好運印尼餐廳

營業中

休息中

家庭式經營，明顯係當年嘅印尼華僑，佢係有主嘅都係傳統嘅印尼菜，叫咗串燒，半打牛，半打雞，汁醬非常好食，可惜個牛有少少奀，背咗個飯團，飯團感覺似林啲嘅飯，冇椰漿未，撈埋個醬汁，都幾好味叫咗個炒貴叼，好友鑊氣，加埋個辣醬，辣味十足，不過要小心，個辣醬真係好辣，落少少就好啦，可惜咁貴叼碎濕濕咖喱羊腩，冇諗過咖喱係好似個湯咁，咖喱味又唔係好重，勝在個羊腩，一都唔騷， $88 ，得幾件，下次我會叫咖喱湯麵多啲，又平啲，又有麵食

嚴格來講其實又唔係第一次食印尼菜以前有印尼工人姐姐嘅時候佢整過加多加多俾我食呢度都有不過我就冇試啦今次今次食咗粟米餅佢嘅粟米餅有少少似薯蓉加粟米再攞去半煎炸我就覺得唔算太好食口感偏冧滑沙嗲串燒揀咗牛沙嗲汁好似偏甜牛尾湯好飲個炒貴叼就好似茶餐廳食嘅炒河咁我都唔知佢算唔算正宗但係我好有興趣試佢其他嗰啲喇沙同埋巴東牛肉下次！！！！

好耐冇食過印尼菜，上網搵香港有咩印尼菜係好食，見到呢間就即刻約朋友嚟食😚其實成間舖都算大，啲位置好梳落，唔會覺得好迫，好整齊👍🏾我哋過咗lunch time 兩點幾先去食，得一、兩枱客，可以慢慢食☺️價錢都唔會太貴👍🏾我叫咗個印尼黃錦飯，份量一個人食啱啱好，有唔同嘅配料配搭埋一齊，肉方面有巴東牛肉同埋炸雞，雞偏乾，飯嘅薑味足夠，好香口，啱晒我哋口味👅朋友未食過印尼菜，所以佢叫咗個咖喱牛腩飯，口味偏濃，牛腩同薯仔都好淋，少少辣👍🏾飲品方面🥤珍多冰 - 偏甜，大大杯，好少地方可以飲紅豆冰 - 甜度啱啱好，同出面茶餐廳飲到嘅一樣

細個喺觀塘住，間中都會黎食，搬咗好多年後就好耐冇食過，今日經過觀塘，特登行去睇吓佢仲係咪開緊，點知真係仲喺度！嗌咗個15夜、印尼炒麵、牛肚湯同埋印尼咖啡，唔知係咪好耐冇食過，覺得全部都好好味！！！已經即刻好想再食！仲要老闆同老闆娘嘅招呼一樣好熱情同有禮貌！因為肺炎嘅關係，間舖頭啲枱櫈擺得闊落左，但裝修冇乜點變，仲食得舒服咗。食完之後真係好掛住呢種老味道，如果佢突然間冇咗，我諗我都會好掛住好傷心。呢啲老店唔知仲可以維持幾耐，真係要多多幫襯同埋珍惜。

喺openrice見到呢間餐廳評語有好有壞，但咁難得官塘都有印尼野，所以決定同朋友試下🥰呢間嘢唔算近地鐵站，步行大約10分鐘到餐廳😹佢係喺條斜路度，行過去應該消耗左啲體力，可以食多啲😆差唔多行到會見到細細嘅招牌，到左可以睇下佢門口！👆🏻原來已經連續八年米芝蓮啦～但之前好少聽講過呢間餐廳，可能唔近地鐵站啦，所以被人忽略左😹😹但今日之後佢成為我最鍾意餐廳之一😹😹門口旁邊已經可以見到啲印尼特色－精美木雕🥰👆🏻😆😆餐廳入面都掛住好多特色繪畫👇🏻🥰而老闆同伙記都係印尼人，所以啲嘢食會相對正宗啲～😻基本上餐牌都係啲印尼嘢，除左奶茶、檸茶、菜蜜等等呢啲😹黃錦飯、加多加多、沙嗲、小菜小食都係比較出名嘅，任君選擇💕我地依照店員嘅推介😹叫左印尼黃錦飯🥘、龍東加多加多🍲、梭多牛肚湯🐮、沙嗲羊🐏、粟米餅🌽印尼黃錦飯🥘有多種配菜🥰炸蛋🥚、青瓜🥒、花生🥜、辣椒🌶、魚乾🐟、甜椰絲🥥、巴東牛肉🐮、印尼炸雞🐔等等😻配埋陣陣薑黃香嘅飯😹味道非常好～牛肉辣辣地幾過癮🥰不過炸雞就稍為炸得乾左啲啲😹龍東加多加多🍲店員同我講呢個同「加多加多」係有分別架！加多加多係印尼沙律菜🥗咁，乜菜都有啲配埋特製醬汁，而龍東加多加多就係多左啲類

真。隱世小店之次次去都幾乎/真係包場lol 可能因為餐廳喺一條長命斜上面？😂 但其實佢門口貼滿米芝蓮 (not米豬連🙊)推介嘅logo 年年都有咁滯 最新係2020！小店嚟講都唔簡單🤔發現原來身邊都幾多人有屋企人係印尼華僑😯 呢間印尼餐廳就係由一個媽媽係印尼華僑嘅朋友推介 裝潢係嗰種傳統家庭式 絕對唔清新小文青但好乾淨 最緊要係咁🤔？Menu比我認知中嘅印尼菜更多選擇 食咗幾次都仲係覺得有好多款式未試過🦦🔸 朋友每次都會叫印尼雜錦飯($63)問佢最鍾意邊款餸 佢話嗰啲類似豆角嘅菜因為好入味 但留意到佢次次都將炸雞留返最後先食 (寶物尋歸底😏)🔸梭多雞湯飯($58) 有雞絲 炸🥚 薯仔同菜 雖然係湯飯但其實幾濃味 仲有乾蒜嗰啲 我秒清咗碟飯 但賣相唔夠ig-able唔post🤣🔸沙嗲雞串($70/6pc)都好味 但相較其他無咁exotic 始終香港人常食😛🔸所有食品不設跟餐 飲品要單點感覺無咁抵 今日試咗檸蜜海底椰($32 冷熱同價) 個配搭幾潤幾match 賣相仲唔錯😋🔸之前仲試過加多加多 (印尼🥗)、牛尾湯米粉、印尼燒雞飯、印尼炒飯 又飲過印尼咖啡☕️ 無一樣係伏！

位處大馬路旁的小斜路地點不起眼，附近不是食肆旺區，但身邊有不少吃貨朋友都會定期捧場的印尼小店。之前試過堂食右邊的黃薑雜錦飯，令人驚喜，今次難得經過外賣再encore，另外試埋少貴刁。 60多元一份, 盒子內壓得滿滿的份量，吃得出有用心處理食材。負責收銀應該係老闆，態度十分有禮，有機會會再黎支持呢間小店，尤其希望係疫情下撐住！

今日喺觀塘諗唔到食咩，就去呢間啦印尼餐廳度食，之前食過覺得好好食，亦都抵食，上次食已經係兩、三年前，所以就再來食多次回味下。叫左兩個飯、麪，一個菜，同埋一杯飲品。印尼黃錦飯（$68）-一睇都覺得好豐富，有巴東牛肉、燒雞，同埋好多配菜，仲有黃飯，食落好滿足，加左少少辣椒醬，仲惹味。印尼炒貴刁（$68）-炒得好香，好夠味，中間仲有啲蝦，同埋一條條嘅以為係蔥，但係原來係菜心切成咁嘅，好得意，都係加少少少少辣椒醬，仲惹味。加多加多（$55）-裏面有好多種菜，同埋有薯仔，醬汁好沙嗲，好好食，蝦片就淋左少少，美中不足。珍多冰（$30）-椰汁味好香，都唔錯。食完覺得好滿足，好開心，期待下次再來食，試下其他菜色。

店子內份外清涼寧宓，隔著古木玻璃門窗外的街上熙來攘往，看得良久，您那熟悉的臉猪兒以後不再會出現喇!! 視線竟然變得模糊了….。忽然有食客推門，仲夏午的熱氣和塵暉就一股兒闖進來， 停頓的時空被吹動了一下， 拍着我的額頭 : “喂，醒下啦，何苦讓莫名的哀愁困住了自己”。抖擻情緒，便即點了一客闊別了25年的”十五夜”。 〈分段〉您曾挑起我舊店重訪的雅興，重訪卻挑起我莫名的惦念與歉疚。 何以每分每秒都放不下?〈分段〉 “十五夜”的焦點就在那香甜深厚的椰漿咖哩醬汁，一块一块浸泡在其中的粽飯，娘惹風豆角再添層次，而巴東牛肉，咖哩雞，半隻炸雞蛋，並如那一顆青葱的番茜極其量是聲色味的配角。大體上各項元素都恰如其分，唯有粽飯就失色了，粽飯沒有粽葉味，估計是用竹筒或者模具代替粽葉，而且煮得有點綿濕。 〈分段〉最近吃飯總在發怔，視線空洞沒有焦距，此刻街上人車雜音都一律化成白色訊噪。您的音容氣息無時無刻縈繞在思緒中，日復日，揮不去!! 想到以後不能再抱著您，感覺原來是那麼幽怨和難堪的。方驚覺自己原來可以這麼感性，之前那個鐵石做的心軟化了，領會了愛但同時領會了痛，看到自己的自私之後就要背著沉重的歉疚和漫長的思憶

好運印尼餐廳 (觀塘)觀塘通明街46號地舖梭多雞絲米粉材料有炸雞蛋，雞肉絲，芽菜，椰菜絲，香蒜超多碎濕濕既材料 口感豐富份量適中 女生胃岩岩好黃薑雜錦飯（少辣）炸雞蛋，炸雞，炸魚仔花生，巴東牛肉，豆卜豆角，榨菜黃姜飯椰香味炸雞件比較鞋嘅雞胸巴東牛肉都好濃好入味評分：7/10

一直都知有呢間老牌印尼餐廳喺觀塘，但從來未試過直到朋友講起話試過呢間餐廳仲對佢條魚念念不忘 🐟(佢真係讚到天上有 地下無）🤣咁啱又想係觀塘食個便飯，真係唔試唔得啦～.作為一間拎咗三年米芝蓮嘅餐廳，人流唔算好多裝潢仍然保留80年代嘅氣息老闆伙記好friendly價錢仲極之親民😛 如果喺觀塘，想平平地食個飯，真係一個唔錯嘅選擇👍🏻.🔸加多加多$55即係印尼菜入面嘅沙律有豆腐卜 恰蛋上面仲有脆卜卜嘅印尼蝦片上面淋咗花生醬做主調嘅汁 甜甜地 幾開胃份量2人食剛好.🔸蕉葉燒魚 $83用蕉葉包住大量香料 辣椒片來燒 一分開點魚肉 有好香嘅辣味 但魚比較乾身 如果配白粥 一流同行嘅朋友 一邊食 一邊辣到標哂眼水但仍然繼續食😂.🔸印尼黃錦飯 $68相比魚 我覺得黃錦飯更好食調味 色澤 加少少香辣就算我平日唔中意食米飯都添咗飯.🔸沙爹串燒 （雞/牛/豬）$80/半打第一輪食熱辣辣 覺得幾嫩滑沙爹醬非常濃稠 惹味得來偏甜嘅 有啲似加多加多嘅醬但Encore 那輪唔夠熱 就覺得爭d

印尼黃錦飯（$68）：好多唔同嘅配料，巴東牛肉有少少韌，雞有少少乾，但整體味道都唔錯。印尼炒貴刁（$68）：炒得一啲都唔油，味道都幾好。食物分量都唔少，食完好滿足。而且員工好親切，有人情味🙂

人的認知和記憶並非恆常不變, 它們會被發生的事和經歷所改變, 一些以為理所當然的事其實又並非如此的理所當然, 當事情的發生和本身的認知與記憶有所衝突, 恐懼和不安因而產生. 好運峐立在觀塘的時間應該和我差不多, 也是我品嚐的第一家印尼餐廳, 小時對其回憶產生了我對印尼菜的認知, 無論經歷過甚麼事, 這裡的炒貴刁味道依舊不變, 蛋絲, 蝦仁和豬肉配上快炒的河粉, 鑊氣依然, 加上後勁強橫的辣椒醬, 在這世道是我人心的一個小小的竭腳亭.

印尼菜食了這麼多年，由銅鑼灣到尖沙咀。今天特地去午餐一試，味道普通，價格太高，不包飲料 $63 + $30。平民美食，尖沙咀價格，我會選擇其他或泰國菜更好。最好還是配料辣椒醬！

觀塘社區，面目全非。友人跟我說往APM那裡吃飯一聚，但他嫌那裡太吵太擠。我說不如到舊區吧，舊區？不是已全拆掉嗎？熟悉的道路，但周邊已變得十分陌生，昔日的麥當勞，匯豐呢，已換來是一個大型的市建局所樓盤。轉左入長街，再右轉沿通明街上斜，左邊的茶餐廳都要拆掉重建，只剩下老人院和它。一間經營了最少超過三十年的地方。點的是印尼菜，隨口已點了三道菜式，黃錦飯，加多加多，粟米餅，還有炒貴刁。友人看見餐牌全部是中文字及印尼語，沒有食物的圖片，不明白為何我可以飛快的說出來，皆因，就是好吃難忘。加多加多蝦片自家製，十分脆口，依然如昔，內有青瓜混上沙律，辣味適中，又香，菜又清新，水份高，但沙爹又刺激味蕾，十分醒胃。黃錦飯是這裡的得意之作，薑砌得十分細緻，金黃，吃下，一粒粒層次分明。混上花生，小魚，酸菜，青瓜，全碟都十分配合，再加半隻蛋，全部一起吃十分相襯，不落俗套。串燒有羊，牛，豬的。中規中矩，沙爹汁有點冷，肉汁算鎖得住，還可以。炸粟米餅亦一如昔，出色。厚薄均勻，炸出來金黃又香，吃下去又熱又脆，又煙靭。好吃非常，依然保持昔日的味道水準，難得。炒貴刁鑊氣夠，熱騰騰，碟沒有油剩下來，乾濕處理剛剛好，酸辣兩配得宜