚肉蘆筍卷簡單以鹽燒 薄薄的豚肉片燒得脆身香口 包住蘆筍蘆筍很爽令豚肉片即刻無左肥膩感 入口鮮甜爽口//日本芝士年糕(2 件) $40// 外皮有微微焦香 內裏芝士年糕好流心 入口好軟淋淋既感覺超滿足!//燒廣島蠔串 X2 $76// 廣島蠔燒得剛剛好 表面燒至金黃色 仍然保持到蠔的鮮味 入口仲有一陣奶油味提升口感//香蔥牛 X2 $116//呢個係最驚喜當中亦係我最鍾意牛柳燒得好香 肉質嫩滑易咬仲有肉汁 表層灑了滿滿的蔥蔥香香味十足 非常惹味之餘可中和牛肉的肥膩感//清酒煮沙白 $68// 這個日本清酒沙白 沙白即是蜆 蜆肉無沙 湯底好清甜//豚腩肉串 X2 $58// 豚腩串爽口又邪惡 烤得外脆內軟 微微焦香帶有少少鹽調味已經好好食//汁燒日本豆腐串 X2 $58// 燒日本豆腐表面燒得脆身 豆腐入口即溶 配燒汁同木魚花碎 食落幾惹味
繼續閱讀
小弟於2024年3月27日中午十二時左右在餐廳午飯。我當時與另一位男士同時到達，由於男士先進入餐廳，他選了一張二人枱坐下。餐廳當時只餘下一張四人枱、一張六人枱、以及比較迫的吧枱，於是我選了四人枱坐下。不久之後，其中一位店員要求我坐吧枱。基於配合有可能有更多食客光顧，我都有配合改坐吧枱。當然一如所料，我離開之前，四人枱和六人枱最後只是坐了一枱三個人。我只是點了一份$69的午飯，份量不算多，但味道還可以。以食物而言，其實再光顧都可以的。不過一位女店員的服務態度很惡劣，過了幾天仍印象深刻，特意反映一下，待各位自己判斷是否仍要光顧。在我打算結帳的時候，她向另一位男店員大叫「你幫下手得唔得呀？」不過以我觀察，另一店員也是在工作的。然後男店員放下帳單給我，我只聽到女店員說「現金 … 」。我聽不清楚，問了是不是現金或八達通，她就不耐煩說只是現金，信用卡設最低消費。使用信用卡設最低消費一向為人詬病，不過女店員的驚人態度更令人不敢恭維。我雖非他人衣食父母，都不至於吃頓便飯要叫人幾乎呼喝。所以食物再好，都不會有下一次。何況食物質素只是正常呢。
繼續閱讀
曜謨串燒居酒屋墨魚肉串$40黑板上是日推介, 秋冬先會有. 新鮮墨魚肉, 加少少鹽調味. 唔會過硬, 口感厚度剛好爽彈雞翼串/自家製雞皮串 $38/$29雞翼燒得外脆內嫩, 一串兩隻. 雞皮超香脆好似薯片, 逼晒油份出黎.黑豚腩肉串 $29燒到皮微脆, 腩肉燒過唔會好肥香蔥牛 $59牛燒得中間仲嫩紅, 牛肉味出, 配合蔥加少少Wasabi做調味幾好食燒明太子及三文魚飯團 $30@飯團燒到外面啡黃脆身, 帶飯焦香, 一切開入面仲出緊煙非常香口, 配上紫菜🍙, 內𥚃餡料分別係三文魚同明太子兩者都唔錯牛油燒粟米48燒過超香甜蒜蓉燒茄子38軟腍富滿滿蒜香, 仲灑滿木魚增添風味
繼續閱讀
最近住港島嘅朋友介紹我去食一間居酒屋，一於去試試！北寄貝 $88北寄貝香甜多汁，食落口有少少蔥蒜味。清酒煮沙白 $68呢個價錢食到咁嘅質素嘅清酒煮沙白真係非常抵！每隻沙白都超肥美大隻，份量亦都唔少。清酒味道香濃，但飲落又唔會好嗆口，最後我地飲曬啲湯🤣日式燒飯團 $60/2第一次食「燒」飯糰，估唔到幾好味！飯糰外面抹上醬汁後燒至焦脆，所以食落脆卜卜有啲飯焦嘅口感。我地揀咗兩隻味，分別係明太子同埋梅。梅味偏酸，適合鍾意食酸嘢嘅朋友～明太子都幾香！蛋白豬肉卷 $50/2平時食豚肉卷都係卷蘆筍或者車厘茄，第一次試蛋白豬肉卷！呢個配搭口感特別，味道不錯，值得再試～香蔥牛 $116/2牛柳粒有口感但唔會好難咬，醬汁香濃。墨魚肉串 $80/2墨魚肉串非常爽口！汁燒日本豆腐串 $58/2豆腐串外脆內軟，面頭有燒汁柴魚等。
繼續閱讀