姚姚酸菜魚 (港威商場)

營業中

休息中

我同老婆都鍾意食酸菜魚，以前間中都會翻大陸食，但自從老婆有咗BB之後就暫時都無機會翻去啦，今次黎開海港城，就試下呢間大眾點評必食榜既姚姚酸菜魚👍🏻餐廳開係海港城，裝修就一定唔會差得去邊啦，坐落都闊落舒服，佢地係用QR code落單，同時都有一本本既餐牌，一坐低店員就攞咗一壺茶嚟，呢樣幾好，食到辣辣地可以解下辣👏🏻姚姚酸菜魚（2人份）（$288）黎到梗係叫以餐廳名命名既酸菜魚，我地叫咗二人份量，可以選擇少鹽少油健康少少，二人份量都見到有兩個魚頭，魚肉比想像中多，魚片滑溜，湯底濃郁，酸菜酸度剛剛好，我地揀左小辣都唔會太辣 最貼心係全程都不斷加熱，保持食物溫度又唔會令魚肉過熟，配搭埋白飯撈湯食，好惹味滿足😌麻辣香鍋（鍋底$48）配料牛百葉（$40）嫩牛肉（$55）午餐肉（$50）千葉豆腐（$40）豬頸肉（$55）麻辣香鍋係姚姚酸菜魚的招牌菜之一，香鍋可以選擇多種配菜，最少要揀五款，我地選擇咗嫩牛肉，午餐肉，牛柏葉，千葉豆腐同豬頸肉，食材搭配上辣味的鍋底和香料，味道濃郁，一上菜已經聞到好香，份量亦都好多，餸菜相當入味，而我最鐘意既係牛柏葉同埋豬頸肉，好食到停唔到口🤤呢間川菜既酸菜魚同香鍋都好味

最近人人北上消費，但一般打工人都只能假日才上個一兩天。平時晚飯都仍然要留港消費。我愛酸菜魚，所以要食酸菜魚，一定會回到姚姚。晚市時間，捧場客也不少，但明顯比疫情時少了。照樣點了麻辣香鍋，每次都點的食物，因為辣可以驅寒。食完其實幾舒服。今次揀了重慶酥肉、脆皮肥腸、茶樹菇、魷魚鬚和花菜。滿滿的一大盤，酥肉香口，肥腸微焦帶脆，茶樹菇有嚼勁，花菜鮮甜，魷魚鬚彈牙，配合埋各種辣椒配料，香中帶辣又帶麻，大大一盤食得好滿足！酸菜魚拼水煮牛肉份量如舊，味道依然保持到。雙拼的設計，一盤可滿足兩個愿望。魚片好足，大大塊又嫩滑，酸菜好多！湯底淡淡芝麻香但又唔覺肥膩。牛肉又厚又滑，麻辣好惹味!!小辣剛好，辣中帶少少麻！底下有好多芽菜，煙韌的薯粉依然，易咬又滑嘟嘟，是食過最好食的數一數二薯粉！最後食埋個解辣的彩虹烏龍冰粉，便滿足收手！這個冰粉又是令人回頭的一大原因，可以說他的質素比甜品店的還高質，不可不吃。食過好幾次，仍然覺得性價比好高，雖然也會回內地食酸菜魚，但平日想食，仍會返黎姚姚！

酸菜魚店好多時都用上中式紅但姚姚酸菜魚偏與眾不同用上少女喜愛嘅Tiffany blue令人感覺更清新更年輕用上QR code落單時尚方便姚姚酸菜魚味道辛辣酸香我成日都會忍唔住想食偏偏男朋友喜歡嘗鮮今日就試另一款麻辣香鍋麻辣香鍋除左底料要再配五款配料選擇好多肉類、素菜都可以揀我地揀左豬頸肉、肥牛、花菜、金菇、寬薯粉條辣度喺選單入面無得揀但可以叫侍應下單小辣香鍋份量絕對對得住價錢滿滿一大鍋配粉全部好入味小辣後惹味不太辣絕對白飯殺手！仲有寬薯粉條，唔加飯就咁食又得四川回鍋肉既然叫左飯男朋友又想試多款回鍋肉回鍋肉醬香味濃辣度唔會太高肉量充足唔會菜多肉少食完辣當然要食冰粉解辣紅豆烏龍冰粉比普通冰粉多啲茶香頂上配料有紅豆、花生碎、提子乾同小粉圓紅豆綿，花生脆，提子甜，粉圓糯口感豐富味道多姿多多桃膠椰奶有桃膠版嘅紅豆椰汁鮮奶紅茶凍紅茶凍嫩嫩滑滑茶底濃郁

尖沙咀人氣酸菜魚今日去香港尖沙咀海港城逛街，最近天氣很冷，適合吃辣暖身，看到這家酸菜魚非常出名，深圳也有很多分店，而且還有神仙組合，可以酸菜魚拼北京烤鴨，兩樣都是我喜歡吃的。餐廳座位舒適，裝修以湖水藍色與白色的配搭，夢幻得來有少女心，冷氣充足，另收加一服務費。麻辣香鍋（麻辣鍋底）$48香辣惹味，自選香鍋煮法，非常個性化，點了：少麻，少辣，免花生。另外香鍋配菜需要最少點五款式，逐樣加錢：嫩牛肉很滑（+$55），豬手（+$50）脆皮肥腸（+$40），鮮秀珍菇（+$38），炸豆皮（+$38），加起來總共$269姚姚酸菜魚拼北京烤鴨（雙人套餐$338）套餐有齊想吃的，姚姚酸菜魚（精裝版）魚肉嫩滑，足料酸菜，有蠟燭keep住保溫。還有得選擇做法，點了小辣、加酸加麻少油免花生🥜跟住你的個人口味去調配。跟餐還有北京烤鴨（半隻）和孜然椒鹽鴨架，飽肚之選。片皮鴨餅皮夠薄，包住超級肥美的烤鴨皮，非常邪惡。服務質素：7/10環境舒適度：7/10ᶘ ᵒᴥᵒᶅ個人口味評分：7/10

情人節晚上，我和另一半打算食點辣的，來一個火辣辣的晚上。行完尖沙咀，來到這間「姚姚酸菜魚」。在情人節這樣特殊的日子裡，餐廳並沒有加價，讓人感受到了他們對顧客的誠意。姚姚除了酸菜魚外，其他辣味料理其實亦是非常出色，為喜愛吃辣味的食客提供多款選擇。✷ 1. 麻辣香鍋（魷魚鬚、豬腩肉、土豆、萵筍片、豬耳）麻辣香鍋是姚姚酸菜魚的招牌菜之一。香鍋裡面可以選擇多種配菜，我們就選了魷魚鬚、豬腩肉、土豆、萵筍片和豬耳。食材搭配上辣味的鍋底和香料，味道濃郁辣香。我特別推薦土豆和萵筍片，除了肉類之外，萵筍片和土豆在香鍋內完全吸收辣香，兩款都爽脆入味，比起肉類更加吸引。點配菜時不要忘記要加點蔬菜類呀。✷ 2. 辣子雞軟骨肥腸第二道辣菜，不如就嚐嚐辣子雞軟骨肥腸，可以一次過食我最喜歡的兩個食物。雞軟骨和肥腸的口感味道和辣椒的香辣完美結合，鹹香得來又夠惹味，實在是完美組合，絕對是大人小朋友都喜歡食的一道菜。✷ 3. 紅糖糯米糍粑食得川菜，當然要叫個紅糖糯米糍粑作甜點結尾。糍粑具黏軟的質地和甜美的味道，每一口都散發出糯米和紅糖的香氣。✷ 4. 低糖紫米豆漿紫米豆漿是一個健康的飲品選擇，具有豐富的營養價值，並帶有一

說話小弟係尖沙咀返工，放工8點左右搵下冇咩食，見呢間酸菜魚仲有好多人食緊。咁就梗係去試吓佢啦提外話我用手機落單，本身想叫酸菜魚既點知就嗌錯咗姚姚水煮魚。好在個姐姐醒目問一問我check單，唔係就大鑊呢度有得簡免辣,少麻,少油,少鹽 好多樣野簡啱晒想食得比較健康嘅人酸菜魚 我簡咗唔辣少麻但都好好食，魚冇骨得黎又滑 湯底又唔會太酸，係唯一入面冇寬粉要另加既麻辣香鍋 少麻,少油,少鹽,少辣,最少要簡5個餸 我就簡咗牛百葉,脆皮肥腸,午餐肉,芝士豆腐同萵筍片有驚喜！好好食 望落好辣但還可以 啱晒我唔太食得辣嘅人 香味連旁邊枱個食客都話下次嗌總結，姚姚酸菜魚唔止酸菜魚好食，麻辣香鍋我都推薦！

人氣餐廳「姚姚酸菜魚」位於海港城，裝修時尚，以粉藍色為主調🐟，非常型格，坐得舒服。🔹️姚姚酸菜魚好多魚片😍，好嫩滑好好食，餐廳的獨門湯底和酸菜，滲入魚片，真係好開胃，配料和寬粉吸收啲湯都好正呀😍。我地叫左少辣和少麻，覺得啱啱好。🔹️麻辣香鍋我地叫咗少辣和少麻，比酸菜魚更麻辣，但我地食得辣所以接受到👍。叫咗雞翅、嫩牛肉，好香辣，而且覺得好惹味😍，再加埋四季豆、蓮藕和萵荀呢三款菜，就更加健康。

今日等朋友收工之後，約喺佢公司附近港威商場嘅姚姚酸菜魚食晚餐。 餐廳入邊都好闊落，以Tiffany Blue嘅顏色加隻熊來做背景，特別可愛。今次一嚐佢地既麻辣香鍋😊，可以揀唔同辣度麻度，仲有勁多配料😂，見到都開心。麻辣香鍋 （小辣）配料有窩荀、嫩牛肉、牛娃、雞軟骨、大蝦好惹味、小辣小麻剛剛好份量好足，牛娃既肉好彈口，雞軟骨爆入味又脆口，窩荀揀得好，因為好清新👍🏻麻醬雞絲粉皮 凍食非常開胃，粉皮都比較爽，襯凍食好開胃～刀拍青瓜小酸小辣，清新可口四川回窩肉（小辣小油）送飯一流，唔會太肥膩彩虹烏龍冰粉～有芝麻香，帶點酒釀椰奶香味，天然既紅豆青提甜味，既解辣又解渴。 必點～完美❤️

酸菜魚真係做得唔錯，難怪敢用佢做招牌📍地點：尖沙咀🍽️菜式：中菜💰人均消費：午餐 HK$80~200🔖服務費：✅🧻餐巾/ 濕紙巾：❎ / ❎🪑座位類型：方枱/ 卡位 📝落單方式：QR code落單【雙人套餐 - 酸菜魚 + 半隻片皮鴨】💰HK$338酸菜魚非常滑，魚肉帶皮口感豐富。湯可選麻辣和酸度，湯頭順口，唔會刺喉。片皮鴨皮夠令身，口感脆得來唔油。青瓜絲、大蔥絲爽脆，餅皮夠熱。【麻辣香鍋】💰HK$138豬扒麻辣香鍋，豆皮、蓮藕、薯角做配菜。麻辣度同樣可選，略嫌辣椒唔夠香。.#foodcourt #foodxcourtx #foodxcourtxTST#尖沙咀搵食地圖 #尖沙咀美食 #尖沙咀 #中菜. 姚姚酸菜魚@yaoyaohongkong🏷️ 尖沙咀廣東道3-27號海港城港威商場2樓2307號舖

📍姚姚酸菜魚Bookmark咗呢間好耐😍每次經過聞到入邊嘅香味都好想行入去，店內環境都幾大下，我幾鍾意呢個藍白色系嘅裝修，望落去好舒服😼姚姚酸菜魚拼水煮牛肉 $308魚嘅份量都幾多，仲要起晒啲骨，啖啖肉真係好正🤤水煮牛肉軟嫩，麻辣湯冇我想像中油，裏面仲有寬薯粉，送飯一流💯麻辣香鍋 $283呢個鍋有得俾你自選配菜，而每款餸都唔同價錢，我就揀咗呢五樣嘢，係超級大碟！雖然望落好似辣椒多過餸咁，但其實下邊全部都係肉🤩都算抵食。茉莉香橙 $40有驚喜🤩超多新鮮檸檬同橙片，勁多果肉得嚟一啲都唔酸，強烈推薦👍🏻👍🏻👍🏻

最近同朋友約食飯，大家唔知食啲乜嘢好，我突然諗起可以同佢哋食最近非常受香港人歡迎嘅酸菜魚🤣🤣所以我就搵左呢間打卡度幾高下嘅姚姚酸菜魚啦🤣🤣因為整間舖頭都用咗女仔最愛嘅Tiffany Blue為主色調，而且裝修都有心思，非常適合打卡😍再加上呢間舖頭除咗酸菜魚之外仲可以食到片皮鴨，呢個組合非常吸引👍🏻👍🏻今次我哋有三個人，而且大家都比較細食，所以叫咗一個二人餐就已經足夠了。仲可以一次過食晒佢嘅王牌酸菜魚同片皮鴨，價錢方面都好合理。姚姚酸菜魚拼北京烤鴨套餐呢個套餐包括咗四樣菜式：🔸北京填鴨（半隻）🔸酸菜魚🔸孜然椒鹽鴨架🔸酸辣土豆絲首先會上左北京填鴨、酸辣土豆絲及孜然椒鹽鴨架先。第一眼望到隻北京填鴨都整得好靚，鴨皮烤得好香好金黃，而且附送嘅餅過皮都幾薄，加上青瓜絲、蔥絲、甜醬等等包起來食，同其他酒樓不相伯仲，但價錢就經濟好多👍🏻👍🏻👍🏻差不多食完北京填鴨之後就會上主菜酸菜魚啦！酸菜魚嘅份量都幾多下，魚肉都好滑，但酸菜就有少少酸過酸同鹹咗少少。美中不足嘅係佢冇加寬粉喺裏面，感覺就好似欠缺咗啲嘢咁，如果可以加番少少酸粉，咁就非常好啦！總括而言，姚姚酸菜魚非常適合同三五知己聚會食飯，特別係同女性朋友

酸菜魚嘅米芝蓮食過未？今次我就黎試過江龍嘅姚姚酸菜魚😍😍成日都揀唔到食水煮魚定酸菜魚嘅大家有口福啦！呢間係首創嘅雙拼魚，終於唔駛有選擇困難症啦🤤唔好以為雙拼就細份咗，上菜後我哋比個份量嚇親😲超大個鍋每邊起碼有大約二十塊魚真係兩個人都食唔哂，仲配搭埋火鍋寛粉，非常入味嘅酸菜非常滿足😍 個酸菜魚湯非常有驚喜😍唔係得個酸味而係有埋魚嘅甜味值得一讚👍👍佢仲連燭火爐一齊上枱保持温度非常有誠意✨採用嘅係刺少肉多的新鮮鱸魚，肉質鮮嫩甜美，店員話每條魚都擁有自己的身份證😲另外我哋亦叫咗佢哋另一個招牌菜香鍋！麻辣鍋底可以自己選擇麻辣程度 食材選擇好多、我哋今次就試咗嫩牛肉，脆皮肥腸，豬頸肉，香酥豬扒同埋魷魚💕 份量真係冇得輸食極都仲有 (P. S 食到要打包食咗兩餐🤣) 脆皮肥腸煙韌可口，夠味得黎唔會太肥，推薦香酥豬扒好好食！！！最後叫咗個手撕包菜，味道唔錯不過油咗少少整體黎講計埋價錢非常高質👍👍👍絕對會再黎！

時不時都會挑起條根想食酸菜魚聽人講過呢間 #姚姚酸菜魚 幾好食嗰晚經開海港城就決定試試佢麻辣香鍋 $254佢有差不多30款配料揀我哋就揀咗脆皮肥腸、豬頸肉、薯仔同萵筍片😋一上枱超大碟見到都開心😍 成盤都係炒香咗嘅辣椒乾、花椒加香料又香又麻勁惹味配料亦無揸流👍🏻特別鍾意肥腸同薯仔好入味呢碟香鍋配埋啤酒簡直係一流🤩姚姚酸菜魚拼水煮牛肉 (二人份) $308呢碟完全係選擇困難病患者恩物啱曬我呢啲唔知食水煮魚好定係酸菜魚好嘅朋友酸菜魚果然冇令人失望酸度足夠辣道亦剛好啲魚片大大塊夠厚又夠滑食完嗰半份有少少意猶未盡另一邊水煮牛肉亦完全不遜色比酸菜魚更辣更搶口牛肉好滑好入味拼埋入面嘅寬薯粉真係超好味開頭諗住會食唔曬結果夾下夾下兩條友清曬兩碟😂呢度環境舒服又好坐服務亦好好非常適合三五知己嚟吹水食嘢飲酒

戲曲中心向海港城方向前行，港威商場門口上一層電梯，就有一間米芝蓮認證酸菜魚專門店✨姚姚酸菜魚 ✨。 除了主打「酸菜魚」外，自選配菜「麻辣香鍋」也同樣出色，五個配菜起叫，每款配菜只是幾十元起，與朋友每人叫一至兩個菜，亦好適合三五小聚，送飯佐飲品一流。手機下單仲可以選擇辣度，麻辣香鍋香味撲鼻，而且每份配菜十分足料，選擇了篙筍片 、田雞、牛肉、腩肉及花菜，大件又多肉。 宮爆蝦球($188)大大粒爽口的炸蝦球，配上酸酸甜甜的醬汁，開胃又解辣，而且配菜京蔥及茄子粒亦都充分吸收酸甜醬，十分入味，手機下單亦可以選擇辣度或者免辣。 飲品方面有好多選擇，新鮮水果烏龍茶，生果很豐富，多多桃膠椰奶，與其說是飲品，不如說是足料甜品吧，桃膠滿滿又不會太甜，解渴又解辣。

作為沙田一帶的知名酸菜魚店,姚姚酸菜魚已經在當地經營多年,深得食客的喜愛。他們主打的兩大招牌菜式 - 酸菜魚和麻辣香鍋,都是值得一試的美味佳餚。酸菜魚是店內的招牌菜式,新鮮的魚肉配上酸爽可口的酸菜,口感層次豐富。醬料恰到好處,不會過於酸澀,反而讓人回味無窮。魚肉嫩滑彈牙,與酸菜的爽脆質地相得益彰,讓人欲罷不能。麻辣香鍋則是別具特色的菜式,選用多種食材一起炒製,口感豐富層次鮮明。辣度適中,既不會嗆到喉嚨,又能帶來微微的麻辣刺激。蔬菜新鮮爽脆,肉類軟嫩多汁,配料搭配得天衣無縫。