峇峇娘惹 (淘大商場2期)

營業中

休息中

筆者經常看見峇峇娘惹門外大排長龍，而且OpenRice的評價均十分正面，決定擇日光顧！餐廳牆壁滿是椰樹🌴圖案，桌椅都以綠色為主，確實有一點點身處熱帶地區的感覺。不吃辣的筆者與咖哩及叻沙無緣，實在可惜；只好退而求次，一嘗另一王牌：峇峇海南雞飯。賣相完全不行，像是把一些雞肉胡亂堆疊在一起，跟平時擺盤很整齊的海南雞飯有很大分別。肉質更不行，跟嫩滑完全扯不上關係，不但過熟，而且過咸，更無肉汁可言，相信再沒有下次。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻食物賣相🌸🌸味道質素👅👅整體價錢💸💸💸性價比值⚖️⚖️

食南洋嘢除咗深水埗著名嘅蘇媽蘇媽，呢間連鎖店而家都好咗好多間，性價比我覺得都唔錯㗎😋介紹返個下午茶先，喇沙佢都做到兩款麵：油麵粉絲， 喇沙湯底都幾香，我覺得就比另外一碗撈麵出色啦，不過依度啲香蒜骨都可以一戰嘅。另外飲品方面都有啲特別嘅選擇，例如蜜糖水呀冬瓜茶呀，唔想飲平時奶茶咖啡呢，都有呢啲選擇。肚仔唔夠飽呢下午茶都有飯供應，不過今次就冇食啦。另外可以加錢試啲小食，班蘭豬仔包都算係幾特別嘅選擇。另外佢外賣都有折，不過外賣盒就唔止加一蚊，真係要問清楚阿姐啦。🤔

已經想食呢間好耐了！今晚排左十五分鐘倒就入到去！😆我地叫左個肉排葯膳肉骨茶，個湯比我想像中多油，亦都無葯膳味，偏咸。不過個肉排煲得幾夠冧，好容易脫骨，因為個湯偏咸，所以肉排好夠味，另外冬菇豆卜索哂d味都幾好味！仲有好耐無食過既炸兩👍🏻好脆👍🏻另外仲叫左呢度好出名既碟豆花椰漿飯，藍色好搶眼！有淡淡既椰漿味，唔錯！仲叫左個手絲雞濕撈米，個醬汁好好味！！好有馬拉風味！又唔會好油膩！材料都幾足！最後仲叫左個咖咉西多士作為呢餐完美既結束😋😋😋😋正！可以encore!!🥳

馬來豉油豬扒飯$44馬拉拼盤$44，有咖喱配酥油餅，香茅雞翼兩件，素菜春卷兩件，由於冇晒多春魚，店員話俾返兩塊香茅骨我。飲品方面當然要飲熱嘅拉茶啦整體兩個下午茶餐都好高質，味道夠晒，塊豬扒真係要大贊夠晒Juice柔嫩，拼盤方面就非常之豐富完全滿足到下午茶過口癮。峇峇娘惹地址 ：九龍灣牛頭角道77號淘大商場二期地下G234-237號舖電話號碼：34677894營業時間：星期一至日07:30 - 23:00

平日早上10:15am到大把位，2人行坐圓檯，好闊落平日食早餐感覺好正，店內完全唔迫，好休閒呢度早餐唔貴，但選擇同茶餐廳唔同佢d set得米粉同公仔麵冇得轉通粉、米線之類而且飲品冇熱檸茶不過唔緊要，好食就得2個早餐：榨菜手撕雞米粉、煎熟蛋、咖央多，熱薏米水（$31）另一個餐：星洲魚丸米粉、炒蛋、咖央多、即磨咖啡（$30）咖央多可免費改為牛油多（但我們選了咖央多）碟子賣相好有地道風情榨菜手撕雞米粉早餐set$31超值件多士比連鎖快餐嘅早餐嘅多士來得大件邊邊脆口，內裡超軟熟咖央醬仲好闊佬，查晒整個包啲醬唔會淨係中間有而且個醬好厚，唔係薄薄一層好香椰子味，唔太甜，好味過牛油榨菜手撕雞米粉好多料，榨菜同雞份量好夠，有少少蔥同埋紅椒佢啲米粉唔係銀絲，反而有少少似東莞米粉，粗身同曲身少少雞絲唔肥，冇皮，啱晒我湯有味道，唔寡飲品個杯幾得意即磨咖啡（左）好香薏米水已經預設了少少甜入面有唔少薏米，真材實料薏米是淋的，易食薏米水有澱粉質的風味超值又高質的早餐

服務態度好差一個人黎食想叫一堂食一外賣我叫左一個早餐，咩都無講就拎走你張menu自己行左去傾計我叫佢番黎寫多個外賣，唔知同我講咩但類似係話我唔一次過叫咁既野好似我錯咁乜野玩法

話說落到九龍灣淘大，經過呢間鋪頭。眼見鋪內有客人，但出面無人排隊，又無飛仔拎。咪行入去門口睇下有無位，又無人招呼，突然有個黑面神阿姐，面燶燶、大大聲拋一句（無位呀～出面等啦！）個樣同態度簡直一流👍🏽👍🏽👍🏽有政府貼錢俾你地餐飲業，都唔駛咁趕客既！如果唔係見附近、對面要排隊，直情都唔會入去睇下有無位，最後情願去排隊等附近間泰國嘢😋

話說我食左2個月外賣..而呢間係我外賣LIST 既心水..我初時叫外賣冇心機影相. 因為屋企整野立立亂, 係呢排先叫做正常返影下寫下野咁.呢間平時就算有疫情以黎, TEA TIME 都係大排長龍. 我就梗係唔會排啦...外賣就OK.. 等一陣行個超市就READY 好!同埋佢有D 外賣7折真係好抵食.份量又唔會少左.咖哩香茅骨飯原價. $52, 7折後$37咖哩汁好惹味, 亦有D 秋葵係入面... 幾特別!小食炸蝦餅.就普通, 小食冇平少少追加, 單叫一份既價錢可以叫多一份晚餐.豬肋骨肉骨茶就麻麻地.. 推薦: 蝦球炒貴刁原價$65, 7折$46同埋馬來豬扒乾炒公仔麵. 原價$68, 7折$48.呢2個冇影相.. 食左幾次後先記得影相都覺得要幫佢寫下食評!!!呢個價錢重抵過食LUNCH>. 真係好痴線..但無計..限聚令下生意難做!!!所以都會周圍試下新野.支持食店.

平時食馬拉菜都係去蘇媽蘇媽見到九龍灣淘大有間娘惹菜就即管一試1.燒腩仔：超級脆！十粒星 薄薄一片 好似薯片咁 本身吾中意食燒肉，吾中意佢中間有層肥膏 但呢個燒腩仔燒到肥膏d油膩感冇曬 我都食左2舊😋😋😋 2.咖央斑蘭西多士 好食，不過有失望感覺 只係西多士上面淋咖央醬 冇斑蘭味 不過作為甜品，都ok滿足3. 馬來烤魚 一定要唧青檸係隔離！又酸又辣！ 惹味好多 如果係原條魚會更正，不過60幾蚊算係咁 應該係斑腩魚？龍脷柳個類 入味，仲有秋葵洋蔥，送飯一流4.肉骨茶 一般，蘇媽蘇媽正D5.魚腐喇沙麵 入面係油麵同米線，魚腐有4大舊 喇沙湯好香！如果再辣d更正每個餸都有飯同野飲，其實性價比都算係咁

香煎豬扒滲滲叻沙 $48 (午餐)又一重口味系列😋好耐之前食過峇峇娘惹既早餐好一般，所以有一段時間都無幫襯了😂點知午餐好有驚喜，唔怪得成日咁多人排隊!! 首先塊豬扒真係好大塊、好厚砌，亦都煎得好香，啱曬食肉獸😍另外都要讚下個叻沙湯底好香好濃郁，濃到每條麵都掛到湯 (當自己食緊拉麵咩?) 不過就比較油，但就係因為油份先令每一條麵都好滑溜!! 真心邪惡😈

港式馬來西亞加星加坡野，但味道唔錯，貼近港式口味。價錢尚算可以啦，都唔洗追加都已經飽肚。坐位都算舒服，唔會太逼，但整潔度有待改善。 今日太想食叻沙啦，就叫左個豬扒叻沙，賣樣幾好，青檸放係匙羹上面，叫做識做，好多香港人都唔鐘意落青檸既，我就覺得落咗會清新啲。 食落去味道唔錯，但少咗星加坡風味同少咗馬拉既感覺，色水都叫貼近，太辣啲香港人真係食唔到架。 有圖有真相，豆卜有4塊，剛好做伴菜。 杯拉茶夠味，夠滑夠香，可惜叫左凍飲，建議大家叫返熱，甘應該入味啲。

性價比超高嘅一間星馬菜😆我地下午茶時段去食，每個餐只係$2x-$3x，印象中最貴都係$44🥳呢個價錢比呢個質素呢個份量呢個裝修，真係抵到爛！午市同晚市其實都幾抵食！.🍛雞絲雞湯河粉呢排要戒口所以食得比較清淡，冇食到佢地嘅喇沙同燒肉真係好可惜🥺呢樣唔係佢地最主打嘅嘢，所以個味都普普通通正正常常咁🤣不過份量勁足，同午餐冇咩分別🥰.🍛咖央西多士咖央加煉奶真係無敵，都幾難唔好食😂而且佢嘅多士係偏厚身，食到好鬼飽😋.🍽味道: 3.5/5🏙環境: 4/5👨🏼‍🍳服務: 3.5/5💧衛生: 4/5💰價錢: 4.5/5

之前一月時候去過食早餐，叫左手撕雞番茄湯通粉配咖咉多士炒蛋同吉仔水（$35），番茄湯很酸太多茄醬雖然真的有番茄🍅在入面，而且手撕雞好鞋口，吉仔水亦係超酸，所以成個早餐感覺一般。上星期四，因為要早一點吃個中午餐，所以再次選了這間餐廳吃。原來佢哋星期一至日早餐係去到12:00 😉，今次小豆丁叫左魚腐米配咖咉多士炒蛋同薏米水少甜（$30）。米粉很滑幼身，魚腐兩大件味道不過不失；咖咉也是偏甜但整體係顏色上同質地跟一月份吃有好大顏色色別，咖咉醬偏濕；炒蛋美味滑身有牛油香味但顏色偏淡。最後杯薏米水少甜係好點，健康多一點。

限聚令又起 本來想食淘大敏華 但長長人龍  放棄了過左十一點半 好多地方都做午市了見到峇峇娘惹 仲有早餐食又不用等點了一個魚腐清湯米粉+炒蛋 + 班蘭咖央多+拉茶另一份叫了沙嗲牛肉美極面+炒蛋 + 咖央多+南洋咖啡+雞扒峇峇娘惹的魚腐一向出色 平時下午茶愛點它的魚腐喇沙 早餐還是清淡點好清湯魚腐 軟綿綿又多汁 好似噬著啖啖雲朵估唔到係 它的炒蛋都炒得出魚腐的口感滑而不會油膩配著甜甜的班蘭咖央多 味道平衡都還不錯再配上一杯熱拉茶味道香甜 似淡茶版的港弍奶茶喝著個人覺得挺舒服的至於另一份的沙嗲牛肉美極面我淺嚐了一口牛肉質量不錯南洋咖啡的咖啡味亦甚為香濃這個早餐這個價錢 心滿意足希望能捱過疫情讓大家過了十一點半還可以有食早餐的地方

同friend行下街行到攰，諗住喺附近食下野，又想唔好食咁貴嘅，咁啱就試咗呢一間舖。出乎意料的好食，又唔貴，服務又好。嗰個薄餅非常好食，非常鬆脆，不過咖喱可能會有少少辣，如果唔食得辣嘅人未必食到。仲有馬拉盞炒菜，椰汁飯，燒肉，西多士，串燒雞。啲餸全部黎哂嘅時候，個服務員都好驚訝兩個女仔竟然叫咁多嘢食，但我哋全部都食晒！基本上全部都好好食，但係如果要對比，相對之下燒肉嘅水準反而冇咁穩定，冇我第一次去食咁好食。