好呷台灣火鍋

營業中

休息中

想食打邊爐， 有朋友介紹此火鍋， 話食過唔差。 點知超級中伏。係我要求高， 又或嫌尖。入去見環境唔差， 以為ok.點知2人又夾2人坐， 好像茶餐廳咁， 左邊2位又講野勁大聲， 好嘈。 ＜完全唔理其他食客感受， 我們唔想聽佢地2位發噏風， 耳朵好嘈＞叫左養生鍋湯底， 湯勁咸， 有菇， 但唔知點為之養生。 1＞花膠好腥， 腥到食唔到， 想嘔。2＞丸質素又差，又實又硬又冇味， 差過自己去街市買丸3＞炸物又好一般以下，求其炸d野放出面。食完半粒至一粒都唔想再食。4＞二維碼叫之牛肉， 羊肉， 豬肉質素普通以下。5＞ 熱飲之紅棗水，得色， 冇味， 飲2啖都飲唔出係咩？！ 飲 唔落6＞ 鮮牛肉切到一pat 咁，又厚又連住晒， 成串鎖匙咁， 滑嘟嘟又好像好槳咁。 完全沒有食物可以番叫。 食完一次以後唔會再來。$250／位。。。。唉！唔會再食。

第二年喺度食開年飯，貪佢有開，嘢食選擇多，又唔使加二加三，細佬仲有member有折。因為鍾意食牛，所以揀咗最貴嘅「厝內人・吃台北」，可以任食澳洲M5和牛。佢啲冷盤涼菜好啱我口味，少少辣好惹味。個鮑魚撈起唔知係包埋定另外嗌，因為細佬落單所以唔清楚。鍾意食三星蔥貢丸，點知嗌咗3轉，有2轉都嚟咗薑蓉貢丸，鹹到癲……佢啲手切封門柳冇平時喺其他舖頭食嗰啲牛味咁濃，跟餐送「輕奢華盛盤」嗰啲牛肉油脂夠又嫩，但任食嘅牛質素亦唔太差。

一行八人，包括一個小朋友去打邊爐。叫咗個三號餐，晚市120分鐘，成人$308，小朋友$238，一如其他任食火鍋、放題，小朋友過90就收小童價，我哋呢個小朋友1米高，自然要收費。湯底叫咗椰子雞煲，總括嚟講就係平淡，冇特色可言，牛肉，叫咗麻辣嫩牛肉、牛小排同封門柳，唔對辦，放舊唔知邊樣牛落去，淥咗十分鐘都仲係粉紅色，好難理解係咩狀態，見到咁，大家已經冇咩心機食落去。櫻花蝦墨魚滑，食落去有陣鹹魚味，個個都即刻吐番出嚟，美女廚房評判上身咁，大佬呀，唔係一味搞啲新意思就叫做好架。白蜆，淥完之後有三分之一唔開口都唔會覺得意外。最好味係M字牌雪糕，完。

依家好多任食既時段都係得90分鐘，咁岩朋友見到呢間有120分鐘，都可以接受就去試下。當日可能算早，一行4人，7點walk in去唔洗等即有位。揀左level 2,無加$30要多個甜品同雪糕。不過同行有一位想加錢飲啤酒，都可以淨係比佢一位加，唔洗全枱加，抵讚。個人覺得邊爐料都係一般個d，牛肉就keep住黎咁多次都好靚。反而台式小食同涼拌，多款及非常岩食，比邊爐料出色好多。飲品有珍珠奶茶我都好鐘意，其他都係一般任食邊爐有既飲品。如果可以食180分鐘就好了。

套餐擇左*探部落。吃台東*💟好呷麻辣鴨血藥膳鍋譚仔4小嘅辣度，藥膳+麻辣湯底味道幾正，係好味嘅湯底，但唔係台灣嘅味道，鴨血凍豆腐放落去都好味。💟穀飼牛 💟封門柳 💟嫩牛肉嫩牛肉最好味，可能辣鍋，厚身肉啲麻辣味入到肉仲正。封門柳都好嫩，唔錯。外面有自選蔬菜、調味汁、熟食同飲品💟珍珠奶茶 💟鹽水雞 💟鹽酥雞 💟鹵牛肚 💟炸地瓜飲品視乎當日有咩，珍奶好飲，值$30 一杯嘅味道；鹽水雞可以自己撈；鹵牛肚勁勁入味，必試。其他全部野都唔錯，無伏。

成日經過朗豪坊都見到呢間台式火鍋排晒隊三同四號餐就包埋甜品除咗任食火鍋料最想食就係台灣小食鴛鴦湯底可以自己揀清甜椰子雞湯好似比較清唯一無咁好就係加湯係自己加清湯所以一開始揀湯底要揀個濃味啲如果唔係就會愈嚟愈淡火鍋料就一般正常啦主要係台灣小食幾好味台灣豬肉腸真係好好食不停refill上菜速度都非常快最搞笑係有啲配料係遂件上無睇清楚嚟到得一件真係笑死甜品牛乳好好味仲有紅豆湯仲有手搖冷泡茶等免費飲品最後仲有Movenpick雪糕結尾整體來說都唔錯幾有台灣風味

旺角行完街8:30pm，唔想諗，最後去咗朗豪坊揀餐廳食飯。想打邊爐又要係新餐廳，朋友揀咗呢間試吓。門面餐牌都幾好就吸引咗我哋入去。最後等咗15分鐘就有位。我地揀咗A餐， 價錢$278 加 一 ，湯底酸菜白肉鍋。湯底未黎之前，出去行過圈睇吓有咩嘢食。點知一眼睇晒，嘢食同飲品都好少，完全揀唔落手。Scan QR code 叫其他嘢食20秒睇完。 湯底好快黎到，好酸，完全冇味，同正宗台灣酸菜白肉鍋差好遠。食唔夠15分鐘已經唔想食。最後食咗兩碗滷肉飯走人。同樣價錢，出邊大把選擇，嘢食種類仲要多好多。呢度唯一好嘅地方係地方都算好坐。絕對冇下次😞

星期六係朗豪坊嗰邊附近行街，記起之前有YouTuber 介紹過呢間，便上去試吓，睇咗Menu有4款套餐，只係平日？原來假期只是要加$10，入口兩邊有卡位，卻帶我們去最尾一個轉角位一張半卡位（一邊沙發、一邊拉櫈），隔離仲係部大風機，大風機後面係入廚房走廊，我哋入去時見都唔算多人，都未坐滿晒，坐入面，有啲熱，我哋出聲想坐卡位，職員都肯安排我哋改坐出面，喺門口第二個卡位，有冷氣，好好多。我哋2個人叫了（$308)D.成人午市100mins 厝內人，店舖自助落單。老公order，我出去裝醬汁，口渴先拿冷泡茶，我照舊蒜茸+辣椒+ 香菜+醋，佢蒜茸+辣椒+ 醬油。另一邊仲有個雪櫃係放汽水，太肥冇飲，冷泡茶都有幾隻，有玄米茶、茉莉茶。先上個送嘅食品，係個鳥籠裝飾，鮑魚、蝦、水蓮，不過只係一次，質素不錯！水蓮，好幼嫩，只係送的，出去自助區拿是沒有的。我哋叫了椰子雞湯，很濃味，煲好耐，飲一啖，太燙，仍好甜！佢個爐好低，之前睇YouTuber介紹爐好低，冇咁容易有好多煙，影相方便，但個爐好低，凹咗落去變咗唔係平時打邊爐嗰啲響個爐上邊，高咗，又深又大，所以跌咗落去就好難撈返嘢食！小吃唔係好啱，淨係食咗牛肚咸

呢間台式火鍋係人氣店，平時好多人等位。午餐早到唔使等位，非常好。我哋叫咗$98一位60分鐘限量火鍋，佢嘅台式熟食係自助放題形式，種類非常多，仲有好多台式飲品，包括珍珠奶茶都係任飲，所以午餐淨係熟食都夠做。餐廳都好乾淨，食物分類做得好好，例如有一邊係專放菜同丸，另一邊係專訪台式熟食同飲品。全部嘅種類都好多，好難一次過講晒。湯底只有兩款係唔使加錢，我哋叫咗酸菜腩肉，幾開胃。另外佢限量嘅肉質素都非常好。不過都係嗰句，食佢啲台式熟食已經好滿足，甚至令到我食唔曬啲肉😂例如有台灣香腸、鹽酥雞、炸豆腐，仲有好多好多。

今日屋企人生日想打邊爐就呢度試試個放題叫咗個麻吉遊。吃台南 $308湯底叫咗酸菜白肉鍋+清甜椰子雞鍋+$50呢兩個湯底可以係話非常出色酸菜白肉鍋係佢招牌湯底之一鍋底有大量酸菜同五花肉片(無限加)味道較酸 好開胃而且個味道同台灣係有9成相似超級推薦一試清甜椰子雞鍋湯底超濃郁嘅椰子香 味道較香甜自助小食bar會放喺熱櫃保溫有炸物 涼拌 魯肉飯 魚皮 爆谷等等較推薦芋泥蕃薯波唔推薦 涼拌-太鹹 爆谷-味道有啲怪蔬菜丸類自助bar丸類種類繁多 有啲都幾特別 e.g.甜不辣/墨魚腸蔬菜類 只能講瓜類同菇類比較多菜葉類得幾款 仲要係最常見果啲娃娃菜 生菜 大白菜飲品有頗多台灣嘅飲品 好似沙士 麥仔茶等仲有冷泡茶同限定嘅台式飲品 (珍珠奶茶,檸檬愛玉)台式飲品唔係即叫即整 係放雪櫃自己攞呢兩杯係甜水嚟 冇任何茶味啲珍珠仲要雪到硬曬 少可惜肉類海鮮類推薦牛小排 封門柳 醉雞 鯛魚片 鵝腸但肉類切得太薄 一夾就爛曬砰曬甜品紅豆湯 料頗多(紅豆 涼粉 芋圓 芋頭)Dreyer’s 雪糕整體嚟講新裝修睇上去幾新但感覺唔太乾淨 個地笠笠地另外想講就係冷氣唔夠愈食愈熱而且就$350佢肉嘅質素 菜嘅種類 小食飲品

【台式風味火鍋·自家小食手搖飲品🔥🤪】/////上星期開始涼涼地秋風起 同一班籃球隊友去左打binno🤤特别多謝有gold member嘅隊長 可以快速拎飛一齊入去醫肚仔(˶‾᷄ ⁻̫ ‾᷅˵)環境乾淨闊落 可以瘋狂食熟食炸物 肉類 小店自家制飲品同甜品👏🏻.👉🏻麻吉遊·吃台南套餐 ($298 六/紅日+$10)揀咗清甜椰子雞同麻辣鴨血藥膳湯底 椰子味唔算重 但真係好清甜🤓藥膳鍋屬於小辣至中辣 麻度較重 配肉類建議椰子雞湯更突出肉原本嘅鮮味!!自己拎嘅熟食小食有地瓜球、芝士捲、鹽水雞、台灣腸等 款式非常多🥰地瓜球微甜帶點紫薯味 腸仔烤得香唔會太油膩 而自家飲品有冷泡茶 香芋珍珠奶茶等 白桃烏龍茶味濃 白桃味可以再重啲 珍珠煙韌 香芋味重甜度偏高肉類有牛小排 封門柳以及羊肉 牛肉肉質一般 羊肉羶味香濃 海鮮入面嘅八爪魚仔淥前後個賣相都好可愛🤣味道新鮮有咬口～甜品有芋圓、愛玉同雪糕 愛玉加上檸檬 酸甜有助解膩 ———-📍好呷台灣火鍋 (旺角)旺角亞皆老街8號朗豪坊7樓17-20號舖

行開朗豪坊，諗住時間尚早就過嚟食個台式火鍋🤤點知五點幾等到差唔多九點先有得食，可能我真係食得少牛角，後期知道餐廳原來係招待金會員優先用餐😂 早啲知根本唔會揀呢間，因為8張枱都等咁耐🙁揀咗鴛鴦鍋湯底，但湯底唔算好辣，另外加嘅醬汁亦都比較一般🥲炸物嚟講都暖暖地，但唔算係好好食😂牛肉質素都還好，質素同其他餐廳都差唔多啲杯應該係芋香珍奶，色素嚟講都好足夠，但係真係冇味🥲環境嚟講都坐得闊落，但餐廳地下痴笠笠，食物質素較為普通，如果要等咁耐，旺角仲有好多其他嘅選擇🫶🏻

我都真係好鐘意打邊爐今次試下尋回台灣的味道中午食lunch 100分鐘價錢唔算太貴揀左自己鐘意既肉款套餐後，就可入座大部份都係卡位，坐得好舒服之後就可去睇下有咩食佢熟食區好多野揀有冷盤區又有炸物區，仲有我而愛既台灣腸仲有滷水野同埋爆谷，選擇真係好多 調味料區都有好多醬你溝打邊爐自選區既配菜都有好多野揀丸類腸仔類都有好多選擇仲有魚皮呀、面類呀個啲飲品就除左好多罐裝飲品外仲有每日不同款既台灣手搖飲品，好似珍珠奶茶之類，同埋仲有4款冷泡茶不過100分鐘後職員會提示你坐，想坐多陣就唔洗諗啦不過整體食物都ok既

之前見咁多人排隊所以試吓 點知非常失望 🫤揀左個類似藥膳杞子湯底 味道一般都算 係頭果大約10分鐘內 滾啲牛都會由紅轉(淺?!)啡色之後放哂啲牛肉同其他食物落去 起碼滾左20分鐘 啲肉滾極都係偏紅色 之後我好奇諗咁係正常?!! 就問個類似經理既人解釋話牛肉有肌紅蛋白(呢個我知吖但唔會滾咁耐都紅到咁掛)同埋湯底既酸鹼值影響?_? 但其實藥膳湯底又唔係得佢一間有 過程中我地已經不停加湯 稀釋咗佢個湯底 同埋食呢類一鑊熟煮法既野啲牛都可以仲咁紅😅有啲奇怪食其他集團 揀最平個餐 都唔見有呢個情況🤔之後又話轉另一個湯比我地 我地揀左雜菌湯底一滾起個湯就出現勁多油脂(?)我會撇走既野😂 跟住放牛落去睇吓有冇改善 啲肉又係滾到半啡半紅 經過今次同埋整體食物真係好麻麻 係樣野係特別好食 啲牛係又細 好碎濕濕 個嫩牛肉放落去 滾左勁耐都仲係黐埋一舊真係唔知佢個湯底有咩酸鹼值咁影響了-_-不建議幫襯😵‍💫😵‍💫

Weekday一試好呷火鍋，好早來到都無乜點等👆👆配菜都好多選擇🖖🏻 另外set就depend on你揀既levels 睇下有咩肉食👆調味料區叫咗個麻辣藥饍鴨血湯底，都幾好食除咗罐裝既飲品，仲有呢啲有搖既珍珠奶茶🧋、冬瓜愛玉等等另外都order熱飲，有薑母茶、洛神花茶等等其實嘢飲選擇都叫好多👍👍跟set先送咗滑牛同高麗菜餃子🥟，有得encore~ 滑牛好味過肥牛😸仲有小食bar~ 好多台灣炸物同滷水揀炸物好好食👍 唔錯