小曼谷海鮮燒烤屋

營業中

休息中

想食泰國美食首選有小泰國之稱九龍城😆😆，其中(小曼谷海鮮燒烤屋)裝潢簡潔，店員以泰國人為主好有善，招呼又週到。而且食物份量大碟頭❣️冬蔭海軍海鮮部隊鍋湯頭酸酸辣辣非常惹味，再加上鮮甜爽口介花魷魚，大大隻爽脆鮮蝦，還有泰式燒肉，鮮甜青口……等，碟頭大大盤極為豐富，抵食夾大件👍👍❣️串燒拼盤💥雞全翼~散發出濃郁燒烤香氣，外皮黃金酥脆，肉質鮮嫩多汁💥地道燒臘腸焦焦地臘腸，硬中帶軟，甜甜香香惹味💥豬~肉質juicy💥牛~肉質帶牛香，煙煙韌韌💥雞~質鮮嫩💥雞腎~爽脆彈牙❣️泰式炸蝦餅外層酥脆金黃， 蝦肉鮮甜和彈牙的口感，帶有豐富層次感

天氣一凍就會好想食辣嘢暖暖胃，一諗起食辣嘢第一樣就即刻諗食泰國嘢，所謂今晚又去左九龍城食小曼谷，因為小曼谷真心高質，仲會定時有新菜式可以試。今晚有個新菜式冬陰功海鮮部隊鍋，見到真係心心眼好想試，果然無令我失望，個鍋勁大勁多料， 有勁多款唔同嘅海鮮，有蝦，魷魚，青口，蟹 柳，札肉，泰式燒肉，真係食極都仲有，仲要全部都充滿微辣冬陰功味，仲要有公仔麵，食完仲可以飲埋啲冬陰功湯，真係10級抵食。另一個必叫嘅酸辣牛小排沙律，果種酸辣真係好開胃，小曼谷signature既牛小排真係好正好有牛味又夠淋，真係好出色。 跟住忍唔住叫咗一串泰式臘腸沙嗲串燒，因為個臘腸真係燒得好好食好香又帶少少甜味。呢排仲有限時部份飲品買一送一，叫左杯菠蘿沙冰，最正既唔算好甜，菠蘿既味道好真，應該無特別加太多糖水，加分！

最鐘意食泰國菜的我每隔一至兩星期就會去食一次，每一道菜都好吸引好惹味。泰式鮮蝦炒金邊粉每次都必點很有泰式風味的炒金邊粉，搭配鮮嫩多汁的蝦仁，口感豐富。金邊粉本身具有彈牙的口感，而泰式鮮蝦炒金邊粉通常還會加入蔬菜、豆芽等配料，增添口感和風味。泰式酸辣鳳爪這碟是泰式料理中的一個經典小食，鳳爪為主要食材搭配泰式特有的酸辣調味料，帶有微辣和酸甜的口感。這道菜通常還會加入蔥段、洋蔥、香菜等配料，提供不同的口感和層次。好開胃。泰式生蝦刺身生蝦刺身鮮嫩多汁，每一隻都爽口彈，味道鮮美而清新。尤其在夏天時，吃起來更加清涼開胃。冬蔭公湯熱辣辣香噴噴的冬陰功湯，含有椰奶、雞肉、蝦等食材，並配以檸檬葉、香茅和蔥等香料，味道豐富而香濃。湯的口感有濃郁的奶油狀，加上泰式特有的辣味，帶來一種獨特的風味。

九龍城有小泰國之稱，食泰國菜梗係要來呢度啦，呢度好多間都食過，今次試吓呢間老字號，每次經過都見到大排長龍牛肉雞肉沙嗲串燒，好好味，肉質有口感又唔韌，配埋個沙嗲醬汁，十足泰國風味招牌海南雞(半隻）雞肉嫩滑，份量多黃咖竰牛腩，充滿椰香嘅黃咖喱，除咗好送飯，我鐘意配蒜蓉包，牛腩炆得好淋泰式飛天炒通菜炒得好香，好餸飯，通菜非常爽口菠蘿雞肉炒飯泰式鮮蝦炒金邊粉材料十足，金邊粉煙靭，味道酸甜，非常開胃泰式蒜蓉包 烤得香脆，充滿牛油蒜蓉香味，沾上咖喱汁，食唔停口椰青好清甜又大個整體非常滿意，所有食物都好夠熱度，每碟份量都好多

早兩晚嚟食，原本訂咗位喺新舖，但交唔切枱，結果過返舊舖，佢啲泰式串燒真係燒得啱啱好唔會過火但又夠香港口；海南雞就真係過熟，結果退返畀佢；咖哩牛腩肉質好稔又入味；個炒通菜夠辣又爽口；整體質素真係唔差。

呢間小曼谷又貴又難食，平均價格貴其他普通泰國餐廳25%，價錢同銅鑼灣嗰間一模一樣，但係銅鑼灣嗰間好食啲，呢間真係好貴，最慘係好難食，一個泰式炒肉片可，河粉用香港河粉不知所謂，如果你想試吓難飲嘅冬陰功湯你可以喺呢度試，人哋一個炒粉麵七$80佢呢度要$100!我以為小曼谷好似以前咁幾有泰國風味，其實真係好難食，好似香港人整泰國菜，加上坐得好迫夾，一杯芒果沙冰對面嗰間泰國嘢$25 ，佢要$42 ，黃咖喱炒大顯佢呢度要二百幾蚊，想俾人搵笨可以嚟呢度試吓

遲來的生日派對🤣🤣四個人食咗泰式生蝦：肉質鮮美，新鮮唔腥，必食值得推介小曼谷原隻芒果糯米飯：椰汁偏甜不過配芒果偏酸味道啱啱好串燒拼盤A （蔬菜）：燒完嘅菇類，仲保留到水份，唔會太乾同硬，值得一讚串燒拼盤B（肉類）：正常水準，好食泰式燒原隻鮮魷：唔會太韌，配泰式醬汁唔錯泰皇咖喱法包軟殼蟹：咖喱同法包完美融合，好食推介椰青：果肉容易拆開椰汁西米糕：椰汁西米甜度適中，唔錯星期日晏晝嚟唔算太多人，唔使等好耐就可以食，地理位置都幾好，宋王臺站B2出口一出直行就到啦，不過佢附近有幾間都叫小曼谷，約朋友嗰陣要問清楚佢哋去邊一間

小曼谷海鮮燒烤屋雖然唔係好食得辣，但久不久都會心思思想食泰國野，今日就同屋企人走入九龍城搵好嘢食！見到呢間小曼谷門面幾有地道風味，仲有個人仔係咁揮手🤣聽聞都幾出名，一於就試下佢😋泰式鮮蝦炒金邊粉 每次食泰國菜必叫金邊粉，上檯一睇炒得幾夠色水，令人食慾大增～配料都幾豐富，有：鮮蝦、齋片、雞蛋、芽菜、韭菜、花生碎等等。金邊粉唔會炒得太乾，咬落有嚼頭，配搭點檸檬汁，酸甜惹味👍🏻鐵板豬頸肉嘟椰菜苗 未食已經聞到好夠鍋氣，用鐵板上夠曬架勢，仲滋滋聲😍菜同肉份量唔少，最鍾意佢豬頸肉處理得有點脆邊，兩者都好夾，配搭埋馬拉盞味道，辣度輕微，口味香濃，略嫌太重鹹度，配碗白飯食就一流啦😋小食今次少少地叫咗兩款小食，分別係雞肉串燒同蝦餅～前者燒得好香，炭火味出，雞肉肉質嫩滑唔會太乾，而精粹在於個沙嗲汁，好厚身又夠花生味👍🏻；後者大大份，啖啖肉，蝦味夠，外皮又香脆，配搭酸甜醬好快食完🤪美中不足係口感略欠彈牙，但份量取勝～椰汁涼粉冰食到有啲口渴，決定揀返杯嘢飲，今次揀咗椰汁涼粉冰。送到黎大大杯，椰香味濃，又幾滑，同涼粉好夾，叫咗少甜少冰味道剛好😋

講到食泰國菜，又點少得要食呢一間小曼谷海鮮燒烤屋呢！呢間餐廳喺九龍城，非常容易就搵得到！一去到嘅時候就叫咗一個泰式生蝦刺身，呢度嘅刺身非常爽滑，而且好新鮮，辣辣地嘅味道！

好好食既泰國菜！ 同朋友一齊可以試到多d野生蝦刺身必食 加埋個醬一流！叫左幾款唔同串燒 比較中意牛舌 勁厚切！ 雞軟骨都好食 整體調味唔會太咸黃咖喱雞 咖哩好香！ 另外叫左酥餅同蒜蓉包 同前者會比較夾其他都好食但冇影到有Pad thai , 冬陰公, 冬天飲超正！飯方面, 菠蘿海鮮炒飯唔錯！ 碎豬肉蛋飯就比較辣 不過我自己覺得幾惹味拼盤幾款炸物都唔錯 但偏油飲品幾款沙冰都唔錯 朋友推薦榴連沙冰, 我自己飲青檸沙冰都唔錯～而且每樣野份量唔會好多 可以大家都試到！

今晚去咗九龍城食泰國菜，九龍城實在太多選擇啦，成日經過都見到有隻公仔喺度揈手叫我過去😂今晚就決定試吓啦😄入門口，呢間泰國菜館比其他泰國菜館更乾淨企理😌有梳化位，坐得都算舒服，而且非常細心，有洗碗兜同熱水洗碗😂估唔到泰國菜館都有。佢係用手機落單，方便快捷👏🏻🍴泰王咖喱法包軟殼蟹 🍴$208軟殼蟹有好多件，唔會炸好燶，仍然keep住有蟹肉嘅口感，但咖喱比較杰，好似點緊啫喱狀嘅汁一樣😲🍴 牛肉雞肉沙嗲串燒🍴$18each牛肉串燒比較稔，好入味，雞肉串燒係最好食嘅，非常嫩滑。個沙嗲醬汁比較重花生醬味，符合我嘅口味，唔會好辣😌🍴 泰式燒牛仔骨🍴$68共三件，好香燒烤味，但係因為有d筋，所以有啲咬口😁🍴 泰式鐵板蠔餠🍴$128係咁多樣最好食嘅，佢用鐵板上可以保持溫度，而且個蛋煎得燶燶哋，所以一直都keep住好香嘅狀態🤤遠處都已經聞到浸蛋香味🤗而且蠔仔非常新鮮，又大粒，所以係咁多樣最好食嘅🤗🍴冬陰功湯🍴$132有兩隻大虎蝦，香料十足，重椰汁味，唔算太辣，亦唔會太酸，符合大眾化口味嘅湯🤩🍴豬肉生菜包🍴$88份量比較細，豬肉聰青檸味，係一個唔錯嘅開胃菜🥳🍴鐵板豬頸肉椰菜苗🍴$95非常惹味😋馬拉盞味濃，配

我們依舊保持最遙遠的距離或許你說的是對的原隻魷魚筒釀糯米飯 $188這條䰹魚好長啊 而且幼幼的裡面塞滿了糯米飯🍚飯裡好像還有點蔬菜（？）有魷筒雖然沒有很韌不過多吃幾塊還是覺得有點累泰式馬拉盞炒椰菜苗 $78這可以算是苗啊至少比起之前吃到的那個什麼（忘了）更苗更嫩每條菜都很入味黃咖喱牛腩 $88印象中牛腩好像只有7 8件？不知道🤷🏻‍♂️在下也好像對這沒什麼記憶好像是咖喱有點甜甜的然後在下還吃了一些椒如果沒特別記憶我想大概也是正正常常普普通通吧燒脆皮白鱔 $108/2串由於在下今天覺得白鱔的細骨有點可怕所以2串都沒吃到看來今天沒有很好的情緒去好好吃飯明明這餐有著為在下而設的奇怪名銜卻不是為著此事而吃這餐飯店裡牆壁橫磚的設計也讓在下一直想起一些情景其實心裡還真有點快點吃完快點離開只是我不想那麼快離開跟你一起的時間..但到最後也沒差吧就是今天 我的靈魂不在

小曼谷海鮮燒烤屋九龍城衙前塱道1A地下自己本身就好少黎九龍城食飯，因為覺得好唔方便，但係自從港鐵屯馬線開左之後就唔同晒啦，係宋皇臺站行過黎九龍城都係幾分鐘好方便，難得黎到九龍城當然係要食泰國嘢啦我地行左幾個圈，最後揀左呢間<小曼谷>，因為見到都幾多人幫襯，而且網上好多正評所以就決定試下。。不過提下大家最好打黎訂位，因為就算係平日都幾full,  我地大將7點鬆d 黎到，已經座無虛席要等位啦各式沙爹串燒--- 呢度既串燒全部都係即叫即燒熱辣辣，自己最鐘意就係燒泰式臘腸，出面其他餐廳好難搵得到，再加埋秘製既沙嗲醬真係一流鐵板豬頸肉炒通菜(馬拉盞)---本身泰式馬拉盞炒通菜已經好香，呢到再用鐵板上感覺更加惹味，絕對係必叫item 呀招牌海南雞---我地叫左半隻份量都幾多，食落雞肉十分嫩滑，雞皮爽薄唔會太油膩，我同朋友都好鐘意冬陰雞湯---食得泰國嘢當然要整返個冬陰公啦，味道好濃郁而且十分足料，湯入面除左有雞之外，仲有大量既菇類同埋蕃茄仔好正，而且又唔會太辣，朋友唔太食得辣都飲到覺得正榴槤糯米飯---最尾當然要食埋甜品啦，好彩我同朋友都鍾意食榴槤，榴槤肉加埋暖暖既糯米飯同埋濃郁

見屯馬線開通咗咁放便，冇理由唔去搭下順便食吓泰餐 ！7點幾同friend經過係門口見到入便爆曬棚佢話有啲肚餓不如排隊試下！點知等等下最尾都係等左40幾分鐘先入到去食！本來有啲肚餓，依家搞到非常肚餓！一坐低個樓面就放低一壺水同埋一個大碗俾你自己洗餐具（有啲酒樓feel)同埋叫你自己可以用QR code落單！（都幾方便唔洗到時落錯左又話人地樓面自己落錯）嗱嗱臨即刻落左原隻魷魚釀糯米咖喱法包軟殼蟹干炒豬肉片河同小食拼盤飲品就一杯珍多冰同埋青檸菠蘿冰 ！先講個小食拼盤就冇乜特別又唔係好食又唔係難食！（5分）（10分滿分）泰式豬肉片河就炒得味道都唔錯不過有啲河粉仲係白色即係未炒得均勻（7分）燒魷魚就冇乜味道同埋好韌要靠點佢跟個啲辣椒（3分）咖哩軟殼蟹就冇乜咖喱味同埋得個甜最差呢樣（1分）個1分係啲軟殼蟹出到嚟仲熱辣辣！珍多冰就正正常常，青檸菠蘿沙冰都係差冇乜菠蘿味同埋好多冰粒未打碎！總括嚟講呢間野一定冇下次佢價錢又唔平仲要地方唔係好舒服同埋唔係好食！（連埋+1差唔多800）（九龍城仲有好多泰餐同好多選擇）

幾個月先食一次小曼谷，都係喜歡泰國姐姐，佢哋比較親切。而家可以用QR code落order，好方便。串燒好好食😋特別係佢嘅醬汁，撈飯撈麵都可以。生菜包係必食，但係每次都辣到噴火。炒飯今次失色咗少少🤏海鮮炒飯比較濕，炒金邊粉依然都係咁好食😋甜甜地好得意😎加埋花生碎好惹味。泰式凍奶茶都係必點！唔飲過泰式凍奶茶唔好話你梨過泰國餐廳。泰式凍奶茶用特別嘅茶葉沖制所以味道同港式奶茶係好唔同係特別甜冬陰公湯都係必點！又係次次食到噴火但係都要食！湯入面隻蝦好大隻好抵食。如果你叫咖喱嘅話一定要嗌芝士酥餅，比起其他餐廳既酥餅林身，好好食😋加埋芝士好惹味芝士蝦餅好好食😋雖然係炸🤣但係唔會好油膩💜外邊脆入邊芝士軟林林好特別好好食😋