《😋晴晴港飲港食 #misshcfoodie 》 鍾意食日本嘢又鍾意飲cocktail嘅我最近發現咗間可以滿足唒我2個願望嘅餐廳🤩即刻約閨蜜嚟試吓🤭 呢度嘅bar tender 擅長融會多國調酒技術同風味，用創意變出一系列令人驚喜嘅cocktail🍸我哋叫咗2杯都各有特色，賣相仲好適合打卡📸餐廳環境好chill好有氣氛，好啱一邊飲嘢一邊傾心事🥂已經約定下次再嚟encore🤪 DELUXE DINNER SET $828/2 pp 🌟餐前開胃小食-日式漬物|芥末八爪魚|海鹽枝豆 🌟燒鳥拼盤 👍 正啊😍一次過可以試到唔同部位嘅燒鳥🐔有齊大蔥雞腿肉、雞軟骨、雞頸肉同雞皮餃子，雞腿肉好嫩滑而雞皮餃子就燒到外皮酥脆內裏多汁🤤 🌟特色燒海鮮-燒大頭虎蝦🍤或蒜蓉燒日本蠔🦪 我哋每人揀咗一款，虎蝦燒得好香脆蝦頭仲有蝦膏添🤩餐廳用咗日本新鮮空運嘅生蠔，特別鮮甜燒完都保留到海水嘅味道 🌟廚師精選-美國頂級牛小排150g 估唔到呢度嘅牛都幾高質，燒到表面呈微焦感，咬落口感軟腍、油花均勻😮‍💨5成熟啱啱好 🌟傳統日式主食-迷你蒲燒鰻魚丼或鱈場蟹肉冷拌鳥冬 細細碗啱唒戒carbs嘅我🤭 🌟甜品-水信玄餅（2客) 晶瑩剔透，幾得意口感好似啫喱咁 🌟飲品-香檳🍾（1杯） ◆Emperor $150 呢杯cocktail一上枱眼前一亮🤩用咗個發光嘅木箱裝住，同朋友都忍唔住即刻係咁打卡😂將whisky mix咗香蕉酒同朱古力味苦酒，好特別飲落仲有花生味😲 ◆ Gurwpufurutsu sawa (+$88)👍 呢杯cocktail將sake融入鐵觀音茶同酸甜嘅葡萄柚汁，再以蜜糖調味🍯飲落香甜易入口 ◆免治雞肉配日本溫泉蛋👍 人均價錢：$600 味道：7.5/10 環境：8.5/10 服務：7.5/10 回頭率：7.5/10 👍=必食 *所有價錢以餐廳為準 #misshcfoodie_尖沙咀 📍 room 3
地址: 尖沙咀中間道15號H Zentre UG樓1-3號舖
電話: 63618505

《🌟推介😋晴晴港飲港食 #misshcfoodie》 成日周圍食嘅我又有好嘢介紹🤭要講多次我真係好鍾意食壽司🍣😍呢間抵食又高質嘅鮨店真係要回訪🌟之前介紹過上環店，今次嚟到尖沙咀店一樣咁值得推介😉 13貫壽司omakase 包咗前菜沙律、一款手卷仲有茶碗蒸、麵豉湯同甜品，原價$736已經好抵食，宜家做緊7折優惠仲送一杯自家製梅酒😲唔食對唔住自己 🌟田園雜菜沙律 🌟️茶碗蒸 🌟13貫壽司 🍣愛媛縣蜜柑鯛 蜜柑淡淡嘅清甜味，食落好清新開胃 🍣北海道帆立貝 未見過咁大粒帆立貝😍 加上橘子汁更突出帆立貝嘅鮮甜 🍣鹿兒島間白魚 配上自家製三星漬，由麵豉醬、辣椒同米酒混合調味，食落鹹鮮帶微辣，同間白魚好夾 🍣活赤貝 師傅先拍打赤貝，等佢收縮後再食肉質超爽口彈牙😌青檸皮同柚子汁更能帶出鮮味 🍣中拖羅 👍 色澤粉嫩、魚脂豐富而且無筋😍入口即溶嘅感覺真係一食難忘 🍣 北海道根室馬糞海膽 👍 海膽甘香軟綿，食落比較清甜 🍣 左口魚邊 👍 口感柔軟，經火炙後迫出油脂，大享受🥰 🍣北海道銀鱈魚 👍 師傅話係銀鱈魚bb 肉質特別細嫩，炙燒後帶有油香🤤上面加咗柚子胡椒提升味道 🍣紫菜沙巴卷 紫菜輕輕燒過保持香脆，入面夾住厚切鯖魚 🍣深海大池魚 🍣北海道牡丹蝦 🍣文甲魷魚 🍣吞拿魚赤身 🌟 手巻 - 吞拿魚蓉手卷 👍 除咗蔥，原來仲加咗小黃瓜令口感更豐富😍仲有陣陣芝麻香 🌟 味噌湯 🌟 甜品-柚子雪葩 🌟自家製梅酒 👍 呢度連梅酒都好值得飲，唔會太甜仲要有粒粒果肉 人均價錢：$500 味道：9/10 環境：8/10 服務：8/10 回頭率：8.5/10 👍=必食 #misshcfoodie_尖沙咀 📍 鮨燐
地址: 尖沙咀中間道15號H Zentre UG樓1號舖
電話: 25671328

《😋晴晴港飲港食 #misshcfoodie》 雖然呢排減緊肥，但食甜嘢會令人開心間唔中cheat day食吓都唔係好過份啫🫣啱啱weekend去開佐敦，特登再去呢間由法國藍帶廚師主理嘅日式souffle pancake店🥞 ◆金箔Nutella 疏乎厘班戟 $158 👍 好fluffy嘅疏乎厘班戟一共有3層，上面有啲金箔點綴賣相非常精緻🤩 空氣感十足而且食落超鬆軟，‍仲有陣陣蛋香🥚配上可可豆榛子果仁醬同埋滿滿嘅金莎朱古力脆脆，甜而不膩😋 ◆ Oreo奶油曲奇窩夫 $108 Oreo控梗係要叫呢個窩夫啦🤭窩夫上面撒滿餅碎同朱古力醬仲有好多cream，超邪惡🫣 ◆芋頭粒粒椰乳咖啡 $46 試咗杯特色咖啡，咖啡入面竟然有一粒粒嘅芋頭仲用咗椰奶特別香 ◆凍鮮奶咖啡 $48 人均價錢：$200 味道：7.5/10 環境：7.5/10 服務：7.5/10 回頭率：7.5/10 👍=必食 *所有價錢以餐廳為準 #misshcfoodie_尖沙咀 📍 TERA (寶發大廈) @tera_pancake
地址: 佐敦廟街273-285號寶發大廈地下4號舖
電話: 23236655

《😋晴晴港飲港食 #misshcfoodie》 好耐無食西班牙菜，呢日突然想食就去咗中環蘭桂坊附近一間西班牙餐廳😚餐廳環境好寬敞，夜晚嚟到室內燈光稍暗，落地玻璃可以望到窗外美景🏙️不過呢日嚟到有半邊比人包咗場比較嘈，如果平時靜啲氣氛應該唔錯 ◆焦糖牛油雞翼 $89 👍 雞翼煎到好香脆，加上焦糖甜甜哋仲有牛油香更滋味，啲肉又夠滑同juicy 😋 ◆黑松露野菌芝士薄餅 $139 黑松露控見到就即刻order🤭一上菜已經聞到好香嘅黑松露味,pizza底又薄又脆加上野菌同拉絲嘅芝士🧀好有口感 ◆法式百里香烤春雞 $219 成隻雞烤到金黃色好吸引🍗😍 個皮好香脆而且充滿百里香嘅香草味，切開肉質鮮嫩兼有肉汁流岀🤤再配埋個醬汁更惹味，仲有大大份厚切薯條🍟🤫 ◆泰式奶茶味麻糬窩夫配雪糕 $129 👍 完全係驚喜之作😲無諗過成大個棉花糖好似舊雲咁喺窩夫上面☁️ 窩夫外脆內軟熟食落仲有我至愛嘅麻糬，不過略嫌太細粒🫣原來底下仲有海綿蛋糕添😮另外不得不讚個奶茶味雪糕🍦好香滑又有香濃奶茶味，同窩夫好夾 ◆腰果意式奶凍 $69 panna cotta夾雜着腰果碎，食落香滑又有口感，而且每口奶凍都有腰果味，不過我本身麻麻哋腰果🫣 ◆西班牙水果白酒 $98 👍 第一次飲又幾好飲仲要好大杯，白酒浸咗唔同生果吸咗果香，飲落好清甜好易入口 人均價錢：$400 味道：7/10 環境：7.5/10 服務：7/10 回頭率：7/10 👍=必食 #misshcfoodie_中上環 📍 Espuma (M88) @espuma_hk
地址: 中環威靈頓街2-8號威靈頓廣場M88 17樓
電話: 29736088

《🌟推介 😋晴晴港飲港食 #misshcfoodie》 食得多日本嘢，今次轉吓口味去食法國菜🤭呢間法國餐廳位於上環，裝修以暗紅色作主調、牆上掛滿七八十年代黑白相片，復古典雅又有氣氛。好適合同另一半嚟🤭 餐廳由前米芝蓮餐廳大廚主理👨🏻‍🍳將世界各地嘅食材融入菜式，帶嚟變化多端嘅法國餐體驗😍仲可以以親民嘅價錢享受添😋 ◆ Pissaladière自家製佛卡夏麵包 $128 一上菜見到以為係牛扒😂 原來係一種起源於法國南部嘅餐前菜😲外脆內軟而且用上焦糖洋蔥食落甜甜哋，再加上鯷魚同橄欖油中和甜味 ◆ Haricots verts sautes 炒萵苣 $88 法國脆青豆口感清爽，配堅果、香蔥同蘑菇片，仲有酸酸甜甜嘅蕃茄仔🍅可以癖除草青味😌再加上我最鍾意嘅半熟蛋🥚湧出濃稠嘅蛋黃汁，撈埋一齊食味道更豐富 ◆ Carpaccio de thon 鮪魚肉片 $148👍 將鮪魚切成薄得透光嘅刺身，浸泡喺阿根廷青醬、番茜汁入面再配上辣椒粉🌶️突顯出魚肉嘅鮮味，味道酸中帶微辣，十分醒胃！連食唔到辣嘅我都無停口😋 ◆ Joue de boeuf confite au vin rouge 紅酒煨牛頰肉 $278👍 經過8小時慢煮嘅牛頰肉，煮至肉質鬆化嫩滑🤤配埋紅酒汁令肉味更濃郁😍配菜仲有質感非常幼滑嘅薯蓉，食落充滿牛油香 ◆ Pavlova aux Fruits de Saison 水果沙律雪糕 $118 好少食法式甜品，呢款以蛋白霜為基底，口感酥脆輕盈，好似macaron😲 配新鮮紅莓同紅莓醬加埋雲呢拿雪糕🍦酸酸甜甜幾特別 人均價錢：$400 味道：8.5/10 環境：8.5/10 服務：8/10 回頭率：8.5/10 👍=必食 *所有價錢以餐廳為準 #misshcfoodie_中上環 📍 Nissa la Bella (差館上街)
地址: 上環差館上街10-14號地舖
電話: 95493882

《 😋晴晴港飲港食 #misshcfoodie》 已經是第二次食呢間靚景露台意大利餐廳，趁宜家仲未好熱夜晚仲可以坐室外位置chill吓😏今次嚟到估唔到仲有live music🎶 一邊聽住歌一邊食好嘢真係夠哂relax😌 ◆ Polpetoni $198 呢個其實係手打肉丸，用咗安格斯牛肉搭配意式番茄醬🍅同芝士🧀 肉質厚實而且牛味濃郁 ◆ Tonno Pizza $208 🍕 呢度岀名即叫即烤手工造嘅正宗意大利pizza😍份量仲非常多，夠3個人食添😲呢個招牌吞拿魚甜洋蔥pizza上面灑滿吞拿魚碎，再加埋mozzarella同自家製蕃茄汁🥫好滋味 。pizza係厚餅底，食落鬆軟帶脆 ◆ Salmone e Panna Pasta $218👍 用長通粉特別掛汁而且煮至軟硬適中😋每啖都掛滿忌廉同白酒嘅醬汁，再加上煙燻三文魚非常match☺️不過份量如果多返啲就好 人均價錢：$350 味道：8/10 環境：8.5/10 服務：8/10 回頭率：8/10 👍=必食 *所有價錢以餐廳為準 #misshcfoodie_中上環 📍 Abbraccio
地址: 中環雲咸街75-77號嘉兆商業大廈5樓
電話: 26333878

《🌟推介 😋晴晴港飲港食 #misshcfoodie》 好耐無食過鐵板燒，今次搵到間好嘢即刻約朋友嚟試🤭餐廳係由東京銀座日藉主廚主理，以匠人精神將食材發揮到極致🤩餐廳裝修充滿格調又有氣派，咁高質素但竟然可以以$480超值價錢食到有鹿兒島和牛漢堡嘅Lunch Set😲 🌟前菜日本季節沙律 新鮮沙律配有自家製芒果醬汁，酸酸甜甜幾開胃 🌟茶碗蒸 呢度嘅茶碗蒸有別其他日式餐廳，食起上嚟特別滑🥹原來因為師傅用咗木魚水再用60至70度慢慢蒸，非常考耐性🫣材料方面都好豐富，有蟹肉、香菇同蟹籽 🌟香煎北海道帶子👍 呢個都唔係普通煎帶子，係以土耳其製法將春卷皮切絲包住帶子煎，做到吉列嘅效果食薄外脆內軟😮再配上自家製奈良縣他他醬同鋪滿三文魚籽仲有翠玉瓜墊底中和油膩感 🌟鱈魚料理👍 未試過食到咁高質嘅銀鱈魚，原來師傅將皮肉分開煎，令魚皮特別香脆好似薯片咁🤭魚肉肉質嫩滑，配埋自家製海苔牛油醬汁、味淋，減輕油膩感 餐廳嚴選宮崎縣產黑毛和牛，宮崎縣係黑毛和牛的第二大產區，當中只有最高級嘅牛先可稱為「宮崎牛」🐮 🌟A4宮崎和牛薄燒 大理石狀紋理細緻又分明，好似雪花咁❄️以壽喜燒方式煮，食落口感軟嫩，點埋生蛋汁食更滑溜 🌟A4宮崎和牛厚燒(+$100) 厚燒和牛油香豐腴，入口即溶😮‍💨食落口肉質鬆軟而且肉味濃郁有層次，食完和牛再食日本清森縣蒜片同生洋蔥配柚子酸汁清清味蕾 🌟大蒜和牛炒飯 粒粒分明，略嫌和牛粒頗為細碎 🌟味噌湯 🌟漬物 🌟甜品- 自家製雲呢拿Gelato🍨 人均價錢：$550 味道：8.5/10 環境：8.5/10 服務：8/10 回頭率：8.5/10 👍=必食 *所有價錢以餐廳為準 #misshcfoodie_灣仔銅鑼灣 📍 三原 (Cubus)
地址: 銅鑼灣開平道1號Cubus 3樓C號舖
電話: 53943689

《😋晴晴港飲港食 》
宜家話好多人都返深圳食，但其實喺香港都可以食到平靚正嘅好嘢😏我咁鍾意食壽司🍣梗係周圍搵邊到有高質又抵食嘅鮨店😏 今次就去咗銅鑼灣，呢間鮨店推出每人$698 嘅omakase，價錢超吸引🤩仲係採用日本直送新鮮食材

🌟前菜-沙律菜

🌟茶碗蒸
未食已經見到有滿滿嘅三文魚籽😍食落原來仲有冬菇、雞肉同埋蟹柳

🌟岩手縣大船渡真蠔
比較重海水味

🌟時令刺身二品- 間八魚及慢煮鮟鱇魚肝
間八魚肉質緊緻爽韌配搭黑松露酸汁同紫蘇花，感覺
清爽😋鮟鱇魚肝用左慢煮嘅方式烹調，再係上面加咗生椒鹽，口感超軟綿

🌟和食-汁煮油甘魚
油甘魚刺身就成日食，今次換上熱食感覺好新奇🤭個汁甜甜地，有啲似燒汁，油甘魚肉質厚實，仲有紅蘿蔔、白蘿蔔同秋葵做配菜

🌟手握壽司（5貫）
🍣羽太
🍣石桓鯛
放咗柚子胡椒，食落帶微辣
🍣⁠帆立貝
🍣油坊主👍
魚油豐富肉質嫩滑，配上炸過嘅洋蔥絲增添口感層次

🍣左口魚邊 👍
魚肉細緻滑嫩，經過火炙很魚脂半溶😮‍💨

🌟清酒煮鮑魚壽司
鮑魚肉質緊實食落好爽口配埋啖啖酒香

🌟北海道馬糞海膽壽司👍
滿滿嘅海膽多到就嚟跌出嚟🤤馬糞海膽鮮甜得嚟又濃厚creamy

🌟中拖羅壽司👍

🌟和牛海膽卷👍
和牛先用火槍燒過迫出牛油脂，再包住滿滿嘅海膽😍 海膽嘅鮮甜同和牛嘅油脂撞埋一齊，仲有香脆紫菜包住，超級正🤩

🌟蜆肉味噌湯

🌟甜品-芝士雪糕👍
甜品竟然係最驚喜🤩第一次食芝士味雪糕，香濃嘅芝士味鹹中帶甜，個人好鍾意

人均價錢：$750
味道：7.5/10
環境：8/10
服務：7.5/10
回頭率：7.5/10

👍=必食

📍Sushi N
地址: 銅鑼灣恩平道42號亨利中心12樓
電話: 92842485

中意飲sake嘅我最近喺日本酒部門 @nipponshudepartment order咗3款人氣sake，仲可以即日送貨添，當晚即刻拎去同朋感覺食日本餐🍶 🍶 川亀 愛山 純米酒 沉穩米香米味，熟果襯托，酒體緊實，口感圓潤，甘辛平衡。 🍶 龍之尾 純米吟釀 優雅果香同時米味，口感隨溫度變化。 🍶 寒菊 電照菊 純米大吟釀 無濾過生原酒 黃桃，蘋果香氣，酒體圓渾帶蜜柑皮酸感，透滑口感。 訂購滿＄600免費送貨。滿＄1,000即日送貨！逢星期一、二仲有限時優惠 $628 就可以帶走3支720ml嘅sake🤩 📍尖沙咀柯士甸路15B號嘉華大廈地下B1店

《😋晴晴港飲港食 #misshcfoodie》 原來想介紹呢間燒肉店比大家，但好可惜原來已經結業🥲 本身想講啲牛有幾正但都係唔講咁多講完你哋都無得去食，睇圖算啦😂 希望佢會再開返🥹 薩摩牛專用醃醬係我自己親手製架🤭要先將碗入面芝麻磨成粉狀，再將蘋果蘑成蘋果蓉然後撈埋蔥花、蒜蓉同燒肉醬汁就搞掂！將牛塗上醃醬先燒可以提升肉味食落更鬆軟😏 ◆自慢燒肉10種盛盒 $628 有薩摩牛涮涮燒、薩摩牛里肌肉、薩摩牛腰脊芯、橫膈膜、上五花肉、嫰肩牛、薩摩牛牛五花、牛柳粒、美國和牛牛肋條各2份 ◆炙燒鮭魚壽司 ◆鮭魚親子壽司 ◆松葉蟹壽司 ◆牛油燒金菇 ◆自助飲品吧