檢舉

味道

環境

服務

衛生

抵食

5

JUL 23

區內罕見小食店

醉滋味 (九龍灣)

九龍灣呢佢想搵嘢食隨時都有，但係想搵吓依啲花甲粉煎餅果子嘅外賣店呢，我諗到嘅就真係得佢一間。下一間都已經係行遠少少去到德寶花園嗰頭嘅龍津，龍津啦，周圍都有唔使特別介紹。花甲粉嗰度叫咗要麻啲，非常之大鑊，勁重生化味，並唔係正常花椒麻。粉絲都屬普通水準，再去大陸求其叫碗美團都好食過佢。煎餅就好食啲，但好衰唔衰我又叫左叉燒煎餅，價錢貴得嚟又無甘好食，大家有機會就試普通口味好喇。另外啦，由於係小本經營呢嗰兩位老闆老闆娘手腳勁慢，而家見有一兩個人排隊呢就下次再食好過，唔係分分鐘要等你半個鐘。

更多

81

推介

檢舉

味道

環境

服務

衛生

抵食

5

JUL 23

旺角食餐晏之高級少少日本野

岩鹽日本料理 (旺角)

岩鹽整體來講係幾好食嘅，用料好少少啦，款式好少少啦，前菜多兩三樣嘢玩，有茶碗蒸食下啦，飲品有啲花臣搞下啲椰子水咁樣啊，不過呢咁叫就要貼住$200落樓。因為我次次都係叫呢個壽司烏冬餐，咁我通常叫依個普通版啦，高級版你仲會有呢海膽同埋拖羅，咁視乎你當日心情啦都可以選擇呢個升級版。揸MOKO卡仲可以有杯H牌雪糕，都可以話係幾滿足既午餐，約朋友或者星期五小確幸下都ok。但係去食呢就要早啲嚟排隊，好鬼多人。

更多

530

推介

檢舉

味道

環境

服務

衛生

抵食

5

JUL 23

旺角搵餐晏之連鎖火鍋店

好呷台灣火鍋 (旺角)

牛角牛涮食得多，同一集團試下間好呷，叫定量午餐都可以一戰，因為好多台式小食同特飲都係任食，包括檸檬愛玉珍珠奶茶，地瓜球烤香腸鹽酥雞，鹽水雞等等。小食類我覺得係唔錯㗎。但係講返主打個湯底，非會員叫鴛鴦鍋係要加錢㗎。我今次叫咗呢招牌嘅紅湯同白湯：紅湯藥材味唔夠，又唔夠麻辣；白湯唔夠濃厚，可以話得個形式。其他火鍋配料就普普通通啦，少少特別就花枝丸啊嗰啲。但地點方便，間唔時嚟食吓過一過口癮，我覺得都唔錯。

更多

381

推介

檢舉

味道

環境

服務

衛生

抵食

5

JUL 23

旺角搵餐晏之高汁平價日本嘢

大丸和風食堂 (旺角)

搵位度：🌟🌟🌟🌟🌟 抵食度：🌟🌟🌟🌟🌟 好食度：🌟🌟🌟🌟 成個旺角搵餐晏系列呢，如果有排名啊，相信我都會揀佢做頭三。依頭返工搵餐晏無非都係想坐得舒舒服服，唔使排隊排餐死，仲要唔使$100落樓；加上味道過得去打工仔嘅要求，就係咁簡單。咁圖中嘅袋係我嘅過去食嗰兩個比較精選嘅午餐啊，一個係壽司烏冬，一個呢就係天婦羅拉麵，天婦羅拉麵，仲送兩舊三文魚壽司。要求高嘅朋友可能話唔係最新鮮，最好食嘅部位，一定㗎喇，咁平呀嘛。今日雖然讚咗咁耐，提醒返大家刺身丼份量係勁細嘅，要留意。...

更多

93

推介

檢舉

味道

環境

服務

衛生

抵食

30

JUN 23

旺角搵餐晏之普通酸辣米線

貴香園 (旺角)

搵位度：🌟🌟 抵食度：🌟🌟🌟🌟 好食度：🌟🌟🌟 老老豆豆就係一碗普通嘅酸辣米線，不過今時今日香港做到普普通通嘅水平都買少見少，懷疑越來越多人飯都唔識煮就出嚟開米線舖。夠香夠辣嘅，有肉碎，可能我唔識叫啦，配料貢丸嘅水平個水平真係爭啲；大家有機會去食其他嘢送。平心而論同今時今日嘅南記比呢，佢都係好少少，又平少少，不過南記就坐得舒服啲囉。不過始終鋪仔細細，lunch遲少少去到冇位坐㗎喇，勝在個位方便囉。

更多

338

推介

檢舉

味道

環境

服務

衛生

抵食

30

JUN 23

旺角搵餐晏之隱世日本嘢

海幸壽司 (何文田)

搵位度：🌟🌟🌟 抵食度：🌟🌟🌟🌟🌟 好食度：🌟🌟🌟🌟 條街都有幾間日本嘢，咁依間你外表上算係最想入去，去食嘅人流講真幾飄，有時排晒長龍，有時呢無啦啦到walk-in 入去唔使排，呢經過唔使排都可以試一試。今日好公道，食過定食同埋魚生類啦，咁我揀應該都係會揀返食刺身飯；麵類不過不失啦，真係冇乜特別。服務呢都算比較有禮貌，餐點速度都合理呀，地方乾淨企理，價錢又比MOKO嗰堆呢平一截，約人又大方得體，個人覺得間嘢唔錯㗎。

更多

323

推介

檢舉

味道

環境

服務

衛生

抵食

30

JUN 23

旺角搵餐晏之少貴車仔麵

十六座車仔麵 (旺角)

搵位度：🌟🌟🌟🌟 抵食度：🌟🌟 好食度：🌟🌟🌟 前幾年車仔麵興啲，所以而家可以話係越來越少啊，十六座係其中一間連鎖店啦，裝修可以話係有少少特色，相對價錢亦都有少少偏貴。所以呢佢本身preset嗰餐呢，其實都會抵啲，例如我就係食男團麵，其實就係一啲牛雜嘅面嚟㗎；同啲牛雜專賣店或者老店品質就真係冇乜特別，車仔麵檔來講都算可以囉。加幾蚊有啲汽水可以飲下啦，同時間鋪有樓上樓下鋪，搵位都唔算困難。

更多

198

推介

檢舉

味道

環境

服務

衛生

抵食

30

JUN 23

旺角搵餐晏之巨大平民豬手

意歐 (旺角)

搵位度：🌟🌟🌟🌟🌟 抵食度：🌟🌟🌟🌟🌟 好食度：🌟🌟🌟🌟 講真啦，唔計個環境衛生同埋服務評分真係唔錯。我幾十蚊咁鬼大隻豬手仲要配焗薯仲有餐湯仲有嘢飲，叫牛扒仲要鐵板上，我真係覺得太抵。食物質素仲要唔算有好大嘅表面傷痕，對得住啲低價位西餐。服務方面，一個疑似係老闆嘅人一腳踢做晒樓面水吧清潔收銀。衛生方面嘅張枱黏黏笠笠，啲梳化溶溶爛爛，成班麻甩佬去都頂唔順啦，唔好話啲姐姐仔。所以sorry雖然啲嘢好食又抵食，但我本人真係冇encore。

更多

509

推介

檢舉

味道

環境

服務

衛生

抵食

30

JUN 23

旺角搵餐晏之牛肉粉麵

十三姨 (旺角)

搵位度：🌟🌟 抵食度：🌟🌟 好食度：🌟🌟🌟 間嘢坊間好似都有少少出名，咁lunch去試吓，聽我勸你千其咪鬼食碗十三飛，幾片牛一隻蛋價錢貴一貴。睇返其他人啲食評話應該係要食過鵝肝飯先比較合理啲，或者我諗可能當今晚食飯啊，串燒燒嘢食心情會好返啲。望落裝修鋪面各方面係幾有特色嘅，有免費送你食蝦片甘樣，擺盤靚靚哋。咁排隊又耐啊，又唔算抵食啦，咁我諗就唔係食晏嘅首選啦，但係其他時段嚟呢我又唔阻你；暫時我未食過第二次。

更多

422

推介

檢舉

味道

環境

服務

衛生

抵食

30

JUN 23

旺角搵餐晏之酸雞米線

鳳鳴居 (旺角)

搵位度：🌟🌟 抵食度：🌟🌟🌟🌟 好食度：🌟🌟🌟🌟 鳳鳴居個名，唔講我以為係茶樓嚟㗎，仲係推車仔阿姐茶樓。當然就唔係啦，主打係食醉雞米線。叫完之後呢再有細細兜酒啦，俾你臨食先加落碗麵，有少少儀式感。講返碗麵本身，酒香少量味，雞唔算有咩特別，啲紅棗甜味真係有少少搶focus搞到碗麵太甜，整體而言呢，就結果論，我係冇去第二次嘅。但你叫我去啦，我覺得冇乜所謂，咪當去次譚仔咁囉。個場都算大，地段問題啦，搵位都唔容易。

更多

394

推介

cfwong0309

區內罕見小食店 醉滋味 (九龍灣)

旺角食餐晏之高級少少日本野 岩鹽日本料理 (旺角)

旺角搵餐晏之連鎖火鍋店 好呷台灣火鍋 (旺角)

旺角搵餐晏之高汁平價日本嘢 大丸和風食堂 (旺角)

旺角搵餐晏之普通酸辣米線 貴香園 (旺角)

旺角搵餐晏之隱世日本嘢 海幸壽司 (何文田)

旺角搵餐晏之少貴車仔麵 十六座車仔麵 (旺角)

旺角搵餐晏之巨大平民豬手 意歐 (旺角)

旺角搵餐晏之牛肉粉麵 十三姨 (旺角)

旺角搵餐晏之酸雞米線 鳳鳴居 (旺角)

區內罕見小食店

醉滋味 (九龍灣)

旺角食餐晏之高級少少日本野

岩鹽日本料理 (旺角)

旺角搵餐晏之連鎖火鍋店

好呷台灣火鍋 (旺角)

旺角搵餐晏之高汁平價日本嘢

大丸和風食堂 (旺角)

旺角搵餐晏之普通酸辣米線

貴香園 (旺角)

旺角搵餐晏之隱世日本嘢

海幸壽司 (何文田)

旺角搵餐晏之少貴車仔麵

十六座車仔麵 (旺角)

旺角搵餐晏之巨大平民豬手

意歐 (旺角)

旺角搵餐晏之牛肉粉麵

十三姨 (旺角)

旺角搵餐晏之酸雞米線

鳳鳴居 (旺角)