巧得鍋

有說本地餐飲業生意每況愈下，如果唔想將來只得食嘢只得大品牌選擇，真係要一齊多啲撐本地餐廳，尤其是小店！是夜來到觀塘工廈入面的一間餐廳，喺而家「任食橫行」的時候，呢間餐廳竟依然做散叫餐，可見餐廳對自家出品相當有信心，今次一於試佢的雞煲＋打邊爐set先！餐廳的巧得set包咗前菜、一款鍋物、一款肉類拼盤、海鮮及其他配料，以及一款特飲。鍋物除咗有火鍋湯底外，仲有雞煲、烤魚，食完雞煲再加湯打埋邊爐。肉類拼盤有牛、豬兩款選擇，每款設4個部位的肉肉，試下不同口味；海鮮有帆立貝、刀貝、廣島蠔等；其他配料除咗蔬菜盤，仲有餃子、丸類等，除非你想叫多啲配料試味，否則基本上一個set都好飽肚。雞煲辣度揀咗BB辣，雞肉分量、味道都幾好，比較抵讚嘅係，雞煲無乜油花，好清，就算之後加湯再打邊爐，都唔會覺得啲油浮晒面咁。牛肉拼盤有牛頸脊、牛肩胛、牛柳粒等，當中令我比較驚喜的係牛柳粒，係4款牛肉之中牛味最為濃郁，其次就係卷起來的牛頸脊；要注意擺喺底部的牛肩胛，因為肉質無乜油花，所以不宜灼得太長時間，容易變韌。帆立貝、刀貝等海鮮亦見fresh，惟要好掌握到timing，過熟即刻變得好韌。檸檬青蘋果梳打特飲以青蘋果蓉、蝶豆

早排系觀塘發現到－間幾抵食既雞煲👍🏻👍🏻等我開心share 下先🤣我地揀左：🌟招牌二人雞鍋餐🌟 $168入面有：✨招牌雞煲（半隻雞）✨雞煲既秘製醬汁好濃稠，食落麻味十足，辣味鮮香得梨仲帶有點點甜味👍🏻隻味有d深度，唔會剩係得個死辣加上佢既辣度系可以揀既🔥想食幾辣就幾辣🌶️任君選擇，夠哂彈性；由於我同我阿媽都唔係啲好食得辣嘅人，所以我哋揀咗BB辣🌶️🤣雞煲入面d雞嫩滑得梨又多汁，仲－定冇偷工減料（肉肉都幾多下）；加埋基本配料莞茜、洋蔥、尖椒🤣全部煮到入哂味，索哂汁，真係惹味🌶️到不得了，送飯－流👍🏻✨魚湯娃娃菜✨魚湯超級鮮甜，娃娃菜亦煮得夠淋身同入味👍🏻白飯2大碗飲品揀左：✨檸檬青蘋果特飲✨ 跟餐價$10呢杯特飲青蘋果🍏味比較突出，味道酸酸爽爽，醒神開胃✨鮮果特飲✨ 跟餐價$10果味香甜，夠哂甜蜜💕呢個雞鍋又真係巧得👍🏻今餐又係好抵既－餐呢😍除咗雞煲之外，呢度仲有好多特色火鍋湯底；清湯蘿蔔牛腩鍋、滋補花膠燉竹絲雞鍋、海鮮鍋、酸菜魚鍋、邪惡牛雜鍋、招牌烤魚鍋．．睇落都好吸引🤩睇梨下次要再過梨試埋先得🔥巧得鍋📍觀塘成業街15-17號成運工業大廈1樓12-14號舖 港鐵觀塘站 B2出口,步行約2分鐘

我今日去觀塘辦事，順道約同好友去位於觀塘成業街15-17號成運工業大廈一樓112-114室的巧得鍋食午餐，環境舒適，坐得舒服。我點左個巧得午餐2人煲：招牌雞煲（半隻）$178，配魚湯浸娃娃菜＋兩碗白飯。餐飲係鮮果特飲（奇異果蓉、鮮雜果及薄荷葉）$15（跟餐），和菠蘿沙冰$15（跟餐）。熱辣辣的雞煲上檯時，已經香氣四溢，再在爐上煮滾，更加令人食指大動。雞肉嫩滑又好味，配菜豐富；菠蘿沙冰的菠蘿味濃，鮮果特飲好清爽。

好耐冇食過雞煲喇！行完街搵咗附近隱世工廈內這間飯堂，Menu百款食物選擇有客飯、雞煲及火鍋一班人聚著適合不過，而且出品快靚正～仲有自家工場製成品零售🥗每客人先奉上沙津🥒涼拌青瓜$22先來個開胃菜，醃得爽脆醋酸味較重🐔招牌雞煲（半隻）$178 微辣色彩雞煲香氣撲鼻😶‍🌫️～秘製香料吸收雞件內加埋🫑彩椒、香菜等…啖啖肉既雞味道唔會太鹹，極滋味下飯一流！🥬配鮮甜魚湯娃娃菜，奶白濃濃又有營養，仲可以飲埋🌿🌿🌿🌿🌿🍊 柳橙泡茶🍑白桃泡茶手工冷泡果茶，解渴清爽

本身想食佢個招牌雞煲，但琴日食太油膩決定清清地打個邊爐～我地叫咗皮蛋芫茜鍋$78、白膳$108、牛肩胛$128同埋日本廣島蠔$68（都有6隻咁多㗎），好快就上菜～湯底好足料，莞茜同皮蛋呢個組合好清甜～牛肉雖然薄切都有牛味，廣島蠔淥完真係新鮮好食！最令人驚喜嘅係佢地送咗我地涼拌花膠，完全冇收錢，食落膠質滿滿～我地仲試咗佢地嘅熱情果沙冰$35，好解渴～PS佢地同出面一樣，醬油茗茶費要收錢，$18一個人。

今日星期六難得放假，就去左觀塘巧得鍋食雞煲二人餐（$198）雞煲調得好入味，BB辣 岩岩好 好味，份量算大份，連杯野飲都大杯。環境都OK .店舖寬敞，坐位夠多，坐得都舒服。職員服務態度好好，有禮貌，有笑容😊，我果日係星期六上去食，假日人流上菜速度快。整體依間算抵食，雞煲調味出色，份量大，唔洗返大陸都食到平靚正二人雞煲。值得撞介👍🏻推介指數：食物：🌟🌟🌟🌟環境：🌟🌟🌟🌟服務：🌟🌟🌟🌟🌟價錢：🌟🌟🌟🌟

位於工厦雞煲火鍋雞煲好入味趁熱好好食，汁液濃郁加埋配菜好香，令到人食到唔想停口，半隻雞份量都好多，夠哂三個人食，仲要係招牌雞鍋，難怪咁好食食到咁上下加湯就開始淥野，冬菇，冬瓜同皇帝菜都好適合打邊爐食，湯底又入味，推薦食海蝦一隻隻串住放落去淥好快熟，蝦肉好新鮮好易入口，蝦隻每隻都好大隻，日本水飼豬腩片都好鐘意，我都食左唔少，百花釀豆卡其中的餡料好多，蝦肉味道唔錯，又大大粒，魚片頭好香，流心玉米丸里面餡料多又大粒，稻庭鳥冬淥一淥就食得餐前餐後有小食甜品送好貼心，青藤椒涼拌花膠好食，如果你係鐘意小辣既就要試下味道，食完又送荔枝雪米糍，飲品有鮮榨哈蜜瓜汁，好新鮮即飲又大杯，仲有兩杯紙包飲品其實隱藏左係工厦既食肆都唔差，店員都好有禮貌同回應速度十分快，場地都乾淨同位置近地鐵站，幾適合一班朋友聚會

今晚同一位住響東九龍嘅朋友食飯，我就想坐得舒服啲，而佢就想食雞煲，最後我哋就揀咗去觀塘嘅巧得鍋食晚餐。🍗 巧得招牌雞鍋（半隻、小辣） $168個雞鍋超級香，料頭超足，仲有紅椒、黃椒、芫茜、洋蔥等🍲果然真係「巧得👍」雖然係半隻雞，但係肉嘅份量唔算少！等我哋之前仲擔心嗰份量唔夠添🤣🥩 牛肩胛（小碟） $128牛肉新鮮🤤，肉味濃郁！掛曬上去個架度，唔通呢啲就係氣勢😍？擺盤咁靚，打卡一流呀！🐟脆鯇骨腩 $68肉質咬落去好Q彈😍，平時好驚廚師會將啲脆鯇骨腩切得太厚或者太薄，但係呢度就冇呢個問題，個厚度非常完美，所以令到口感變得更加好。絕對係打邊爐首選！九宮格調味料架，令到成餐飯都增加咗唔少質感，加咗唔少分！樣樣都要啲啲，溝埋出嚟嘅豉油就非常好味🤤我哋仲見到水吧嘅師傅不停製作緊沙冰，可惜我哋已經食到太飽，而且仲食咗臨尾送嘅雪米糍，如果唔係都想試下。最後講講環境，餐廳環境舒適，最啱同埋一班嚟朋友聚會，吹下水食個雞煲🥳#巧得鍋 #觀塘美食 #打邊爐好選擇

在芸芸餐廳中想食到又平又好食的雞煲亦不容易，觀塘真係好多好嘢食 ，美食小店大多隱藏於工業大廈，除咗著名美食集中地嘅駱陀漆大廈之外，附近啲工業大廈其實都臥虎藏龍 放假瞓醒已經點幾鐘 ， 突然好想食雞煲 ， 一個人又點食雞煲呢梗係搵埋個朋友一齊去😅諗起觀塘呢間雞煲雞煲非常惹味，朋友仔雖然吾食得spicy,但都好入味， 份量也多，雞件肉質肥美，圓潤有肉地，醬汁的香料味濃郁，未食都聞到好香，蒜蓉娃娃菜好惹味有鑊氣~ 正不得不提，藍草莓冰上面仲有新鮮菠蘿同火龍果

觀塘入面好有驚喜嘅雞煲午餐，座位寬敞坐得舒服，仲有wifi同差電位，服務態度又超好，性價比十分高。上坐低就送上好濃郁嘅玄米茶同沙律🥗。揀左招牌雞煲二人餐 $168招牌雞煲(半隻）辣度揀咗BB辣，整個雞煲花椒八角洋蔥等配料落到足，醬汁味道濃郁惹味，辣辣哋又帶少少麻，雞肉口感夠滑而且入晒味超正，醬汁拎嚟撈飯食一流。蒜蓉娃娃菜大大碟夠晒兩個人食，蒜蓉味道夠香濃，娃娃菜夠新鮮食落夠鮮甜。檸檬青蘋果特飲（跟餐+15）第一杯特飲由青蘋果蓉、檸檬、薄荷葉調製，味道鮮甜帶有檸檬同青蘋果嘅微酸，爽度十足。鮮果特飲（跟餐+15）第二杯就用奇異果蓉、鮮雜果、薄荷葉調製，果味濃郁，仲有粒粒雜果肉，香甜美味。

今日中午想食個簡單的午餐，去咗觀塘巧得鍋食午飯，雖然喺攻下入邊未必咁容易搵到，但入邊又有好多嘢選擇喎！有飯有粉，又有雞煲等等。🥰🥰🥰🥰我哋叫咗一個花膠燉雞湯飯，好清甜嘅雞湯味，又真係見到有好大隻花加喺入邊，連埋湯飯一齊吃，滋潤好味又有營養！👍🏻👍🏻👍🏻另外我哋叫咗一個牛腩飯，牛腩煮出嚟好夠腍，亦夠入味，送飯一流！👍🏻👍🏻👍🏻❤️❤️如果下次有時間，真係好想試吓個雞煲！🥰🥰🥰

前2晚去咗觀塘食烤魚，餐廳位於觀塘工業區，不過唔算好隱蔽，由地鐵站行過嚟都只係5分鐘左右。餐廳環境好大，平日晚上都唔駛等位。兩個人我哋叫咗：🐟招牌烤魚鍋（BB辣）$198湯底即使叫BB辣味道都非常惹味，好適合怕辣人士。而且煲裏面仲有埋芽菜、蓮藕、豆卜、娃娃菜、木耳，配料都幾豐富。🐮掛架安格斯牛頸脊（小）$188擺盤幾特別，份量都唔少兩個人食剛剛好，油花都唔錯！🥬其他配料都有好多選擇，仲可以加幾蚊轉雙拼，咁樣就算人少少，都唔駛擔心樣樣叫一大份食唔晒。我地嗌咗竹笙同埋響鈴，響鈴上枱嘅時候係脆卜卜嘅，浸一下湯好好味。整體服務都唔錯，店員好主動加湯，餐廳嘅小食幾好食，尤其花膠，食落口感好好，滿滿骨膠原😋係一間值得支持的小店👍🏻

🌕青椒滕涼拌花膠 驚喜之作🤩！估你唔到店家奉送嘅前菜會係咁矜貴咁高質！花膠厚度有返咁上下，食落即刻感受到滿滿嘅膠質，睇返Menu正價要$108，呢個質素絕對對得住售價！🌗巧得招牌烤魚鍋 $198魚皮香脆，魚肉嫩滑，烤魚嘅size偏小，適合二人撐枱腳。🌖掛架安格斯牛頸脊 （小）$188牛頸脊有一定厚度，唔會切得太薄，肉質柔嫩，又唔會太油膩。🌖手打芝心三色丸 $118三色丸分別為蝦丸、墨魚丸、黑墨魚丸，每款三粒，粒粒新鮮彈牙，除咗蝦滑/墨魚滑之外，仲食到粒粒蝦肉同墨魚肉，夠晒真材實料；不過芝士部份唔多，建議叫返原味就夠。🌖百花油炸鬼 $58蝦膠釀入油炸鬼中，再油炸上碟，香脆可口；蘸醬呈紅色，以為類似一般炸雲吞嘅酸甜醬，但竟然係配上士多啤梨醬！士多啤梨醬嘅酸甜味，減輕咗油炸鬼嘅油膩感，呢個配搭唔錯唔錯👍🏻～

。巧得花膠雞鍋$278呢度嘅雞煲有好多唔同嘅選擇，包括有我最鍾意食嘅花膠，仲有鮑魚同埋普通雞煲可以選擇，如果淨係想打邊爐嘅朋友都可以選擇佢嘅湯底，都有好多唔同嘅花款！今日揀嘅花膠雞煲真係超級好味！性價比極高，啲雞全部啖啖肉，又滑又Juicy❤️。日本廣島蠔（6隻） $68作為海鮮愛好者我哋又點樣可以唔嗌生蠔呢？呢度簡直係徹底㗎從來未見過咁平嘅日本廣島蠔。最重要嘅係佢每一隻都有手掌咁大㗎！煮完都唔會縮水，真係抵食！。自家太極墨魚釀冬茹$88呢個係佢哋嘅招牌菜式，睇圖片都知幾咁過癮，喺冬菇包住佢哋自家製嘅墨魚滑，又有黑色又有白色，真係非常鬼馬！上面仲有蟹籽作點綴，煮完出嚟一啖冬菇，一啖墨魚真係非常之爽！。檸檬青蘋果$32呢度嘅嘢飲都幾特，見到杯嘢都知道佢花咗幾多心思，真係好靚呀！佢嘅味道都係清新嘅檸檬味，食完火鍋最開心就係可以飲到清甜開胃嘅青蘋果汁🧃！。士多啤梨沙冰$35呢個士多啤梨真係超級大杯啊！冇諗到呢度嘅士多啤梨沙冰都係即叫即整，仲要用新鮮水果製成，$35一杯真係好抵玩！巧得鍋 (觀塘)觀塘成業街15-17號成運工業大廈1樓12-14號舖

{巧得鍋 x 牛響度麵館 - $160}在觀塘鬧市之中要食好嘢一定要走入工業大廈，呢間巧得鍋食雞煲打邊爐好味唔需要多講，原來佢仲同牛響度麵館聯乘，午市除咗有得食雞煲，仲有成30款麵俾你揀，全部都可以轉成熱拌刀削麵！真心花多眼亂喔！♦️沙茶牛三寶熱拌刀削麵入面有金錢肚、牛筋、鹵牛面頰！一次過滿足三個願望，仲唔使叫有好多芫荽同埋青瓜絲，撈起來特別惹味！♦️手工去皮炸雞髀扒熱拌刀削麵女士有時最怕就係雞皮，呢度用嘅炸雞髀真係手工幫你貼心咁樣去埋雞皮，炸起嚟卜卜脆，同樣配熱拌刀削麵特別好味！♦️熱情果沙冰加凍檸茶跟餐除咗可以配普通嘅凍檸茶，仲有唔同款式嘅沙冰可以俾你揀，熱情果沙冰，濃濃嘅熱情果味再加軟綿綿嘅沙冰，真心係正美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #巧得鍋 (觀塘)觀塘成業街15-17號成運工業大廈1樓12-14號舖#foodie #hkfoodie #hkfoodlover #foodism #hkfood #foodoftheday #hkrestaurant #loveeating #食評 #吃貨 #吃貨日常 #食好西 #香港美食 #美食#手機食