呢排又涼返,唔想煮飯,一於約埋老公去打邊爐,近近地試下大埔呢間大滾友! 湯底見到呢個好特別👀 未試過, 所以就揀左排骨山 排骨山濃湯鍋🍲 一放上枱超有氣勢, 一座轟然直立的排骨山 (差唔多高過我個頭), 配上不斷冒出的白煙, 一定係相機食先。本來以為呢啲打卡野未必好食, 但入口又唔錯喎! 排骨炆得好入味, 肉夠晒稔, 我仲好似食得出有少少泰式香芧嘅味道, 味道層次感好豐富😋 大滾友牛肉拼盤🥩🥩 (頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花) 牛肉都好有好濃厚嘅牛味, 肥瘦均勻得黎唔會韌, 特別推介可以試下牛黃喉, 唔好淥咁耐 (5-10秒左右就夠), 入口超爽甜好味! 店長推介😍伊比利亞橡果豬👍🏼 係簿切嘅豬肉, 豬味濃厚, 由於夠簿唔洗淥好耐, 口感好好 大滾友雜菜拼盤🥗🥬 蔬菜份量好足, 仲有啲紫薯喺底, 一定夠飽啦💪🏻 手打鵝肝墨汁墨魚丸·四粒👍🏻 好驚喜, 有鵝肝釀左喺墨丸入面, 墨丸同鵝肝都好香~ 😍 鬼馬油炸鬼🤭 油炸鬼上面有好多蟹籽, 中間仲有一啲蝦肉, 索左啲排骨山嘅湯水好好食! 最後整碗木瓜雪耳糖水，好滋潤🥰 店裡面都坐得幾舒服,侍應妹妹服務細心,主動加水,總結黎講係幾滿意嘅一餐👍🏻

難得山長水遠入科學園做野，特登找間特色創意餐廳試下中菜！菜式煮法特別，值得一試！😄 小食雙拼 🔺檸檬鳳爪🔺 鳳凰爽脆，味道帶檸檬酸，是一道很開胃的冷盤小菜😋 🔺口水彈蛋（鵪鷄蛋）🔺 外層呈半透明狀，包住半熟的鵪鶉蛋黃，配香辣的辣椒醬，很新鮮惹味的配搭！ 🔺乳鴿🔺 乳鴿非常出色！最喜歡的一道菜！外層炸得香脆，調味一流，保持到熱辣辣的溫度，肉質鮮嫩，好食！👍🏻👍🏻👍🏻👍🏻👍🏻 🔺點心：拉絲啤梨 🔺 啤梨外層酥脆，口感似鹹水角的皮，裡面是拉絲芝士，一道很的骰的點心！ 🔺孜然手揸骨🔺 帶香濃的孜然味，大口大口吃肉非常過癮！外層焗得有點焦香，肉質嫩滑而且很入味！ 🔺燉湯：氣鍋雞🔺 氣鍋雞湯以茶壺上碟，造型盞鬼，奶白色的椰子雞湯很入味，還有粒粒雞肉，很暖胃。 🔺鹽焗聖子🔺 八粒飽滿肥美的聖子，鹽焗保留了最原始的海鮮鮮味。 🔺蓮藕苗炒爉肉🔺 第一次食蓮藕苗，十分爽脆，味道清甜，配鹹香十足的爉肉，近乎是金華火腿的味道，送飯一流！ 🔺列焰菠蘿炒飯🔺 上菜後待應會點火，整個菠蘿冒起火焰，非常吸晴！炒飯粒粒分明且乾身，有鍋氣，菠蘿鮮甜！🔥 甜品 🔺貓山王榴槤🔺 非常精緻的榴槤造型，其實是榴槤慕絲，味道香胃，還帶點點檸檬酸 🔺柚子花精凍🔺 啫喱晶瑩剔透，最上層鋪了幾塊花瓣，最下層是原粒柚子，味道很清爽，可一解晚飯的油膩，作為晚餐最後的甜點最合適不過。 冷泡茶 🔺白桃烏龍🔺 🔺菊花譜洱🔺 新式中菜餐廳除了每枱有一壺熱茶，更有冷泡茶選擇，夏天真的需要歎杯冷泡茶解解溫，味道清淡解渴！

成日經過Ox, 已經被佢外面的裝修吸引, 英式藍色的大牆門口加金色吊燈, 今日同老公去食lunch, 坐得幾舒服, 服務都幾好! 我地叫左一個set lunch, 有3個course 是日餐湯 南瓜忌廉湯 個湯好creamy 烤紅東星斑柳伴龍蝦尾 ＄258 調味偏淡, 主要食海鮮的鮮味 可以點紅汁, 酸酸地辣辣地 熊本A5和牛油脂珍珠米+炸薯條 估唔到個炒飯幾好食, 炒得好香 送即磨咖啡/茶/果汁, 亦可＋$28 可選生啤/紅酒/白酒 老公選了一杯紅酒, 配個牛柳 另外叫了一杯mocktail - forever $88 mocktail系列有3杯, 分別係love you forever 我選了forever, 有Cranberry, soda, Grenadino 紅莓加石榴, 味道甜甜酸酸, 好開胃 另外老公點了一道main 黑松露鵝肝威靈頓牛柳 $398 威靈頓牛柳出面的酥皮好香脆, 牛肉同黑松露鵝肝一齊食帶點點酸味, 幾有層次 配菜薯蓉軟滑 叫主菜可無限添加薯條+天然酵母手工麵包 手工麵包係牛骨髓蒜蓉多士, 牛油放係牛骨髓裡面 多士食落都好香口, 幾脆 薯條剛炸起, 熱辣辣

之前見朋友同水母一齊食飯, 以為佢地去左主題公園, 原來佢地係去左荃灣的cube O, 趁生日都特登book晚餐, 黎個同水母一齊食飯的夢幻體驗❣️ 首先一入到去, 要讚一讚兩位Waiters超有禮貌, 服務好好! 🥰 每枱都有一個小魚缸, 有唔同size的水母, 我地的座位係有一條粉紅/珊瑚色的大水母, 好似著左一條公主裙一樣咁靚的太平洋海刺水母, 台面仲有一盞小燈, 因為入面都比較黑, 應該係用黎俾客人影相/食物用的。見到隔離枱有D係幾隻小水母, 小朋友都好興奮, 呢到除左適合同另一半黎浪漫慶祝, 都好適合帶小朋友黎, 係一個好特別的體驗!👍🏻👍🏻👍🏻 我地點完餐之後, 員工同我地介紹, 可以到後面的萬花筒位置睇更多水母🌈入到去真係好似水族館一樣, 有幾條大柱, 入面有好多唔同size的水母, 加上唔同顏色的照燈, 望住咁多水母飄黎飄去,真係好治癒!🥰 欣賞完咁多水母之後, 返到座位就差唔多上好哂菜, 時間剛剛好! 老實講, 本來諗住去D有「花神野」的餐廳, 食物質素會麻麻, 但呢間的野食真係唔錯!!!!炸魚薯條同豬鞍都好好食!!!!!!!!!💯 ♦️浩海炸魚薯條配自家製他他醬 $108♦️ 炸魚皮好薄, 魚肉嫩滑, 他他醬好好食, 好香口! ♦️慢煮加拿大帶骨豬鞍 $298♦️ 擺盤吸引, 豬鞍真係煮得好食, 腍度剛剛好, 而且仲好juicy! (推介!)🅰️ ♦️美式香烤豬肋骨配雜菜薯條 (細) $288♦️ 經典的美式BBQ醬汁濃厚, 肉質嫩, 薯條炸得好香脆🍖 ♦️法式歌劇院蛋糕 $138♦️ 唔會太甜, 朱古力滑順, 食得出有好多層次, 海綿蛋糕、軟心朱古力一層一層的味道🍫

之前老公同朋友食過元朗分店話好好食, 所以今次帶我去大埔食, 串燒好多選擇, 好適合同一大班朋友黎食串燒、飲酒傾計👯‍♀️ 餐廳出面就係停車場, 泊位好方便!🚗 menu好多選擇, 串燒分左海鮮、佐酒、牛、豬、鳥(雞)、羊同蔬菜類🍖 燒和牛胸爽串 $32 炭燒豬頸肉 $22 水牛城燒雞翼(2隻) $25 極品即燒乳豬 $78 黑糖雞雞脾肉串 $24 風味燒雞腎串 $19 大蔥雞脾肉串$25 玉子燒(4件) $38 翠肉瓜 $19 茄子燒 $39 燒大啡菇 $35 燒原隻魷魚串燒$28 燒羊架 $43 Nuts $28 KIRIN-Rose $85 KIRIN-White Peach $85 一坐低, 先有一杯炒花生, 個花生好好食, 好香, 但又唔會太脆太熱氣, 忍唔住會想係咁食, 送酒一流🍺 最鐘意食玉子燒, 甜得黎好有蛋汁香🍳 魷魚成隻上, 好大塊, 好juicy!😋 炭燒豬頸肉肉質爽口🐖雞腎都好好食好脆好爽！ 燒茄子好香籽然味, 好多汁, 加埋D蔥食好惹味👍🏻 好少係出面食到成塊燒乳豬串, 外皮烤得好香脆, 咬落口份油脂出哂黎, 好過癮🤩

就快結婚紀念日，老公帶左我一間食法國菜的餐廳想不到大埔與太和之間都有一間隱世的法國菜餐廳, 看店面以為是酒吧, 裡面竟是一間法式餐廳, 菜式擺盤吸睛, 幾適合情侶慶祝聚餐打卡 order了兩個set lunch $368, 價錢適中, 包前菜、餐湯和主菜, 另外可加錢叫甜品 ♦️前菜♦️ 🔸蝶豆花木魚清湯鯛魚刺身🔸 淋上檸檬汁, 更特顯刺身的清新鮮味 🔸波特酒釀葡萄.法式鵝肝凍🔸 賣相吸引, 有香濃的波特酒味, 鵝肝凍味道濃郁, 配上水果配料, 正好中和了它的油香, 不會過膩 ♦️餐湯♦️ 🔸是日餐湯 - 蘑菇忌廉湯🔸 蘑菇忌廉湯綿滑香濃, 而且好多饀料, 滿滿的蘑菇, 好有咬口 🔸法式龍蝦湯 (+$40)🔸 鮮味濃郁, 不會過鹹, 裡面還有4-5塊龍蝦肉, 幾足料 ♦️主菜♦️ 🔸海膽扁意粉🔸 意粉彈牙, 掛滿creamy的醬汁, 仲有大塊海膽 🔸慢煮西班牙黑毛豬鞍. 焦糖蘋果🔸 黑毛豬肉質嫩, 配上椰菜花和紫薯蓉、南瓜蓉仲有陣陣的薰衣草味, 幾特別 ♦️甜品♦️ 🔸美女與野獸 (+$48)🔸 配合主題, 是一朵用荳蓉整的唧花, 待應打開玻璃瓶, 淡淡的煙下是一朵鮮紅的玫瑰花, 岩哂愛打卡的女士們! lunch set包了兩杯餐飯, 另外還叫了一杯cider & gin, 在下雨的夏天, 飲返杯cider好爽~立即消暑

跟朋友一行4人到觀塘的工業大廈食私房菜🍽️嘗味套餐（5道前菜再加8個大菜） 食得非常飽滿的一餐🥰 ♦️榮哥自家甜酸齋♦️ 第一道開胃菜是甜酸齋，腐皮煙韌，木耳脆口 ♦️前菜拼盤♦️ 🔸本地水耕沙律菜伴芝麻醬🔸 🔸雙色墨魚仔🔸 🔸茶燻流心蛋伴黑魚子醬配厚切茄子🔸 3個前菜放在一起，擺盤吸引🤩沙律菜新鮮，墨魚仔新鮮爽口，流心蛋有淡淡的茶燻香味，厚切茄子炸過好吃，香口但不油膩👍🏻👍🏻 ♦️原鼎燉龍利葉青欖柑桔黑毛豚肉湯♦️ 第一次食龍利葉煲的湯，味道清甜，好適合夏天飲，原來龍利葉是潤肺降火止咳，陽過的人飲就岩哂啦😆😆 ♦️榮哥伴飯醬鮮蘆筍炒北海道帶子♦️ 蘆筍爽脆，帶子肥美，仲有香口的伴飯醬 ♦️桂花炒素翅♦️ 金黃色的桂花炒素翅好有鍋氣，粗大的芽菜爽口加上素翅，口感豐富👍🏻 ♦️士多啤梨黑豚肉排骨♦️ ❗️必點菜式❗️ 最好食的一道菜💯首先賣相吸引🥰香脆的米餅上鋪上厚厚的黑豚肉排骨，黑豚肉肉質嫩滑有咬口，加上甜甜酸酸的士多啤梨醬汁，好食！ ♦️招牌茶王曛雞♦️ 雞肉外焦內嫩，用香片茶葉曛過，有濃香茶味 ♦️米王有機時令鮮蔬♦️ 考慮到不是每人喜歡魚湯，廚師改用米煮成的濃稠芡汁，菠菜浸在米汁中，吸收了淡香的米汁味道，別有一番風味！ ♦️大紅大紫炒飯♦️ ❗️必點菜式❗️ 好吸引的炒飯，用紅菜頭染上鮮艷的火紅色✴️米飯炒得粒粒分明，仲有紫薯同紅菜頭，香口乾身，有鍋氣，一口氣食了兩大碗😄色香味俱全💯 ♦️時今甜品♦️ 有滿滿的香濃薑味配上兩粒大大粒的芝麻湯丸，芝麻餡好足

一入到餐廳好似去左旅行咁, 好寬闊樓底高 加埋D裝潢,真係好似去左東南亞一樣😎 餐廳位於酒店內, service的確有埋酒店級水平 好有禮貌好decent👍🏻 ♦️越式串燒拼盤 $168♦️ 拼盤有雞、牛、豬串燒各兩條, 再加生菜同少少醃左的蘿蔔絲 賣相唔錯, 最好食係豬肉串燒, 豬肉薄薄一片燒得超級香同好食 如果淨係食豬, 好食到可以食10串, 而且加左蜜糖, 甜甜地又惹味 雞肉就係咖喱味, 牛肉加左D紅青椒 ♦️越式燒雞法包 $98♦️ 法包烤得好脆, 但唔會太硬或介口 入面夾左生菜、燒雞肉同蘿蔔絲 最特別係加左幾粒好辣的辣椒 令成個口感同味道更豐富 ♦️泰式海南雞飯 $148♦️ 海南雞飯都幾大碟 連埋一碗湯 味道OK ♦️芒果糯米飯 $98♦️ 個糯米飯同平時食開的擺盤唔同 分左5件上, 可以一件件食, 幾方便 平時出面食會覺得糯米太多, 芒果太少 但呢度分好哂一年有齊糯米同芒果+椰汁 芒果都幾大件 味道唔錯, 唔會太甜

九龍城真係好多小店, 今次試間日本居酒屋, 星期日的lunch time有午市定食🍱包沙律、茶碗蒸&味噌湯🍴 講講D前菜先 🔺沙律🔺有青瓜、沙律菜+車里茄, 配上柚子醬汁, 新鮮開胃唔hea👍🏻 🔺蒸蛋🔺好嫩滑, 唔落豉油都已經好夠味, 仲有竹輪D小配料, 好味😋 🔺味噌湯🔺都係飲過最好飲的, 因為唔會過咸, 平時出面飲個D湯真係好咸, 呢個調味剛好, 仲有炸豆腐絲同紫菜! 🔺西京燒銀雪魚 $178🔺 非常驚喜的一道菜😍😍😍食過咁多間居酒屋煮銀雪魚煮得最好食的一間, 首先一D都唔腥, 外皮煎得好香脆, 魚肉好鮮嫩, 油脂分佈剛剛好, 配埋沙律醬, 仲有碗粒粒飽滿的香甜白飯, 簡直完美!💯 🔺角切什錦魚生 $118🔺 魚生好新鮮, 仲有玉子燒粒, 隻wasabi配醬汁係畫龍點睛, 將成個鮮味升華🚀 🍽️整體黎講, 成間居酒屋非常乾淨, 坐得舒服, 午市性價比高, 食材高質, 一定會再黎試晚市!

weekend去科學園食brunch, 對住個草地好chill, 而且有陽光, 好寫意☀️ 另一半叫左龍蝦湯&新英格蘭龍蝦包&Americano☕️ 我就叫左法式鵝肝帆立貝龍蝦忌廉汁天使麵&鮮橙汁🍊 🔺龍蝦湯 $88🔺 好香濃同creamy, 但又唔會死鹹, 幾鮮甜, 配一小塊烤得好香脆的多士🥣 🔺新英格蘭龍蝦包 $168🔺 鬆軟的的包包住滿滿的龍蝦醬汁, 都幾多龍蝦肉, 仲有D切碎的香料, 睇落好吸引! 🦞龍蝦肉新鮮爽口, 成個配搭好夾! 仲配左薯條, 都幾香脆! 🔺法式鵝肝帆立貝龍蝦忌廉汁天使麵 $198🔺 鵝肝煎得幾香, 咬落口仲有D油脂, 有6、7粒新鮮的帆立貝,咬落爽口, 如果再多返D龍蝦忌廉汁就更好啦! 🔺Americano $40🔺 🔺Orange Juice $32🔺 🍽️整體都好唔錯 👍🏻view開揚 👍🏻服務有禮 👍🏻上菜快 👍🏻食物味道唔錯😄