我是酸奶君 (已結業)

沙田新開了 我是酸奶君，主打各類酸奶類飲品，點了一杯熱門排行榜首的 吃米酸奶 (Rich Yogurt)。飲品是即點即製的，約五分鐘後，飲品來到了。包裝有著酸奶君的圖案，飲品味道酸甜適中，質感頗為濃厚滑溜。。個人喜歡用飲管，把底下的紫米輕輕攪拌，再飲用。紫米的口感不會太硬，味道微甜，和酸奶配合得天衣無縫。而且，這杯飲品頗有飽腹感。朋友則點了益生鳳梨君 (Pineapple Yogurt)，整體味道香甜，鳳梨味頗濃郁，而且頗為大杯，份量充足。底下還有少許鳯梨肉。

平時行街成日都見到呢間酸奶君，一直覺得好特別～今日同朋友一人一杯，味道okay～～我飲左呢杯熱門排行榜Number One既吃米酸奶，除左酸奶外，杯底沈澱左一堆紫米，店員教飲之前180度上下搖6次，就會更均勻更好飲！酸奶濃稠、酸酸甜甜，有紫米嚼下，口感特別！朋友飲既係「金鑽莓莓」鮮果酸奶，一杯藍莓酸奶，入面有粒粒菠蘿，酸酸地好開胃，感覺清新，成杯紫色既酸奶打卡都好靚～～估唔到藍莓同菠蘿既配搭又幾夾，加酸奶又好味！酸奶君仲有好多唔同款式既飲品配搭，下次再飲其他先～

第一次飲酸奶係公司同事介紹～之後開始留意到大陸超市某大牌子嘅酸奶都幾好味。街鋪「我是酸奶君」，聽過有人話難飲，有人話好飲與其聽人講，不如自己試一次啦！叫左最普通嘅紫米酸奶 $29好怕加左其他味嘅酸奶，會變到奇怪左～有酸味但唔夠奶味，自己會比較中意飲杰身嘅質地。加左紫米，有D野咬下，但其實我唔係特別需要有紫米，若果酸奶嗰part夠好味的話。酸奶君未必會再買，無人講到咁好味，而且$29好細杯，加多幾蚊買杯大珍奶都得喇！

我是酸奶君⚠️食物：⭕️芒芒果海：$40份量正常，味道好似平時食既乳酪加左水果。少少甜⭕️益生香橙君：$40份量偏大，味道還好。重橙，不多果肉。⚠️環境：外帶⚠️價錢：第二杯半價 但以手調飲品黎講，原價一杯要$40少貴

超好飲的酸奶💕💕..我是酸奶君.👍🏻吃米酸奶 $29口感好得意，每啖都飲到紫米，加埋酸奶真係好正！吃米酸奶係佢哋招牌嚟㗎，個人10分推薦👍🏻香橙益生菌 $40其實有小小似橙味嘅益力多，不過就冇咁甜，飲一大杯都唔會肥！

我是酸奶君啱啱喺香港開分店嘅時候風靡一時 , 終於係沙田開分店 , 有機會試下啦 ! 新店喺沙田港鐵站外 , 地點非常方便 , 新張期內第 2 杯飲品半價 😏😏 望望餐牌 , 其實佢有啲飲品都唔平㗎 , 要 $40 一杯 , 平日大概 2:00 pm 去到 , 唔洗排隊 , 買完好快有得拎 ~ 莓果粒粒 ($39)個人略嫌份量偏細 , 飲落去係一杯幾好味 , 幾新鮮嘅酸奶 , 加咗啲士多啤梨果肉 成個感覺係幾 fresh 嘅 , 不過我覺得唔值 $40 , 如果要用正價 , 一定唔會幫襯 😅😅益生百香君 ($40)呢個係類似百香果味嘅益力_ 飲品 , 顏色好靚 , 份量大杯啲 , 望落比起莓果粒粒抵飲 , 一飲好酸呀 😵😵 ... 如果鍾意飲酸野嘅朋友可以揀呢杯 如果係怕酸 , 強烈建議揀其他飲品 , 如果唔係咁大杯唔知點飲 , 會好痛苦 😰😰整體嚟講飲品唔算好驚豔 , 價錢偏貴 , 如果正價唔會幫襯了 , 或者只會揀價錢略低嘅飲品 , 例如吃米酸奶 ($29)

今日回家返屋企，搭東鐵經沙田站，見到車站閘口外開了一間新飲品店，叫我是酸奶君。它賣的既不是黑糖鮮奶，又不是芝士奶蓋，而是酸奶。相比黑糖鮮奶和芝士奶蓋，酸奶畢竟健康得多，今次點了吃米酸奶和牛油果果，吃米酸奶是紫米酸奶，入口的口感相當rich，酸甜度適中，不會過酸或過甜，加入了紫米，口感煙煙韌韌，加強了酸奶的層次。至於牛油果果，即是牛油果酸奶。下單後，店員即時準備牛油果，然後混入酸奶放入攪拌機打碎，這杯酸奶絶對是健康之選，飲酸奶的時候，已不知不覺吃了一個牛油果🥑。

我是酸奶君 #台式飲品 #沙田 #旺角獵狗對乳酪 yogurt 係一見鍾情💕酸奶再加上紫米比起食珍珠奶茶嘅珍珠感覺健康得多而且紫米好好咬朋友叫咗芒果味而我呢就試咗原味酸奶君 $29支持原味 #酸奶君酸奶好開胃又有紫米咬下好開心🤤回購率100%🥰原味酸奶君$29入邊有紫米酸酸甜甜仲要係冇冰嘅#我是酸奶君 #區區搵食🍸🍸🍸🍸🍸🍸🤗🥰🥰🥰獵狗推介指數🌕🌕🌕🌕🌕 #飲品 #yogurt #吃貨 #新品 #starbuckshk #drink#hkig #hkfood #like4likes #likeforfollow #foodiecoupletour #香港情侶日常 #hkblogger #hkfoodblogger #hkfoodlover #couplethings

當你係香港飲茶飲果汁飲到悶悶地，真係睇到都未必想試，今次係沙田火車站就見到*我是酸奶君*，諗諗吓又未試過，飲奶茶果汁就叫得多，酸奶就真係令人特別衝動想試一試，所以即刻叫左一杯熱賣首選吃米酸奶同埋莓果粒粒，雖然佢位於人流旺嘅火車站，但係舖位置都唔多人行來行去，可以慢慢品嚐兩杯飲品。一啖一啖咁試吃米酸奶，果然係熱賣，酸奶味香濃又唔會太甜，加埋米粒口感特別又有趙口，的確值得推介！而莓果粒粒入面又足料又有勁多果粒，酸酸甜甜入口有濃烈既草莓味，又不會搶左酸奶既味道配搭得不錯。飲品份量都十分適中，又唔會過大又唔會太小，非常合適飯後甜品或者經過買杯慢慢嘆野飲。

小妹我真係好好好中意飲酸奶架，依家香港都漸漸開多左有酸奶飲既手搖店，對我黎講絕對係好消息平時都係九龍區見到呢間酸奶店，估唔到依家開到黎新界沙田呢邊啦！！！同朋友食完飯，未食甜品，一於就將呢個quota留俾『酸奶君』啦~~除左有新添既口味，仲有呢間分店既限定口味添見到有分店限定，係牛油果口味啵，一於trytry佢先而朋友就揀左杯 吃米酸奶奶蓋原來依家因為新開張，第二杯（價錢較低）有半價優惠添啊order左之後就見到店員將牛油果加入酸奶ㄧ，然後開機搞拌等左幾分鐘，我地既酸奶都拎得啦平日都係飲開牛油果奶昔，牛油果酸奶就真係第一次炸估唔到香濃得黎又因為酸奶既微酸而變得唔漏，飲曬成杯都唔會覺得濟住濟住咁朋友一向中意食紫米，佢對佢呢杯有紫米係底，表面有奶蓋同oreo既酸奶都評價甚高嘻嘻，我地一拎上手，唔洗20分鐘都經已飲清光嚕

窮遊香港-酸奶第二杯半價.我是酸奶君 近排係咁開分店終於開到黎沙田 近近地走左去飲依家有新店優惠 第二杯半價同埋有沙田限定飲品 牛油果果（餐牌睇圖）.⭐️吃米酸奶（同上次評價一樣）👍🏻奶味幾香 酸甜平衡做得好好（唔會有過甜 過酸既感覺）👍🏻而紫米口感做得幾好咬但今次冇冰 所以最好15分鐘內飲如果唔係暖左唔好飲咖.⭐️牛油果果口感幾順滑 冇草青味 但酸奶味就唔太覺有.#我是酸奶君 (沙田）地址：沙田港鐵站SHT 34號舖.⭐️評分：味道：4/5環境：-/5服務：-/5抵食：4/5.

除左黑糖珍珠奶茶之外，酸奶也是我杯茶😍自從係旺角第一間店飲過之後，就成日都好想飲，不過工作地點就唔係咁方便出去旺角，但現在分店愈開愈多，最重要係有一間係沙田火車站，就是平時番工/放工轉車必經的地方！以後吃酸奶就方便多了！在官網見到沙田分店星期六開張，而且下午3-5這時段做「買一杯送一杯吃米酸奶」實在太吸引了！因為今日開張會送吃米酸奶，所以今次點了一杯「莓果粒粒」試下。草莓加上酸奶真是一個完美的配搭，而且仲有新鮮的士多啤梨果肉😋

這天和朋友一同前往沙田逛街，沒想到於港鐵站附近開了一家最近大熱的酸奶店，我是酸奶君。較早時間已於尖沙咀飲過， 也就是令我一試難忘的，這次我也強烈推薦朋友好好品嚐一下。我們點了吃燕麥酸奶和莓果粒粒，一人一杯。吃燕麥酸奶，酸奶比例剛剛好，入口帶點酸味，配合燕麥令整杯飲品更加健康，對心臟和血管也有莫大幫助， 真的把食療帶進了生活。另外朋友點選莓果粒粒， 酸酸甜甜的味道，酸味除了酸奶的味道外，更帶有果香， 整杯飲品分外開胃， 雖然甜度和冰的份量早已預設，但沒想到竟是如此配合，可見得酸奶君的用心製作。 更發現沙田店限定飲品，喜愛牛油果的朋友也可一嚐。

之前見好多人介紹「我是酸奶君」，終於喺沙田有分店🥰店舖位置好方便喺地鐵站隔離就係！估唔到可以有咁多配搭，好養生啊😛————————————————————1️⃣吃米酸奶 $29 唔好睇佢細細杯吖！其實好足料👍🏻有三分一都係紫米，不過唔知係咪凍飲關係，所以比較硬身😳酸奶方面唔會太稀或者太杰🍼甜度可以自選，不過我覺得正常甜度都唔會太甜～2️⃣益生香橙君 $40 飲品入面有新鮮橙嘅果肉🍊食到最底都仲有！不過溝左少少橙汁同埋果肉，所以會令到酸奶比較稀唔係太夠味🤣🔸優惠：第二杯半價！

食完飯行過見到呢間新舖幾得意，酸奶手搖我真係未飲過，見有優惠就多杯請同事飲順手還咁d人情債😚。同事唔講唔知，原來呢個牌子係人氣飲品，同台式飲品一樣方便同大杯，唔同嘅係佢比平時嘅台式茶多好多果肉，亦有酸奶呢類有助腸道健康嘅飲品。🔆吃燕麥酸奶 - 質感厚滑嘅酸奶個底有d紫紫地嘅係紫米、黃黃地嘅係燕麥，感覺好似飲緊紫米露酸奶版，營養豐富又好味！🔆益生香橙🍊君 - 呢杯Top 2飲品，外觀上已經望到整杯都充滿果肉，一開蓋就好香鮮橙味～開胃有益！門面有個好大嘅QR code，原來係Pre order嘅link，好似連鎖咖啡店咁，搭緊車落定order，到站一出就攞得，慳唔少時間呀！