小曼谷海鮮燒烤屋

營業中

休息中

幾個月先食一次小曼谷，都係喜歡泰國姐姐，佢哋比較親切。而家可以用QR code落order，好方便。串燒好好食😋特別係佢嘅醬汁，撈飯撈麵都可以。生菜包係必食，但係每次都辣到噴火。炒飯今次失色咗少少🤏海鮮炒飯比較濕，炒金邊粉依然都係咁好食😋甜甜地好得意😎加埋花生碎好惹味。泰式凍奶茶都係必點！唔飲過泰式凍奶茶唔好話你梨過泰國餐廳。泰式凍奶茶用特別嘅茶葉沖制所以味道同港式奶茶係好唔同係特別甜冬陰公湯都係必點！又係次次食到噴火但係都要食！湯入面隻蝦好大隻好抵食。如果你叫咖喱嘅話一定要嗌芝士酥餅，比起其他餐廳既酥餅林身，好好食😋加埋芝士好惹味芝士蝦餅好好食😋雖然係炸🤣但係唔會好油膩💜外邊脆入邊芝士軟林林好特別好好食😋

限聚令終於放寬啦！為左慶祝阿哥生日，我地一家好難得出街食飯。果日落住毛毛雨，我地一家又好少去九龍城，好彩佢個location好易認先無盪失路。係間店嘅門口有一隻好搶眼嘅橙色公仔，一定無可能唔認得！果日dinner時段都幾full架，但待應姐姐都好有反應，一揚手就即刻走埋黎聽order，完全唔會因為人多就被冷落，好抵讚。 果日食左好多野，都好好味。今次特別想推薦佢個燒盲鰽、咖哩炒青口、蒜蓉包。首先上枱嘅係最惹味嘅combo： 咖哩炒青口、蒜蓉包。 屋企人對於青口、蜆果啲係好狂熱嘅，所以呢個combo係勁快就被的地清晒了。蒜蓉包係好重蒜蓉果隻，相反比較淡牛油味。我個人prefer 重牛油味嘅多啲，anyways 個主角係個咖哩。呢間店嘅咖哩係遍甜嘅，唔辣，所有人都岩食！上枱盲見到佢個魚皮燒得好脆，啲魚鱗清得好乾淨，魚肚位置係填滿左香草。一打開錫紙包，就已經留晒口水。佢個魚肉滲了香草味，燒得好嫩、好滑，加上魚肉個質地好厚，唔肥膩。我地一家對於食魚真係一般般，但條魚上到枱都唔使廿分鐘已經無晒。

每次經過太子道西也被轉角位泰國餐廳的吹氣公仔吸引，今晚終於到了小曼谷海鮮燒烤屋晚餐。餐廳已用手機掃描 QR code點餐，非常方便！價錢總數一目了然。我們點了必定推介包括 泰式生蝦刺身 及 小曼谷炒米粉 ；還點了泰式醃粉絲肉碎沙律 及泰式鹹魚炒芥蘭。生蝦刺身大大隻冰鎮上碟，蝦肉新鮮爽口，配上生蒜片、辣椒及秘製醬汁非常好味。小曼谷炒米粉夠鑊氣，而且非常多料，炒得乾身，惹味好味。泰式醃粉絲肉碎沙律酸酸辣辣，刺激味蕾！鹹魚炒芥蘭咸香惹味，芥蘭軟硬度剛好。餐廳座位多，更設有室外座位。下次會再約朋友來晚餐，試更多餸菜。

久聞九龍城小曼谷係十分出名，之前一直好想試，於是今晚就約左一個志同道合，都係泰國菜迷既朋友一齊黎試下餐廳裝修好新淨，門口個吹氣公仔簡直係標誌吹氣公仔動感十足，經過都一定會望下食物既種類十分多，選擇困難又發作。同朋友商量過後，叫左炒飯，串燒，冬陰功湯同芝士蝦丸先上冬陰功湯，有個爐仔一路加熱，一定吾會凍。湯十分足料，入面有兩隻大虎蝦，蝦肉好鮮味，仲有好多菇同香料，真係好味到停吾到口，而且吾會太辣。豬頸肉炒飯好香口，炒得好乾身，粒粒分明，豬頸肉入味，加少少靑檸汁，錦上添花串燒都烤得好香口，而且烤既時間剛好，吾會因為烤得耐而太乾我最期待既芝士蝦丸出場啦，粒粒都好有份量，切開入面勁多芝士，食落去會拉絲，真係十分適合鐘意芝士既朋友。蝦丸都十分彈牙，呢個值得推介期待已久既小曼谷果然無令人失望，下次黎開九龍城會再幫襯。

九龍城食泰國菜真係品質保證，每次見到門口不停揮手嘅吹氣公仔，都會埋去睇下，今次見有啲餓，就行埋入去食返幾串串燒啦！牛舌串燒（＄28)一串有四件牛舌，又厚又大片，而且燒得外脆內軟，淋到好似食緊午餐肉咁，又有油香，超正。鮮海蝦球/珍寶帶子串($48)兩樣都好新鮮，勁爽甜，加埋勁多汁嘅燒蕃茄，十分滋味！燒脆皮白鱔（$112)燒鱔一向係我嘅至愛，小曼谷嘅燒鱔完全無令我失望，除咗皮脆之外，肉質仲好爽！鱔肉又好甘香，必點燒鱔呀～

聽講九龍城呢一間小曼谷好出名，咁另外都有一間都係小曼谷嘅咁我哋今次就試咗呢一間，入到去坐低咁位置唔係話好大嘅但都舒服嘅咁我同朋友就叫咗生蝦、咖喱炒蜆、冬陰功湯、雞腎串燒，我最鍾意就係佢個生蝦點去嗰個自家嘅醬汁咁咖喱炒蜆我哋都係叫咗薄餅配襯，佢嘅冬陰功湯不過不失咁另外都叫咗碟馬拉盞炒菜嘅呢間裏面嘅座位唔算太多咁如果你哋真係要一班人嚟食記得要預留時間等位啊如果你哋黎食可以試咖喱炒蜆炒蟹個咖喱啲汁好好食😋

好久沒有外出晚飯了，今天跟好友們一起吃好的，因為太想吃泰國菜了，所以找了這間小曼谷海鮮燒烤屋。一入門口，職員立即為我們量體溫，又給消毒搓手液搓手，及派膠套放口罩，非常貼心。一打開餐牌，食物的種類很多，有串燒，海鮮，咖哩，湯品等等，我很多都想點來吃，看起來相當吸引。最後我們點了…  泰式飛天炒通菜，很有趣的名，一上來就聞到很香，菜也很翠綠，餐牌上寫它是辣的，因為我們都太吃得辣，所以沒覺得很辣，但吃上去都非常爽脆，炒得惹味，很不錯。  之後不少得泰式木瓜絲沙律，份量比我想像中還要多，木瓜絲每條都切得非常平均，口感很好，酸酸甜甜的，很清爽又開胃。  再來就是冬蔭公湯，我們幾個人點小鍋就夠了，一上枱就滾熱的，非常香冬蔭公味，飲下去酸酸辣辣，香料味又香又濃，又有點海鮮味，很不錯。但比我們想像中不是太辣，相信都迎合了一眾香港人的口味。湯內還有兩隻大蝦呢！蝦肉爽及彈牙，非常新鮮。平時吃得多原味的烤餅，朋友見到有泰式芝士烤薄餅，馬上要求要點，一上枱賣相很不錯，都是熱騰騰的。咬下去也很鬆脆，又有點點芝士拉絲，又有點芝士香味，我們也很喜歡。點了烤餅，就更加要點咖哩，絕對是完美的配搭，我們點了青咖哩豬，青咖

位於九龍城的小曼谷不經不覺成了老顧客今天晚上又約了朋友一起來吃泰國菜林林總總泰國菜式應有盡有還發現最新推出了煲仔翅凡惠顧任何食品加$98就有一煲小最谷泰式煲仔翅加入了魚翅群邊和蟹肉入口味道濃郁 不錯不錯還可按個人喜好加入芽菜、芫茜和醋汁調配自己喜歡的口味極上安格斯牛柳粒串四粒牛柳粒 質感軟軟 點上沙嗲醬 好味道伴有四粒蕃茄仔 鮮甜好味珍寶帶子一串三粒珍寶帶子熟度剛剛好 吃下去軟綿 滿滿鮮味明爐蒸桂花魚有辣和不辣的可以選 今次選擇了不辣的一款桂花魚以泰式香草等調味 吃下去酸酸甜甜泰式濕炒牛肉河選擇了濕炒 比起乾炒不太熱氣片片牛肉配上菌菇、芥蘭和蘿蔔片食下去香香的 好味道椰青椰青大大個 清甜解渴飲完還可以吃椰肉 吃泰國菜必點

💕🇹🇭泰國菜系列🍽🤤▫️餐廳：小曼谷海鮮燒烤屋Mini Bangkok Seafood and Grill▫️地點：全香港有2間分店📍九龍城太子道西398號御太子地下1-3號舖（在衙前塱道入口）▫️營業時間⏰：星期一至日11:30 - 01:30▫️價錢：～$50+（📍中午6人同行1人免費）—美味：🇹🇭🇹🇭🇹🇭🇹🇭環境：🇹🇭🇹🇭🇹🇭🇹🇭價錢：💰💰💰—🇹🇭👧🏻之前去過泰國旅行，鐘意咗泰菜💕前日同咗班朋友去食泰菜，依間比想像中平而且高質💕🥰泰式鮮蝦炒金邊粉pad thai🥰必叫😊（$52）但超好食，軟硬適中🤗而且夠料🔥正宗🤗🤗而青咖哩💕都好jeng($58)都好好食❤️雖然辣辣哋，但餸飯一流🥰🥰而黑椒牛柳都同樣高質，好夠味🥰夠軟—#好西 #打卡 #泰国 #小曼谷燒烤海鮮屋 #泰菜 #小曼谷 #cafe #cafe #正餐 #夏天美食 #HongKong #HK #foodie #goodwest #food #meal #lunch #UrbanCafe #MK #cat #Eeeeeats #foodphotography #foodporn #foodie #forky

年尾諗住同屋企人食番餐好既，因為老豆好中意食泰國菜，所以近近地揀左九龍城 平時成日經過都被隻公仔吸引，呢間小曼谷成日聽人推薦，可以話係九龍城其中一間最廣為人知既泰國菜可能當晚太多人，侍應帶左我地去室外用餐，因為風口位有小小凍，可能下次坐入室內比較好 睇左下menu，都幾多海鮮可以叫，我地即刻叫左幾份海鮮串燒，分別係牛舌（4片）同帶子，阿妹好中意串牛舌，貪佢夠厚身；而我自己就比較中意食帶子，因為真係好鮮嫩不過我最最中意既係呢份香燒扇貝，香口惹味仲有呢個蟹肉煲仔翅，冬天必試，熱辣辣飲落去成個胃都暖番黎食泰國野點都要叫番個椰青食下清熱解辣侍應哥哥話可以試下呢個椰青波波，睇落好似雪糕咁，已經起哂椰肉，食落超方便，食左咁多泰國野都係第一次知呢種操作最後仲加多兩份墨魚咀，算係不過不失啦 

九龍城既泰菜一向都係味道有保證，但係今次黎呢間泰菜或者可以食到D其他泰菜無既菜色由於今日係平日，所以晚市黎到除左幾檯客之外都無人，唔洗等位今日專程想黎試下冬蔭功雲吞！冬蔭功就試得多，但係未試過D蝦係包係雲吞皮入面，真係要黎試下除左冬蔭功雲吞，仲要左豬頸肉沙律同埋軟殻蟹咖哩，飲品就叫左一杯泰式奶茶呢個冬蔭功未飲先要讚！佢要連埋個火上，所以唔洗怕會凍左唔好飲，KEEP住熱份量都大架，入面好足料，有五粒好大既雲吞呢張相影唔到粒雲吞有幾大粒，入面係有三隻蝦架！真係好誇張！咬開望下，我已經食左一隻蝦，仲有兩隻係度，真係好大粒架！均衡飲食要食D菜，但呢個沙律有好多豬頸肉！我地有懷疑過係咪落錯單叫左燒豬頸肉TIM豬頸肉油份分佈平均，落左酸酸既醬汁好開胃，仲有D菜夾住食下清下油膩感唔好睇佢細細碟咁，其實份量都好大架食到呢度，其實我同友人都飽左了之後我地叫左杯泰式奶茶飲 ，好飲感覺同CHATRAMUE既味道有DD似最後呢個都係評價最高既一道菜事緣係因為友人未食過泰式咖哩，所以呢道菜係一定要點黎俾佢試試今次叫左既咖哩係軟殼蟹咖哩跟農夫包軟殼蟹份量都有四至五隻，咖哩就滿滿一個包泰式咖哩係加左蛋所以有D杰身，

好耐無食過泰國野, 咁一諗到食泰國野，緊係要去有小泰國之稱嘅九龍城啦！所以今次我就去左位於九龍城的小曼谷海鮮燒烤屋. 餐廳環境舒服，有室內同室外，而且晚上8/9點仲有人會live唱歌，一邊食飯一邊聽歌都幾似真係係泰國咁.食物方面, 我同朋友就揀咗一碟青木瓜沙律，飛天通菜，咖喱軟殻蟹法包，4串串燒(豬，雞，魷魚鬚，珍寶腸)，榴槤糯米飯.先講一下碟青木瓜沙律 份量比想像中多, 味道又唔錯喎，連本身唔太好沙律嘅我都忍唔住食左。飛天通菜，個人覺得好食！不過帶少少辣，鐘意食少辣嘅朋友可以試試。咁泰國餐廳點都要食埋個串燒同咖喱先叫黎過，所以我就叫左咖喱軟殻蟹法包同埋薄餅，薄餅同法包配咖喱好食，而且法包吸左啲咖哩，味道更出，不過建議兩個人嘅話唔洗叫加薄餅，可以改為叫其他串燒輕食，因為太多澱粉質會太飽. 串燒黎講豬同雞都燒得剛好，豬唔會太熟，雞好滑。因為豬太熟嘅話會好難食。魷魚鬚唔太乾，同有我嘅最愛珍寶腸！！真係好正！又到左我最期待嘅甜品，好多餐廳有芒果糯米飯，但今次竟然俾我揾到榴連糯米飯，機會咁難得，緊係要try try。嘩！榴連肉絕不欺場，一飯配一肉不成問題，而且味道比得上出面的甜品店，喜歡榴連嘅

今日同朋友嚟到九龍城，本身諗住食傳統個間小曼谷，但經過見到呢間未食過，睇個menu又唔錯喎，就決定入去試下啦！其實我地最主要係想食海鮮，見佢個燒海鮮套餐唔貴就叫咗蟶子同鮑魚嚟試下。佢啲味道同係泰國食係好似！好香牛油味！燒得啱啱好。啲串燒都ok,我地有叫牛，雞軟骨，牛就乾身咗少少。而個燒菠蘿都好好食，有啲焦糖味，足足俾咗4份1個我，都唔錯。馬拉𦾟炒椰菜苗，椰菜苗幾新鮮，不過個醬好似重手咗少少，所以我個人就覺得咸咗少少，但整體都好味嘅！

午餐有冬蔭功肉碎湯送冬蔭功湯少少辣 唔酸 仲有菇係入面 幾好味炒金邊粉無乜味 而且蝦無挑乾淨啲腸 蝦開左背見到啲蝦腸 比較扣分 金邊粉分量適中熱龍眼水味道不俗成個餐50蚊可以接受

心血來潮好想食泰國嘢，同朋友去咗九龍城食小曼谷。叫咗咖喱雞，再叫蒜蓉包黎點咖喱，蒜蓉包好香脆，咖喱好香，唔太辣。魷魚好新鮮，入面嘅糯米飯好香，一啲都唔靭。食泰國嘢一定飲泰式奶茶，好香茶味唔會太甜。