新源興燒臘茶餐廳

營業中

休息中

有時收工收得夜，好多食肆都閂咗鋪難得中上環有間開24嘅餐廳👏🏻簡直是收夜同附近返工人士既福祉睇openrice見好多都話狗糧😅即管膽粗粗試下去到雖然1點鐘，但都好多人排隊，真心勁！等左15分鐘，有位坐！叫左辣炸大腸，麻婆豆腐，炒豆芽，加兩支啤酒食物質素正正常常咁囉，唔係好狗糧姐！至於服務環境方面，就大排檔feel啲枱抹極有油😅，枱角爛到起角，要小心俾佢界到手腳/界爛件衫等候途中有段小插曲，話說餐廳要掃qr code落單有檯貌似內地人同老闆娘吵話嗌左5個餸，但只有兩個餸岩既，其他黎既都係錯發曬脾氣咁....唔知誰是誰非，但最後老闆娘都有幫佢地改返個紀錄

新源興燒臘茶餐廳 @newyuenhing..同一班人中環 上完堂好夜 11跨去12點了十幾人 一齊去附近搵野食好耐無試過好有風味地 餐廳外 開張枱 圍埋坐小菜款款都正！ 起碼20碟吾同款.👇🏻推介幾款 一定要試✨水煮牛 👍🏻👍🏻👍🏻✨蓮藕煎肉餅 👍🏻👍🏻✨海鮮煲✨咸蛋蒸肉餅 ✨椒鹽豬扒✨霸王雞 .✨菜 鯪魚油麥菜 小白菜 也不錯..味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤🤤/5.💫 #新源興燒臘茶餐廳#中環 #中菜 #小菜 #小炒 #茶餐廳.#米吃 #米喝 #米影 #米去 #香港探店 #健身人士飲食 #管理體重 #飽住瘦 #蛋白質 #健康餐 #foodiehk #跟米吃出瘦身材 #kukeepfiteatig yt Red 大眾点评 google @kumikofindfun @kukeepfit

24小時營業在中上環一帶，應該沒有其他選擇我晚上9點幾，還在周圍搵地方，想隨便食少少嘢先去酒吧，估唔到喺呢條街見到有這間茶餐廳晚上九點，當時也差不多滿座食物種類都好多，大部份茶餐廳有的炒粉麵或多士，佢哋都有，還有好多小菜，現場基本上其他客都係食小菜，價錢都唔貴而我只想食個普通炒粉麵，價錢好平，喺中環中心附近，估唔到有一間炒飯可以唔使$50我叫咗：枝竹豆腐北菇飯（因為𨍭炒米 - 加＄4）共$44 價錢真係好便宜，食物方面味道都唔錯轉左炒米底，米粉炒得唔錯有機會一定再食他們的小菜，因為旁邊全部都在食小菜

之前見到個負評決定鼓起勇氣睇吓係咪真係狗糧😂其實都唔係太差以呢個價錢嚟講我覺得可以收貨如果落大雨的話就真係唔好坐出邊真係揼死狗老闆娘的確係有啲態度不過都好正常仲有可以叫老闆娘走味精走咗味精，第日冇咁水腫總括嚟講呢個鐘數呢個價錢有嘢食，已經好好啦嚟得呢度真係唔好要求太高

歡迎follow IG @eatwifme2k23 睇更多ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 同朋友飲酒之後想坐低食宵夜，隨手Google附近通宵餐廳，啱啱好就搵到呢間🙏🏼🙏🏼1️⃣ 乾炒餐肉出前一丁 ($46)成座山仔咁高嘅撈麵簡直熱量炸彈🧨午餐肉有啲細塊，但見佢煎到外皮卜卜脆，合格！✅蔥、芽菜等配菜幾爽口，唔會過分油膩，惟撈丁略腍，同埋整體略鹹，建議嗌杯汽水送飯🥤2️⃣ 芙蓉蛋飯 ($40)最鍾意佢個蛋邊煎到焦脆金黃，邪惡得嚟啱啱好🤌🏼蛋面頭放嘅蝦有啲細但仍算飽滿，冇諗到翻開塊蛋，底下仲有幾隻，真係出奇蛋😂但蛋偏鹹，飯粒略乾，唔嗌返杯嘢飲搞唔掂😵‍💫3️⃣ 豆腐火腩飯 ($40)深夜梗係整碗男人嘅浪漫🌹滷水皮豆腐入口即化，腩肉脆皮+肥膏+軟肉嘅組合，一次滿足三個願望！醬汁頗濃味，但食耐有啲滯，小鳥胃選手請謹慎挑戰🫡ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 總括而言，有啲過鹹，但50蚊內有交收，性價比唔錯，收貨！💗

諗住收工叫外賣醫下肚，結果中哂伏🤮牛腩河得幾粒乾柴牛腩，加一塊扮牛腩嘅姜🤮河粉酸臭，唔知放喺後欄幾耐🤮湯底食之無味，棄之不可惜，連基本嘅牛腩汁味都冇🤮未食過咁難食嘅牛河🤮雖然好平，但狗也不食🤮

好少寫食評，今次專登要寫一寫。鋪頭位處旺地又喺街頭，講真今時今日基本上啲嘢唔洗好食都自然會有客，所以點解我會話呢間嘢有善念，肯做好！諗唔到食咩，見外賣自取$42仲包嘢飲，加埋BXXpay 再減$8，本身諗住$34將就一下又一餐。揀嘢飲見到有自制菊花茶，又咁好嘅，下一下火。行到鋪面，見個排場都無咩期望。番到公司，打開個盒，嘩，PP盒而唔係發泡膠。利申唔係環保能人，但果吓我覺得究竟有咩驅使一間咁嘅鋪頭唔用發泡膠，係愛定係責任？明明根本係喺商業角度嚟講完全唔合理嘅事，因為慳得一蚊就賺多一蚊嚟交租。忽然覺得自己雖然係一隻社畜，但只要做好一啲啲小事，件事就係好事。講番嘢食啦。葱油雞扒午餐肉煎蛋飯，葱油香，雞扒有兩塊，蛋焗咗20分鐘都做到半熟，午餐肉就薄咗啲柴咗啲。菊花茶飲得出人情味，咁無得同深水埗比啦。$42。PS.本人唔係環保能人，唔好問我最後點處理個PP盒，或者點解要叫外盒唔自備。呢篇係讚揚善念嘅食評。好嘅嘢就要讚。

環境：店內有約20位，如果想有風味啲坐店外約有10張枱。服務：店員不多 感覺有點忙，態度中上都算熱心。性價比：相對中環半夜算平價。衛生：環境一般，食物有部份菜洗乾淨。食物質素：如果多人會等耐小小，先講羊腩煲，足料（支竹，馬碲，羊腩十幾舊）偏瘦，可自行加碼打邊爐料，例如加響聆。豉椒鵝腸正，野味，夠火喉。炸大腸就一般（個人喜好），夠熱。椒鹽九肚魚，賣相一般，，椒鹽味不夠，份量偏小。星洲炒米，用料有叉燒，火腿，大蝦，炒蛋，辣度適中，乾身，有火喉。

位於中環的這間茶餐廳， 24小時營業， 外賣不加錢，已經幫襯過很多次，味道唔錯而且價錢平。牛腩米粉 $27 + 蘿蔔 $7 牛腩肥瘦適中，帶有筋，肉，油花，口感和味道都幾好，只係未去到入口溶化嘅神級效果，哈哈！牛腩份量都算幾多，一碗大約有8嚿左右。蘿蔔水份多熱量低(大約6舊左右)，飽肚又清熱氣，可以中和牛腩的肥膩感。 蘿蔔爽口冇渣，但不清甜和入味。整體來說，以這個價錢$34，都算唔錯的，值得推介，會繼續幫襯。

同事LAST DAY 一定要去食呢個開足24小時既店，呢家自己寫號碼叫菜，多人食既話就唔驚叫錯，宵夜一樣甘多人，但係上菜時間都快呀！。2年前燒味佬走左佬，到呢家都係未有人斬燒味。但佢的小菜都系一流既！！

今時今日仲有餐廳可以系中環區 屹立不倒收您三幾十蚊既下午茶 佢系我暫時認為最有良心地道平民美食，仲有佢鋪頭有d可愛手繪公仔，令人格外開心🥳 尼到餐牌都係人手寫畫埋公仔好有心機《雞翼沙拉》$32今日黎點左兩個下午茶先講講個雞翼 食得出 脆口無油益味應該系keep住換油出面好多死鹹味同埋肉好梅 沙津系爽脆系夠凍 《婆仔麵》$35連飲品另外再叫左個婆仔麵尼個婆仔麵好似車仔麵自己揀料佢最正系原來有燒味可以加不過無叫到😆😆米粉就正正常常牛腩都紋得幾淋不過而家好多店都唔加了蔥佢有落蔥都幾足料其實我真系懷疑緊佢有無錢賺haha中環閒閒地都食野一百蚊以上呢間行開中環想醫下肚仔 值得來一來PS: 路過架渣 都比到驚喜我 拍手掌✋🏻

喺尖沙咀倒數完 揾宵夜食諗住避開尖沙咀人群 去咗中環揾食🤓夜媽媽唔多餐廳有開經過見到間茶記 門口坐滿成條街 有位即坐低！坐室外凍冰冰 嗌返個羊腩煲最啱🤩幾大煲同足料 好多羊腩 又有枝竹🤓羊腩好夠味 送埋碟白菜俾你碌不過凍冰冰食熱辣辣嘅實好食😂兩個人share啱啱好不過見食小菜嘅食評負評多多唔係呢啲時間得佢開 應該都唔會再嚟食了🤪同埋倒數完人多 店員都睇唔晒咁多枱落單上菜要等等 個飯又再提先記得上個煲質素唔算太差都算係咁😂

咁啱嚟呢邊做野，lunch時間唔多，行過呢間就入去。叫左個豆腐火腩飯，多汁少飯，同凍檸茶少冰。其實呢度都多選擇，不過趕時間就唔諗咁多。等果陣睇下食評，當堂嚇一嚇，有人話等勁耐，又有人話服務勁差，最慘仲要難食。不過有啲其實都幾年前，唯有希望自己冇事啦。我幾中意用凍檸茶少冰睇下店員有冇留心聽我講野，因為通常啲人都會以為女仔實要少甜/少冰少甜，好彩呢度合格，杯野真係少冰，而甜度係正常嘅。到個飯嚟，都係10分鐘內，正常時間。唔算太少飯，不過啲汁都夠，又唔會超杰。火腩幾乎件件有皮，啲肉半肥瘦得黎，瘦肉唔會乾到咬唔到，以茶記嚟講算幾好，可能冇期望反而覺得仲好食掛。

呢間都係我第一間令到我忍唔住畀差評佢嘅舖頭！分享下我經歷話說今日超級之大雨所以就近近哋買個燒味外賣食下叫咗個四寶瀨粉外賣自取一拎到個外賣見到我都知道奶嘢了然後我叫個店員畀個豉油我就話你嗌飯先有豉油嗰和， 夠味㗎喇！咁好啦我要個蔥油點雞又話入面會有咖啦！ 留意態度唔好勁差的返到去一打開冇蔥油…重要啲燒肉浸到淋曬…勁難食…真係超級非常之中伏下次都係唔好貪快方便行多幾步去返一樂燒味… 或者食大家樂都冇咁嬲…………………

今晚7:30已肚餓，因為有事要做，晚上8:45到，諗住大排擋，菜應該五至十分鐘到掛叫了咸魚煎蓮藕餅，沙茶牛肉炒芥蘭等到9:00，旁邊枱遲過我到的都唻左二餸仲要餓住肚望住隔離食😑追單個時阿姐話2分鐘個蓮藕餅會出，Ok,咪等囉。結果，9:05唻得碟牛肉芥蘭..芥蘭同牛無一齊炒過，菜無調味，就似白烚芥蘭放上下午茶個種沙爺牛🙄等到9:15蓮藕餅都唔唻，直接取消算數，費時失望多次9:20碟蓮藕餅終於出唻（整成半個鐘😪）