岩盤牛扒ミディアムレア ステーキ (Mikiki)

營業中

休息中

很喜歡源自於日本的岩盤牛扒ミディアムレア ステーキ ，大衆化的櫻花丼set 絕對是物超所值之選！🌸🐮🍚今天 order了燒肉眼丼配溫泉蛋！🥩🍳 🍚燒肉眼丼上的肉眼切得薄片均勻，經過燒烤後外焦內嫩，配上溫熱的蛋白，為眼丼增添了豐富的口感和味道😋以$86的價格享受到這道燒肉眼丼配溫泉蛋，絕對係平靚正嘅選擇🤍🤍🌟食評指數：7.5/10💁🏻‍♀️人均消費～HKD90🗺️ 地址：B1, Mikiki想睇更多餐廳分享，請like & follow @_jolly.foodie_#spkfood #spkjollyfoodie #JKHK

今日行過mikiki見到有間舖頭主打鐵板燒同牛丼，於是入咗黎試下入到去全部野都係自助形式，自己搵位坐，自己去收銀落單，我叫咗個燒牛丼，食咗第一啖牛，真係好咸好咸好咸，重點係好腥，我真係第一次出街食飯食到頂唔順嘔番出黎，自問自己平時食野都重口味，但估唔到間餐廳個廚師可以咁重口味，完全覺得係落晒成樽鹽落去咁咸！咸到想問下職員有無水飲，點知水都要加錢買，但真係頂唔順，咸到一定要飲野！朋友叫咗個燒西冷，等咗半個鐘都未有，之後先發現漏單，但西冷感覺好腥同好靭，真係好難食！喱間餐廳真係可一不可再！

味道就見人見誌。叫了一個燒牛井，一個櫻花牛井，都比較柴。唔知點解，D飯超熱。。。但另外，就要排隊買飛，叫號取餐。點解還要加一服務費！？而且毫子更加是四捨五入！已經是支付寶俾錢，但一樣！！！？？？

🐂🥩早前買左鄰住買既岩盤牛扒餐，$88有富士山石板牛扒，仲連富士山特飲，好抵好吸引🤩原來係日式石燒牛小店，採用日本式自助概念，櫃枱買餐後要等號碼自己拎餐，食完要自已還盤，而店內座位較迫，個人覺得有d危險石板牛扒原來可以揀，店員飛速又細聲甘問，要咩牛？牛板鍵，封門柳定牛柳？好彩仲聽特切有咩牛，我地要左一份牛柳，一份封門柳。兩款牛都牛味濃，份量唔少。牛油粟米好香甜，富士山飯打卡一流但冇味，不過放係熱辣辣鐵板上砂成飯焦好香口，點埋牛扒既柚子燒汁又幾好特色富士山飲品原來係波士汽水加雪糕，要自己將汽水加入雪糕，但兩枝汽水都一開就爆出，整到成手成枱都係，好狼狽食物質素其實ok，味道、份量&賣相都好，不過冇服務可言

我推薦位於新蒲崗的岩盤牛扒，這家扒房真的算是相當不錯的選擇！他們的雙拼扒餐特別好吃，裡面有牛肉和豬肉，滿足了不同口味的需求。無論是牛肉還是豬肉，都烹調得非常嫩滑，口感令人滿意。尤其是他們的蒜蓉汁，真的是絕配！濃郁的蒜蓉味與肉類的鮮美完美結合，讓人回味無窮。除了美味的扒餐之外，他們還提供多種飲品選擇，讓你可以搭配喜愛的飲品享受美食。這種貼心的服務讓用餐體驗更加完整。總的來說，岩盤牛扒給人留下了深刻的印象。他們的扒餐選擇豐富，口味出色，並提供美味的蒜蓉汁和多種飲品選擇。如果你在新蒲崗地區，我推薦你去嘗試一下，相信你會對這裡的美食感到滿意！

Mikiki入面唔少餐廳都係連鎖店，咁啱未食過呢間岩盤牛扒，午市套餐嘅價錢都算合理，座位又幾闊落，就決定入去試吓🙈見唔少人試個富士山牛扒餐係幾有特色幾吸引，但嗰日唔太餓，就簡簡單單食個牛肉溏心蛋烏冬配沙律可樂($73)🤓餐廳採取自助模式，不過職員都會提大家攞餐嘅時候小心熱，因為烏冬係用個熱石鍋裝住，唔使驚食食吓凍曬👍🏻牛肉都係平時丼飯啲肥牛，不過份量幾多，又唔算超級肥膩，糖心蛋亦都好入味😋烏冬係比較幼身嗰款，煮得幾啱啱好，少少彈牙😉沙律嗰粒大大嘅蕃茄仔係幾新鮮嘅Juicy😂可惜啲椰菜有浸苦澀味，可能係冇浸過水或者浸得唔夠，建議大家都係嗌返麵豉湯😗

Medium Rare Steak 和風咖喱吉列豚肉飯以及搭配的salad和烏龍茶，整體評價屬於中等水平。Medium Rare Steak的烹調程度剛好，讓牛肉保持了嫩滑和多汁的口感。外表烤至金黃色，帶有一定的鮮嫩香氣，但可能缺乏一些深度的烤肉風味。肉質柔軟，但有些部分稍嫌過軟，可能缺少一些口感上的嚼勁。咖喱吉列豚肉飯的味道尚可，咖喱醬汁濃郁，帶有微辣的風味，與豚肉搭配得宜。豚肉肉質鮮嫩，但可能稍微有點乾燥，缺乏一些肉汁的滋潤。米飯的口感正常，但可能缺乏一些特色或層次感。salad作為配菜，清爽而搭配合理，帶來了一些口感上的變化和蔬菜的清新風味。然而，salad的味道並沒有特別突出，可能缺乏一些獨特的調味或創意。烏龍茶作為伴隨飲品，清香的茶葉香氣和滋味令人愉悅，為整餐帶來了一些平衡和和諧。總體而言，Medium Rare Steak 和風咖喱吉列豚肉飯搭配salad和烏龍茶的組合味道尚可，但在一些細節和獨特性方面可能有所缺失。希望餐廳能夠進一步改進和提升菜品的口感和風味，以滿足更多食客的期待。

今日去左新蒲崗出job，咁岩有fd個band room係新蒲崗，佢係大忙人平時都好難約佢，但個日竟然約到佢食晚飯，大家夜晚都係附近佢就介紹我黎mikki食呢到既牛扒，呢到啲牛扒全部都好新鮮好有牛味，佢係計係幾多gm再去乘返幾錢嫁，好公道，佢一個set包埋沙律同湯，我果個比我個fd細，大概150蚊內，佢下面係有個鐵板，所以要快啲食如果係好驚啲牛生，我個fd就係太遲都未食，塊野已經唔熱要叫佢地換個塊板比佢

成碗飯啲牛肉全部都係牛肉乾黎 又鞋又乾又無牛味連啲飯都係偏硬唔好食😩雖然第一次黎但無諗過叫個簡簡單單嘅牛丼都會咁伏 完全食唔落 咁就無左$60去返上面食大家樂好過…唔會再去！

#新蒲崗美食 平靚正之窮人恩物😍幾時先到月頭出糧🤢😭使大咗唯有食嘢食平啲今次去新蒲崗Mikiki 見到下午茶時段好抵食 重有幾特別嘅地獄雪糕肥牛拉麵 即刻衝入去試🤑佢下午茶重有個燒牛肉拌烏冬 可配以下兩款：湯🥣/沙律🥗/嘢飲🧃因為雪糕拉麵冇嘢配 就嗌兩個嘢飲同朋友share😋好開心個燒牛肉唔係肥牛 肉味同口感都nice nice ٩(˃̶͈̀௰˂̶͈́)و雖然下午茶價錢但份量絕對足夠！雪糕拉麵都有驚喜！呢個配搭真係好特別 特別match呀！辣辣地嘅時候感受到雪糕嘅涼爽😋平時出面食都過百蚊一個雪糕拉麵 呢到下午茶先40幾蚊！正呀🤩兩個人食飽成張單都係80幾蚊😭頹餐價錢但質素絕對唔頹👍📍 岩盤牛扒ミディアムレアステーキ新蒲崗太子道東638號Mikiki LG樓9-10號舖大角咀博文街11號富貴大廈西座地下17號舖大埔翠怡街3號翠怡花園C座地下18A舖天水圍天華路33號T Town南翼地下SG14& SG15號舖荃灣西樓角路1-17號新領域廣場1樓102號舖將軍澳唐德街9號將軍澳中心1樓173號舖#香港美食 #日本料理 #hkfoodie #foodie #foodstagram #香港 #新蒲崗 #h

新蒲崗覓食之三 - MIKIKI - Medium Rare Steak在一田旁有間以牛肉為主的店，看上去價錢都親民（$45）,有沙律/湯及汽水（細罐裝）。加上炎熱的天氣，在商場有冷氣提供的情況下，選了這家店。有牛肉櫃給客戶選食哪個部位，喜歡牛肉的朋友應覺得這擺放挺窩心的這家店是先付款，找位坐，等叫餐，自己拿回座位的快餐模式。付款後，等了約14分鐘就輪到自己。我和朋友都選了牛肉飯，一個選湯，一個選沙律，下圖供大家參考：份量都足料，牛肉厚度和量都多過吉吉家。在等餐期間，看到餐牌原來有JOLLY SANDY 啤酒，就決定用汽水轉，店員都服務態度良好，肯換，也無黑面喜歡汽水加雪糕的朋友，留意可加錢或單買。行入去（落單後）才見到這個牌。像宜記美食亭 food court咁，最好自己放回去，有公德心，唔使下個人執自己手尾。請少個人，所以價錢很有優勢無加一，收OPENRICE PAY, 變相等於用BOC PAY（消費卷）找數

呢1間食過幾次都係自己燒牛食嗰啲牛嘅質素還可以， 😋😋😋只係價錢貴份量少💰💰但今次order 左燒角切和牛鵝肝丼好失望😢😢😢首先 同佢影嘅相片差好遠相片係啲牛會冚住啲飯現實係 啲牛得六七片 完全遮唔到啲飯都唔緊要，但係啲牛好似啲炭一樣咁樣 黑色架每一塊都係燶到苦🤢🤢都可以見到啲圖片係黑色價錢唔係平份量好少質素好差食完佢個飯之後，都係唔夠飽㗎如果下次大家都想揀呢個之前，停一停諗一諗其他嘢食都可以嘅只係貴少少

之前都係食美國牛柳同肉眼，今次試下食日本和牛，甘就梗係叫職員比我睇下塊和牛咩質素先啦，係兩塊九洲肉眼/九洲西泠，油脂分佈好ok，我選左九洲和牛肉眼扒，250g,好林，係有和牛味，不過吾夠濃，始終無自己係一田買0個0的牛味濃0的。蘿宋湯味道馬馬，係勝在多雜菜食下。

經過上次食完之後我發現佢另外有個餐做緊特價，就係呢一個鐵板牛扒餐，佢雖然做$88特價，但係佢都係被足料你嘅，鐵板牛排份量大支如亦都有返相當嘅厚度，亦唔會偷工減料，由於因為午餐set嘅關係，所以有前菜同飲品跟埋，喺$88呢個價錢係完全對得住呢個餐嘅。佢每日只係限量30份。於是我11:30就等佢開門試一試佢呢個餐，完全冇投訴非常之滿意同埋超值，因為叫其他set lunch都差唔多價錢，大家經過可以去試一試

好耐無食鐵板扒喇🔥呢度由落單、攞食物、到交還食物盤都係自助形式🫣午市時段除左最典型既鐵板牛外，仲會有啲套餐或者丼飯😌▪️ 精選牛扒 💲88 (Lunch Set)當日既精選款式係封門柳，幾大塊同厚身，肉質比較有嚼勁，但都唔會話太韌，保留到少少肉汁，而且本身既調味足夠，唔駛點個洋蔥汁都得，肉味比預期中濃🐮另外可以係湯、沙律同埋飲品中三選二，不過沙律菜有少少苦🥗整體都係抵食既💰🔎 整體評分（7/10）