小曼谷泰國美食站

營業中

休息中

👍🏻泰皇咖喱法包軟殼蟹 $268招牌菜！黃咖喱配料三色椒、洋蔥、蔥段等法包兩大個，口感鬆軟，配搭軟殼蟹，沾上濃稠咖喱，微微辣，香甜濃郁🤪-👍🏻極上燒安格斯西冷牛小排 $268呢個幾有驚喜！揀咗七成熟，上枱已經切好晒，外面焦香，內裏粉嫩雖然肉質偏瘦但唔難咬，咬落算多肉汁，而且牛味好濃🤤-👍🏻泰式龍蝦炒金邊粉 $278賣相打卡一流，龍蝦已經拆肉炸成蝦球，金邊粉質地彈牙，但稍為乾身咗啲份量都幾大碟，適合兩至三人share食-👍🏻泰式風情薄餅 $58幾有特色，邊位好酥脆，面頭鋪滿泰國臘腸、芝士、蕃茄仔，趁熱拉絲830pm後每2位送1件，就咁食或者點咖喱都好夾😎-👍🏻泰式燒西班牙黑毛豬扒配粟米沙律 $148黑毛豬扒好厚切，燒到微微焦脆，肉味香濃，配搭粟米沙律中和膩度-👍🏻鹽燒馬友魚 $228魚皮薄脆，魚肉都算嫩唔會燒到過火，帶淡淡鹹香，調味適中，食返馬友魚本身鮮味，唔腥-🔸豬肉碎生菜包 $118🔸椰汁雞湯 $138🔸原隻芒果糯米飯 $108🔸芒果沙冰 $45 & 菠蘿沙冰 $43 (買一送一)-以泰國火車夜市做主題，夜晚仲有駐場歌手live music，幾好氣氛環境闊落多大枱，食物份量都幾大碟，

每晚都有music live，可以一邊享受美食之余，一邊享受現場氣氛☺️門口有火車頭擺設，後面配以一室車卡座位，令人恍如置身於泰國火車夜市🤩🍲泰式花膠濃湯煲仔翅各種食材嘅調和，令到味道飽滿而持久，回味無窮，大大條花膠令人垂延欲滴😝跟上嘅配料可以根據個人口味自行搭配，增加層次感😋🥗極上牛小排醃沙律牛小排搭配沙律其佢配菜一齊，呢個做法賦予獨特嘅風味🤤肉嘅份量好足料哦😍🍢BBQ拼盤C有三款拼盤，無論鍾意啖啖肉定係素食都任君選擇😋今晚呢款由極上安格斯牛柳粒串、鮮海蝦球串、燒帶子組成，即叫即燒，享受新鮮燒烤嘅美味☺️🥥椰汁冰有活動買一送一，好多唔同嘅飲品，絕對超值☺️駐唱歌手曲風很廣泛，聽著都可以跟著哼上兩句👏🏻充滿夜市嘅氣氛，門口設有指引路牌和火車頭嘅擺設，十分過癮，有種泰國街頭嘅感覺😍令人放松心情，享受當下😊

同朋友👩🏻‍🦰一齊喺銅鑼灣，佢👩🏻‍🦰帶咗我嚟呢個商場下邊嘅泰國🇹🇭餐廳開餐，佢👩🏻‍🦰話呢度幾好味，我話俾朋友👩🏻‍🦰聽我都嚟過🤣$108「泰式🇹🇭豬手飯」：泰式🇹🇭豬手🐷🖐️炆煮得好腍，肉質好軟熟，連豬皮都係軟腍腍👍，要嚟撈飯食都好夾🤩$128「泰式咸肉炒椰菜苗」：有得揀口味，要咗：少鹹、少油👍，椰菜苗🥬新鮮爽脆，鹹肉有鹹香，鹹肉大約6成瘦4成肥，要嚟炒芥蘭苗，特別香口🤣$118「香葉辣椒炒豬肉碎」：都有得揀口味，要咗「少辣」👍；香葉🍀☘️🌿夠香口，要嚟炒豬肉碎，特別惹味，仲加埋紅辣椒，更加好食🤩；我哋仲用呢個「香葉辣椒炒豬肉碎」撈埋「泰式🇹🇭豬手飯」一齊食，唔好味都唔得啦🤣

呢間小曼谷係銅鑼灣總統戲院附近 地點方便 收工Chill下先😉🍽️豬肉碎生菜包-少辣 ($118)泰國菜嘅Signature之一 生菜好新鮮 豬肉碎微辣份量好多 夾埋食 正😋🍽️泰式燒西班牙黑毛豬扒配粟米沙律 ($136)豬扒都幾大件 燒得夠乾身粟米沙律都係帶微辣好開胃🤤🍽️串燒拼盤B ($136)豬肉x1 雞肉x1 牛肉x1 雞腎x1 雞全翼x1 地道燒臘腸x1 有6串每串都唔同款每樣都可以試少少 燒得岩岩好 配埋沙爹醬 我都好耐無食泰式串燒啦 今日真係食個夠😙呢間小曼谷係有LIVE MUSIC嫁！每晚19:30開始 今晚係女歌手 氣氛唔錯 今晚我同朋友食得都好Enjoy☺️

由九龍城發跡，小曼谷終於黎到CWB啦！餸菜唔單只Keep到個種「九龍城」風味，銅鑼灣店更加多左Live Band，而且更滿滿「曼谷風」！「泰式串燒拼盤」拼盤包括牛、豬、雞、雞全翼、泰國腸，仲有爽脆雞腎。全部即叫即燒！「泰式燒西班牙黑毛豬配粟米沙律」切好上枱，岩哂懶人！估唔到「泰汁」Fusion 「西班牙黑毛豬」又會有另一種風味。入口爽滑。「泰式乾炒豬肉片河」雖然燒河都係「平實飽肚」菜式，但即燒有火侯，食完就好似置身曼谷街頭車仔舖一樣。「椰皇沙冰」口感綿密滑順，椰奶的香濃，仲有得選唔同「甜度」，真係好貼心丫！小曼谷泰國美食站 (銅鑼灣)銅鑼灣謝斐道535號Tower 535地庫B02號舖

收工好想食泰國菜🍽️去左銅鑼灣535地庫小曼谷🇹🇭平日不用等位直入坐喺註唱前面 好有feel椰青波波 $58可以食晒D椰青肉正串燒咸牛舌 $48好淋 不過真係咸蒜蓉包 $52超香牛油味厚薄適中炸芝士蝦球 $118中間係流心芝士🧀蝦球比較鬆散Size比想像中大粒💭咖哩法包軟殼蟹 $268超大份 食唔晒要打包黃咖哩好香 好食泰式風情pizza 🍕薄餅底 上面有泰式臘腸芝士蕃茄仔因為有大量洋蔥🧅🥲 我只係食左一啖仔今日註唱既係「泰仔」佢好nice點左首歌「不許你注定一人」因為點左首歌🤣🤣叫多2支啤酒聽住歌飲2個人食埋單$7xx

今日去銅鑼灣sogo 順便睇下附近有咩好食，好耐無食過泰國嘢，於是就去咗小曼谷食飯😆環境都好靚，最surprise係有live music😆可以一路聽一路食一路傾偈😆我哋就叫左雞軟骨串燒、豬肉碎生菜包、泰式炒通菜、仲有個泰式芝士烤薄餅雞軟骨串燒有個醬汁點，有啲似沙嗲汁，都幾好味🤤我哋叫咗個食泰國嘢必點嘅生菜包🥰叫左少辣，個味道啱啱好，啲配料炒到個肉碎好香泰式炒通菜我地就簡左少咸少油，我幾鐘意佢比客人自己簡口味，感覺好似健康啲😆泰式芝士烤薄餅好食🤤本來以為烤薄餅要配咖哩先好味，但就咁食就變左第二個感覺次次食泰國嘢我都會叫個椰青😆正

下午去食，當時去到返我同屋企人2位等位，女侍應問幾位，問完走左去無下文。後來有另外8位同2位等位，男侍應完全無視我哋帶後面即人入坐。叫左午餐set，小食拼盤同其他小食，小食拼盤本應該有魚餅，蝦餅，春卷，雞棗各二，因為唔知佢哋既魚餅係咩樣，後來埋單發現根本無俾魚餅，應該係無魚餅搵左蝦餅代替，係咪應該先同我哋講聲？ 我有權選擇要唔要？埋單時單上面有項雜菜湯係午餐set度，收銀話唔洗理，因為係0蚊。 咩叫唔洗理呢？ 我個餐包湯，我係有俾錢的。 我哋話無上到，佢答我哦。 哦咩呢？ 係咪應該問下需唔需要補返俾客人？ 唔會再黎

同朋友慶祝生日，佢話想食泰國菜，於是揀左位於銅鑼灣 TOWER 535 嘅小曼谷泰國美食站。 七點鐘嚟到，餐廳已差不多滿坐。 豬肉碎生菜包 $118朋友想食生菜包，但又唔太食得辣，於是叫左少辣。生菜新鮮而且份量多，有成十幾塊。豬肉碎辣度剛好，好惹味。配上生菜，食極唔停。 泰式鹹肉炒椰菜苗 $128炒椰菜苗係我食泰國菜必點菜式。椰菜苗炒得爽脆，鹹肉脆邊，外脆內軟，唔會太鹹，而且份量都幾多。 泰式濕炒牛肉河 $118乾炒牛河食得多，濕炒真係未試過～ 朋友推介，一於試下。濕牛河真係好多汁，但廚師都炒得好夠鑊氣，牛肉好腍，再配上甘筍、芥蘭，好食～ 真係無介紹錯。 餐廳有 Live Music，有歌手駐唱 ~ 由 19：30 - 21：30 ，食住飯有歌聽，氣氛好正。

熱愛睇泰劇嘅我又點少得鐘意食泰國野 難得放假出街緊係食下泰國野！今次去左小曼谷泰國美食站 一入到去就望到個火車頭可以比客人打卡 另外 佢地仲有個live band area等客人可以一邊享受泰國美食一邊聽住音樂🫶🏼/串燒拼盤C $152串燒拼盤有分幾set 我就揀左拼盤C 由極上安格斯牛柳粒(4粒)、鮮海蝦球串(4隻)、燒帶子(3隻)組成 牛柳粒肉質都唔錯 咬落去果下有肉汁流出黎蝦球串有啲驚艷到我 好有蝦味好爽口燒帶子燒得啱啱好、好嫩～香芒蟹肉炒飯 $118炒飯好有鑊氣 而且真材實料好多芒果仲好大粒 而且好多蟹肉 好出色唔係講笑 可以encore!!!.😆仲好貼心落order果陣可以揀走青走洋蔥添！泰式燒原隻魷魚 $188魷魚都算幾大隻 燒過嘅魷魚再加埋佢面頭搽上嘅甜辣醬 簡直係perfect match!!🦑👍🏼泰式千層糕 $59千層糕好煙韌 仲有淡淡斑斕味 而且又唔會太甜味道啱啱好💯🤍✨泰式冰奶茶 $43泰奶係食泰國野必嗌🤍發現宜家做緊優惠所有野飲都買一送一 好抵！！✨叫左咁多野食 埋單連加一都只係$616

《泰美妙》串燒香焰舞，肉嫩滋味誘惑。泰式拼盤色彩鮮，酸辣香氣宴。椰香沙冰清涼甜，舌尖上的夢幻。美食的魔法，令我們相遇。The meat is tender and flavorful, dancing in the charcoal grill's flames. The Thai appetizer platter dazzles with colors, a banquet for the senses in sour and spicy aromas.The coconut milk shaved ice cools refreshingly sweet, a dream on the tongue.The magic of food brings us together.牛肉串燒2串 46HKD雞肉串燒2串 46HKD泰式拼盤 198HKD泰式馬拉盞炒椰菜苗 108HKD冬蔭公湯 158HKD椰皇沙冰 43HKD

男朋友想食泰國菜所以直接open rice 就搵到呢間😬小曼谷泰國美食站無book，中驚好多人，點知都幾多位✌️門口放住一架火車，幾特別（雖然同泰式唔太格😂）現在有Live Band，唱得幾好聽，現場可以點歌🎤兩個人都不太餓，就叫左：泰式馬拉盞炒通菜好好味，炒得好正宗👍，份量都ok芒果沙冰🍧超大杯，飲完肚馬上唔太舒服🙈青咖哩豬頸肉🥘超好味唔辣，點薄餅食，好格👍泰式芝士烤酥餅（2塊）好香，好酥脆，就咁食都好夠味👍泰式沙嗲串燒拼盤🍢呢個就一般，but 都好大串，份量都好夠。*純分享，沒有試食😑

呢間泰國餐廳以火車為主題，門口仲有像真火車頭模型，好獨特。除左道地嘅泰國美食，仲有live band表演🎸，系享受美食嘅仲同時可以感受音樂氛圍，好適合同朋友去chill！😆------------------------------🦀◖泰皇咖喱法包軟殼蟹◗ $268呢款法包裝滿左香濃嘅泰式咖喱汁，軟殼蟹外酥內嫩，完美咁融合了咖喱嘅香辣風味，絕對系咖喱狂熱者嘅必點之選！🌿 ◖豬肉碎生菜包◗ $118新鮮嘅生菜包住香氣四溢嘅豬肉碎，豬肉碎嘅香料配搭得啱啱好，香辣得黎非常惹味！🍤 ◖冬蔭公湯◗ $158冬蔭公湯用左原只虎蝦，湯底濃郁酸辣，開胃又美味！每一啖都能感受到虎蝦的鮮甜。虎蝦仲細心咁剝左殼，食得方便又滿足～🍍 ◖原只鮮菠蘿海鮮炒飯◗ $198原個菠蘿炒飯上枱嘅瞬間，帶黎驚艷嘅視覺衝擊。炒飯嘅材料豐富，有大蝦、帶子、魷魚和提子乾，加上菠蘿嘅甜味，中和左炒飯的油膩感，令成個口感清新唔少！另外有腰果和肉鬆可以撈飯，增加唔少風味～🍨 ◖茘枝沙冰◗ $43冰沙嘅口感綿密細膩，每一啖都散髮出荔枝嘅香味講荔枝嘅酸甜夾埋泰國美食嘅酸辣，簡直系絕配！🌟Encore指數：8.8/10

以前拍拖成日去銅鑼灣食嘢，呢間泰國餐廳係其中一個on list 既選擇。餐廳有個火車頭打卡。一坐低，睇menu有選擇困難症，好多選擇，最後係選了3款食物。青咖哩海鮮$128之前食過黃咖哩，今次改青咖哩一樣唔錯，海鮮有青口、大蝦、帶子、配埋少辣既青咖喱，加埋青豆角茄子，好香，大蝦爽口。泰式炸魚餅$98炸得好香，好夠魚肉，食落有d香茅味，好彈牙，每件都夠份量，扺食又好味。小曼谷炒飯$138呢個炒飯第一次食，個炒飯用蛋皮包住，好靚好吸引，d配菜都幾豐富，有豬頸肉，扎肉，蝦等，味道咸香，炒得唔會好油，夠獲氣，食到舔舔脷，如果份量多啲就好了。

泰國菜真係春夏秋冬都食得！ 銅鑼灣呢間泰國菜真係必食首選，選擇勁多好豐富，而我就最鍾意食佢哋嘅串燒，配埋醬汁好好味！ 芒果糯米飯都係必食，佢哋呢度嘅芒果食多幾次都係好甜，正！