影片
港鐵太和站 A 出口, 步行約11分鐘
繼續閱讀
電話號碼
26825425
附加資料
最後下單時間 15:00/21:30
營業時間
今日營業
12:00 - 15:30
18:00 - 22:00
星期二至日
12:00 - 15:30
18:00 - 22:00
*逢星期一休息，紅日將順延休息日
以上資料只供參考, 請與餐廳確認詳情
一段時間沒有到來，但水準仍保持一貫的高。今天非常幸運，門外竟有錶位泊車，而無需泊較遠的停車場。中午未到12時，門外已有人龍排隊預備入內，開店不久已坐滿，遲來的唯有等下一輪了。今天我點了”極上魚生丼御膳”，首先有沙律、湯、蒸蛋、前菜，蒸蛋是我喜歡的，口感非常細緻，之後到主食丼飯，赤海老及帶子非常新鮮，海膽、三文魚籽、碎金鎗魚腩拌飯好鮮味，份量足，每次到來都沒有失望，而價錢亦非常實惠，性價比高，值得再來。
繼續閱讀
撞啱朋友生日，另一位友人係呢度翻頭客，推薦住北區嘅我哋一同去試！居酒屋位置唔算好多，不過今晚都係唔滿客，大概3 group人，20位左右。我地一行7人，都叫咗好多嘢食，魚生、熟食、沙律、天婦羅、烤豬牛、鍋物⋯⋯總括嚟講全部都無！伏！，可以放心試哂唔同食物。值得highlight係個魚湯🤩，我哋叫咗5碗，另外一鍋同一份魚湯烏冬，實在太出色，真係每人飲咗一碗有凸！個天婦羅蝦頭出色！埋單7人$2000幾，抵食！
繼續閱讀
落街搵野食，唔知食咩好嘅時候，就幾掛住間人潮洶湧嘅御和亭。今次終於有機會同三五知己去攞位，撈下呢間嘅好味到底有幾正！🤤首先，牛蒡質感幾得意，脆口酸甜，刺激下味蕾算係開場白。至於枝豆，第一份有啲過咸，唔過順嗲嘴，轉瞬間已經攞光光。第二份就岩岩好，清新自然，得閒唞兩粒都幾嘆。😌串燒環節，哥哥，燒雞髀係明星級別！肉質嫩得滑，每啖都飽滿咁彈牙；燒墨魚仔做得幾好，唔會硬梆梆，話晒加上青檸就幾有提味。而其他雞內臟系列我就pass咗，聽朋友講都幾正。👏講到丼飯🍚，米粒粒分明，魚生片片新鮮厚切，幾滿足。只係個玉子差少少，要甜啲先至上心頭。話說返，今晚嘅扛把子非壽喜燒和鰻魚炒飯莫屬！壽喜燒嘅湯底夠晒醇厚，牛肉滑溜，飲落去暖笠笠。而鰻魚炒飯嘅燒汁香味簡直霸晒口，鰻魚滑嫩，每粒飯珠都包裹住濃濃日式燒汁，不得了！至於豚肉炒烏冬，開始覺得平平無奇，但後來發現底部嘅醬汁，混合後整體味道得嚟又香又滑，烏冬呢，夠彈牙，略嫌豚肉平庸。總括嚟講，今次食飯體驗中上，好過中也算係滿意，和朋友一齊共度愉快嘅時光，呢個就係最正嘅啦！🥳
繼續閱讀
今日要出大埔做嘢，上網搵左依間餐廳，午餐覺得好抵食，而且魚生新鮮，好味🤤好彩有訂定位，去到間餐廳都幾受歡迎，非常滿座， 大家想試記得要預先打電話訂位阿，可以揀12點或者 1點，用餐時間為一小時。所有御膳有前菜、沙律、 蒸蛋、 湯和御飯。 最好係午市係免收加一阿！ 價錢概當抵食， 難怪坐無虛席，可見非常之受歡迎。御和亭魚生丼御膳 $88魚生飯配料充足，有三文魚、油金魚、玉子 蟹籽、青瓜和粒粒厚切魚生。魚生加上爽脆嘅青瓜，蟹籽，口感清爽，新鮮足料。赤海老亦大隻， 食完好滿足。餐廳魚生飯底有加芝麻，令香氣倍增，食用時能感受到粒粒芝麻，層次更豐富，大食嘅朋友仔更可以要求加飯。
繼續閱讀
💁♀️💁♂️ 5/10/2023(Thu), Dinner🍽之前都講過大埔太和附近都有唔少餐廳小店，比起商場入面嘅大集團嘅連鎖式餐廳，喺呢邊食飯隨時有驚喜，今晚為食妙妙同A先生去咗間唔錯嘅日本🇯🇵餐廳食晚飯，順便慶祝🍾週年紀念👫。平時我哋路過都見到餐廳好多時都要等位，今晚可能我哋都比較接近關門時間去到，所以都立刻安排到座位入座。餐廳裝修平實，沒有太花巧嘅裝飾，座位尚算濶落。場內播住日文歌曲🎵，進食環境同氣氛都好輕鬆。而今晚我地order咗：🔆 料理長推介八品刺身拼盤（$528）八品刺身包括有帶子、三文魚、魷魚🦑、拖羅、吞拿魚赤身、赤蝦、油甘魚同埋池魚，每款兩件，切得都算厚身。食落新鮮，唔會話雪到無晒魚味。赤蝦爽口彈牙；拖羅油脂豐富，入口即溶；赤身則魚味濃郁；三文魚油脂分布平均，入口嫩滑。🔆 御壽司🍣八貫（$248）壽司八件嘅魚類同刺身拼盤的分別不大，同樣地都係新鮮好食。壽司飯握得剛好，唔會太實或者太鬆散。🔆 螢光沖漬魷魚🦑（$53）鹹香爽滑，一口一隻要嚟伴酒一流。🔆 燒日本青森豚肉蘋果串（$60）豚肉片包住一粒蘋果肉，燒得金黃，入口鹹香再加上蘋果嘅爽脆清甜，兩者互相配合，味道很搭配。🔆 燒煙肉🥓廣島蠔🦪串（$68）比起之前嘅豚肉，煙肉🥓同廣島蠔🦪嘅味道都比較濃一點，廣島蠔燒得剛熟，入口仍嫩滑有蠔汁。🔆 鹽燒雞胸軟骨（$48）比起一般雞軟骨，呢個雞胸軟骨除咗有軟骨嘅脆口之外，仲帶有一點雞胸肉可食，口感比起單單雞軟骨豐富。🔆 燒三文魚頭（$98）落單時店員推介嘅一道菜式，三文魚頭燒得香口，魚頭內骨膠原豐富，而且入口滿滿的魚油香氣。🔆 獺祭純米大吟釀（300ml, $168）甜甜哋易入口，配返今晚嘅食物都好夾。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：9/🔟❤🙆♀️(為食妙妙)整體食評：9/🔟👉🏻 以食物質素同份量嚟講，價錢合理。有少少失預算係估唔到串燒係一客有兩串，A先生落單時無問到以為係逐串計，點知上檯係有兩串🙈A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 餐廳門口就唔少錶位🅿️，等一等好快有得泊👉🏻 太和站或者大埔中心行過嚟都係10分鐘左右路程，交通尚算方便🔆🔆🔆🔆🔆🔆🔆🔆🔆🔆🔆🔆🔆
繼續閱讀
您可能會有興趣的...