小明珠

營業中

休息中

2月4日星期日，揾食肥華例牌，陪靚媽做完晨運，便專誠搭車到呢間在籃田，享負盛名嘅，上海點心及麵食店食午饍。此店可說是一間蚊型食店，成間舖面積，物盡其用合共都係，擺放得三張四人及兩張單人枱，因係迷你枱面，故枱面上沒有任何調味醬料擺設供堂食客使用，單是呢點此店已得到肥華好感。至於食物方面，肥華今餐所食嘅，小籠包算是有水準食品外，其餘嘅煎窩貼及酸辣麵，則強差人意，尤其係個酸辣麵，此店係用扁身幼上海麵做麵底，呢種麵亦非肥華杯茶，所以呢間籃田名店，肥華試過就算🙅‍♂️

🥣🥢🥟驚喜酸辣湯、爆汁小籠包▫️以下是外賣送餐價☑️雞扒擔擔麵BB辣 -$62擔擔麵是較幼嘅麵，浸得耐會淋晒冇咩口感，至於湯底，好正！好濃花生味，同肉燥好夾，BB辣基本吾辣，想更惹味建議叫小辣或者中辣。雞扒都炸得好脆，味道還好，上面仲有啲泰式辣醬。☑️招牌小籠包 - $48一份4粒，雖然是外賣，但都一咬就爆湯，皮未算最薄，但易入口，個湯好味，舊肉都好味。🆗香煎鍋貼 🥟 -$48同樣一份4粒，鍋貼包得好靚，但餃皮較厚，但尚算軟糯，由於比較飽，希望將來會有2粒選項。冇諗過鍋貼都一咬爆湯，餡料同小籠包嘅一樣。🆗生煎牛肉包 -$54同樣一份4粒，較飽希望將來會有2粒選項。煎得幾靚，包皮軟熟，但呢款冇爆湯冇甘juicy。☑️上海酸辣湯雲吞 -$60酸辣湯做得十分出色，酸辣味俱全，一開始吾覺好辣，但食食下開始出汗，配料都好多，有木耳絲，冬菇絲，豆腐絲，芹菜、芫荽、肉絲、筍絲，口感十分豐富。至於雲吞有6粒，每粒都好大粒，雲吞皮又薄又滑，餡料好好味，有肉有菜彈牙爽口。☑️豆漿 （送的）店家送左2杯豆漿，是有糖的，甜甜地豆味濃，好滑好飲。

今日經過藍田呢間小店，見到好多人叫外賣，相信味道OK，價錢又親民，所以黎試下。我地叫左1️⃣豬頸肉擔擔麵+小籠包兩個💰82擔擔麵湯底由花生醬、辣椒油、肉碎等組成，湯底幾好味，不過同出面湯底唔同係有少少酸，我地揀左BB辣，都好易入口。麵份量好多，完全食唔曬🫣豬頸肉係分開上，有輕微烤過嘅香味，肉質柔軟😊2️⃣韭菜餃🥟擔擔麵+小籠包兩個💰72韭菜餃好大隻，韭菜味道幾香，只係食韭菜餃都有啲飽🤣小籠包皮薄多汁，單叫要38四隻，所以我地套餐每人加兩個抵啲，湯汁濃郁，點醋食好味😋消費價錢：2人💰158，人均💰79結論：（5個⭐️為滿分）味道：⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️餐廳名稱：小明珠餐廳地址：藍田啟田道49號地下1號舖

見到呢間舖頭又買好多唔同款式嘅面，例如擔擔面、四川酸辣麵餐，上海酸辣湯麵餐、重慶麻辣薯粉餐，點心同埋飯。🍚選擇款式非常之多、例如麵可以配水餃、雲吞、雞扒、豬扒、雞中翼etc……..我就揀咗個四川擔擔面（粗面）配雲吞加冬瓜茶。本身擔擔麵佢有配花生醬、肉碎、四川食辣椒油。湯底非常之好味、花生眉同肉醬會將成個面嘅味道提升到另一個層次。而辣到嘅話就因人而異、我自己揀咗中辣、唔家辣就唔好食。雲吞亦都好大粒。個面非常之有驚喜。😎

呢間位於藍田既上海菜，店內位置有限，環境算幾乾淨，雖然坐唔到好多枱人，不過見一直以黎喺藍田屹立不倒，而且又有唔少人叫外賣，今次即管試下估唔到紅日都有下午茶選擇叫左個豬扒麵 ($40)，轉担担湯底 (+$2)豬扒同麵分開，唔怕浸到淋晒豬扒炸得好脆，係好好食唔會好乾身，份量唔算少！另外叫左個麻辣牛肉薯粉 ($52)，超級大碗，多到食唔晒。第一次食驚太辣所以只係叫左小辣，不過小辣都真係幾辣下😂唔敢挑戰中辣初初以為呢啲價錢應該都係得幾塊牛肉片，點知佢有4大舊牛肉！而且每舊牛肉都好稔身，又入味仲每人送左杯豆漿添，解辣一流🤣最後唔少得要試下佢地既招牌小籠包 ($28)上枱熱辣辣，最有驚喜既係小籠包入面充！滿！湯！汁！皮薄得黎又唔易穿價錢親民，食到咁有質素既上海菜，店內姐姐又nice，下次會再次幫襯！

一直都知藍田喺一個美食天堂，但一直未有時間到訪最近就襯住哩份工可以經常外出去唔同地區，決定去藍田搵一搵食 喺得到公司安排去藍田嘅幾日前，我已經上網睇定幾間想食嘅小店bookmark咗😂 -見到藍田啲小店價錢好親民，實在太好了🥹小明珠都算喺區內出名嘅小店，除咗網上有街坊介紹外，當日去到，都見到好多街坊去買下午茶 職員好好咁同我講，午餐同下午茶嘅分量喺一樣㗎，只喺價錢平啲🥹好感動呀！ 🔸擔擔麵+小籠包+豆漿擔擔麵正常水平😊味道Ok麵質Ok 而小籠包真喺要讚一讚，皮薄多汁🤤見唔見到，成個皮入到都喺汁🤤仲要啱啱蒸起熱辣辣，啲肉又唔會好鞋，重點冇豬臭味😂😂哩間小店價錢唔貴，質素很好！性價比高呀👍🏽

今天來到這間小明珠吃下午茶，已經是我第二次來吃了，今次吃了雞扒擔擔麵和小籠包。雞扒擔擔麵跟餐送豆漿， 選了bb辣因為我怕小辣會太辣，擔擔麵湯底有微酸，但如果有更多花生醬味會更好。 bb辣就真是吃不出任何辣味，如果我沒有看過其他食評， 說小辣比正常辣，我應該會選小辣。炸雞扒是擔擔麵跟餐，份量比我想像中多， 加上泰式辣醬非常醒胃，值得一試。小籠包即叫即蒸，約等15至20分鐘。 以往很多茶樓的小籠包包皮都會有部分穿孔， 導致湯汁未吃時已流出。 這小籠包的皮雖然比較厚， 但湯汁滿溢，沒有一滴流出。我覺得很滿足。因為是下午茶餐，價錢是$40+$2（轉擔擔麵 ）+$28小籠包 = $70。總體來說，有空會再來試其他食物。

今日係藍田點左份上海酸辣湯韮菜鮮蝦水餃麵。我覺得佢啲食物不過不失，個湯都唔係幾濃郁，唔係特別好食。比較有深刻印象既係，環境方面，我覺得地板好滑、濕漉漉，而且好多食物雜碎，空間又比較細，員工係廚房行出黎行到成個地板都濕哂，環境體驗黎講都幾差，因為我本身我個人都比較有潔癖，所以頂唔順叫左外賣拎番屋企食，如果唔係諗住方便就腳就咁係現場食就算。而且，你會睇到啲設施同設備都比較破舊，雪櫃都生哂鏽、枱凳都好殘舊，比人個感覺唔係幾舒服。我諗冇咩特別都唔會去呢間食，唔多鐘意。

雖然唔係住喺藍田，但係有時都會喺藍田街市買下餸，呢一間小明珠，餐廳嘅外貌雖然唔吸引，但係依然長期滿座，對於好奇心滿滿嘅我就要黎試一試佢究竟有咩咁巴閉😋-我今次點左佢一個炸雞扒酸辣粗麵，再加四隻小籠包。見到個粗麵嚟嘅時候終於都明點解咁多人食啦，佢哋嘅雞扒炸得好脆，仲要配埋泰式嘅辣雞醬，醃得好入味，簡直係想再叫多塊雞扒黎食🤣🤣🤣-仲有佢嘅小籠包都係超讚，嚟到熱辣辣，再小心翼翼咁夾起佢，點埋醋，咬落口爆汁嗰下真係好難忘🤣

中學畢業大概1年，以前嘅中學係藍田，午飯時間都經常會黎小明珠食佢地嘅學生餐。依家無得再點學生餐，但呢日同朋友到藍田有啲野做，就一齊係小明珠食個午餐懷念下。我就點返我以前最鍾意嘅菜肉雲吞酸辣米線（小辣）。雖然話就話小辣，但小明珠嘅辣同常都比出面辣，所以都食到我地流曬鼻水。菜肉雲吞入面有豬肉同白菜，米線都好有嚼勁，連埋湯底嘅酸辣，真係令人回味無窮。唔知係咪因為有中學濾鏡嘅關係，所以我真係覺得好好食，因為入面有嘅唔單單係酸辣米線，仲有滿滿嘅中學回憶。

呢間店開咗係角落頭，唔小心啲留意都錯過咗。呢度嘅餐都比較平四五十蚊 ，份量都唔少我叫咗個炸雞扒面，雞排嘅份量都好低差唔多成塊面咁大，揸得好香又有肉汁。另外仲叫咗一碗小籠包， 30幾蚊有少少貴，不過湯汁都幾足。大家經過可以試吓！

小明珠係一間好近地鐵站嘅茶餐廳雖然店內嘅空間好細，但係都幾舒服。而且附近啲中學生都好鍾意嚟呢度食，呢度嘅學生餐飯非常平但係平時一個餐都唔貴都係$4,50一份連埋飲品，而且份量超大！次次食到爆到暈制因為餸同飯嘅份量都好大，而且可以任添菜譜！如果大家離開藍田都可以試吓，不過午餐時間可能會等耐少少！

炸豬排份量多，有整隻手掌之大，而且肉很厚，加上店家特別的調製，不但好吃，而且划算，值得一試。至於米線方面，因為有香菜和蔥之類的調味，雖然不遜色，但是只能算是普通平凡。總體來講還是值得一試的。

我都幾鐘意食上海麵，所以一見到依間野就毫不猶疑走咗入去食入到去都坐滿人，但又好快有位，因為兩點幾，所以就食到下午茶。下午茶都幾平我就叫咗個炸雞扒麪加酸辣湯再送一杯豆漿。值得一讚係佢塊雞扒炸得好好食，有肉汁，炸得又脆，原來依間舖頭仲要淋d酸辣醬係個炸雞扒上面，如果鐘意食酸辣醬，就會覺得更好食，但我就因為唔太好，如果下次再食，我就會叫走醬。個麪嘅份量好多，絕對夠飽！！！但我覺得酸辣湯就好普通，唔夠酸唔夠辣，試完一次即可。另外，我個fd就叫咗餃子麵，佢都話幾好食！杯豆漿正常，唔算特別甜，亦都唔多豆漿味

上星期夜晚約咗個好朋友食飯 我地都唔知食乜好 朋友話突然好想食上海菜😂 所以就上網search OpenRice 藍田 上海菜 就搵到呢間小明珠 見佢d食評都幾吸引咁 環境又唔錯 所以就定咗呢間啦😎我地叫咗4個餸 份量都好足 2個女仔都好夠食醉雞食上海菜就一定要叫醉雞架啦 呢個定律黎😎 都幾多下 但酒可以俾多少少 宜家咁樣有d乾 但味道就好唔錯小籠包加醋食就唔洗講啦 38蚊有4隻都好抵食 皮薄多汁 無令我失望😍湯汁都好濃味蝦餃酸辣湯麵睇翻張相口水都岀曬黎💦d麵有少少硬 但我幾鐘意食硬嘅麵 所以對我黎講係加分位😍 d湯又夠味好推介!豬手清湯薯粉豬手幾好食 好有骨膠原嘅感覺 煮得又夠冧 仲有上面d脆脆係點綴😍成碗麵升華咗