好運小食麵店

營業中

休息中

今日試試地道美食，叫左一碗鮮蠔仔肉碎茄蓉湯麵，湯濃，蠔亦都好大隻，鍾意食𧐢嘅朋友一定要試試，另外叫左一碗當歸湯牛肉米粉，雖然牛肉唔係多，但係都足夠而當歸湯味道濃厚，可惜冷氣不夠，大約20個位

無意中去這間家庭式小店幫襯，店舖雖小，但滿滿人情味😄湯底好有特色，蝦米肉碎湯底好惹味，加茄蓉後蕃茄味濃郁，真心好味，師傅用心製作，大家要多多支持仍然存在特色小店

透過網媒得悉小店。香港地飲食業大多數都逼逼夾夾，這裡也一樣；背對背似的。今天孭著背囊加一手挽，狼狽 😅；沒多餘空間放下包袱 😛我柯打了當歸湯鮮蠔仔肉碎狗仔粉。加油渣。加豬膶。當歸湯：飲晒，啱味就好了 😛狗仔粉：同當歸湯幾夾 👍蠔仔：較大隻的油渣：另上的。原來早就炸好，可能預浸湯來吃吧。（第一次吃到不熱的油渣，覺得...,“吓，原來凍架” 🤷）豬膶：豬膶有豬膶味 😅，不會過老。看著餐牌，什麼也想試。最好一碗麵有齊想吃的，眼見餐牌不夠簡單。可能都慣了車仔麵的設計，麵底湯底加餸的模式去點餐。本想著試一口西多士，眼見餐牌上找不到，加上舖面真的很忙。。當熟客遇上新員工。熟客的柯打，聽落都有點複雜 😂。堂食一款麵少麵兩塊豬扒外賣，詳細忘記了。另一邊廂，感覺新員工直接放棄說著自己新來貴境 😂。還未點餐時都聽到寫錯單，應該是3隻雞翼不是2隻，因為乜乜乜。。到埋單時，新員工反問客要不要找錢，問我找多少。。其實有單據有價錢的，阿姐。。加油吧 😅

村屋隱藏中嘅驚喜，全部老闆一手一腳特意烹調，上一張相當歸湯底好濃郁，味道很香，鴨肉很多！揀米粉吸收晒湯底嘅味，非常滿足。呢張相係油渣麵加豬膶，油渣和豬潤都非常新鮮，湯底用菇底，食過返尋味

話說今日做嘢經開大圍，之前有食友介紹呢間人世小店，即刻嚟試吓，因為大圍嘅小店開始越嚟越少，附近圍方大型商場相繼落成。首先環境企理空間唔係好大，始終係小店，不過就乾淨冇異味上菜快蠔仔銀針粉：蠔仔新鮮無腥味，粒粒都非常飽滿，份量都算好多，銀針粉彈牙，湯底入味，總體嚟講都是好好食豬膶銀針粉：呢個配搭都係第一次試，食落都幾夾，唔俾公仔麵差，豬膶都係新鮮彈牙飽滿，食落去唔覺有酥味另外呢個黃金多士磚，新鮮滾熱辣上枱，好好食好香口，大圍嘅朋友都值得推介一戰

已經第二次食 一間穩身於大圍火車站 行路5分鐘嘅公園仔小店, 11點開舖 我11:30 去到啱啱仲有一位, 舖頭唔大, 坐滿大概10零人.落單非常快手,上菜速度都正常, 唔使等好耐.都係叫返 蕃茄蠔仔肉碎上海麵$51 , 蠔仔新鮮飽滿, 數量多又大粒.除咗蕃茄湯, 招牌仲有薑湯, 當歸湯.已經12月頭 天氣仲係咁熱, 冇要到薑湯.當歸有 行氣活血 功效, 來M 或 孕婦不適宜食用.開到下午六點, 不設晚市 如果黎開大圍 諗住黎呢個食宵夜就sorry 喇

香菇蝦米湯豬膶米線：個香菇蝦米湯真係好足料..同埋好濃郁，我以為香菇蝦米嘅汁淨係可以撈飯，原來仲可以當係一個湯底😰一邊食一邊飲湯👍🏻個豬膶有驚喜，完全唔粉，係爽口嘅嗰種，感覺唔會好核突(？)通常食豬潤食一兩舊就厭，因為純粹想食個味，但呢間嘅豬潤係食晒都OK👌🏻米線偏林，份量正常，男人食未必夠

大圍A出口出面多野食，但呢一間位於唔顯眼位置嘅小店，原來都有好多野食架👏🏻星期日去到呢間舖頭要等位，舖頭位置唔太大，但係有嘅位都坐得好舒適👍🏻入座後落單，等食物都等左大概10分鐘，因為佢係即叫即做，熱辣辣上枱㗎😍🍅 茄蓉湯牛肉配上海麵＄43熱愛蕃茄湯嘅我，一上枱見到咁深嘅紅色就知道一定好濃👀試一淡之後，就好似上咗癮咁不斷飲湯🤣飲晒仲要唔口渴💦證明一定冇落味精🫧超鐘意🤍不過個上海麵就唔太吸湯，令到佢差咁啲味🥲下次試吓揀另一隻麵可能會正啲😉🥤枝裝可樂 $10好耐冇飲過玻璃樽，有冇人同我一樣覺得呢種特別好飲🤪

小小店面，滿載濃濃人情味，我同朋友每次去食都被老闆同老闆娘仲有老闆娘家姐熱情既問候而感到溫暖，佢地好似充滿活力咁，不論係廚房煮緊麵定沖緊飲品，還是係樓面落緊單，總之每次有客人出入都會同佢地打招呼，滿滿的街坊人情味，亦好似日本的小食店中。好客有禮，係香港食肆不是必然的。加上食品質素真係唔需要懷疑，尤其炸雞翼，外面爽脆，內裡多汁，yum yum! 😋😋最獨特係有多款湯底比大家揀，蕃茄湯、薑湯、當歸湯都有！全部都好味滋補！我最愛濃濃蕃茄湯🥰唔係hea你既淡蕃茄，係真既濃郁味！😋😋另一推介：手撕雞麻辣撈麵麻辣味雖然唔算好重，不過都尚可過一過口癮，但啲青蔥同手撕雞再加麵撈埋一齊就好香口！😋😋

成日都話隱世隱世，呢間小店先係真正既隱世麵店，成日都有好多人推薦大圍的不同美食，從來都冇人講呢間，但呢間都好值得推薦。我叫了一個鮮蠔仔肉碎狗仔粉。蠔仔有好多，十粒以上，都好大粒。食落的時候有少少驚唔夠熟，不過並沒有肚屙，所以應該是夠熟的。狗仔粉好夠味，比外間某d連鎖狗仔粉店大碗好多，食大半碗已感覺夠飽。佢有菜圃提供，免費，我見好多食客包括叫外賣的都會特別要求要加。我自己試左幾粒，的確好食。不過狗仔粉原本已夠味，唔加都得，可能叫其他麵再加會夾d。小食試了炸豬排，HKD 27。比較厚實，但不會死實實。唔係用粉「那」到軟綿綿的豬排。凍奶茶就奶偏多，岩我。最後，叫了一份招牌西多外賣比家人。很甜，肚餓下午茶之選！題外話，老闆娘的衛生做得很好，每枱客戶一離開都會立刻消毒，噴消毒酒精。埋單total HKD 112。

要保暖，除咗圍爐打邊爐，都可以靠身材暖身補吓。大圍有間小店不太起眼，不過竟然有當歸湯麵，看上去唔係好黑好濃，不過入口到喉已有種甘苦味。感覺自己要補下會encore，平時我就未必會，因為個人都係唔太鍾意苦味手撕雞比較大塊，少少咸咸地，正正常常。 葱花勁多，如果唔鍾意葱記得叫佢走呀另外叫咗XO醬手撕雞撈麵，個XO醬重鮮味唔重辣，連一向唔食得辣既男友都唔覺得佢辣。XO醬蘿蔔糕，連埋少少椰菜絲一齊炒，蘿蔔糕夠綿入味。最後仲有較少餐廳有的檸啡，男友話ok。 我就叫桂圓杞子紅棗蜜，養生嘛。見到隔離枱叫西多都好吸引，遲吓再食。 另外餐廳有薑湯底，聽到有個婆婆話好夠薑

睇落完全唔起眼但超有心機小店☺️每道菜都是即叫即整👨🏻‍🍳食過2次決定一次過介紹🤗.蠔仔🦪肉碎狗仔粉 $45好食狗仔粉🥰係回憶的味道配上超多蠔仔(超過10多粒😍)湯底超濃蠔仔鮮味絕對唔腥🙆🏻‍♀️另外再加小小菜甫更加香口.煉奶金鑽咖央多士🥪 $26一個個炸到金黃色嘅多士Cube💛熱辣辣又好勁有蛋香，外脆入面鬆軟，不過咖央味偏淡(被煉奶的甜蓋過)，應該花生🥜醬會更岀色.🍅蠔仔肉碎蕃茄蓉湯麵🍜 $45 上海麵有咬口，蠔仔加蕃茄湯底又係勁鮮甜😍(湯底好好飲，絕對唔係茄膏整)，小編成日食🍅湯呢個真心係Top 3好食！.當歸鴨肉湯面🦆 $40鴨肉分量超多🤩又好味，藥材湯底夠香易入口、好有暖胃嘅感覺，一口接一口飲哂😌.💡加$5有熱飲☕️；加$8有凍飲🥤；加$12有特飲🍹💡小店位置唔顯眼但其實好近地鐵站🚉Overall小店真的是佛心價🥺價錢咁抵但又咁高質，完全無味精又足料，真的要俾更多人知道！

呢日黎到大圍，想搵間茶記食下小食咁，行行下見到呢間好運小食麵店，於是乎就試試佢～炸髀當然係必定要試！我地仲叫左一口西多，麻辣手撕雞撈麵加豬油渣，炒蘿蔔糕～所有野都好正！特別係一口西多，西多既炸面多左，成舊都脆卜卜，入面仲要配埋花生醬，面頭再加大量煉奶！真係好邪惡！又好好食！炸髀夠哂香脆同大件！炸到入面d似仲係好嫩滑，食多一件都仲得！麻辣火手撕雞撈麵就估佢唔再咁入味，再加埋豬油渣真係好邪惡！炒蘿蔔糕又係超足料勁有份量！愈食愈滋味！真係好正！配埋咸檸7真係一絕！

位置村屋下樓的好運小食麵店地理位置佳在大圍火車站步行三分鐘不到雖然店面小但不到十二點已經坐滿一半客人見到有台式當歸鴨麵就忍不住點一碗因為疫情已經好久沒去台灣啦❤當歸鹵鴨肉湯麵$40一上桌好濃郁的湯底濃濃的當歸味加上杞子是真材實料！鴨肉是一片片的數起碼有十片而且每片非常厚$40一大碗真是佛心價！先試鴨肉鹵得很入味鴨肉扎實一點都不鬆散亦不「霉」湯底十分足料 可以飲光🧡凍椰汁紅豆冰$25紅豆超多是紅豆泥做成軟軟的味道不太甜剛剛好椰汁味濃同紅豆非常夾💛生炸雞髀$25最後上桌我期待已久因為炸腿要做得出色外表必須炸到酥脆不硬而且雞肉要嫩滑這個雞髀真是美食的存在雞皮酥而脆仲要有油香炸得乾身之餘不油膩加上啖啖肉所以非常滿足📍 好運小食麵店 (大圍)大圍大圍村第10街6號地鋪

大圍食店林立，絕對係兵家相爭之地，出色既食店一街都係，但一問朋友佢竟然推介我去村屋果頭既一間望落平平無奇既小店🤔——————🐽 蒜醋黃瓜配貓耳朵入座後先試試小食，份量黎講算好大碗，比譚仔既拍青瓜份量足足多一倍！味道亦唔錯，蒜味突出🐽 煉奶金磚咖央西多西多真係好邪惡，而黎間既粒粒西多亦十分出色，每粒size岩岩好，炸到外面扑扑脆，襯番煉奶一齊食好夾🥰🐽 卜卜脆油渣麵一上枱即試湯底，蝦米香味好重亦好濃厚，感覺真材實料！油渣亦如奇名真係好卜卜脆，炸得好乾身😆🐽 鮮蠔仔肉碎番茄蓉湯麵蠔仔粥就見得多，但用蠔仔黎煮麵就真係非常小見，中要用埋番茄蓉做湯底真係小之有小！陣係飲個湯底已經好出色，有濃香番茄味，亦有蠔仔既鮮味，夾埋肉碎令到整碗麵一d都唔單調！