地茂館甜品

營業中

休息中

上次已經食過地茂館嘅甜品，今次同朋友們去開九龍城，就試吓本店啦😋其實上次係覺得味道一般，不過因為好多人讚嘅關係，所以都想試吓本店會唔會同其他分店唔同🤣🤣🤣我哋四個人都係叫咗小丸子 分別係紫米露小丸子💜芒果仙草小丸子🤍芒西小丸子同埋芒果紫米露小丸子🤣我覺得味道都係同屯門店差唔多 係好味嘅，不過如果要排隊就唔會食嗰種🤣🤣🤣我哋晏晝去都好多人證明呢間甜品店真係好受歡迎😝😝🙌🏻🙌🏻🙌🏻

自己一直都係佳佳甜品芝麻糊嘅擁躉，好想睇下會唔會有其他甜品舖都有咁好質素嘅芝麻糊，所以今次就試咗地茂館，但係我自己認為都係佳佳嘅芝麻糊比較出色。呢度嘅芝麻糊味道未去到好香濃，但係磨得又滑嘅，不過最令我覺得做得唔夠好嘅地方，就係佢非常之杰撻撻，質地好似漿糊咁，所以食落口嘅時候好唔順，同埋因為佢太杰，食完一碗之後好似食咗一碗飯咁，有好滯嘅感覺，食落去嘅味道同埋質感冇佢個樣咁好。試過今次之後，如果我下次要食芝麻糊，我都會返去佳佳

細個在九龍城地段返學，只係食過一次地茂館既糖水。相隔n年，重臨舊地，人事全非，但地茂館繼續屹立九龍城，可想而知佢幾老字號和功力😄 是日復活節假期第2天，下午茶時段都有一定數量的食客，剛剛來到有卡座，同男友坐低抖一抖再嘆糖水。心無懸念地揀signature, 招牌蛋白杏仁茶 - $36，好夠熱所以好燙口，內裡有成隻蛋白，杏仁茶夠滑冇渣，唔算好甜，味道剛剛好😍生磨合桃糊 - $27。店員端上一碗剛滿瀉的糖水😳好滑，冇粉漿或一粒粒，口感好豐富，不是水狀糖水，而且甜度啱啱好，但在比較下，合桃糊冇咁熱，有少少失色，但我覺得都可以呀😇試過什麼是好食糖水，之後再試其他店舖的，肯定有種比下去的感覺🤷🏻‍♀️ 或者再食，我會再重臨地茂館啦😆店員有禮，整體感覺幾良好。當我地食完後要離開，店舖已經全是食客，而且要開始等位。我地算lucky 啦☺️

九龍城真係唔愁無野食，仲要有咁高質嘅傳統糖水！真係食完想encore第二碗。無論係傳統糖水，定新式嘅芒果系列甜品都有，非常多選擇，簡直選擇困難症發作。[]既然叫得招牌，不如就試呢個啦。本來戰戰兢兢，因為杏仁茶好容易有伏，點知呢個係我食過最好食最難忘嘅杏仁茶。真係要試，杏仁茶嘅香味撲鼻，質地啱啱好，唔會好似芝麻糊嗰隻杰身，又唔會太水，啖啖都有蛋白，增加濃稠度！勁足料，好多蛋白，當然拌勻得均勻d會更好😆$36值得！重點係食到底都仲係熱辣辣，最後一啖都仲有蛋白！

✨芒果紫米露小丸子芒果夠新鮮夠甜👍小丸子好有咬口😋 甜度適中❤️一碗簡直唔夠喉！​✨椰汁紫米露夠傳統👍椰汁味幾香濃，唔太甜🥰​✨芒果班戟兩大舊班戟，好大舊芒果啖啖肉👍仲好鮮甜 班戟皮勁薄好好食😋​味道👅👅👅👅抵食🤑🤑🤑🤑環璄⭐️⭐️⭐️服務👍🏻👍🏻👍🏻👍🏻番兜🍉🍉🍉🍉(最高分x5）​

價錢平又好食嘅傳統店😋細細碗食完泰國野可以食埋甜品 本身好飽 唸住淨係嗌兩樣野食 但都係忍唔住🤭我哋晏晝去唔使等本身唔唸住嗌杏仁茶 點知最後大家都鍾意🤣值得一試！(熱）紫米杏仁茶小丸子$31推推⭕️估唔到呢個咁好食！熱嘅小丸子更加軟綿好夾杏仁茶同紫米！！同紫米融為一體杏仁茶平時唔飲開嘅都可以接受呢個一定會encore！芒果紫米露小丸子$32推淡淡芒果香 不過紫米唔夠多！小丸子煙韌得嚟唔會好難咬細細碗好快KO擂沙湯圓$25/7粒推外面軟糯有花生粒裏面芝麻餡一口一粒

同屋企人食完飯去左食糖水，上網見到呢間口碑唔錯，仲有好多港式糖水食，就黎試下，都幾多人，要排一陣先入得，而且座位都幾學習，好多人快快食完就走，我地都係，費事要街外邊嘅客人等咁耐啦。芝麻糊非常濃郁，陣陣芝麻香撲鼻，而且入口好軟滑，屋企人讚不絕口。糖不甩Q 彈冇餡湯圓，外面痴滿花生糖芝麻，我仔好鐘意食，勁快就清左碟。腐竹白果薏米我嗌左凍既，白果薏米口感好煙韌，加埋糖水好清甜，又可以清下熱氣。椰汁馬豆糕紫米糕係唔算太甜，有清新嘅豆香米香，口感唔錯。紫米露我老公叫既，佢話好食，紫米煮到岩岩好。要喺九龍城搵甜品，相信有好多間，呢間的確味道唔錯，可以有下次。

星期二同細女去九龍城補習，放學後經過一間好有特色的糖水舖，梗係要一齊入去試下啦～裝修好懷舊，好似返去七八十年代的茶樓一樣，好特別的體驗～我叫左一碗招牌蛋白杏仁茶，女女就叫芒西小丸子好快就有得食，女已經急不及待第一啖就話好好味哈哈哈⋯⋯杏仁茶蛋白唔太甜，最適合女士，未入口已經聞到好香的杏仁味，蛋白好滑非常正😄女的芒果好新鮮好甜，份量十足，如果夏天吃就更加一級棒下次都想試下招牌糖不甩，芝麻糊核桃糊等等

今日同朋友食完dinner想食糖水，就諗起呢間bookmark咗好耐嘅糖水舖。之前見到好多朋友食完都大讚，今日特登揸車嚟朝聖😝當晚8點幾左右去到，店舖都坐滿人，我地叫外賣，外賣好快就整好唔洗等好耐👍🏽 我地叫咗 芒果仙草小丸子同 椰汁紫米露。🔸芒果仙草小丸子我好鍾意食仙草，佢啲仙草好滑，芒果超甜，小丸子好煙韌，全部都好好食😋🔸椰汁紫米露椰汁味都重，所以糖水都好香同好滑。下次會想試埋其他糖水，真心不錯嘅一間糖水舖👍🏽👍🏽

難得嚟九龍城一定要揾糖水食🤓 地茂館甜品都可以話係九龍城中式糖水舖嘅始祖，因為佢屹立咗係九龍城都有30幾年，佢以生磨炮製的杏仁茶、芝麻糊同手包爆餡湯圓都好出名。不過我今次都係無食傳統，食佢嗰芒果系列🥭芒果涼粉小丸子 $32 & 芒果紫米露小丸子 $32 - 佢啲小丸子煙煙韌韌好正🥲 足料😋 不過涼粉同紫米露都多咗啲，少返啲嗰比例會更加好🤭 不過我一定會再幫襯🤭 同埋見佢啲小丸子咁好食，下次會叫湯圓類嘅🤓 我已經鎖定左軟滑糖不甩🤭

This dessert restaurant was recommended by one of my local friends. He said their mochi balls were soft while chewy, which were really one of the best in town!However I think it’s just above average, price was okay yet the mochi balls were not rich in rice flavour. Usually need to queue at night.

入九龍城其中一個目的一定係去食芒果甜品🤣🤣咁多間分店中九龍城真係最好食😋而芒果甜品真係世一😊每一次食芒果都係好甜冇一次係酸嘅🤪而豆腐花同小丸子都係超正😆一定要試吓！

元宵節，是農曆新年過後第一個「月圓」的日子食完飯 同女朋友揸車🚘去左九龍城食糖水應下節🍡我哋叫咗三樣嘢「糖不甩」、「薑湯芝麻湯圓」、「芒果仙草小丸子」都係圓轆轆，象徵「花好月圓、闔家慶團圓」團圓&圓滿。「糖不甩」粒粒分明，有亮澤「薑湯芝麻湯圓」薑湯薑味唔重，唔會好辣，男女老少都適合湯圓做得好靚「芒果仙草小丸子」西式甜品都唔輸蝕，仙草好滑下次去九龍城都會再食「地茂館」真心要支持下保持到水準嘅老字號！

今日去九龍城食夜晚早左到就去左老茂館食個甜品因為近晚飯時間 人唔算多唔使等位就即刻入得入面環境乾淨同闊落好坐-我地叫左3款.合桃杏仁茶 $28分數 : 9/10合桃同杏仁都係生磨因為佢甜度啱啱好所以食落香而不膩.合桃露加薏米白果 $33分數 : 9/10出面好多合桃露都過杰身但佢唔會 好香滑順口值得一讚嘅係薏米白果份量足 又煮得好綿紅豆馬豆糕 $6分數 : 8/10個糕唔會太甜少少椰汁香 豆都煮得夠淋再多啲豆會更好-地茂館整體嘅甜品都好好價錢平 質素高無論舊式定新式都有絕對係去九龍城必食之一👍🏻

九龍城熟悉甜甜嘅味道🍧地茂館甜品@teimoukoon 【寧可棄正餐，不可棄甜食】今次要介紹嘅係九龍城街坊必定去過嘅地茂館甜品😋同時亦都有好多非街坊專門嚟九龍城食👍🏻成日都排長龍㗎！所以我基本上都買係外賣返屋企食算😙因為次次拎到返屋企都仲係出煙咁熱㗎♨️晚市時間🍽人均：$30🕰時間：8-9pm開始會有人龍排隊，上甜品速度快，因此等候時間15分鐘左右❤️🥣桃膠蛋白杏仁茶 （熱）$38大推👍🏻上次食招牌蛋白杏仁茶，桃膠其實都係多$2，但原來都真係好正！我最鍾意佢雖然係糖水，但唔會太甜，有種食甜嘢冇咗邪惡嘅感覺🫢🥣香滑芝麻糊 （熱） $26推薦熱食，芝麻味勁！濃！個糊真心一啲都唔水唔流。比較坊間嗰啲又淡又水，依個係我唯一會食嘅芝麻糊😊🥭芒果仙草小丸子 （凍）$32平時好少食芒果甜品，因為成日覺得出面啲芒果甜都係糖醬嘅甜。但依個真係我完全接受到嘅天然甜感覺👍🏻爽甜！Bible rating: 8.5/10📍地址：地茂館甜品 九龍城福佬村道47號地舖