新匯聚打冷小廚 (已結業)

放工後，竟然無意見發現，公司附近有一家藏在工業大廈的大排檔，鍋氣十足！門頭不好找，但是上幾步台階就可以看到.晚上八九點，依然座無虛席。大排檔最舒服的是可以大聲聊天，也不怕影響到別人！.我們選了啫啫通菜煲，上桌的時候還冒著熱氣，伴著滋滋啦啦的聲音，味道好棒，比肉還要好吃，除了通菜應該還有蝦醬的味道和少許蝦米。.鹹魚雞粒豆腐也是我每次大排檔必選之一，此次出品，很多大顆的雞肉，而且非常入味並且很Q滑，豆腐燉的碎碎的，也很好吃！.最後還點了一份椒鹽排骨，總共十塊，沒有吃完，份量很大，每一塊排骨都是肥肉適中！.最後店員還送了一份椰子糕做為飯後甜品！

不是太正宗的潮州打冷似晚飯食堂和嘢食只是一般但是員工都算有禮貌，不過不會再試了😃如果想打冷人士就要想一想去不去這間了因為真的似飯堂和小菜多些不似打冷和他只收現金和八達通信用卡和其他都要收3%手續費所以一定要帶現金😂

觀塘成業街，對我哩講好有感情，曾經係哩條街返過兩份工，開過自己嘅公司，但咁多年經過新匯聚，總係過門不入，原來又係有原因....今次要傾保險，基金同老強，所以約咗幫我處理哩一大埋問題嘅 agent 妹妹出嚟食飯，佢地大本營係觀塘，所以佢話上新匯聚開餐.我原本唔想去新匯聚，但我提意其他地方交通唔太方便， agent 一個妹妹仔歸家麻煩，佢提意D餐廳又好鬼貴，雖然佢話請，但我都唔想食人隻車㗎..... 新匯聚係佢推介中叫做最平.... 又有地鐵方便佢返新界北，無計.....點咗鵝腸併墨魚，豉椒炒花甲，酥炸桶蠔，豉汁蒸白鱔，密糖薯仔牛柳粒.優點 : 1, 交通方便啦!2, 豉汁蒸白鱔最掂，鱔肉鮮甜嫩滑入口即溶，豆豉汁惹味唔係單一只有咸味.3, 豉椒炒花甲無沙.4, 密糖薯仔牛柳粒夾自己口味，牛柳點夠甜，但煮得啱啱好，煮得再耐d就過火會韌.缺點一大鑼!1, 原本叫鵝腸併墨魚，嚟咗紅腸併墨魚，之後轉啱咗嚟鵝腸，鵝腸外貌嚇一跳!我沖口而出爆咗句"咩哩㗎!", 第一次見咁大舊膏!心知不妙!有D餐廳嘅鵝腸係無膏，好明顯新聚匯嘅鵝腸係有膏，仲要係勁大舊!另外，顏色係好奇怪嘅灰色，唔通哩隻係灰天鵝?最後，鵝

菜乾豬肺湯 一人份量 湯入面有成隻雞脾，雖然肉有少少鞋，但煮得好腍，有兩塊豬肺，如果多兩舊豬肺，少d瘦肉就好啦🤣湯好清澈，但味道一d都唔啖，好飲。招牌話梅骨甜甜酸酸，好開胃，外皮脆口，送飯一流👍沙薑炒芥菜平時好難得食芥菜，叫餐牌有特登叫黎試下。好大碟，一上菜就問得芥菜獨有的淡淡甘苦味，但神奇地食落去又無苦澀味，而係甘甜清爽😲不過碟的汁就濃味咸左dd店員好helpful好nice, 我地剛坐得睇緊餐牌，會問我地要唔要飲杯野先，又會主動問要唔要俾杯水我；見我地食得七七八八，又話主動同我地講送甜品馬荳糕🤣

兩條麻甩佬放咗工歡樂時光，只係想簡簡單單搵個地方吹吓水、解解日間工作嘅壓力。上網見呢到介紹吹到上天咁，好評如潮，當然咪執輸搵個位坐低試一試啦。坐低後啊姐問飲乜，並主動提醒話開茶要另外計錢，低讚！咁樣當然先嚟支大啤啦，男人老狗至愛嘅健力士，餐廳格局係平民式大排檔，輕輕鬆鬆、隨隨便便、最啱朋良共聚啤一啤。～ 家鄕脆藕餅（豬肉碎）睇餐牌$110 有8 件 ，唸住送吓啤酒先，點知上枱第一個感覺打咗個突。。。想問問老闆邊樹鄕下。。。啲新派避風塘式做法並唔係個人杯茶。。。既來之則安之，藕餅入口油膩及潺， 明顯係油溫控制問題而且份量偏小。。。價錢並不親民。。。出師不利，好不容易食完唸住叫碟潮州打冷嘢應該可以”啦掛”!～ 鵝肉碟鹵水鵝肉上枱又打係咗個突，份量小（$110 得果12 件），賣相差，鵝肉係用下價貨、入口又柴又韌，最大鑊係靈魂嘅鹵水只係得鼓油味。。。睇落好似就咁烚熟奉客，可以話係呢10 年外出吃飯試過最差嘅打冷店鹵水。。。試完兩碟”餸”之後第一個決定係馬上通知老板買單轉場，冇謂再花大家時間，阻人搵食。。。綜合新匯聚係酒樓價錢，大X樂貨式。。。以上只係個人親身體驗後實話實說。。。希望老闆可以肉

4個人去食 $600幾蚊埋單已經食到好飽 4個餸再加甜品 正宗潮洲打冷滷水鵝肉配豆腐好入味 十分推介煎蠔餅就略嫌太多粉芝麻雞味道淡咗d 可能本人比較重口味薯仔牛柳粒又係值得一試 d牛柳好林好有口感甜品食咗個芒果西米露4個人去食 $600幾蚊埋單已經食到好飽

🍽What we ordered:鮮磨杏汁燉豬肺滿滿嘅豬肺、豬展、雞肉、雞腳, 杏汁香滑, 清甜滋潤, 湯精表示滿意避風塘茄子拼椒鹽骨雙拼啱哂貪心想試多2味嘅我哋, 夠脆夠香口日本芥末牛柳粒四季豆小炒菜式比較少見, 味道尚可啫啫通菜煲煲仔上熱辣辣加埋啫啫超香, 可惜通菜有D老椰汁馬荳糕久違嘅味道, 送嘅冇野好投訴如果有Bring Your Own Bottle / 平開瓶費嘅地方, 記得留言話我知 🥂🇦🇺 Yangarra Old Vine Grenache 2020❤️Full of redcurrant, cherry, raspberry, comes up with dried herbs, pepper and vanilla🇦🇺 Chris Ringland North Barossa Vintners Shiraz 2017❤️Rich, powerful, sweet-fruited and supple-textured with flavours of blackberry, chocolate and Christmas cake

位於觀塘工廈內嘅「新匯打冷小廚」，除了打冷食品外，還有多款小菜供應添！餐廳內地方寬敞 🥢 蒜蓉開邊蒸日本大元貝 ～ 元貝大大粒，蒜蓉味夠香濃，粉絲滿有元貝蒜蓉香味！🥢紅腸拼墨魚 ～ 喺打冷必選食物，墨魚淋甜兼頗彈牙大大塊，香腸啖啖肉，份量十足！🥢蜂蜜欖角骨 ～ 用青、黃、紅椒，加埋 欖角拌肉排，顏色奪目，兼且肉排滿有欖角蜂蜜香味，大大嚿夠晒份量！🥢有氣鮮檸密 ～ 檸檬香味夠重、夠冰涼，甜甜哋易入喉，一邊食一邊飲，超爽！🥢飯後甜品椰汁馬豆糕 ～ 椰汁味香濃馬豆頗淋甜！

呢間隱藏在觀塘工業區嘅大排檔不容小覷。主打粵式小炒及潮州打冷，食店內環境比較簡單，同普通茶餐廳冇咩分別但係比較寬闊，好鬥都是圓枱及四人卡座。滷水拼盤有細份同大份嘅size 可以揀，我哋兩個人叫做細size但係份量都好大，四個人食都唔過份。種類又豐富，有豬大腸、豆腐、墨魚、紅腸、鵝件、豬耳、花生舖底。滷汁濃郁，點上醬汁都係好惹味。潮州蠔餅食大排檔必食就係潮州蠔餅啦，呢個蠔餅份量好大，外皮炸到金黃酥脆，入邊啲蠔肉又大粒多汁，配搭魚露汁，真係啖啖都感覺脆卜卜停唔落口！沙嗲肥牛炒芥蘭沙嗲味好濃郁，醬汁咸中又帶小小甜味。每一舊肥牛都好入味，一啖肥牛一啖飯，送飯好正。芥蘭新鮮，又炒得唔會過火，食落又脆又甜。檸檬薏米水叫做一杯店內自製嘅檸檬薏米水，可以見到好多薏米係杯入邊，飲落好清新嘅檸檬味，酸酸甜甜，真材實料！

去到觀塘地鐵站附近，口痕痕想打個冷，就揀咗呢間食。門口有啲難搵，差啲睇唔到，佢係＂高興＂附近，如果我搵唔到，就會行咗入去高興🤣入到去都好大好通氣，不過就冷氣唔多夠。除咗側邊既卡位，中間都係啲大大小小既圓枱，甚有大排檔feel。先嚟一碟鵝片，鵝肉唔夠香滑，不過個鹵水汁就幾好味。成碟都係得面頭嗰16塊，而底下嘅豆腐冇變味完全食得番晒（我試過其他地方有變壞）跟住落嚟就係炸蠔餅，由於炸粉太多，令到每一啖都食唔到蠔，不過炸粉炸得幾脆唔會一口油。算啦，都要比人賺下。另外牛筋腩唔錯，牛肉味道夠香，忟得夠冧，而湯底有啲似豬肚湯味，而九肚魚就大條細碟，脆卜卜啱送酒。最後嗰胃爭少少，叫左碟梅子骨，甜酸味好濃，不過就食唔出咩梅味。其實如果爭少少唔夠飽，呢間野有簡單中式糖水叫，不過我就無試過，又唔係好見其他食客叫。

住係觀塘區，對新匯聚並唔陌生，之前已經幾次食過幾次舊鋪，今次第一次黎到新鋪，環境較闊落，坐得舒服😎新匯聚主打特色小菜同打冷，岩晒一大班朋友黎聚會🤣滷水鵝腸（ $110 ）食打冷每次必定叫滷水鵝腸🤣 鵝腸洗得乾淨，冇污糟嘢，而且滷得入味，必定要點辣椒油食🤤避風塘茄子（五件）拼椒鹽骨（五件） （ $155 ）避風塘茄子用左平時避風塘炒蟹嘅炸蒜去炒，非常惹味🤤 茄子上面釀左蝦膠，再拎去炸，裏面彈牙，外面香脆😝 椒鹽骨調味岩岩好，唔會太鹹，夾埋炸蒜一齊好香口😎招牌蜜糖薯仔牛柳粒（ $138 ）蜜糖牛柳粒係新匯聚嘅招牌之一，以前每次黎到都必嗌😙 薯仔炸過，所以外皮帶點香脆，牛柳粒唔會炒到過晒火，變得好老，加埋蜜糖醬汁去炒，送飯一流😍食完小菜，餐廳仲會免費送上甜品☺️

一向都好鐘意打冷，貪佢夠鑊氣，如果一班ＦＤ又可以邊飲啤酒邊吹水。餐廳位置喺工廈地下再推門入去嘅，今日同男朋友兩個人黎食晚餐，侍應安排左卡位俾我哋，都幾舒服，環境好大，客人都幾多，未至於爆場但閒日黎講都幾ＦＵＬＬ。一坐底就俾左滾水我哋淥碗，之後又送上薏米水經過一輪商議之後，叫左個３個小菜同３個餐前小食開頭諗住餐前小食好細兜，點知份量都幾多。陳醋雲耳、北海道花皮（深海水母）、麻辣貢菜鮑魚絲開胃小菜,味道酸甜, 花皮好特別 第一次見到呢道菜, 貢菜咸咸辣辣地又脆口幾惹味滷水拼盤（細）黎打冷點可以唔叫滷水拼盤 , 有豆腐片、豬耳、魷魚、紅腸及大腸點知細拼盤都咁大份, 兩個人拼命食都好似無郁過咁,出乎意料豆腐片好滑, 鵝件入味招牌話梅骨酸酸甜甜, 肥瘦相間, 頗為美味蒜茸炒白菜仔炒菜看似簡單, 但要夠鑊氣又唔炒得老, 少返D功夫都唔得最後仲送左個椰汁糕都幾好味, 因為我好怕太甜, 而佢甜度岩岩好, 椰汁味好香份量都幾多，抵食夾大件，我哋眼闊肚窄，高估左自己嘅食量，下次真係要叫一大班ＦRIEND過黎先搞得掂！

Dinner time~❤️😊近排放寬限聚至4人有晚市堂食，好多朋友屈左好耐都要出嚟見吓面。經歷過疫情禁堂食，大家都珍惜可以坐埋一齊4人一枱食飯吹水時間，一吹雞即出😂😊🖍新匯聚之前響牛下遷拆搬過嚟嘅大排檔，做小菜、打冷美食，響觀塘地鐵站行過去吾係好遠，工廈一上樓梯見到大招牌，入到去都好多枱，有圓枱、有卡位。飯堂格局，有電視睇，食得自在，嘈小小都唔怕比人眼望望，暢所欲言都係要食中菜叫返半打藍妹啤一啤先似樣😊#藍妹#chinesefood#小炒#中菜#花螺#芝麻雞#欖菜肉碎四季豆 #椒鹽九肚魚#避風塘茄子#家鄉煎藕餅 #水魷#藥饍雞腳❤️招牌菜～話梅骨，炸得酥脆， 入口吾油膩， 有嚼勁， 啲肉有啲連接骨頭筋位，芡汁用了話梅打成，微微酸好開胃～ 😋❤️芝麻雞外皮沾滿芝麻，雞皮好香脆、其他嘢都夠鑊氣，尤其係椒鹽九肚魚，熱辣辣好嫩滑，同埋其他佐酒小食都好味，人均消費大約$200-$250😊📍📍📍📍📍📍📍📍📌📌📌📌🏚新匯聚餐廳小廚📍地址: 觀塘成業街15-17號成運工業大廈1樓1室
☎️電話: 31042200

有番晚市堂食後密密搵食，突然掛住打冷就上網搵到呢間高人氣打冷。6點黎到walk in有位，一坐低整支凍啤酒relax下先。叫左個椒鹽鮮有配欖菜骨送酒，上到枱熱辣辣，好新鮮～ 欖菜骨味道好好，d骨大舊d更好😁店員好熱情問食咩，本身為蠔餅而黎可惜呢日冇。佢就推介呢個芝麻雞，叫左半隻，第一次試，好香～ 芝麻勁多，雞有d位比較鞋，食到一半有d滯，兩個人食唔得太多。呢個鹵水拼盤唔係咁得，個底冇鹵水汁，味道唔夠，鵝肉唔好食，豆腐太少。係全晚比較差既野食，少失望總括黎講佢地好多野食 ，兩個人真係食唔到太多，見到好多人嗌薯仔牛肉，太飽冇食到好想食😆 唔建議叫鹵水，其他都唔錯，氣氛好，走果時係滿場好熱鬧～

爸爸喜歡食大排檔有鑊氣嘅小菜，我知道觀塘工業區嗰度有間新匯聚餐廳小廚，主打地道的粵式小炒，一於帶佢去試吓！薑蔥魚腩煲，用煲仔上檯，有鑊氣，魚腩炸過後，用薑蔥爆香再炆煮，啖啖魚肉加上魚腩的油脂、爆香過的蔥及薑，真的可以吃不停口。懷舊咖喱魷魚，咖喱魷魚係香港一種街頭小食，極受到顧客歡迎，魷魚爽口入味，有口感和很香的咖喱香味，辣度剛剛好！蠔餅，即叫即做熱辣辣上檯，食落非常酥脆，蠔仔洗得乾淨冇雜質和腥味，加上蔥絲和芫茜增添香味。肉絲炒麵，麵底煎炸得好香脆，用豬頸肉做肉絲特別有口感，用料還有冬菇絲、韭黃、銀牙好爽口，個芡汁也調得好惹味。美食當前，少不了啤酒。最後有椰汁馬豆糕送