新麻蒲 BBQ (東港城) (已結業)

今日喺OpenRice訂購外賣自取。我叫左豬肉泡菜湯配飯，但食物質素強差人意，令我大開眼界。最大的問題是豬肉，在我的認知中，這個湯飯的豬肉理應是薄切的，但我獲得的卻是幾大塊疑似煲湯豬肉，奇靭無比，而且還帶有豬皮，令人食慾大減。真的是令我難以置信，一間韓國餐廳竟會提供這樣的「韓國國食物」給顧客。另外，廚師的刀功十分差勁，泡菜沒有切斷，整塊菜根上碟，顯示廚師製作食物的態度隨便，毫不專業。真係以後都唔會再幫襯！

入面有6款精選肉品+ 2款傳統韓式料理😍母親節帶埋一家人一齊去食 超滿足✨💓嚟緊父親節都可以考慮吓過去🤩.燒肉方面有護心肉、厚切五花肉、黑毛豬肩肉、特級牛舌、牛肋骨、秘製牛排骨😆仲有流心嘅芝士豬肉腸同雜菇拼盤🤩佢哋嘅招牌護心肉真係好好食😋唔肥又唔韌🤤豬肩肉肥瘦適中🐷包住生菜一齊食 真係好正😝牛肉嘅質素都唔錯 每款份量都好夠 食肉獸表示超滿足🥰.主食揀咗 石鍋牛肉拌飯+牛肉炒粉絲石鍋拌飯好多配料 唔會好濃味 我鍾意❤️相反牛肉炒粉絲就會比較重口味啲 但佢哋嘅粉絲好好食🤤好似薯粉咁煙煙韌韌💓.食韓燒點少得飲梳打汽水🥤特別推介熱情果梳打汽水😍酸酸的超解膩😁

最近係屋企食得清淡，偶然都想食啲有味道嘅晚餐，所以去咗將軍澳既新麻蒲食韓國燒肉🥘KAT揀咗兩人套餐既牛肉套餐🐮，套餐有燒肉之餘仲有部隊鍋，兩個人嘅份量啱啱好，一坐低已經有6種韓式開胃前菜同沙律，可以為食燒肉之前為腸胃打打底，先再食燒肉🥩套餐包含咗100 g特級霜降牛肉，仲有120g秘製牛肋排，牛肉肉質有口感，韓燒之後更加有香烤味，燒出每塊牛肉嘅油脂，燒肉仲有幾種醬料可以點，真係好好食😋套餐仲有特選韓式雜錦拼盤，裏面有年糕、蘑菇🍄、雞肉香腸🐥同埋鮮蝦🦐，感覺唔會淨係食牛咁Dry🤤韓式燒肉側邊仲有蛋漿燒熟成嘅水蛋🥚，有普通口味同埋落咗泡菜味，感覺可以為啖啖牛肉沖淡一下口感👍🏻部隊鍋材料十足，公仔麵表面仲會鋪上芝士，鍋裏面嘅材料配菜增援部隊鍋湯底，整體感覺好夾好好食，而且估唔到唔會辣，又唔會過鹹，味道啱啱好😋兩個人坐嘅座位寬闊，店員服務也很好，上菜速度快速，整體感覺食得舒服 😆

間唔中都會想食韓式BBQ喺屋企附近就有一間新麻蒲，隔離就係有炸雞，但係好奇怪，我見佢哋嘅職員兩邊走，但係點解我唔可以食緊烤肉嘅時候叫炸雞？🤣鍾意食呢一種韓式烤肉嘅原因好多時都係因為佢嘅配菜係任食，對於一個泡菜愛好者來講呢個係非常之開心嘅事，另外雞蛋都係任加㗎，最鍾意食就係爐邊蛋😂佢哋嘅豬扒同埋護心肉都非常好食，嗰種爽口但係啲肉質係會令人深深咁掛住。自己亦都好鍾意食冇影到嘅牛肋骨，我覺得呢個先係韓式燒烤嘅精髓。

約咗朋友行山，行完山後又攰，回到將軍澳東港城，想找一個地方吃晚餐。東港城比較難搵食，因此我哋五點八就入咗一間叫做“麻蒲”BBQ店。環境乾淨，光暗分明。座位都好舒服。我們點了一個“ 極級霜降牛肉” 和“牛肋骨”。因韓燒有四款配菜，海帶、豆腐乾、泡菜、雲耳和生菜。極級霜降牛肉 （冇醃製）,包埋一隻蘑菇、一束金菇、一件翠玉瓜。燒完之後，點了一些醬汁，塊牛肉好多根，好難咬，好靭。冇牛肉鮮味。牛肋骨（有醃製），包兩片雞髀菇，醃製嘅味道ok啦，牛肉和肥嘅脂肪各參半。這個比較好味啲。服務ok嘅，有乜需要按個鐘就有侍應幫你啦。整體嚟講麻麻地呀。

#將軍澳 #東港城 #新麻蒲bbq 上次食過晚市燒肉，今次試下午市 #lunchset 好抵食，有4款前菜，泡菜，醃蘿蔔，紫菜同醃青瓜，少少辣，好惹味😍#芝士炒年糕伴拉麵 分量超多，炒#年糕 好煙靭，入面仲有#魚糕 ，好多texture,味道咸甜各半，仲偏辣，好香濃，所以都幾多味精，好味🤤75蚊有4款前菜，同餐飲 #柚子茶，好抵食😋味道: 8/10味精: 8/10價錢: 7/10環境: 7/10服務: 7/10

Lunch漏單半個鐘，最後仲要係我地發現周圍啲人都上哂餐先知，枱上個鐘仔係壞既，最後我地自己叫侍應，跟住check單先話sorry叫我地再落過。入黎之前已經係出面等左15分鐘（無人排隊），叫極啲侍應都無人理，最後等左好耐終於搵到人安排座位。心諗好啦唔緊要，重緊要都係野食（因為之前食過味道係幾好），兩個人食於是叫左一個$82火山芝士炮菜炒飯+午市豬/牛套餐B，點知黎到啲野食都係一塌糊塗。首先個前菜一般般，無左魚板=無左靈魂。好啦飲杯水過下口，點知啲水勁重水喉水味，換過一壺都係一樣。其次，個火山芝士炒飯係唔知食緊乜，得少量芝士味，完全無其他味，第一次食無乜味既炒飯。最後，個午市套餐B個份量係少過上次食既份量好多，起碼一半。埋單個陣我仲有問佢地係咪轉左廚師，佢地話係。我懷疑連啲侍應都全部轉過哂。

食韓燒其中一個最鍾意嘅係因為可以食爐邊蛋！係好食嘅！但係肉類嘅套餐就真係正正常常冇乜特別！價錢方面算係正常㗎，叫咗一份牛肉豬肉套餐，種類都算幾多，不過肉質真係好一般！唔算太靚，而且冇乜油脂！不過呢個價錢來講就算係好正正常常！所以如果諗住過吓癮食下爐邊蛋，可以試吓！但係如果一心諗住食高質嘅烤肉，咁就應該要揀另一間啦

😅😅😅入到去餐具少咗一份，坐咗五分鐘都冇人摞夾同膠剪同碗仔，明明嗰陣時得四五張檯客，真係唔知點解客唔算多但係啲服務都咁差。唔通用手剪放檯面食咩🙄餐檯度有個撳鐘，撳咗三次等咗好耐都冇人來，要大聲嗌先得，真係諗唔明要個擺設來做乜嘢😓最尾就嚟走嗰陣發現餐餐檯都有生菜送得我哋呢檯冇😑，地下仲有隔離台倒瀉嘅飲品要人兜路行，咁樣啲垃圾服務都要收八十幾蚊嘅服務費。過左一個鐘之後，我朋友就肚疼肚屙💩永世唔會再嚟嘅一間鋪頭。😅😅😅😅😅😅😅😅😅

6:30晚飯時間唔使排隊，見過Menu好似幾好吸引，set 餐韓燒牛肉，試試佢。大至基本上主要Menu前菜可以無限添加，鍋邊嘅雞蛋漿都係，不過剩係得雞蛋冇芝士，所以覺得無咩味道淡茂茂😕皇牌牛肉套餐$398就是這樣🙄，份量好少。皇牌牛肉套餐內，有五款不同牛肉，不過基本上全部都好韌，咬唔開，只有一款，口感比較好少少🤏不過我都分唔到邊隻打邊隻，$398套餐呢個牛肉質素👎🏻👎🏻，份量又小，又唔好食😒俾多少少可以食到牛x放題，啲牛仲好食過佢

午餐時間起東港城搵食 周圍都超級多人 要等位我哋冇話想食咩 所以諗住邊度少啲人就去邊咁啱經過依間韓國嘢 佢同Nene chicken一齊 但係原來兩邊唔通我哋冇諗住BBQ 只係食lunch setMenu lunch set選擇唔太多原先想叫烤牛肉冷麵 點知佢話冇冷麵!!!最後揀咗牛肉牛骨濃湯配白飯 ($82)主菜前有配菜食 有泡菜 酸海帶 茄子 辣青瓜個海帶幾好食幾開胃上菜速度算快 啱啱整起 超級熱 然後個砂煲都好重手吓 賣相一般 就咁睇唔太吸引🙈不過份量好大仲要比起相入面多好多野 例如紅棗 冬菇 同埋原來佢已經有麵🍚個飯係包埋 有成一滿碗米就唔算靚同好食 唔係珍珠米 質感比較硬 而且冇咩飯香味 不過都係用嚟餸牛肉啫🍲個湯底真係好濃味 而且相對較油🐂牛肉份量幾多 有5大片 同埋佢超級腍 一夾就散 完全冇骨超級重牛味 因為係牛腱口感唔錯 透明部份好似啫喱咁瘦肉部份實少少成個餸都非常濃味 所以餸白飯真係啱晒不過個麵就唔好食 超級淋 一’pat’咁完全冇咬口 其實我連佢係咩麵都唔知...可能似米粉 超級幼身-味道上 除咗牛肉好味之外 其他野都好一般環境普通 因為原先可以BBQ 所以入到去

煲韓劇煲到有舖炸雞引。見呢到有炸雞達人，一次過有7種口味，啱晒選擇困難症嘅我。中午時段無咩人，安排咗坐卡位。坐位抵算舒適 。炸雞係無骨雞件，啖啖肉。雖然有7種口味，不過有幾款唔係好食得出係咩味。芝士炸雞 🍗，首推。炸雞香脆，同芝士粉好夾 白群主炸雞、大蔥炸雞，炸雞一樣，只係多咗啲蔥，只可以講唔啱我嘅口味。仲有辣炸雞，辣度都唔少。都幾惹味。加分位係有少量蔬菜沙律同粟米，可以中和炸雞油膩感。$88 7件雞加少量沙律。

好耐冇食過韓國菜，見到呢間唔使等位就入去啦，座位寛敞，坐得舒服，有午市套餐幾抵食，坐低後店員已經放低了4小碟前菜，份量都唔算少，最愛吃泡菜❤️。🔻火山芝士泡菜炒飯，賣相幾好，可惜味道極淡，只食到芝士同雞蛋味道，只適合影相📷✨❎🔻烤秘製牛肉，入面原來有牛肉，冬菇絲，紅蘿蔔絲，洋蔥絲，粉絲，沾滿了甜甜既醬汁，醬汁都幾多，放埋個白飯入去吸晒所有醬汁😆，幾好食✅

某日行完超市離開時，發現呢間韓菜餐廳中午有呢D午市套餐，可燒可唔燒，價錢幾十蚊有交易，堂食/外賣仲可享九折優惠主食未到，侍應已經放低幾碟前菜，份量都唔細碟，歡喜佢個甜酸昆布，好岩胃口!天然凍到一個點，最想食一個熱湯鍋，叫左呢個牛胸肉大醬湯 ($72)，上菜時個湯仲滾緊，未食已覺熱辣辣，跟埋一個白飯大醬湯即係韓國麵豉醬，放湯加入肉及豆腐翠玉瓜粒已經基本上搞掂，加少少辣椒就層加辣度，湯底就咁飲係味道偏咸，用黎送飯就OK!牛胸肉切成細塊，入口帶點嚼勁，仲有豆腐，翠玉瓜粒及洋蔥，有菜有肉有湯，食晒碗飯無難度!套餐包飲品，可以選擇特飲，呢個天氣，都係要杯熱檸茶岩數D!

入鋪頭既時候 店員就一人比左一包酒精搓手液👍🏻宜家嗌午市套餐堂食係有九折叫左熱既柚子茶仲叫左佢地少甜真係唔太甜 幾好👍🏻本身想叫份烤秘製牛肉點知職員話無哂唯有叫兩份都係原味烤豬肉個醬汁甜甜地五花腩肉又多好多都係兩塊疊埋左一齊啲飯食到底 有少少淋🙈