壽司郎

營業中

休息中

只要你12:00點前到，快過學生入坐，就可以唔洗排隊直入去！⭐️松葉蟹軍艦濃郁細緻蟹醬，蟹柳絲提升口質感，配上米飯，咸香剛剛好！⭐️特選大吞拿魚腩比較失望，無之前咁肥美！似中吞拿魚片！⭐️三文魚牛油果卷爽脆青瓜，鮮味三文魚腩，就是牛油果醬太少了！⭐️珍寶魷魚天婦羅外皮香脆，魷魚口感軟糯，份量十足，是正常壽司的三倍，好飽肚！⭐️醬烤鰈魚鰭邊最喜愛的壽司之一，魚邊被輕輕燒過，令油脂更為突出，配上半片紫蘇葉，香氣十足！👍🏻⭐️牛舌壽司真是無特別，可以不點🥲⭐️日本產番薯天婦羅見到秋季限定當然要試一試，炸得外脆內軟，香甜的番薯入口非常粉嫩，香氣撲鼻，可試！⭐️朱古力香莓芭菲最後當要要食返甜品做結尾！雪糕奶香味十足，紅莓酸甜可口，凍得格格脆口，朱古力布朗尼香濃，是少女的口味！⭐️焦糖果仁蛋糕特飲是半溶沙冰🍧配焦糖，蛋糕粒吸水過腍，有些失望！

食壽司郎嘅決心就係睇下想唔想永無止境排隊，發覺有一間係唔使排咁耐隊的分店，可以係沙田站行去大約15-20分鐘路程，天橘駁天橋，落雨都唔怕，當晚係平日，等了大約15min就可以入座，好開心啊!!!用餐時間係60min 其實都足夠有餘，入座後先睇下TOP 推介 & 期間限定，壽司都落得快黎得快，口感&質量好過酒店級數，更加唔使與其他壽司店比較，係冇得比較。讚下個茶碗蒸，非常滑嫩&夠味，海鮮材料亦多元化，奈何太多種類，都想試下其他款式，最後甜品係奶茶味卡達拉娜 & 抹茶紅豆芭非。服務員效率快，有事㩒鐘仔好快就應，有禮貌，讚讚讚!!!

試試被壽司耽誤的甜品新店 最近壽司郎開咗好多分店 質素好似有少少直線下滑 今次試試沙田新店 簡單記錄一下.呢次主要試試甜品同埋期間限定食品⭐️奶茶味卡達拉娜$22😋呢件甜品好好食 表面焦糖幾脆甜品都幾實淨 食落口感creamy奶茶味唔重 算係重甜甜品⭐️焦糖布丁🤬👎🏻搖佢完全唔識震 食落口感死死實實 伏求其便利店買都好過佢⭐️北海道產赤肉蜜瓜$29😋好食夠甜 但呢排雷電蜜瓜當做如果大食 建議直接去果欄買4頭 一個都係$140⭐️焙茶瑞士卷$22都算大件 軟綿綿 茶味唔算重 ok啦.⭐️長鰭腩肉配蔥花吞拿魚$12👍🏻足料 吞拿魚厚切 表面大量吞拿魚蓉 可以試.以下3件 壽司飯都做得幾差 一夾起已經半散⭐️蝦三味$17$17 3件 幾抵食 隻蝦質素唔錯 ⭐️香蔥赤蝦$12表面香蔥加埋醬汁 勁香口 呢件好食⭐️壽喜燒牛排$12🤔個名叫牛扒 其實只係肥牛feel🤔成件壽司好鬆散 食牛丼飯 仲開心唔係唔好食 係少少奇怪.如果再開多d分店 質素就黎追上爭鮮.#hkfunfoodrecord窮遊香港#hkfunfoodrecord_沙田.#壽司郎 (沙田)地址：沙田德厚街3號禾輋邨禾輋廣場2樓227號舖.⭐️評分：

一知道話壽司郎揀系香港"中心"(地理上)既鄰里開，系i中返學既我就等到頸到長，終於畢業嗰陣佢就開幕啦總算可以朝聖。雖說尚算新屎坑一個月，但貴為"宇宙最強"，想食請先做排隊黨既壽司郎黎講，3/40分鐘根本係驚大於喜，可能同老牌屋村飲食習慣有關--等位時稍統計過，竟然有五間日本料理，壽司都有三檔（兩間迴轉），仲要同X心旗下元X同層附近打對台，不過現場所見戰況元X似乎體無完膚；亦可能區內知名度不足。要由扮街坊既小弟紹介恥左啲……可能唔少人以為禾輋係個冇鐵到既地方（連openrice都冇教），但其實由火炭站A出口發，都只係需10分鐘路程，轉右沿單車徑直行同路軌平行，經過三條下通道（第二條有樓梯就係去i中），係幼稚園右邊入村，右邊停車場隔離有樓梯上平台，沿有蓋直行就係商場（入門口轉左直行轉右前面左邊就系）。至於食評，連鎖黎講都係一貫水準，大家熟過我啦，完。

開頭仲諗住同屋企人好開心咁走來禾輋邨剛剛新開的壽司郎，點知出晒事，啲老人家第一次嚟食壽司郎覺得攞嘢好唔方便太高，又冇服務，啲豉油冇晒都冇人同我過嚟換，同埋啲嘢難食到想🤮 啲魚生腥哼哼硬骨骨，唔知以為放咗幾日🤢服務又差，衛生極差，送來啲嘢食全部冇冚蓋，仲要一大條軌道，左右都係枱，已經見有人咳🤫啲嘢食已經中晒🍌了🥶開頭都睇過沙田群組壽司郎評價係唔好，始終屋企人未食過都想來試一試，不過真係唔會再有下一次，食開元x起碼好食好多😑

近日開始四週年祭，翻出同新出左唔少餐點，就黎試幾款。之前未黎過禾輋分店，閒日11點黎到唔駛等位，個場都有少少空虛。首推甜品白桃芭菲（$32），雖然顏色單調，但白桃雪葩和白桃都好好食另外試左吞拿魚腩長鯺吞拿魚壽司（$12），其實即係葱花魚腩和普通長鯺吞拿魚的結合版，味道一般，但非常易冧⋯⋯⋯ 未食之前已冧左三次，令人覺得食落有少少麻煩其他壽司和天婦羅同其他分店差唔多，唯一係此分店刀功不太好，如左下角的吞拿魚壽司：中間會分開，不知係咪師傅特殊擺法，另人摸不著頭腦！

食物質素okay,，但系統有問題，不斷漏單，明明壽司無到，會顯示到左。雖然最後係會數翻碟數，但見佢明明未黎又顯示有出，唔敢再order，驚會double order。同店員講左，最後都係無黎到。其他壽司郎都無呢個問題，系統有待改進。而壽司師傅既刀工就…. 有好大進步空間。有d魚生都真係切得幾醜樣，亦影響口感。額外提出，希望每張枱可以Wi-Fi password，差唔多每間壽司郎不幸安排坐得入，就上唔到網。

壽司款式多，刺身壽司新鮮，價錢大眾化😊不過要食要預咗等個半鐘先有位😊由於係新店開張，所以環境衛生乾淨…………….我地三人點咗40碟，好飽好滿足，下次一定再來😊