小曼谷泰國美食站

營業中

休息中

［銅鑼灣店門口打卡位—火車站🚉］🫶依間泰菜擁有幾間分店，除了小曼谷泰國美食（站）的名稱外、小曼谷海鮮燒烤屋同BTS美食站都係同屬品牌旗下，當然食既菜式會有少少唔同。💟得意LOGO：原來品牌Logo除左係隻最能代表泰國既大象內暗藏「小曼谷」三字，好有創意～👂總店位於聞名食泰菜既九龍城區，今日就係銅鑼灣分店食。驚喜位係兩區店都會有不同主唱的Live band music常駐，粵語流行歌同英語歌兩樣都有，一邊享受美食，一邊聽音樂，勁Chill～🥣冬蔭公湯(細)用小明爐烘住可以keep住飲到熱湯，味道好正宗，偏酸少辣好好味。內有兩隻已去殼既原隻虎蝦，新鮮彈牙。配料的秀珍菇索晒濃湯味，讚👍🔥泰式炸魚餅即叫即炸，一份炸魚餅份量好足，有5塊，賣相好得意，好似車輪餅咁中間開洞。我一食開炸物會不期然食勁多塊，真邪惡～炸魚餅外面層粉唔會太厚，外皮脆口配肉質軟身既魚餅，口感好正。👍泰國招牌食物：飲品：椰青--清甜解渴又好多椰肉食～甜品：椰汁西米糕配泰式千層糕(雙併)--唔會太甜味道適中，又滿足到我甜品胃。我個人比較鍾意椰汁西米糕，中間有D一粒粒咬下～係「小曼谷」食到正宗泰菜既味道，食完好似去左轉泰國咁，爽呀

❣︎小曼谷泰國美食❣︎呢間餐廳想信好多人都對佢唔陌生，今晚同朋友來到銅鑼灣分店晚飯，全場滿座😯，原來而家餐廳推出左🔊日日有♥︎泰♥︎度優惠🤑每晚六點後只需加$38就有一款指定美食😋連人氣熱爆嘅火山骨都有👍🏻鍾意食泰國嘢嘅朋友千祈唔好錯過。仲有每晚都會有唔同風格嘅歌手現場表演添👩🏻‍🎤氣氛滿滿。❣︎泰皇咖喱炒紐西蘭青口❣︎$38今晚我就試吓呢個有♥︎泰♥︎度優惠啦🤑$38咋，唔加對唔住自己😆唔好以為優惠價就係細細碟，係正價嘅份量😍青口大大隻鮮甜美味👍🏻咖喱汁香濃。❣︎香葉肉碎炸蝦膠皮蛋❣︎$138超大碟嘅炸皮蛋🤩一上枱我同朋友都嘩左一聲🙂‍↔️沙律菜鋪底，蝦膠彈牙，皮蛋濕潤Q彈👍🏻香辣肉碎微辣開胃醒神。❣︎泰式鮮蝦炒金邊粉❣︎$138面頭有層蛋網包住，賣相好吸引😋金邊粉炒得好乾身👍🏻味道偏甜，鮮蝦勁大隻彈牙，旁邊仲有花生碎伴碟。❣︎牛肉串燒❣︎(2串)$46泰式花生醬重花生香味，沾牛肉串來食，非常惹味。❣︎椰皇沙冰❣︎$43食泰式野🙂‍↔️一定要整返杯清甜冰涼嘅椰子冰噤先夠爽。

食物：4/5 環境：3.5/5 服務：4/5 性價比：5/5 食物：lunch menu ~5x左右，都多選擇，唔係第1次食，樣樣都唔錯環境：正常連鎖餐廳格局，冇咩好講服務：正常連鎖餐廳服務，冇咩好講性價比：50幾蚊送冬蔭公湯同龍眼冰，抵食過晚市好多

🇹🇭♡冬蔭雞湯 💰$138前一排天氣勁凍❄️去到食泰國嘢叫咗個tomyum雞湯估唔到份量大到成大煲咁上同朋友三個人分最後都爭啲飲唔晒味道勁濃郁，酸酸辣辣嘅味道超開胃，仲要有勁多雞肉超抵嗌!♡小曼谷五星燒雞（半隻） 💰$178雖然等候時間比較耐，但係絕對係值得等待燒雞係外脆內軟雞肉超嫩滑而且調味啱啱好配埋特製嘅醬汁勁好食建議必try!♡燒豬頸肉 $138都係燒到吹口，而且肉質加埋醬汁都超夾食落去好開胃，而且係一個好好配啤酒既小食🍻♡泰式飛天炒通菜 💰$108泰菜點少得飛天通菜最抵讚嘅係有得揀少油🫶完全睇清楚香港人嘅口味♡青咖喱雞肉 💰$118♡泰式原味烤薄餅 💰$52呢兩個簡直就係絕配香濃嘅青咖喱配埋薄餅真係勁夾仲要啲雞肉好滑份量又多😋♡椰青 💰$53好fresh❣️好好飲

又食小曼谷泰菜啦，呢到好多款嘢食，大部分食過都唔錯😋🍚香葉辣椒豬肉碎燴飯（配荷包蛋）$108竟然想食飯，呢個似生菜包啲肉咁，好惹味，送飯食一流，加埋啲青豆好爽口，調味剛好，好食👍🏻🥬泰式馬拉盞炒椰菜苗$108多數Thai food都偏鹹同油，難得呢到可以揀少鹹少油，食落口真係好好多，一樣係惹味嘅🥢牛油蒜蓉燒扇貝$158次次都必食，牛油又香，有啲泰國魚仔脆脆地增加口感，扇貝熟度啱啱好🫶🏻🐟燒脆皮白鱔（兩串） $178魚油香濃，魚皮好脆，好食🉐🥥椰青$53清甜好飲🚩小曼谷泰國美食站 (銅鑼灣) @minibangkok 📍銅鑼灣謝斐道535號Tower 535地庫B02舖

上一次去泰國已經係半年前，暫時未有計劃只好留喺香港回味，今晚去銅鑼灣嘅小曼谷泰國美食站食飯，因為呢度夜市風格，好好氣氛，有好多海鮮食，即點即燒，新鮮熱辣，燒得好好手勢。因為燒海鮮需要時間，冬陰功湯先到，原隻虎蝦一共有兩隻，好新鮮喎！肉質好甜，好有彈性，連埋湯汁一齊食，真係好鮮味，個湯熱辣辣用個爐仔烘住，湯係熱飲最好飲，複複雜雜、酸酸甜甜嘅味道，但又唔係太強烈，剛剛好。點咗兩款燒海鮮，燒脆皮白鱔有2串，個皮燒到脆卜卜，肉質有彈性，點少少酸汁食，正呀！鹽燒馬友魚一條，皮係唔食嘅因為好鹹，裏面啲肉就吸收咗鹽味，好肥美好嫩，生熟啱啱好。最後食芒果糯米飯，超值，有泰國水準。

朋友👩🏻‍💼話想食泰國菜🇹🇭，我哋商量咗大約5秒就決定嚟呢間泰國🇹🇭餐廳開餐🤣$108「泰式🇹🇭鹹肉炒芥蘭」：可以選擇口味，要咗：「少咸，少油」；芥蘭🥬爽脆，泰式鹹肉半肥瘦有鹹香，一齊炒味道濃郁😋$158「海南雞🐓半隻」：海南雞🐓不同部位有不同口感但係基本上都夠滑，亦都幾好雞味👍；仲有一碟辣辣哋嘅醬汁要嚟沾雞食更加惹味🤣$118「泰式🇹🇭豬頸肉🐷炒飯」：炒飯炒到粒粒分明👍，仲有幾片好甘香嘅豬頸肉😋

喺銅鑼灣竟然搵到一間價錢親民嘅泰國菜，味道的確唔錯，不過我嫌佢有啲濃。但係喺銅鑼灣區有咁嘅價錢嘅泰國菜真係同一班朋友去就啱晒了。可以叫做放題式嘅泰國餐廳環境服務不算最好，但係價錢發現質素

今日同朋友仔去咗銅鑼灣嘅一間泰國菜食晚飯，餐廳空間感十足，好多座位，卡位為主，木色系，平日都full咗一半，感覺呢間頗有人氣，有時仲會有live band，應該幾有氣氛。主食嘅選擇有好多款，我最鍾意乾炒河，雖然隨便去間餐廳都有得食，但九成九係得個油字，呢度做得幾有驚喜，有鑊氣，油量適中，又入味，食完都唔覺得口乾，味精唔多，正。另外幾鍾意呢度嘅炒菜，雖然份量唔多但勝在夠爽口，而且都幾新鮮。朋友話豬肉生菜包同炒飯好正，但個人就覺得有啲鹹，不過平時自己食開清淡嘅，所以先知會咁樣認為。甜品方面好推千層糕，淡淡斑斕香氣，QQ地，好可愛。椰汁西米糕就比較常見，椰味突出，都幾唔錯，性價比算高。

呢間係由泰國華僑開設嘅泰國餐廳，主打多款地道泰式菜，亦有創新fusion料理，喺九龍城、元朗同銅鑼灣都有分店，適合一班朋友聚餐，門外有火車頭裝飾，好可愛好打卡able呀～ 前菜有木瓜絲沙律，味道酸辣鮮甜又醒胃，份量好足，越食越開胃，令人一試愛上😍 主食有乾炒豬肉片河，炒至乾身唔油膩，條條入味，唔會見到白色河粉，麵條軟硬度適中，唔錯👍🏻個人喜歡香葉豬肉碎炒飯，炒至粒粒分明，熱辣辣，香濃惹味，建議可以撈埋豬肉碎生菜包嘅豬肉碎一齊食，再包住新鮮生菜，真係好好味🤤菜品選擇眾多，要咗炒雜菜同鹹魚炒芥蘭，炒至爽脆，外脆內嫩，可以要少鹹少油，感覺更加健康、最後以經典嘅椰汁西米糕、千層糕同芒果冰條作結，甜度適中，芒果仲要係真芒果，正～

今日晏晝食得飽，夜晚想食開胃嘅冬陰功湯，剛好在銅鑼灣 Tower 535 附近，想起小曼谷就在地庫，於是決定入去。冬陰功湯（原隻虎蝦）足夠二人分享，酸甜複雜味道，非常開胃；2隻虎蝦相當新鮮，原來亦有龍蝦冬陰功湯，下次來吃。肉方面揀了頂級牛柳粒串燒，牛肉燒得好，香嫩有肉汁。燒白鱔皮脆肉嫩，結實，燒得唔乾。泰式燒魚用鹽燒方法，令肉質有鹹香，肉嫩，保留肉汁。環境很有夜市氣氛，門口用個火車頭裝飾，聽到廚房炒菜聲，令人想食；出菜好快吓，很有效率，價錢相當合理。

估唔到平日呢度都咁旺場 好快已經滿座 宜家每日夜晚8:30後入座有全單七折優惠 好抵食！😍 仲有歌聽添🎶串燒拼盤啖啖肉😝 點埋個花生味濃厚嘅醬汁更惹味 雞腎 好爽口唔會韌👍🏻 燒臘腸都好特別 同平時中式唔同 呢款表面脆脆地 又唔會油膩😆炒通菜好惹味 送飯一流🤤 仲可以揀少咸少油 感覺都健康左😂 炒飯好大碟 炒得好乾身 配埋蛋汁一齊撈黎食😎 食落多一種層次👍🏻🔸串燒拼盤B(雞全翼、地道燒臘腸、豬、雞、牛、雞腎）🔸泰式馬拉盞炒通菜🔸 香葉辣椒豬肉碎炒飯(配荷包蛋)

講到泰國菜就會諗起小曼谷除咗九龍城之外，銅鑼灣都有分店食物質素多年來都保持水準仲有特色嘅甜品Menu款式好多選擇連泰國最正嘅煲仔翅都有✨鐵板豬頸肉炒芥蘭上枱時 熱到出現咋咋聲豬頸肉份量好多，香軟爽口好Juicy配芥蘭可以中和一下✨串燒拼盤一次過享受6款串燒雞全翼．地道燒臘腸．雞腎雞．牛．豬 各一串燒得惹味，唔會太乾✨泰式蒜蓉包蒜蓉包口感香脆面層舖滿粒粒蒜蓉✨榴槤沙冰沙冰好細膩．口感Creamy又冰凍✨榴槤冰條呢款用真正用榴槤果肉製嘅冰條又香又滑味道濃郁

很喜歡去銅鑼灣的小曼谷，感覺恍如置身於泰國曼谷，餐廳佈置亦相當有格調，門口的火車頭擺設相當有特色，餐廳近日做緊晚上8:30後入座有七折相當抵食。唔使去到泰國唐人街都可以食花膠煲仔翅，材料相當豐富，大大嚿花膠大大塊魚翅，濃稠適中，加埋芽菜胡椒粉紅醋調味，味道一流。黃咖喱豬頸肉，咖喱味道略為偏甜，豬頸肉份量相當多，比較燒豬頸肉，咖喱食法較為軟嫩多汁，再配合泰式酥餅，點咖喱汁一齊食，好味。飲品方面，強烈推介椰汁沙冰，微甜冰涼椰味相當香濃。

今晚想吃泰菜，又想進餐之中有點音樂配合，便想起這間泰國菜了。這裏每晚都有樂手演出，配合泰式美食，又是另一番風味。豬肉串燒兩串$46，雞肉串燒兩串$46。豬肉和雞肉帶點泰式香料的味道，兩者都燒烤得不錯，外脆內軟，保持了肉汁，如果喜歡沙嗲醬，加了層次感更加豐富。小曼谷五星燒雞$178，燒雞的外皮帶點炭燒的香味，雞肉鮮嫩可口。由於這個燒雞是即點即制的，需時大約20分鐘以上，不過來到吃了的時候，都覺得值得。小曼谷原隻芒果糯米飯$108，原個芒果切開兩邊之後，又再已經切成粒狀，方便進食。芒果香甜可口，加上暖暖的糯米飯和椰漿，這個傳統的泰國甜品做得不錯。如果喜歡吃多點椰漿，叫侍應添加都完全沒有問題，這個態度非常值得讚賞。