巴希雅海灣重慶燒烤

營業中

休息中

今次同班朋友嚟燒嘢食，一行五人我哋揸車入嚟泊低咗喺巴希雅嘅燒烤場停車場佢個停車場係包一個爐泊一架車每架車免費泊4小時超時之後$20一個鐘$228一位 $50開爐費飲品任飲，有汽水有茶有啤酒但係有少少扣分係飲品唔夠凍已經擺咗喺雪櫃入邊都唔夠凍我飲茶就冇乜所謂，不過朋友們飲啤酒就覺得唔夠凍爭啲佢哋個場好大，變咗每次行去攞嘢食都行得比較遠嘢食款式同味道都唔錯廁所只係得踎廁，見到有長者去洗手間唔係咁方便衛生情況還可接受可能琴日去到冇乜風，而佢哋嘅風扇亦都唔夠多一路坐喺度燒嘢食好大煙好焗可能下次會試吓第二間😅

第一次過黎呢間自助bbq, 星期六中午時間過黎唔算多人，感覺好唔錯。有免費4小時泊車，3小時任食，我地一下拎左好多串燒，食左接近2小時已好飽。野食都係d普通野，有好幾款腸仔，最正有漢堡扒，其他例如牛丸墨魚牛仔骨等等不過不失，飲品可以任飲，總括嚟講都推薦。

特登係大埔站坐小巴入大尾篤BBQ，等小巴都等左15 分鐘，落左車之後行5 分鐘左右就到。一人150 蚊左右，話限時3 小時，但果日星期六人流品係好多，遲左30 分鐘左右走都無計超時錢，幾好。睇到人地燒香蕉好開心，我都燒埋一份。三個人都係分到一條香蕉，但其實都夠食，燒完拎比前枱，佢地會加朱古力醬同彩色糖碎落去。賣相好好既，但唔知係味我燒得太耐，d 朱古力好快溶晒，變左水狀，就怪怪地😂。其實食物quality 都好好👍🏻，比一般燒烤店（麥師傅）新鮮。 仲有好多飲品選擇添（最緊要有啤酒😂）

話說這次我去咗一間名氣響噹噹嘅飲茶樓試下佢哋家嘅點心，好期待㗎！一落座，添喜心水嘅鳳爪就先上咗桌，啖啖入味，腍滑得嚟又冇失嗰份香口，真係一流！再嚟就係嗰碟金黃可口嘅煎蘿蔔糕，外皮脆卜卜，裡面又細膩得滑；真係好夾呢！鹹香鹹香嘅，一口接一口，停唔到口。講起蝦餃王，一啖咬落去，蝦肉彈牙得嚟又鮮甜，皮兒薄透光，可以睇到裡面整隻蝦擺嘅明晃晃，揪心！小籠包呢，一咬開汁兒就四濺，肉餡鮮美得令人一嘆服。至於個人最愛嘅腸粉，滑溜溜又富有彈性，搭埋醬汁嘅鹹香，簡直絕配無雙！飲茶嘅環境唔錯，寬敞嗮，加上幾杯香濃嘅茶，仲有啲什麼好求呢？最後，個甜品燉奶真係錦上添花， creamy嘅口感加上淡淡嘅甜，啱啱好完美收官。呢次食得好開心，下次仲會再嚟揾佢呢些“飲茶小寶”仔仔！🥢🍵🥠

飲品部，電公仔麵頭個短髮呀姐，真係沒有很惡劣只有更惡劣，我哋成班同事去，講到明係任飲任食，去攞罐嘢飲，對我哋呼呼喝喝，啲嘢飲又唔係啲乜嘢貴嘢，好似爭佢錢咁嘅樣。一啲禮貌都冇，附近咁多燒烤舖，啲客唔係淨係要去佢呢一間，基本禮貌都冇，真係唔怕流失啲客喎，去食餐BBQ仲要受氣，貼錢買難受，唔信嘅人歡迎你哋去幫襯佢，但係唔好揀大時大節生日嗰啲囉，去到唔係食飽，係嬲到飽，唔好講啲嘢好唔好食先，成肚氣食龍肉都冇味啦。個老闆有呢啲員工真係多謝晒！

一個人的快樂！沿途風景慢慢欣賞🚴🏻‍♀+️🥩，每次入嚟，一定要過來食三樣嘢，三件牛仔骨，N片豆皮，兩嚿番茄食幾多唔緊要，至緊要啱口味🤭。三五知己，小酒喝喝，烤肉吃吃，人生就是那麼簡單而快樂！約起來

我最近去了香港的巴希雅自助燒烤，真是個選擇豐富的地方！🤭🤭這裡有各種各樣的肉類可以選擇，包括我最愛的雞翼、牛仔骨和羊扒等等。而且，炭火燒烤的味道真的很棒🫣🫣首他們的肉類選擇非常多樣化，你可以根據自己的口味和喜好自由選擇。我特別喜歡他們的雞翅膀，外皮烤得香脆，內部肉質嫩滑多汁，每一口都帶來滿滿的滿足感😽😽牛仔骨和羊扒也非常美味，肉質鮮嫩，口感豐富。他們還提供各種不同的調味料和醬汁，可以根據自己的喜好調配，讓每一口都擁有獨特的風味。炭火帶來的熱度和煙燻味使肉類更加美味，增添了一種特殊的風味😸不過，如果要提一點不足之處的話，就是這裡的燒烤區域沒有遮擋物。因為炭火燒烤需要高溫，所以站在附近會感覺有些炎熱，尤其是在夏天。如果有遮擋物可以隔開熱氣，讓用餐環境更加舒適，那就更完美了😍

疫情前，每當半晝返工，下晝都會跟朋友過來大美督踩單車，再在巴希雅食重慶燒。這天，有朋友從澳門過來，於是特意駕車帶他來跟我重遊舊地，踏完單車再享美食。想不到幾年間，巴希雅海灣重慶燒烤仍保持應有水準，仍有那種相聚歡愉的氣氛。忘了之前價格是多少，今次到來，入場費每位$218一位3小時，免費泊車4小時，真是假日優閒遊車河好去處。😙😗價錢相宜之餘，當然最緊要是食物味美。食得燒烤當然唔少得肉串，我總覺得巴希亞的肉串醃製得非常入味。之前你已經好鍾意食雞軟骨，估唔到今次嚟有醃製羊架， 十分入味。非常值得一讚！😁👍🏻當然燒烤唔可以淨係食肉，所以都會燒下啲蔬菜，每次嚟我最鍾意就係呢個燒韭菜，但係燒韭菜一定要注意火候。😎😎而我最愛亦少不了蒜蓉包，烘一烘，很快就吃了幾塊，不經不覺驚又重了幾磅呀，哈哈。😂😂入場時，會獲發一張卡仔，可以換取2人份蝦、青口1份、金菇1包、菠蘿2件，以及香蕉1條。以前過來，很喜歡小香蕉，可惜今天香蕉售罄了，換了4件菠蘿，呢個都係賣飛佛☺️☺️巴希雅海灣重慶燒烤地址：大埔汀角路龍尾村103A號地舖

是日出開去大埔行，索性夜晚入大尾篤燒烤，每年都會入去至少一次BBQ，大尾篤燒烤場幾多，但好食、性價比高的，一定首選係巴希雅。位於龍尾村的巴希雅場大爐多，食物款式豐富，菜類(冬菇、韭菜、洋蔥、燈籠椒、青尖椒、粟米、南瓜、京蔥等等)同肉類(各類丸腸、羊架、牛扒、T骨、雞全翼、多春魚、魷魚、雞軟骨、雞腎等) 種類比例大約係三七或四六，每位收費218元，爐一個50元，任食任飲三小時，飲品款式有十幾二十款，最重要係相當相當優惠! 取食物同燒烤爐有一段小距離，因此每次都要拎個盤和夾子行過去取食物。食物大部份都用竹簽串好了，燒起來相當方便，也相當美味!除此之外，每人都會有蝦青口一份、菠蘿、香蕉同埋芝士蒜蓉金菇。

今年第一B，竟然係夏天去bb蕉🍖🍖🍖呢間係三訪，最方便一串串pre ready好，唔洗用燒烤叉燒，而且食物種類多，連香蕉都有得燒，如果有埋朱古力醬就更正啦🍫#丸目測有10隻唔同款，芝士丸必燒，中間咬落去爆芝士，要小心🤣龍蝦丸🦞、豬肉丸、芝士腸、紅腸、雞肉腸等。#肉類燒雞翼我鍾意食💜雞全翼雞中翼都有，羊架、牛肉、牛仔骨、雞肉、雞腎、五花腩、豬頸肉、魷魚🦑仲有好多不能盡錄，最鐘意牛仔骨同羊架，唔會醃得太咸，啱啱好！保姆兄就最鍾意食 #多春魚🤣#菜類雞髀菇、冬菇、大葱、韭菜、翠玉瓜、青椒、茄子、南瓜呢啲基本嘢全部都有，不過燒菜嘅時候好容易燒到乾柴，所以餐廳仲提供杯水，俾我哋燒既時候加落去，仲有 #燒菠蘿🍍，勁正，好juice又甜~飲品都茶、汽水、果汁、涼茶、啤酒🍻仲有雪糕🍦不過要額外收費，一班朋友一齊去bbq，絶對係多選擇又好玩～#不過我廚藝不精，燒到燶曬😂😂😂收費：成人$218+50開爐費，價錢合理，燒成晚都得呀喂～

今日同朋友係大美督踩完單車🚴就黎左巴希雅海灣重慶燒度食dinner燒烤 🍖 我地星期日6:00左右黎到 人流未係好多 不過場地好大煙同好熱 夏天黎可能會比較辛苦 巴希雅最好既地方係可以放係枱上面一邊燒一邊傾計 唔洗咁辛苦 任飲任食3小時 可以免費泊車 我地一行5人仲加左$50開多個爐 ✌🏻野食選擇都好多 而且望落都好新鮮😋有芝士腸 厨師腸 白果 燒牛柳 燒蒜頭 牛仔骨 羊架 雞軟骨 雞腎 雞中翼 鴨胸 丸類 菇類 墨魚 魷魚 海鮮 蔬菜 菠羅 香蕉 面包等等最好食一定係燒牛柳 真係冇得頂 我一個人都食左10串左右 入口即融 D野食調好味都仲有辣粉可以加 另外仲想推介韮菜同燒香蕉 真係好好味 整體黎講:方便抵食 🏠 巴希雅海灣重慶燒烤🌐 大埔汀角路龍尾村103A號地舖

服務好，有驚喜👍👍👍店員給我們試他的半邊即埸燒的燒鷄，皮脆肉嫩，肉汁多，確實好味，其他服務和環境我都十分滿意，而且平日，任飲任食，人均才250左右，唔洗煩，嗰度啲蒜蓉包我十分欣賞，值得一去！

每次想BBQ都會諗起巴希雅🍢旁邊有停車位 不過唔大如果無位可以泊係對面沙灘個停車場食物有竹籤預先串好左建議自己帶調味料去 個到無提供每枱會有一條香蕉 🍌燒完可以出去加朱古力醬🍫有小量熟食 我地拎左燒賣茄子🍆好大條食物無乜味 普普通通坐最入會方便拎野食多啲平均每人$250左右話貴唔貴 又唔係平 中規價錢勝在有氣氛 😊⭐️CP值;⭐️⭐️⭐️👩🏻回頭指數;👩🏻👩🏻👩🏻📸打卡比分;📸📸📸

#燒蕉你試過未😆#巴希雅海灣重慶燒烤其實成日踩單車經過巴希雅🚴每次walk in 都唔成功次次等太耐都果斷放棄 今次鳴謝朋友Carry我隻懶鬼一早安排好哂行程✨😆踩左幾個鐘再食餐好既🤤三小時內一個價錢任食 講得出既肉都有 （豬牛羊）講唔出既燒香蕉 我都真係第一次見燒到成條蕉黑晒 再比職員處理 剝開蕉皮嗰一刻成條蕉白雪雪完好無缺 加啲朱古力醬 好amazing 😝童心未泯🤓🤓雖然燒烤場一定大煙但都好乾淨企理 區域分明分開左拎嘢食區同拎嘢飲區 一個價錢全包 都唔錯幾抵食任飲任食 每人$198 另加開爐費$50 開爐費按爐收費#圍爐#bbq#踩單車#大尾篤#大埔#燒烤#聚餐#mrsgufoodie#foodie#hkig#hkfood#foodie#18區美食#relax

整體上好企理. 有得泊車, 厠所洗手間乾淨過對面間麥師傅好多. 成個場都感覺有心做. 安排又好. 最感動係1) 佢用比較高檔但環保D既餐具, 感覺高級. 2) 佢有燒朱古力香蕉,我地自己帶有棉花糖黎,都肯比朱古力漿同幫我地燒. 小朋友超LIKE 呢度 3) 都係有比較先先知呢間原來食物真正自助. 個場雖然好大. 但好有心. 肯做肯執. 算乾淨. 真心如果你要一班人有個比較好既 FOOD DINNING EXPERIENCE, 真係早小小訂呢間. 千萬唔好中伏去對面稱1500 位但污糟零服務個間. 呢個係我呢1/1 同24/1 去左兩個場既比較. 要係度留返個言讚下巴希雅(去完麥X傅你就明) .. 食物OKAY. 可以再改善下. 但種類多好多