好運印尼餐廳

營業中

休息中

身為觀塘人一直都知呢間印尼餐廳但位置比較唔就腳所以一直都無去試今日同事竟然話要去試我地就行咗成十五分鐘去食佢招牌主打係十五夜同黃錦飯而我就試咗黃錦飯所有餸菜都幾好味同配搭一起食真係唔錯只係覺得件炸雞比較乾身而十五夜係有湯版嘅黃錦飯湯就香料味比較重同好椰香味而飯就係一舊舊咁如果分量多返D就更好

屋企老人家嘅原因，所以我都係呢間餐廳多年嘅常客，香港印尼餐廳已經少之又少，銅鑼灣嗰幾間自己覺得唔OK，所以過海都要食呢間。等佢裝修等左兩個月，八月同九月兩次黎都摸門釘，終於開返即刻黎。佢地呢間餐廳已好多年，自己買咗嘅鋪位，無諗過佢地會裝修。每次黎我都係鍾情於食同一樣食物。沙嗲豬肉satay babi，必食，香口加豬肉好軟林，印尼個沙嗲醬係同其他東南亞唔同。薯仔餅又係我至愛，呢度特別皮薄多薯蓉。十五夜飯團longtong cap gome，我媽至愛。仲有上海冰ice Shanghai又係我至愛，我自己走奶走椰汁，唔太甜，好多料，好味。臭豆炒蛋，應該東南亞地區住過嘅人先知係乜。最後仲拎走個梳多鷄飯。

估你唔到觀塘有間隱世嘅家庭地道印尼餐廳，已經開左業最少廿幾年，仲拎左幾年米芝蓮，一試之後明白點解可以咁多年都屹立不倒。店入面保持住懷舊風格，非常有特色，卡位都坐得幾舒服，唔太覺得會有歲月痕跡。印尼黃錦飯$70薑黃飯令到個飯除左顏色吸引，仲好開胃，有隻炸過嘅蛋、雞鎚、巴東牛肉、豆角、脆魚花生及青瓜，非常足料龍東十五夜$75香濃椰漿再加上咖喱汁，配上粽飯令到口感層次豐富左唔少，加上巴東牛肉、咖喱雞、豆角及炸雞蛋等一齊食，各有特色，唔會話邊款食物太搶focus，合襯沙嗲羊肉串 半打$85羊肉唔會膻，而且加埋個沙嗲醬食提升左層次，呢個沙嗲醬仲有粗粒花生，如果用嚟整沙嗲牛麵應該都好正呢走個時知道原來7月10日至9月初會裝潢，如果仲未食嘅朋友，就建議大家快d試下，加埋個懷舊裝修風格，感受華而不實家庭印尼菜！

初來觀塘一帶報到，LUNCH TIME邊行邊搵食，遇上呢間門面神秘的印尼餐廳。見門上貼著多年的米之連車胎推介，一行兩人試試。店內是中間走廊，左邊是一排卡位，右邊是四人枱和六人枱。店員細心的安排沒有直吹冷氣的卡位給我們。平日中午約一點，四成入座，我們離座時已接近九成入座。入正題，有午市餐牌，沒有餐的，有小食，飯面，飲品另點。我們點了一個咖喱牛腩飯，半打沙嗲雞串燒，SHARE咁食，食物多元化。咖喱牛腩飯咖喱牛腩正常味道，不會太辣，食到尾會覺得辣的。咖喱中的薯仔好稔好甜，好味! 沙嗲雞串燒雞串肉質唔錯，少少滑的。沙嗲汁有濃濃的花生香味，不錯的。

呢間完全睇唔出係米芝蓮推介，裝修好舊，座位又逼夾😂唯獨係好有屋企feel，似係屋企食飯咁，咁小編就覺得一定真係好好食喇🥹點知又唔係喎，可能印尼風味唔太啱小編食啦，不過睇個樣應該都幾正宗😎價錢就一啲都唔抵食，應該都持住米芝蓮個名買貴啲，不過一次半次試下呢類特色餐廳都幾好嘅😜.🍚印尼雜錦飯 $65份量就真係幾多嘅，有好多唔同嘅配料，感覺上好滿足😀但又唔覺得有咩特色或者整得好好食咁😂整體就辣辣地，不過不失啦🤣.🐟蕉葉燒魚 $83其實好耐之前食，一直都未得閒post😂印象中都幾辣下，味道最有驚喜都係呢個🤣味道係唔錯，但魚嘅口感就一般，而且超級多骨，食起嚟都幾唔方便😫.💰人均消費：～$150.🍽味道: 2/5🏙環境: 2/5‍👨🏼‍🍳服務: 3/5💧衛生: 2/5💰價錢: 2.5/5

米芝蓮推介的餐廳之一, 環境懷舊有特式, 家庭式經營, 非常有人情味的小店我很喜歡食東南亞菜, 味道獨特又開胃, 甚至很有親切感🥰我們點了印尼雜錦飯(ɴᴀsɪ ᴄᴀᴍᴘᴜʀ)印尼黃薑飯 (ɴᴀsɪ ᴋᴜɴɪɴɢ)雜錦飯和黃薑飯配菜是一樣的, 只是飯底不同, 除了薑黃的顏色吸引之外, 味道香很開胃配菜方面有蛋、巴東牛肉、炸雞、豆角、青瓜、花生, 拌飯一起食啖啖不同風味, 巴東牛肉軟稔, 帶少少辣如果食得辣的朋友, 可以加點sᴀᴍʙᴀʟ ᴛᴇʀᴀsɪ,即是印尼辣椒醬, 這個辣醬是超好味道, 個人推介👍🏻沙嗲豬肉(sᴀᴛᴇ ʙᴀʙɪ)串燒是半打起, 即叫即燒炭香味十足, 串燒入口時再蘸一層厚厚的沙爹醬, 辛香開胃, 絕對讓人一串接一串食不停加多加多（ɢᴀᴅᴏ ɢᴀᴅᴏ）印尼特式沙律, 夏天必食之選, 是一種印尼爪哇島傳統料理, 混合生菜、白菜、豆角、炸豆腐、蝦餅、雞蛋, 再淋上沙嗲醬, 材料很豐富梭多牛肚湯(sᴏᴛᴏ ʙᴀʙᴀᴛ)湯頭鮮美, 除了牛肚, 還有芽菜、椰菜、蛋, 湯頭有點炸蒜的香味, 味道濃郁飲品🍹珍多冰(ᴇs ᴄᴇɴᴅᴏʟ)傳統冰凍甜點, 加入爽口綠色粉條, 椰醬、棕櫚糖味道濃

呢間米芝連推介餐廳我儲咗好耐，難得今晚阿仔同老公嚟觀塘陪我食飯，一於就的起心肝去食印尼餐。餐廳個位置非常之唔就腳，仲要行上一條長命斜路，如果唔係特登要來，一般人應該都唔會揀喺呢度食飯。呢間餐廳細細間，嚟呢度食嘢嘅人似乎都係係熟客。佢哋嘅餐牌非常之簡單，係嗰種一啲都唔花巧，實實在在煮俾你食嘅餐廳。因為老公同阿仔都唔熟悉印尼餐，所以就由我揸fit。嚟得試餐嘅，就諗住嗌多幾樣，食唔晒最多就打包攞返屋企。首先要咗半打沙爹，雞、牛、羊，每樣兩支。呢度嘅沙嗲仲有豬肉的，不過印尼係回教國家，基本上唔會有豬肉沙嗲。啲沙爹味道唔錯，唯一唔係咁滿意的就係佢嘅沙嗲醬係預先撈喺上邊的，唔似其他餐廳會另外上沙嗲醬，俾人客自己沾嚟食。主食要咗印尼炒麵同印尼黃錦飯。坦白講，個黃錦飯味道係可以的，但係比起印尼炒麵就遜色好多。呢個印尼炒麵真係超超超好食，我已經好耐冇食到咁好味，炒得咁香嘅Mee Goreng 喇！另外一個我想念的就係梭多雞湯。呢度嘅梭多雞湯同我心目中嘅都有幾大出入。雖然都叫做足料，但係俾我嘅感覺係佢多汁而唔係一個真正嘅湯，所以有少少失望。既然食得印尼菜，咁就一定要試佢嘅加多加多。唔知道喺唔喺今晚嗌嘅餸太

Indonesian will find this restaurant's dishes are very authentic. They have the most authentic Jawanese sate in Hong Kong. Nothing fancy but authentic, a real Indonesian delicacies.

第一次黎呢間餐廳食，入到去好企理，老板伙記都好有禮，因為我地唔係好識餐牌餸名，老板都好有耐性講解加多加多$60原來係雜菜，即係印尼沙律，有什菜、豆卜、沙爹醬、蝦片⋯⋯印尼黃薑飯$70有炸雞、牛肉⋯⋯好多配料，好味珍多冰$32青檸梳打$32薯仔餅$55熱辣辣上枱，外脆內軟，不過不失巴東牛肉$90辣辣地，牛肉好林，好食呀沙嗲豬肉半打$75個沙嗲汁好正⋯⋯豬肉味道恰好酸辣魚$90個魚炸得好靚，個醬汁超好味，酸酸甜甜印尼炒麵$70佢哋炒麵嘅功夫非常好，椰菜係爽口⋯⋯印尼春卷$55又係即刻炸起，熱辣辣，脆卜卜，我鍾意個餡唔會全部都係肉，係粉絲同埋木耳⋯⋯唔會太溜最後整咗兩碗糖水椰汁黑糯米（熱）$32上海冰$32我欣賞椰汁黑糯米⋯⋯好香椰汁，好食其實餐廳食物水準非常好，企企理理，服務一流

細數在觀塘區可以經營三十年的小店中，呢間小店一定入圍 ……好運印尼餐廳。由推門一刻，就有80年代的味道。門，是木框的，整間店仍存在當年的裝修風格。感覺陳舊，但絕對乾淨。由於小店是家庭式經營，他們視店舖如家，所以非常乾淨，完全沒有油煙，地下，牆身，枱面，餐具，出奇的清爽。雖然由2013年起，每年都在米芝蓮指南推介內出現。但我個人喜愛，並不是因為米芝蓮推介，而是它能給我家的味道。是日替我們落單的是一名伯伯，溫文，有禮。而送餐具的姨姨亦得貼心，應該怕枱面不潔，所以請我們親手接筷子，因不想筷子放在枱上。雖然菜式味道並不驚人，但絕對有家的味道。何為家的味道？我會打個比喻為健康。當晚我點的不外乎炸雞，炒米，沙嗲等等。但在碟上，你唔會發現有多餘的油份，味道亦不會太濃，恰到好處。致於值得推介的會有三樣，沙嗲羊及雞串。羊及雞都很嫩，沙嗲醬好味。當晚我亦有叫牛，但稍為有筋。而另一樣推介是炒米粉，唔油，香口。第三樣是雜錦飯，因可以試多種配菜。總括而言，這小店絕對值得一試。溫馨提示一下，他們8點鐘只是last order，所以建議大家唔好太遲入座，否則就不能細味這份家的味道。

三個人食，叫咗幾個大路菜：印尼炒飯、巴東牛肉、雞絲喇沙湯麵，珍多冰。口味比其他印尼店重，都有印尼風味，沒有太大程度的本地化，算係有特色。食完之後，我個仔問一個問題，我答唔到：作為一間米芝蓮店，點解啲蝦片要外購，唔係自己整？Why? Why not? 🤔

今日嚟到觀塘，老公帶我去食印尼午餐見到餐廳門口貼了好多張米芝連貼紙，入到去餐廳佈置簡約、整潔、放咗一啲畫同擺設品，有啲懷舊既感覺餐牌上見到有幾種食物都想試但因為食晏只點了兩種1）印尼黃錦飯$70好味、值得推介味道：辣辣哋賣相：吸引見到飯面有2種肉類、3種配菜和半隻蛋，我哋撈埋，令每啖飯都有配菜，飯同餸都幾好味。2）喇沙雞絲麵$60普通味道：辣辣哋雞絲份量正常加半隻蛋、雞蛋應該係炸過、味道都係辣辣哋

首先我哋下午茶時段堂食，現場得2枱人唔多。叫左3樣嘢，黃錦飯，牛肚湯飯，沙嗲雞串，落order 時話2個多飯。2個飯黎到，黃錦飯都只係正常size, 我哋都算。食完2個飯，個沙嗲串燒都未到，但佢d 外賣單又可以不停出，咁呢個算，直接話埋單取消，收錢時就突然話燒梗串燒，又話多飯要加錢。下！？我地等左咁耐先啱啱燒梗？堂食又唔係多人，落order 同menu 上更加無列明多飯每個要加$5!!!$10 事少，但感覺做生意好唔老實，而且佢個價錢都偏貴，物非所值，唔會再幫襯。

以前在觀塘區住都間中來幫襯，自從搬走後都冇啦。 今日去開觀塘即時想起要再去呢間印尼餐廳。幸好經過疫情呢間店都健在， 我依舊點了黃錦飯， 依舊咁好味， 不過70蚊碟，巴東牛肉得兩件炸雞得一件就好似少左啲， 不過算啦咁耐先來一次，亦明白現今生意難做嘅～～～

家庭式經營，明顯係當年嘅印尼華僑，佢係有主嘅都係傳統嘅印尼菜，叫咗串燒，半打牛，半打雞，汁醬非常好食，可惜個牛有少少奀，背咗個飯團，飯團感覺似林啲嘅飯，冇椰漿未，撈埋個醬汁，都幾好味叫咗個炒貴叼，好友鑊氣，加埋個辣醬，辣味十足，不過要小心，個辣醬真係好辣，落少少就好啦，可惜咁貴叼碎濕濕咖喱羊腩，冇諗過咖喱係好似個湯咁，咖喱味又唔係好重，勝在個羊腩，一都唔騷， $88 ，得幾件，下次我會叫咖喱湯麵多啲，又平啲，又有麵食